KLER ÇAKU - Kampione Europe në shah

[sirena_adria]

KLER ÇAKU FITON SHTATË NDESHJE DHE MERR TROFEUN

Vetëm 13 vjeç, Shqipëria ka një kampione Europe në shah!

Sportistja e Teutës, Kler Çaku ka fituar titullin kampion në shah, për moshat deri në 14 vjeç. Sportistja shqiptare është kampione Europe në shah, kjo pas suksesit në Kampionatin Europian të zhvilluar në Slloveni. Vetëm 13-vjeçare, Çaku ia ka dalë që të sigurojë shtatë fitore dhe dy barazime në këtë turne, teksa në fund është shpallur kampione në kategorinë e saj.

Turneu i të rinjve të shahut u zhvillua prej disa ditësh në Slloveni, aty ku Shqipëria ka dalë me një kampione të re Europe. Pjesë e Teutës, Çaku do jetë pjesëmarrëse në Kupën Europiane për Klube 2023 me ekipin e saj, teksa pritet me interes rezultati i saj.

Në Durrës nisi dje eventi i Kampionatit Europian për Klube, ngjarja më e madhe sportive e këtij niveli, me pjesëmarrjen edhe të kampionit të këtij sporti, Magnus Scarlsen.


Konica.al

https://konica.al/2023/10/vetem-13-v...urope-ne-shah/

[Albo]

Pashë gjyshin që luante online, rrëfimi i 13-vjeçares kampione e Europës në shah



13-vjeçarja Kler Çaku regjistroi një rezultat historik për Shqipërinë në sportin e shahut, teksa u shpall kampione Europe për vajzat deri në 14-vjeç. Sportistja e ekipit të Teutës në Slloveni regjistroi 7 fitore dhe 2 barazime. Në një intervistë për “FitStation” me Çenkuela Hasa ajo tregoi sesi nisi ky rrugëtim.

“Në moshën 8 vjeçare kam filluar të angazhohem me shahun seriozisht, më parë e njihja si lojë dhe më ka tërhequr shumë. Për herë të parë kam parë gjyshin teksa luante online shah dhe më ka pëlqyer shumë si lojë. Lojën e parë e kam bërë në tavolinë me gjyshin”- tha Kler për News24.

Moderatorja: Sa suportues janë prindërit e tu, a shqetësohet mami se shahu mund të ndikoj në rezultatet e tua në mësime?
Kler Çaku: Ata më mbështesin shumë. Babi është fansi im më i madh, ai emocionohet më shumë se unë gjatë garave ndërsa mami ndonjëherë nuk më sheh dot nga emocionet që ka.

Balkanweb