Primabalerina Sekine Sharofi

[Albo]

Ndahet nga jeta në moshën 85-vjeçare Sekine Sharofi, primabalerina legjendare e Teatrit Kombëtar të Operas dhe Baletit

21 Gusht, 2023 15:03



Eshtë ndarë nga jeta sot Sekine Sharofi, primabalerina legjendare e Teatrit Kombëtar të Operës dhe Baletit si dhe bashkëshortja e tenorit dramatik Xhoni Athanas.

Shumë e kujtojnë si një vajzë të mahnitshme dhe një kërcimtare të disiplinuar me një temperament të shkëlqyer, që tërhiqte publikun artdashësh me figurat e saj.

Sekine Sharofi solistja e kërcimit klasik Sekine Sharofi lindi më 4 mars 1938.

Emri i saj identifikohet me skenën e Baleti Shqiptar. Sekine Sharofi ka hyrë në historinë e kërcimit klasik si soliste, si prima dona me një shkëlqim marramendës që nuk harrohet kurrë.

E shkëlqyer dhe brilante në mënyrën se si interpretoi veprat më të rëndësishme të repertorit si: “Laurencia” nga Alexandër Krein, “Zhurale” nga Farid Jaruli, “Para stuhisë” nga Çesk Zadeja, “ Halili dhe Hajria” nga Tish Daija, “Lola” nga Marat Gaziev, “Delina” nga Çesk Zadeja, “Fadeta” nga Leo Delibes, “Cuca e maleve” nga Nikolla Zoraqi, “Shota dhe Azem Galica” nga Nikolla Zoraqi, “Petja dhe ujku” nga Sergei Prokofiev, “Kujdesi i kotë” nga Hertel, Rapsodia koreografike “Historia e një këngë” nga Nikolla Zoraqi, “Sheherezada” nga N. Rimskij Korsakov etj.

Një engjëll i bardhë, me një buzëqeshje që nuk shuhet kurrë. Një artiste që i dha vendit tonë jetë. Sekine do të mbetet për gjithmonë në plijadën e Artë të Artistëve Shqiptarë. Brezat më të vjetër do ta kujtojnë gjithmonë me atë buzëqeshjen e ndrojtur që vetëm ajo dinte t’ia dhuronte publikut shqiptar në një kohë kur gjithë Shqipëria ish bardhezi.

(BalkanWeb)

[Albo]

Në studion e ‘Rreze Dielli’ me Edlira Athanas Joseph, vajza e dy artistëve të mëdhenj, tenorit Xhoni Athanas dhe primabalerinës Sekine Sharofi. 30 vite pa ardhur në Shqipëri, Edlira rrëfen jetën e saj në Boston, kujton karrierën e saj si balerinë dhe aktore, si dhe rrëfen historinë e bukur të dashurisë së dy prindërve të saj, artistëve të mëdhenj Xhoni Athanas dhe balerinës bukuroshe Sekine Sharofi:

Video

[Albo]

[Albo]

Në studion e ‘Rreze Dielli’ me Edlira Athanas Joseph, vajza e dy artistëve të mëdhenj, tenorit Xhoni Athanas dhe primabalerinës Sekine Sharofi. 30 vite pa ardhur në Shqipëri, Edlira rrëfen jetën e saj në Boston si drejtuese e ‘Bijat e Shën Gjergjit’ dhe kujton karrierën e saj si balerinë dhe aktore, si dhe historinë e përzgjedhjes si imazhi i 500-lekëshit që doli në vitin 1993!

Edlira Athanas është vajza e dy artistëve të mëdhenj, tenorit Xhoni Athanas dhe prima balerinës Sekine Sharofi. Kur ishte e vogël, mori pjesë në Festivalin e Fëmijëve me këngën “Macja le të lahet”, një nga këngët më të njohura për fëmijë edhe në gjeneratat e sotme. Me pas, Edlira vazhdoi karrierën e saj si balerinë, por dhe si aktore në disa filma të Kinostudios si “Tre ditë nga një jetë”, “Balada e Kurbinit”, “Kur ndahesh nga shokët”, etj. Edlira rrëfen dhe historinë e përzgjedhjes si imazhi i kartmonedhës 500-lekëshe “vajza me luledielli” që doli në vitin 1993. Ajo kujton se ishte spikatur në Festivalin e Gjirokastrës dhe kur arriti në Tiranë e kërkuan për foto në TKOB.

Edlira Athanas Joseph jeton në Boston, është psikoanaliste në profesion si dhe presidente e shoqatës “Bijat e Shëngjergjit” e lidhur me kishën më të vjetër të shqiptarëve në Boston e themeluar nga Fan Noli. Roli i Shoqatës është kultivimi i kulturës shqiptare, i ruajtjes dhe i përcjelljes së traditave shqiptare.

Video

[Albo]

Petja dhe Ujku - balet per femije - Vitet 1960



Interpretojne Miltiadh Papa(Petja) Zoica Haxho(Zogu), Ganimet Vendresha(Pata), Sekine Sharofi(Macja), Xhemil Simixhiu(Ujku)

[Albo]

Pjese nga baleti Halili dhe Hajria - Tish Daija(Kompozitor) Panajot Kanaci(Koreograf)

Pjese nga baleti Halili dhe Hajria i kompozitorit Tish Daija dhe Koreografit Panajot Kanaci, marre nga nje Dokumentar mbi historine e Teatrit te Operas dhe Baletit i realizuar ne 1973. Cfaqja e paraqitur duhet te jete filmuar diku nga mesi i viteve 60.

Interpretojne Zoica Haxho(Hajria), Xhemil Simixhiu(Halili), Sekine Sharofi, Petrit Vorpsi, Miltiadh Papa.

[Albo]

(Video) Një lamtumirë si skenë e një filmi Oskar, nën kujdesin e vajzave Mirelës & Edlirës, u përcoll në banesën e fundit Ylli i Baletit Sekine Sharofi Athanas



Në një ceremoni private nën kujdesin e vajzave Mirelës dhe Edlirës, u bë përcjellja e Sekine Sharofi Athanas – Soliste dhe Prima balerina e Teatrit të Operas, një Grande Etoil në majën e hierarkisë së Baletit Shqiptar. Balerina shqiptare tani do të prehet pranë dashurisë së jetës, Tenorit të shquar Gjoni Athanas, dy Yje në konstelacionin e kulturës shqiptare.

Në video do të shihni një Prima Balerina absolute që interpreton për një Prima Balerina absolute – do të shihni Mjellmën Bijë me një interpretim brilant për Mjellmën Nënë – Skenë sublime – Art i pastër, dashuri e pastër, tronditje, dhimbje e lot margaritarë për cilindo që e sheh këtë moment kaq universal që duket sikur është një vazhdim i veprës të Saint-Saëns dhe Fokine, por që nuk e kishte parë askush, si një premierë e destinuar vetëm për yjet e mëdhenj të skenës që meritojnë lot, nderim dhe duartrokitje!

Interpretimi nga Edlira Athanas, dikur prima balerina e Teatrit të Operas e Vdekjes së Mjellmës – La Mort du cygne – nga suita Karnavali i Kafshëve – The Carnival of the Animals, e kompozitorit Saint-Saëns me koreografi të Michel Fokine – i ngjan skenave të një filmi Oskar, për realizimin e të cilave qendron një ekip i gjithë Artistësh, por në fakt aty gjithçka është reale, e vërtetë, e prekëshme ku në sfond ndihen ngeshërenjat, pra jeta reale e tejkalon edhe artin.

Në fjalët që shoqëron videon Mirela Athanas shkruan si më poshtë: “Edlira tha balerinat shprehin gjithçka me levizje, keshtu qe une dua t’i jap pershendetjen e fundit mamit me “Vdekjen e mjellmes” te cilen ajo e ka kercyer vete vite me pare dhe me pas ia ka mesuar Edlires. Te gjithe po lotonim me dhimbje te papershkruar…”

Ndërsa vetë Edlira Athanas Joseph i jep lamtumirëm me fjalët: “Goodbye Mami��. This was my way of saying goodbye to you. My way of saying goodbye to a prima ballerina ��, my mentor, my hero, my mami… – Mirë u pafshim Mami��. Kjo është mënyra për të të thënë mirë u pafshim. Mënyra ime për t’i thënë mirë u pafshim një prima balerine��, mentores time, heroinës time, my mami…- ”

Voal.ch iu bashkohet në këtë dhimbje./ Elida Buçpapaj

[Albo]

U nda nga jeta Sekine Sharofi – Athanas Grande Etoil i Baletit Shqiptar – Lajmin e dhanë dy vajzat Mirela dhe Edlira Athanas



U nda nga jeta Sekine Sharofi, prima balerina dhe një nga yjet më identifikuese të baletit shqiptar dhe Teatrit të Operas, një Grande Etoil që e shkëlqeu skenën shqiptare me interpretimet e shkëlqyera. Sekine Sharofi Athanas bashkëshortja e tenorit të shquar Gjoni Athanas, do të mbetet një yll i pashuar për Baletin Shqiptar dhe kulturën kombëtare. Voal.ch iu dërgon ngushëllimet më të sinqerta dy vajzave Mirela dhe Edlira Athanas.

Më poshtë po sjellim lajmin e Mirelës dhe Edlirës:

Mirela shkruan:

“Pushoi se rrahuri zemra e mamit tim. Ajo zemer me rrahje te forte plot energji dhe dashuri! Kete video ja kam dedikuar per ditelindjen e saj ne 2017, vetem pak perpara se te fillonte semundja e saj e gjate. Nuk kam fjale per dhimbjen qe ndjej. Por jeta, shpirti, pasioni i saj, menyra se si ajo krijoi art, mbajti familje, dha dashuri me jep force ne kete moment. Te dua deri ne pafundesi mami im e shtrenjte. Je drite dhe yll qe nuk mund te shuhet. Prehu ne paqe!





Ndërsa Edlira Athanas shkruan si më poshtë në anglisht:

Dear mami! Your heart stopped today, that strong heart that had been through a lot. That good heart that only brought out serenity and grace. My dad, a bit possessive man he was, wanted you only to himself. He was waiting for you, we all knew that sooner or later he was going to win. But I, with warrior soul, as I did with him, fought so hard with nature, hit and kicked to keep you here, ’cause I needed you the most. I remember your smell…when I was little that was my sleeping pill. All I needed was that, and I would fall fast asleep. I would bring it into my mind from time to time, even now, and I would feel relaxed and whole. I felt like I had you with me. You, the unconditional love and support, you that worried about me, you that would give your life for me, you that put me always on a pedestal, you that raised my children, you that gave so much and excepted nothing from me. What can I say dear mami, you were a model mother, the true meaning of a mother, and how lucky was I! I know you knew this, but I didn’t say it enough then, and I am sorry for it…because I want to scream it now, “I was the luckiest daughter to have a mother like you”. Lately you had become my baby, and I would smile sometimes and think how life teaches you how to pay with same token. I would care for you like you did for me, with the same love and devotion, same care and affection like we were intertwined….and I was your baby and you were my baby and I was your baby and you were my baby…It’s a big hole now…I feel it in my soul so deep. Up to a few minutes ago, your heart was still beating, and I was still your daughter…I feel an orphan now…



E dashur mami! Zemra jote u ndal sot, ajo zemër e fortë që kishte kaluar shumë. Ajo zemër e mirë që sillte vetëm qetësi dhe hir. Babai im, një njeri pak posesiv që ishte, të donte vetëm për vete. Ai po të priste, të gjithë e dinim që herët a vonë do të fitonte. Por unë, me shpirt luftëtar, siç bëra me të, luftova aq fort me natyrën, godita dhe shkelmova për të të mbajtur këtu, se kisha më shumë nevojë për ty. E mbaj mend erën tënde…kur isha i vogël kjo ishte pilula ime e gjumit. Gjithçka që më nevojitej ishte kjo që të më zinte menjëherë gjumi. Do ta sillja në mendje herë pas here, sikur e sjell edhe tani, dhe do të ndihesha e qetë dhe e plotë. Më dukej sikur të kisha me vete. Ti, dashuria dhe mbështetja e pakushtëzuar, ti që shqetësoheshe për mua, ti që do të jepje jetën për mua, ti që më vendose gjithmonë në piedestal, ti që më rrite fëmijët e mi, ti që dhe aq shumë dhe nuk përjashtove asgjë nga unë. Çfarë të them e dashur mami, ti ishe një nënë model, kuptimi i vërtetë i nënës dhe sa me fat isha! E di që e dinit, por nuk e thashë aq sa duhet atëherë dhe më vjen keq për këtë…sepse dua të bërtas tani: “Isha vajza më me fat që kisha një nënë si ty”. Kohët e fundit ti ishe bërë fëmija im, dhe ndonjëherë buzëqeshja dhe mendoja se si jeta të mëson se si të paguash me të njëjtën shenjë. Do të kujdesesha për ty ashtu siç bëre ti për mua, me të njëjtën dashuri dhe përkushtim, të njëjtin kujdes dhe dashuri si ne ishim të ndërthurur… dhe unë isha fëmija yt dhe ti ishe fëmija im dhe unë isha fëmija yt dhe ti ishe fëmija im… një boshllëk i madh tani…e ndjej në shpirtin tim kaq thellë. Deri para pak minutash, zemra jote ende rrihte, dhe unë isha akoma vajza jote… tani ndihem jetime…

VOAL