Prindërimi

[sirena_adria]

Shenjat që vërtetojnë se ju jeni prindër të mirë

Të gjithë prindërit përpiqen të jenë perfekt për fëmijët e tyre. Disa janë të rreptë, disa jo, por të gjithë po bëjnë atë që mendojnë se është e drejtë. Sidoqoftë, shumë shpesh prindërit harrojnë se cilat janë gjërat më të rëndësishme për fëmijët e tyre.

Këto janë shenjat kryesore që tregojnë se ju jeni një prind me të vërtetë i mirë.

1. Fëmija juaj ndan problemet me ju.

Është e shkëlqyeshme kur djali ose vajza ju tregojnë për sukseset dhe arritjet e tyre. Por është shumë më e rëndësishme që ata të jenë në gjendje t'ju tregojnë problemet. Fëmijët duhet të kuptojnë se situata të ndryshme mund të ndodhin dhe se nuk ka asgjë të keqe kur bëjmë gabime.

2. Ju nuk mendoni se notat e mira janë gjithçka.

Nëse fëmija juaj ka marrë notë të keqe në shkollë, ata nuk duhet të kenë frikë t’ju tregojnë. Fëmijët e frikësuar shpesh fshehin notat dhe panikosen kur mendojnë se prindërit mund ta zbulojnë. Prindërit e mirë mund t'u shpjegojnë fëmijëve se është e rëndësishme të jesh nxënës i mirë në shkollë, por janë njohuritë që me të vërtetë kanë rëndësi, jo notat.

3. Hapësira private e secilit respektohet në familjen tuaj.

Shumë prindër mendojnë se fëmijët duhet të trokasin para se të hyjnë në dhomë. Por vetë prindërit jo gjithmonë e ndjekin këtë rregull. Rregullat në familje duhet të jenë të njëjta për të gjithë. Respektoni hapësirën private të fëmijëve dhe ata do të bëjnë të njëjtën gjë për ju.


4. Ju nuk e kritikoni fëmijën.

Prindërit e mirë nuk i kritikojnë fëmijët dhe nuk i quajnë ata budallenj ose dembelë. Këto fjalë i bëjnë fëmijët të ndihen të pasigurt për një kohë të gjatë, ndoshta edhe përgjithmonë. Zgjidhini fjalët me kujdes dhe thoni saktësisht se për çfarë jeni zhgënjyer, por mos i fyeni fëmijët tuaj.

5. Ju pranoni gabimet tuaja dhe kërkoni falje.

Të gjithë bëjnë gabime: fëmijë dhe të rritur. Sidoqoftë, shumica e prindërve harrojnë se jo vetëm duhet t'i mësojnë fëmijët të kërkojnë falje, por gjithashtu t'u tregojnë se si ta bëjnë atë. Nëse keni kuptuar se keni reaguar keq kur nuk kishit arsye, mos u turpëroni kur i kërkoni falje fëmijës. Një person që mund të pranojë dobësitë është një person i fortë.

6. Ju nuk impononi interesat tuaja tek fëmijët.

Mësoni të vini re talentin e fëmijëve dhe mos u impononi ëndrrat tuaja. Prindërit e mirë i inkurajojnë fëmijët të zhvillohen dhe i ndihmojnë të rriten si njerëz të lumtur që bëjnë atë që u pëlqen.

7. Ju i besoni fjalëve të fëmijëve.

Kjo është një situatë që ndodh shumë shpesh: një nënë ose baba shkon në shkollë dhe mësuesi u thotë se fëmija është bërë i keq. Një prind i zemëruar nuk përpiqet të zbulojë ndonjë detaj rreth situatës, të kthehet në shtëpi dhe të fillojë një skandal. Por para se të bërtisni, është më mirë të pyesni fëmijën se si e panë situatën. Ndoshta nuk është faji i tyre dhe në të vërtetë kanë nevojë për ndihmën tuaj për t'u marrë me situatën.


Bota Sot

https://www.botasot.info/life-style-...inder-te-mire/

[sirena_adria]

Ja çfarë ndodh me fëmijët nëse i lini të qajnë derisa të lodhen

Shumë prindër mund të mos kenë dëgjuar më parë për teknikën e “pritjes progresive”’ të krijuar nga neuropediatri anglez Richard Ferber. Por me shumë gjasë e keni përdorur atë gjatë rritjes së fëmijëve

Bëhet fjalës për një metodë shumë të thjeshtë për t’i vënë ata në gjumë: t’i lini të qajnë derisa të lodhen.

Tingëllon paksa e pamëshirshme në pamje të parë, por shumë prindër zgjedhin ta praktikojnë me fëmijë të moshës 0-3vjeç. Ata i lënë të qajnë nën pretekstin se fëmijët lodhen dhe më pas do të mund të flenë të qetë.

Ajo që nuk dini është se si ndikon e qara në jetën e një fëmije.

Pasojat fizike dhe psikologjike prekin ecurinë e shëndetit të tyre edhe gjatë një periudhe më të vonë.

Së pari duhet të dini që e qara e fëmijëve është mënyra e tij e vetme e komunikimit përballë një situatë të bezdisshme siç mund të jetë uria, etja, i ftohti, nervozizmi, frika etj apo qoftë papastërtia.

Kjo thirrje është forma e tij e vetme për të pasur praninë dhe sigurinë e prindërve.

Kur ky apel nuk dëgjohet qëllimisht nga prindërit, tek fëmija vihet re një rënie e menjëhershme e serotoninës, hormonit të lumturisë.

Qarjet e vazhdueshme ndikojnë në mënyrë progresive në sistemin e tij nervor qendror duke penguar zhvillimin e tyre cerebral dhe aftësinë e të mësuarit.

Ngashërimet e shumta shkaktojnë tek ai stresin fëmijëror dhe idenë e braktisjes.

Një risi vjen nga një studim i fundit, i kryer në universitetin e Amsterdamit, qarjet e vazhdueshme krijojnë tek ai ndjesinë e pamundësisë, një ndjenjë e cila e përndjek edhe gjatë adoleshencës.

Në planin fizik, duhet thënë që të qarët dëmtojnë kordat vokale të fëmijës dhe nxisin hyrjen e radikaleve të lira, mikrobeve dhe baktereve nëpërmjet ajrit. Si pasojë sistemi i tij imunitar dobësohet dhe humb aftësinë mbrojtëse.


/ Telegrafi

https://telegrafi.com/ja-cfare-ndodh...isa-te-lodhen/