Energjia

[sirena_adria]

Faktorët që na vjedhin energjinë, sipas Dalai Lamës

Qeniet njerëzore janë bërë nga energjia; energjia është ajo forcë që na lejon të arrijmë qëllimet tona dhe të përmirësojmë veten duke e tejkaluar ditë pas dite. Për këtë arsye, është thelbësore të kujdesemi për gjendjen tonë energjike, duke e rinovuar atë çdo ditë dhe duke forcuar çdo talent unik natyror që kemi. Duke u bërë versioni më i mirë i vetes për ata që duam

I vetëdijshëm për fuqinë që ka energjia mbi ne dhe forcën që vjen prej saj për rritjen personale të secilit prej nesh, Dalai Lama ka vendosur pesë faktorë që na vjedhin energjinë. Duke vepruar kështu, ai na dha mjetet për të mësuar se si të kujdesemi dhe të ruajmë energjitë tona, duke shmangur përvojat që na pengojnë t’i shfrytëzojmë sa më shumë.

Jetojmë në një epokë ku e nesërmja dhe e ardhmja mbizotërojnë mbi të tashmen. Ne e neglizhojmë fuqinë e çdo momenti, nuk mendojmë të shijojmë momentin në të cilin jetojmë dhe humbasim mes planeve për të ardhmen që na pengojnë të vlerësojmë atë që kemi tashmë. Ky fenomen na bën të refuzojmë situatat negative që krijohen në jetën e përditshme, duke mos kuptuar se nuk mund të kemi kontroll mbi gjithçka.

Prandaj, pranimi bëhet një gjest që duhet adoptuar si një mantra. Kur pranojmë se nuk mund t’i ndryshojmë gjërat, na jepet mundësia të ndryshojmë planet tona dhe të hapemi ndaj mundësive të reja.

“Pranoni. Nuk është dorëzim: asgjë nuk sjell një humbje më të madhe energjie sesa të kundërshtosh dhe të luftosh një situatë që ne nuk mund ta ndryshojmë”.

Pusho dhe përparo hap pas hapi

Kalimi i ditëve shënohet nga koha, ashtu si dhe natyra. Në këtë qëndron bukuria e plotësisë sonë të brendshme, në të diturit të pranojmë kohën pa u bërë skllevër të saj. Dihet mirë se ka mijëra ritme të ndryshme për ndjekjen e kohës dhe se secili prej nesh zgjedh të vetin. “Jepini vetes një shans për të pushuar kur keni nevojë dhe një shans për të vepruar kur të shfaqet një mundësi.”

Për këtë qëllim, është thelbësore të kuptohet se kur është koha e duhur për të ndaluar ose për të ndërmarrë veprime. Nëse nuk arrijmë ta kuptojmë këtë, ne humbim nga sytë qenien tonë, natyrën tonë si qenie njerëzore dhe dashurinë tonë për veten.

Kështu do të lëmë hapësirë ​​për ardhjen e ankthit, trishtimit dhe depresionit që do të na bllokojë dhe do të na pengojë të jemi versioni më i mirë i vetvetes. Merrni parasysh disa këshilla themelore për të kapërcyer me sukses këto gjendje emocionale, duke kujtuar gjithmonë të gjurmoni origjinën e tyre.

Termi “e duhur” u referohet atyre që janë pjesë e juaja, që ju duan me sinqeritet dhe përkushtim, pa kërkuar asgjë në këmbim. Njerëz bujarë të shtyrë nga një arsye fisnike: dashuria.

Ata njerëz që na bëjnë të ndihemi edhe më të gjallë dhe të lirë në thelbin tonë më të pastër. “Lërini njerëzit, qëllimi i vetëm i të cilëve është të ndajnë ankesat, problemet, historitë katastrofike, frikën dhe gjykimet për të tjerët. Mos u bëni koshi i mbeturinave të dikujt që thjesht dëshiron të heqë qafe mbeturinat e veta.”

Shëndeti është mjeti kryesor që na lejon të kuptojmë nëse po e menaxhojmë ekzistencën tonë në mënyrën më korrekte. Ai funksionon si një termometër, pasi jeta jonë emocionale ka të bëjë shumë me biologjinë, dhe gjithashtu manifestohet përmes organeve tona vitale.

Energjia është e lidhur drejtpërdrejt me trupin, prandaj është thelbësore t’i siguroni atij pushim, ushqim të shëndetshëm dhe kohë për të medituar. “Jepini përparësi shëndetit tuaj. Nëse ingranazhet e trupit nuk funksionojnë në maksimum, nuk do të shkoni larg. Jepini vetes pak pushim”.

Të mësuarit se si të falim na lejon të çlirohemi nga e kaluara dhe të ecim përpara me pozitivitet drejt së ardhmes, edhe në ato momente kur na sulmojnë emocionet e trishtimit, zemërimit, pakënaqësisë dhe madje edhe etja për hakmarrje.

Në çdo rast, kuptimi i këtyre ndjenjave dhe arsyes së tyre, tejkalimi i tyre dhe mësimi për të falur, do të përmirësojë ekzistencën tonë, duke na bërë të vetëdijshëm se kemi bërë zgjedhjen e duhur. “Falni, lërini situatat që shkaktojnë dhimbje, është gjithmonë e mundur të zgjidhni të lini dhimbjen e kujtesës”.

Mos i shkelni premtimet që keni bërë

Të premtosh do të thotë t’ia dorëzosh një pjesë të zemrës një tjetri, pasi besimi buron nga dashuria ndaj të tjerëve, ndaj vetvetes. Secili jeton përvojat e veta në një mënyrë krejtësisht personale; kjo do të thotë se ndonjëherë premtimet që bëjmë mund të fitojnë një vlerë të paçmueshme për tjetrin. Fakti i mosmbajtjes së tyre, pra, mund të nënkuptojë dhimbje të madhe për të.

“Kur nuk e mbani një premtim, pyesni veten se çfarë ju pengon. Ju gjithmonë do të keni të drejtë të ndryshoni mendimin tuaj, të kërkoni falje, të kompensoni, të gjeni marrëveshje të reja ose të ofroni një alternativë të re. Mënyra më e lehtë për të mos harruar të bëni një premtim që nuk dëshironi ta mbani është të thoni jo që në fillim”.


*Ky artikull u publikua nga Bota.al dhe u ripostua nga Tiranapost.al

https://tiranapost.al/stil-jete/fakt...-lames-i528200

[sirena_adria]

Si mund të tërheqim energji pozitive sa herë që kemi nevojë?

Përditshmëria jonë ka ngjarje të mira e të këqija, momente e takime që na përcjellin energji positive e negative, na motivojnë ose na bëjnë të humbasim motivim për të vazhduar më tej. Nëse do që jeta jote të ndryshojë për mirë, duhet të nisësh pikërisht nga energjia e brendshme.

Vetë jeta është një palestër e vazhdueshme dhe për të qenë edhe shpirtërisht në formë duhet të përpiqeni në mënyrë të vazhdueshme.

Kujdes: Nuk duhet të shtiresh apo vendosësh maska, duhet vetëm t’i lejosh vetes mendime të bukura e positive, pa bërë rezistencë!

Sa më shumë energji positive të përcjellësh aq më shumë do të tërheqësh!

Përshëndetuni pozitivisht njerëzit që takoni!

Mbani gjithnjë një buzëqeshje gati!


MOS U ANKONI!

Mësoni dhe pranoni të bashkëjetoni me gabimet!

Punoni përditë për të arritur objektivat!

Clirojeni veten nga frikërat!


‘Pilulat’ e energjisë:

Mësoni të jeni të lumtur me atë që keni!

Vendosni objektiva afatshkurtra që të jenë të lehta për t’u arritur!

Qëndro vetëm në shoqërinë e njerëzve me energji pozitive.

Bëj gjëra që të kënaqin.

Jetoje jetën tënde pavarësisht kujtdo dhe gjithçkaje!


LIVING

https://living.al/si-mund-te-terheqi...qe-kemi-nevoje

[sirena_adria]

A ju mungon energjia fizike? Pini ujë, hani fara chia dhe meditoni

Ndonjëherë, trupat tonë mund të jenë frustrues.

Energjia fizike është diçka që u mungon shumë njerëzve. Me kohën, problemet familjare apo ato profesionale mund të na i shterin të gjitha rezervat e energjisë që i kemi.

Fatmirësisht, pavarësisht se çfarë është duke ju bërë të ndiheni të lodhur së fundmi, ka shumë gjëra që mund t’i bëni për ta përmirësuar situatën.

Më poshtë i keni disa shprehi të thjeshta që mund t’i përvetësoni për t’u mbushur me energji.

Pini mjaftueshëm ujë

Konsumimi i sasive të rekomanduara ditore të ujit është diçka që vërtet jua rritë energjinë. Por, të bëhemi të sinqertë… a jeni duke e bërë këtë?

Problemi është se shumë lehtë mund të harrojmë të pimë ujë. Ne kemi miliona gjëra tjera që duhet mbajtur mend, andaj si mund ta mbani mend se duhet t’i pini tetë ose më shumë gota ujë çdo ditë?

Një prej zgjidhjeve mund të jetë ta blini një shishe të cilën e përdorni ekskluzivisht për ujë dhe e mbani me vete çdo ditë.

Hani fara chia

Në shumë mënyra, kur është fjala për ta mbajtur trupin të balancuar, farat chia janë ushqimi i përsosur.

Këto fara kanë sasi të ulëta të karbohidrateve, ndërkaq një sasi të balancuar të proteinës, yndyrave të mira dhe fibrave. Ky balancim ideal do të thotë se farat e tilla ju ndihmojnë ta mbani sheqerin në gjak të balancuar.

Ka shumë mënyra se si mund t’i konsumoni farat chia, por ju mund ta provoni kombinimin ujë-chia dhe kështu e keni më lehtë.

Krijojeni një ritual të shkurtër të natës

Përmirësimi i kualitetit të gjumit është një prej gjërave më të lehta dhe më të mira që mund ta bëni për t’u mbushur energji sepse jua mbështet sistemin primar që merret me energjinë.

Për ta përmirësuar kualitetin e gjumit, ju mund ta adaptoni një shprehi të thjeshtë dhe të lehtë që jua ndihmon mendjen dhe trupin të relaksohen pas një dite të gjatë.

Ja disa ide:

– Provoni meditimin

– Provoni vizatimin

– Leximin e librave (rekomandohet zhanri trillim, pasi që ju mundëson të ‘humbni’ në një botë tjetër)

Filloni t’i llogaritni sasitë e karbohidrateve që i konsumoni

Karbohidratet janë të rëndësishme sepse janë mënyra primare se si e furnizojmë me energji trupin. Kur konsumojnë karbohidrate, trupi i konverton ato në sheqer, e pastaj përdoren për energji.

Sidoqoftë, sasitë e shumta të karbohidrateve e nxisin trupin ta ruaj sheqerin e tepërt, i cili eventualisht shndërrohet në yndyrë. Kjo ndikon që të ndihemi më të lodhur se zakonisht.

Për ta luftuar këtë, filloni të ruheni më shumë sa i përket sasive të karbohidrateve që i konsumoni.


Ekonomia Online

https://ekonomiaonline.com/a-ju-mung...-dhe-meditoni/