Sali Berisha: Ja faktet pse arrestimi im është i padrejtë e akt kriminal politik i Edi Ramës

[Albo]

Arrestimi politik i Sali Berishës

Dosja e Klubit Partizani një piramidë mashtrimi



Përmbledhje Ekzekutive

Heqja e imunitetit të kryetarit të PD Sali Berisha, vendosja e tij në arrest shtëpie, ndalimi i çdo komunikimi me persona të tjerë, përveç atyre të familjes së ngushtë, si dhe arrestimi i dhëndrit të tij, Prof. Jamarbër Malltezit, ndërkohë që janë veç persona nën hetim, është vendim hakmarrës, terësisht politik, i Edi Ramës. Ky vendim është marrë në dhunim të hapur të kushtetutës së vendit dhe Konventës Europiane të të Drejtave të Njeriut, nga prokurorë, gjykatës dhe parlamenti, të kontrolluar totalisht nga Edi Rama.

Dosja e Klubit Partizani është tërësisht një piramidë mashtrimi politik, e cila, siç provohet nga dokumente zyrtare të renditura në këtë raport, bazohet në kallzimin e rremë të lidershipit socialist, si dhe në shpifjen e fshehjen e qindra dokumentave, dhe manipulime nga prokurorë politike.

Pas tre vitesh hetimesh shterruese, ata nuk kanë gjetur asnjë provë, fakt, dokument, apo ndonjë dëshmi të vetme, që të fajsojnë Sali Berishën dhe Malltezin.

Nga dhjetra zyrtarë të qeverive të djathta dhe të majta që kanë firmosur dokumentat e njohjes, kthimit të pronës dhe parablerjes së objekteve të klubit, të ndërtuara mbi këtë pronë, asnjë nuk është në ndjekje penale, sepse ata kanë zbatuar strikt ligjin. Firma e Berishes nuk ekziston në asnjë vendim, apo dokument të këtyre proceseve dhe gjer sot, ai dhe Malltezi nuk janë pyetur asnjëherë të vetme, sepse kjo do rrëzonte piramidën e mashtrimit të prokurorisë politike të Ramës.

Ndryshimi i destinacionit, nga terren sportiv në zonë urbane, është bërë nga Edi Rama, veçmas nga privatizimi dhe pa kërkesën e pronarëve. Ndërsa privatizimi i ndërtesave të rrënuara të klubit është filluar nga qeveria Nano dhe ka përfunduar nga qeveria Berisha. Ne këtë proces disa qindra pronarë, njëri prej të cilëve edhe Malltezi, morën pronën e tyre të konfiskuar nga komunistët 60 vite me parë. Edi Rama i zhytur në skandale të mëdha, si ai i McGonigal dhe afera korruptive shumëmiliardëshe, për të shpëtuar veten me një mandat të ri, vendosi në arrest shtëpie kundërshtarin e tij politik, kryetarin e PD, Sali Berisha.

Dosja Partizani piramidë mashtrimi politik

1. Heqja e imunitetit dhe vënia në arrest shtëpie e Kryetarit të PD Sali Berisha dhe Prof. Jamarber Malltezit, si persona nën hetim, me urdhër të Edi Ramës është një piramidë mashtrimesh politike e bazuar në kallzim të rremë, në shpifje, dhe fshehje të qindra dokumentave zyrtare.

1.1. Me datë 20 tetor GJKKO njoftoi se, me kerkesë të SPAK, kishte vendosur, pa miratimin e parlamentit, ndalimin e udhëtimit jashtë vendit, si dhe detyrim paraqitjeje në polici, të kryetarit të PD Sali Berisha dhe burgosjen e dhëndrit të tij Prof. Jamarbër Malltezi.

1.2. Këto masa u vendosën pa asnjë bazë ligjore, pa ngritur padi penale, pa dhënë asnjë provë, fakt, apo dokument, por sepse Berisha është nën hetim për korrupsion pasiv, ndërsa Malltezi nën hetim për korrupsion pasiv dhe larje të produkteve të veprës penale, pa treguar si janë kryer këto vepra.

1.3. Berisha i refuzoi këto masa që vinin në kundërshtim të hapur me nenin 73§2 të Kushtetutës sipas së cilës ‘Deputeti nuk mund të arrestohet ose t’i hiqet liria në çfarëdo lloj forme apo ndaj tij të ushtrohet kontroll personal ose i banesës, pa autorizimin e Kuvendit’

1.4. Gjatë 32 viteve pluralizëm këto masa nuk janë vendosur kurrë pa miratimin e parlamentit. Në vitin 2012 Berisha kërkoj abrogimin e nenit 73§2 të kushtetutës, por Edi Rama e refuzoi këtë në mënyre të prerë dhe u arrit vetëm heqja e autorizimit për hetim.

1.5. Me datë 12.12.2023 prokurorët iu drejtuan parlamentit për zëvendësimin e masës së kundraligjshme të dates 20 tetor me masat heqje imuniteti, arrest në burg ose shtëpi, meqense Berisha nuk kish zbatuar urdhërin antikushtetues të gjykatës.

1.6. Ndryshe nga çdo precedent tjetër, kërkesa e paraqitur në parlament nuk u shoqërua me asnjë dosje me prova e fakte, por thjesht vetëm me vendimin antikushtetues së gjykatave të faktit e apelit.

1.7. Miratimi i këtij vendimi politik u njoftua mediatikisht me datën 14.12.2023, përpara çdo diskutimi në komisionin përkatës apo seancë plenare, nga kryetari i grupit parlamentar të PS, Bledar Çuçi, i cili deklaroi se grupi i PS do të miratonte masat kundër Berishës.

1.8. Parlamenti, në kundërshtim me kushtetutën, votoi më 21.12.2023 për heqjen e imunitetit të Berishës dhe arrestin e tij në burg ose në shtepi, pa paraqitur asnjë raport dhe pa i dhënë fjalën Berishës, i cili kërkoi të merrte fjalën pasi të largoheshin nga salla mbi 50 gardistë.

1.9. Me datë 30.12.2023, në kundërshtim të hapur me Konventën Europiane të të Drejtave të Njeriut dhe Kushtetutën, GJKKO vendosi arrest shtëpie për Berishën dhe ndërpreje të çdo komunikimi të tij si person i zgjedhur me votë me persona të tjerë, përveçse me familjarët e tij të ngushtë.

1.10. Masat e sigurisë janë vendosur nga prokurori Altin Dumani i denoncuar nga Berisha si ekstremist i majtë dhe person politikisht i korruptuar nga Rama dhe nga Arben Kraja ish oficer i policisë sekrete hoxhiste, i larguar nga detyra në 1996 me ligjin e lustracionit dhe Enkeleida Millonai, e denoncuar nga Berisha për lidhje me krimin dhe abuzime me të drejtat e njeriut.



1.11. Masat u miratuan në konflikt të plotë interesi nga kryetarja e GJKKO Irena Gjoka, e shkarkuar nga detyra me 8 shkurt të vitit 1996 për paaftësi, nga ish-presidenti Sali Berisha, asokohe kryetar i Këshillit të Lartë të Drejtësisë.



2. Pas tre vjet hetimesh shteruese të kësaj çështjeje, rregjistruar pa emër të përveçëm, nuk është gjetur asnjë shkelje ligjore, fakt, provë, dokument, apo dëshmi e vetme nga dhjetra dëshmitarë të pyetur, që të fajsojnë Sali Berishën apo Jamarbër Malltezin.

3. Pa mundur të ngrenë akuzë ndaj tyre, me urdhër të Edi Ramës, prokurorët politikë, me datën 2 tetor 2023 nisën të njëjtin hetim ndaj Sali Berishës dhe Malltezit, dhe në një rast të paprecedentë i vunë ata nën masë sigurie që në fazë hetimi, pa i pyetur asnjeherë gjer sot.

4. Dosja e Klubit Sportiv Partizani është hapur pas një kallzimi të rremë të kryetarit të grupit parlamentar të PS, Taulant Balla, i rregjistruar si kallzim penal me datë 1.12.2020 dhe po atë ditë, është regjistruar procedimi penal nga prokurorja Millonai.





5. Akuza kryesore e Taulant Ballës bazohej në trillimin se toka nuk ju takonte pronarëve pasi sipas tij ajo ishte shpronësuar në vitet 1940 nga autoritetet italiane.



6. Por, dokumentet e rregjistrave hipotekorë të viteve 1935, 1943, 1945 dëshmojnë se toka ka qenë pronë e familjeve pronare, ndër të cilat edhe familja Begeja e Jamarbër Malltezit.



7. Fletoret Zyrtare të viteve ’40, të fshehura nga prokurorët, provojnë se toka e Klubit Partizani nuk ka qene kurrë e shpronësuar, por vetëm e rekuizuar (masë bllokimi e përkohshme), me dekret mbretëror të prillit 1942 dhe se, në qershor 1943 ky rekuizim u shty edhe 6 muaj të tjerë. Italia kapitulloi në Shtator 1943.




8. Prokurorët gënjejnë duke thënë se procesi i njohjes, kthimit të pronës dhe privatizimit të objekteve të ndërtuara mbi të ka filluar pas vitit 2005. Dokumentet provojnë se procesi ka filluar që në vitet 1995-1996.






9. Sipas dokumentave zyrtare të firmosura nga Presidenti i Republikës, që në vitin 2004, Klubi i Futbollit Partizani NUK ka qenë në Planin e Përhapjes së Forcave të Armatosura. Ndonëse kjo del qartë në dosje, prokurorët u përpoqën në dhjetëra faqe të krijojnë konfuzion.





10. Prokurorët pretenduan se toka e familjeve pronare nuk përfshinte gjithë sipërfaqen e ish Klubit. POR hartat zyrtare provojnë se tokat e 5 familjeve pronare shtrihen në atë zonë, në vazhdim të njëra tjetrës, pa hapësira në mes, në sipërfaqe mbi 21 mijë m2 më shumë se sipërfaqja e ish klubit, dhe përfshin edhe 1500 m2 që grabiti Edi Rama me mikun e tij Carlo Bolino.



11. Ndryshe nga sa pretenduan prokurorët duke fshehur dokumenta, procesin e privatizimit të Klubit Partizani nuk e ka filluar qeveria Berisha.

11.1. Shkresat e firmosura nga ministrat socialistë Angjeli dhe Klosi deshmojnë fillimin e procedurave të privatizimit të klubit në vitin 2005, për llogari të një subjekti tjetër që nuk kishte lidhje me pronën.




11.2. Sipas dëshmisë së tij, ai u tërhoq nga procesi, pasi ligji nr. 9235 i datës 19.7.2004 i Kthimit dhe Kompensimit të Pronave, ne nenin 7§2 përcaktonte se pronat e paluajtshme që propozoheshin për tjetërsim ju kalonin të shpronsuarve; pra, ligji ia kthente pronën pronarit.



vijon...

[Albo]

12. Prokurorët politikë pretendojnë se ligjet dhe vendimet e qeverisë së PD, në zbatim të programit të saj në fushën e pronësisë, janë bërë për të favorizuar Malltezin. Në të vërtet ato reforma nuk kanë synuar kurrë një person të veçantë.

12.1. Ato reforma bënë të mundur që, në vitet 2006-2012, mbi 500 mijë pronarëve legjitim t’u kthehen 1,577,740,000 m2 tokë, pronë e tyre. Njëri prej tyre, Malltezi, me kthim prone mori 410 m2 tokë të familjes së tij, të konfiskuar para 60 viteve.



12.2. Prokurorët vendimin e qeverisë nr. 1638, datë 17.12.2008 “Për kriteret e vlerësimit të pronës shtetërore që privatizohet apo transformohet dhe për procedurën e shitjes”, që në përputhje me programin e saj vendos perdorimin e letrave me vlerë në procese privatizimi, në favor të të gjithë qytetarëve, e konsiderojnë favorizim për Malltezin.



12.3. Vendimi nr. 1638 (nga i cili qytetarët shqiptarë kanë përfituar mbi 40 miljon €) doli vetëm një muaj pasi familjet pronare të klubit Partizani kishin paguar me para (lekë ne bankë) 90% të vlerës totale. Për 10% e mbetur të vlerës, Prof. Malltezi i bie se ka përfituar nga letrat me vlerë gjithsej 64 euro.



13. Pretendimi se Berisha favorizoi Malltezin me ndryshimin e destinacionit nga zonë sportive në banimi është trillim. Në ligjin e urbanistikës qeveria qëndrore nuk kishte asnjë kompetencë për ndryshime të tilla.



13.1 Vendimi i Gjykatës Kushtetuese të datës 10.11.200614, rrëzoi aktin normativ që lejonte prefektin të mblidhte KRRT. Ndërsa me vendimin e datës 21.12.2006 GjK15 ndaloi çdo ndryshim të vendimeve të KRRT nga qeveria, duke e bërë firmosjen e vendimeve të KRRT nga qeveria një akt formal.

13.2. Ndryshimi i destinacionit të një pjese të klubit Partizani, nga zonë sportive në zonë urbane, është firmosur nga Edi Rama në vendimin nr 132/j, datë 08.06.2006, të KRRT, madje pa kërkesën e pronarëve të tokës.



13.3 Në vitin 2008, me studimin e Zonimit Funksional të firmosur nga Rama dhe 12 drejtorë të tij, u shëndrrua në zonë urbane edhe pjesa tjetër e territorit të klubit Partizani madje edhe kjo ndodhi para privatizimit të këtij klubit. Ky dokument është fshehur nga Spak.




13.4. Edi Rama në vitin 2008 ka firmosur lejen e sheshit dhe ka miratuar me kusht lejen e ndërtimit. Këto dokumente janë fshehur dhe prokurorët thonë se lejet e ndërtimit u dhanë vetëm nga Basha. Në fakt, ato janë dhënë nga Rama, Basha dhe Veliaj.



14. Kur Edi Rama mësoi se njëri nga dhjetëra pronarët e tokës ishte Jamarbër Malltezi, ai refuzoi ta zbardhë lejen e ndërtimit edhe pas vendimeve te formës së prerë të gjykatave. Edhe këto vendime gjykatash ishin fshehur nga SPAK.



14.1. Prokurorët kishin fshehur 3 shkresat e kundraligjshme të Kryeinspektorit të Policisë Ndërtimore të Edi Ramës, të lëshuar në 2010, për bllokimin e punimeve, edhe pasi kishte dalë vendimi i formës së prerë nga gjykata.







14.2. Ata kishin fshehur vendimet e formës së prerë të gjykatave që ndëshkuan Edi Ramën për shpërdorim detyre dhe dëmin e shkaktuar me bllokimin e paligjshëm të punimeve, me mbi 320,000 euro! Shtojmë këtu se në qindra faqe të dosjes gjyqësore emri i Edi Ramës nuk përmendet as dhe njëherë të vetme.



15. Ata kanë fshehur vendimin gjyqësor të formës së prerë lidhje me falsifikimin e pronësisë së pishinës, të cilën pesë familjet pronare u detyruan ta blinin meqenëse ajo ishte pjesë e Klubit Partizani.



16. Për të mbështetur shpifjen e Taulant Ballës se Jamarbër Malltezi hyri si investitor vetëm me 114 m2 tokë dhe doli me 5,4 milion euro fitim, prokurorët kanë fshehur faktin se toka e trashëguar prej tij ishte 410 m2 dhe jo 114 m2.

16.1. Në funksion të kësaj shpifjeje, ata kanë fshehur mbi 20 kontrata të blerjes nga Malltezi edhe të mbi 2100 m2 tokë nga pronarët e tjerë, gjë që provon se Malltezi ka hyrë si investitor jo me 114m2, por me mbi 2500 m2 tokë.



16.2. Për të njëjtin qëllim ata kanë fshehur 350 kontrata shitje, vetëm gjatë viteve 2010-2011, të apartamenteve dhe dyqaneve, që në gropë, me një çmim 20% më të ulët se tregu, që mundësuan që projekti të bëhej i vetëfinancueshëm.


17. Prokurorët nuk referojnë Vendimin e Këshillit Bashkiak, nr. 57, datë 24.12.2012, që miratoi Planin e Përgjithshëm Rregullues së Tiranës, i cili parashikonte edhe ndërtimin e një shkolle tek toka që pronarët e lanë “VAKËF”.







17.1 Këtë tokë, me vlerë 1, 2 milion euro, që pronarët fisnik e kishin lenë për ndërtim shkolle të mesme për komunitetin, Edi Rama ia dha me akte antiligjore, për nje euro, mikut te tij Karlo Bolino, duke firmosur për këtë qëllim 4 vkm të personalizuara.



18. Prokurorët e SPAK gënjyen me qëllim kur thanë se klubet sportive funksiononin normalisht në vitin 2008. Formularët e fshehur nga SPAK, që mbajnë firmën e Edi Ramës, tregojnë se asokohe, thuajse të gjithë objektet ishin zënë forcërisht.



vijon...

[Albo]

18.1. Zv.Ministri i Sporteve në 2006, me shkresën nr. 6714/1, datë 03.08.2006, shkruan se Ministria e tij nuk kish mundur ta merrte në inventar Klubin Shumësportësh Partizani, pasi ai ishte i uzurpuar nga familje informale.



18.2 Sipas Drejtorit të Komandës Mbështetëse, Ministria e Mbrojtjes as nuk e posedonte dhe as e administronte ish Klubin e Futbollit Partizani. Grupi i punës që ai dërgoi u përzu me forcë nga uzurpatorët.



18.3 Prej vitesh shteti nuk fitonte asnjë qindarkë nga klubet sportive Partizani, pasi territori dhe ndërtesat e tij ishin të pushtuara në mënyrë të paligjshme nga mbi 42 familje informale dhe subjekte që zhvillonin aktivitet informal ndërsa pronarët e tokës sorrollateshin e nuk gëzonin pronën e ligjshme të tyre.

19. Prokurorët kishin fshehur kontratën e familjes Begeja sipas së cilës të gjithë anëtarët e saj kishin të drejtë të investonin në zhvillimin e pronës deri në 25% të pjesës së tyre takuese.



20. Vështirësitë e krijuara nga presioni politik, si dhe uzurpimi i pronës bëri që vetëm Prof. Malltezi dhe dy bashkë-pronarë të tjerë të binin dakort të bashkëinvestonin për zhvillimin e pronës.

20.1. Në fillim, për periudhën 2008-2014, ata e formalizuan marrëdhënien e tyre ligjore me kontratë të noterizuar, ekzistencën e të cilës prokurorët e injoruan me keqdashje.



21. Për periudhën 2014 e në vazhdim, ata e kthyen marrëdhënien e tyre në formatin e një shoqërie tregtare dhe rregjistruan pjesmarrjen e tyre në të me shkrim, sipas detyrimeve ligjore.



21.1. Si në periudhën e organizimit kontraktor, ashtu edhe si shoqëri tregtare, aktiviteti i tyre, si dhe vetë investitorët, shlyen çdo detyrim tatimor dhe bënë çdo deklarim që ishte detyrim ligjor, pranë organeve përkatëse publike.

Si konkluzion

22. Njohja, kthimi i pronës dhe privatizimi i objekteve të rrënuara të klubit Partizani janë zhvilluar në përputhje të plotë me ligjet. Pronarët legjitimë kanë marrë pronën e tyre të konfiskuar 60 vite më parë dhe shteti nuk ka pësuar asnjë dëm.

23. Asnjë zyrtar, i asnjë qeverie, që kanë firmosur dokumenta të këtij procesi nga viti 1995 deri në 2009, nuk është në ndjekje penale, sepse ata kanë zbatuar strikt ligjin.

24. Prof. Malltezi ka marrë sipas ligjit 410m2 tokë pronë të familjes tij, nga 1,577,400,000m2 që morën mbi 500,000 pronarë vetëm gjatë viteve 2006-2012.

24.1. Tokën që familjet pronare e lanë për ndërtim shkolle për komunitetin, përfshirë edhe 1,500m2 tokë të familjes Begeja të Prof. Malltezit, Edi Rama ia dha mikut të tij Bolino me 1 euro, duke firmosur për këtë qëllim 4 VKM të personalizuara, në kundërshtim me ligjin.

25. Ndryshimi i destinacionit të terrenit, si e drejtë ligjore ekskluzive e qeverisë vendore, është bërë nga Edi Rama para privatizimit. Privatizimi i ndërtesave të rrënuara të Klubit nisi nga qeveria Nano dhe përfundoi sipas ligjit nga qeveria Berisha.

26. Dosja e Klubit Partizani është një piramidë mashtrimi politik, e ngritur mbi kallzimin e rremë të lidershipit socialist dhe shpifjet, fshehjen e qindra dokumentave dhe manipulime të SPAK, me porosi të Edi Ramës, për të goditur politikisht Sali Berishën dhe Partinë Demokratike.

27. Ndërkohë që është vetëm nën hetim, Sali Berisha është vendosur nën tre masa sigurie, tipike të një diktature, ndonëse në asnjë dokument të këtij procesi nuk ekziston firma e tij dhe nuk ka asnjë dëshmi për ndërhyrje apo presion nga ana e tij ndaj ndonjë personi.

28. Ndalimi i çdo komunikimi përveçse me familjarët e ngushtë për Berishën nga prokuroria, gjykata dhe parlamenti, në kontroll të plotë të Edi Ramës, bie ndesh me Konventën Europiane të të Drejtave të Njeriut dhe nenin 17 të kushtetutës së Shqipërisë sipas të cilit kufizimi i të drejtave themelore kushtetuese bëhet vetëm me ligj.

29. Prof. Malltezi u arrestua brutalisht dhe më pas u la në arrest shtëpie dhe ju sekuestruan pasuritë, si person në hetim, për fajin e vetëm se është dhëndri i Sali Berishës. Ai u burgos për pronën e tij, njësoj si komunistët burgosën dhe pushkatuan paraardhës të tij që prej vitit 1945 për shkak të përkatësisë klasore dhe pronave të tyre.

30. Për të montuar këtë dosje, Edi Rama zgjodhi persona në konflikt të hapur interesi, të larguar nga Berisha prej detyrës si ish oficeri i policisë sekrete të Hoxhës, si e korruptuar, apo të denoncuar prej tij për lidhjet me krimin.

31. Këto masa u morën sepse, me rikthimin të Berishes, pas shpalljes se tij nongrata nga departamenti i Shtetit dhe Home Office për korrupsion, pa asnjë fakt apo provë të vetme, por vetëm mbi lobimin korruptiv të mentorit të Ramës – George Soros, e McGonigal, Rama humbi kontrollin e tij mbi opozitën.

32. Rama ndërmori këto masa pasi opozita nisi protesta kundër bllokimit nga ai të hetimit të tij parlamentar për skandalin McGonigal dhe aferat korruptive shumë miliardëshe si ajo e inceneratorëve, Dubai City i Durrësit e dhjetra PPPve që mbajnë firmën e tij.

33. Ai ndërmori këto masa pasi opozita denoncoi lidhjet e tij direkte me kartelet e drogës në Shqipëri e rajon, me bosët shqiptarë të Sinaloas të Meksikës, me shpalljen e tyre investitorë strategjikë, si dhe bisedat me Sky ECC me organizatat kriminale.





34. Në vendosjen e këtyre masave ka ndikuar procesi gjyqësore i McGonigal për dosjen shqiptare që zhvillohet në shkurt në Washington, e cila tregon se Edi Rama McGonigal, Dorian Duçka dhe Agron Neza kanë vepruar si grup i strukturuar kriminal.




35. Nga 2017 deri në 2020, ky grup, në Tirane dhe rajon, u kanë vendosur gjoba shumë milionëshe biznesmenëve me shantazh/premtim të vënies/ heqjes nga listat e zeza të qeverisë së SHBA.

36. Rikthimi i Berishës i shkatërroi Edi Ramës, kreut të narkoshtetit të parë dhe të vetëm në Europë, ëndrrën për një Shqipëri pa opozitë apo me opozitë të kontrolluar prej tij dhe për një mandat të ri të bazuar në grabitjen e zgjedhjeve.

37. Me këtë akt, Edi Rama tregoj se është pasardhës besnik i babait të tij, Kristaq Ramës, zëvendesit të Ramiz Alisë dhe Nexhmije Hoxhës, që më 8 gusht 1988 firmosi varjen publike në litar të poetit Havzi Nela, per vargjet e tij për fjalën e lire.



Burimi: Sali-Berisha.com