Brezi i Tretë dhe Pensionimi

[sirena_adria]

Shqipëria po plaket, gati 1 në 2 banorë është pensionist

Në Vlorë, Korçë, Berat, thuajse 1 në 3 banorë, Tirana, më shumë pensionistë. Pensionet e invalidit zënë 10% nërsa ato familjare 8 %. Në terma absolutë, në Shqipëri regjistrohen 543 957 pensione pleqërie gjithsej

Mes shumë treguesve të tjerë ekonomike dhe socialë, “Vjetari Satistikor rajonal 2021”, ka të dhëna dhe mbi mbrojtjen sociale dhe ndihmën ekonomike. “Scan Intelligence Unit” ka analizuar pensionet si kategoria kryesore e përfitimeve sociale, për të parë se si ndryshon ky tregues nga qarku në qark. Shifrat tregojnë se në rang vendi, për vitin 2020, pensionet e pleqërisë zënë 82% të pensioneve gjithsej. Nga ana tjetër, pensionet e invaliditetit zënë 10%, ndërsa ato familjare 8%. Në terma absolutë, në Shqipëri regjistrohen 543 957 pensione pleqërie gjithsej. Qarku i Tiranës, për vitin 2020, regjistron më shumë pensione pleqërie se qarqet e tjera, me 134 344 të tilla. Nga këto 119,298 janë pensione pleqërie nga popullsia urbane dhe 15,046 janë nga popullsia rurale. Qarku i dytë, i cili regjistron më shumë pensione pleqërie është qarku i Fierit me 64,323. Qarku me më pak pensione pleqërie urbane dhe rurale, rezulton të jetë qarku i Kukësit me 11,077 pensione.

Cili qark ka numrin më të madh të përfituesve të pensioneve për 1000 banorë?

Theksojmë se brenda kategorisë pensione përfshihen pensionet e pleqërisë, pensionet familjare si dhe pensionet e invaliditetit. Siç e tregon dhe grafiku, është Gjirokastra qarku me më shumë përfitues për 1000 banorë, me 441 përfitues. Gjirokastra ndiqet nga qarku i Vlorës, me 310 përfitues për 1000 banorë dhe nga qarku i Korçës, me rreth 300 përfitues për 1000 banorë. Qarku me numrin më të ulët të përfituesve është qarku i Tiranës, me 179 përfitues për 1000 banorë. Qarqe po ashtu me një numër të ulët përfituesish janë edhe Kukësi, Durrësi e Dibra.


Gazeta Telegraf

https://telegraf.al/ekonomi/shqiperi...te-pensionist/

[sirena_adria]

Shqipëri: Ikën rinia, pensionistët rikthehen në vendet e punës

Qershor 2021


Një seri faktorësh demografik, ku kryeson emigracioni i lartë po redukton me ritme të përshpejtuara forcën e punës tek të rinjtë 15-29 vjeç.

Në të kundërt, numri i pensionistëve në punë po rritet ndjeshëm.

Të dhënat e INSTAT tregojnë se, në tremujorin e parë të vitit 2021 forca e punës në grup-moshën 15-29 vjeç shënoi 326,106 persona, 27 mijë më pak se një vit më parë ose 7.7% më pak.

Forca e punës reduktohet për dy faktorë themelore.

E para, rënia e përgjithshme popullsisë në moshë pune dhe e dyta kur popullsia në moshë punë bëhet inaktive (nuk dëshiron të punojë).

Përgjithësisht kur forca e punës bie rritet numri i personave “dembele” , inaktivët. Por në rastin e grup moshës 15-29 vjeç inaktiviteti është rritur shumë pak në krahasim me rënien që ka ndodhur në forcën e punës, duke reflektuar qartë rënien e popullsisë banuese në vend në ketë grup-moshë.

Nga tremujori i parë 2020 deri në tremujorin e parë 2020, rreth 8800 të rinj kanë rënë në inaktivitet, por ndërkohë forca e punës ka rënë me 27 mijë të rinj.

Tkurrja e numrit të të rinjve të forcën e punës po vjen nga dy arsye kryesore. E para lidhet me emigracionin e lartë të kësaj grup moshe. Të dhënat e mëparshme të Eurostat mbi azilkërkuesit tregojnë se mbi 80% e azilkërkuesve shqiptare janë të rinj.

Arsyeja e dytë lidhet me rënien e lindjeve pas vitit 2000. Rënia sistematike e lindjeve ka ulur në mënyrë të natyrshme grupin e të rinjve në forcën e punës.

Projeksionet e popullsisë për tri nënndarje të grup-moshës së të rinjve, për vitet 2018-2021, tregojnë qartë që prurjet e moshave 15-19 dhe 20-24 vjeç paraqesin rënie të dukshme gjatë viteve në vijim, tendencë kjo që shënon pikënisjen e trendit rënës për forcën e punës.

Shifrat flasin për vështirësi të punësimit të hasura kryesisht tek të rinjtë. Tek grup-mosha 15-29 vjeç tregu i punës është i paqëndrueshëm.

Në tremujorin e parë të vitit 2021, shkalla zyrtare e papunësisë për të rinjtë është 23,3 %. Papunësia e të rinjve shfaqi tendencë rritëse. Krahasuar me tremujorin e parë të vitit 2020, shkalla e papunësisë për të rinjtë, në tremujorin e parë 2021, është 3,3 pikë përqindje më e lartë. Krahasuar me tremujorin e katërt 2020 është rritur me 1,6 pikë përqindje.

Të rinjtë e moshës 15-29 vjeç që deklaruan se janë nxënës/studentë ose në trajnim përbënin 70,1 % te të rinjve ekonomikisht jo-aktivë në tremujorin e parë 2021, ndërsa 9,0 % u klasifikuan si të papunë të dekurajuar.

Rritet me 30% numri i pensionistëve në punë

Hendeku që po lënë të rinjtë në tregun e punës po zëvendësohet me pensionistë. Sipas të dhënave të INSTAT numri i personave mbi 64 vjeç që janë raportuar në punë arriti në mbi 86 mijë në tremujorin e parë të vitit 2021 me një rritje 30 % në raport me të njëjtën periudhë të një viti më parë. Numri i personave në punë mbi 60 vjeç arriti rekord në tremujorin e parë të këtij viti. Ata po bëhen gjithnjë e më atraktiv në tregun e punës për shkak të zanateve që zotërojnë. Bizneset po gjejnë më shumë aftësi te moshat e vjetra. Të rinjtë janë më të pakët në numër dhe gjithnjë e më pak po tentojnë të mësojnë zanate. Tendenca për të fituar shpejt dhe shumë pa lodhje është tashmë evidente.

Shumë biznese sidomos në sektorin e ndërtimit dhe fasonit po vuajnë mungesën e punonjësve, teksa kanë nisur përpjekjet për ti plotësuar nevojat me të huaj nga Afrika dhe Azia.


/ B.Hoxha / MONITOR

http://aktualitet.al/2021/06/15/shqi...endet-e-punes/

[ilia spiro]

Shqipëri: Ikën rinia, pensionistët rikthehen në vendet e punës

Qershor 2021


Një seri faktorësh demografik, ku kryeson emigracioni i lartë po redukton me ritme të përshpejtuara forcën e punës tek të rinjtë 15-29 vjeç.

Në të kundërt, numri i pensionistëve në punë po rritet ndjeshëm.

Të dhënat e INSTAT tregojnë se, në tremujorin e parë të vitit 2021 forca e punës në grup-moshën 15-29 vjeç shënoi 326,106 persona, 27 mijë më pak se një vit më parë ose 7.7% më pak.

Forca e punës reduktohet për dy faktorë themelore.

E para, rënia e përgjithshme popullsisë në moshë pune dhe e dyta kur popullsia në moshë punë bëhet inaktive (nuk dëshiron të punojë).

Përgjithësisht kur forca e punës bie rritet numri i personave “dembele” , inaktivët. Por në rastin e grup moshës 15-29 vjeç inaktiviteti është rritur shumë pak në krahasim me rënien që ka ndodhur në forcën e punës, duke reflektuar qartë rënien e popullsisë banuese në vend në ketë grup-moshë.

Nga tremujori i parë 2020 deri në tremujorin e parë 2020, rreth 8800 të rinj kanë rënë në inaktivitet, por ndërkohë forca e punës ka rënë me 27 mijë të rinj.

Tkurrja e numrit të të rinjve të forcën e punës po vjen nga dy arsye kryesore. E para lidhet me emigracionin e lartë të kësaj grup moshe. Të dhënat e mëparshme të Eurostat mbi azilkërkuesit tregojnë se mbi 80% e azilkërkuesve shqiptare janë të rinj.

Arsyeja e dytë lidhet me rënien e lindjeve pas vitit 2000. Rënia sistematike e lindjeve ka ulur në mënyrë të natyrshme grupin e të rinjve në forcën e punës.

Projeksionet e popullsisë për tri nënndarje të grup-moshës së të rinjve, për vitet 2018-2021, tregojnë qartë që prurjet e moshave 15-19 dhe 20-24 vjeç paraqesin rënie të dukshme gjatë viteve në vijim, tendencë kjo që shënon pikënisjen e trendit rënës për forcën e punës.

Shifrat flasin për vështirësi të punësimit të hasura kryesisht tek të rinjtë. Tek grup-mosha 15-29 vjeç tregu i punës është i paqëndrueshëm.

Në tremujorin e parë të vitit 2021, shkalla zyrtare e papunësisë për të rinjtë është 23,3 %. Papunësia e të rinjve shfaqi tendencë rritëse. Krahasuar me tremujorin e parë të vitit 2020, shkalla e papunësisë për të rinjtë, në tremujorin e parë 2021, është 3,3 pikë përqindje më e lartë. Krahasuar me tremujorin e katërt 2020 është rritur me 1,6 pikë përqindje.

Të rinjtë e moshës 15-29 vjeç që deklaruan se janë nxënës/studentë ose në trajnim përbënin 70,1 % te të rinjve ekonomikisht jo-aktivë në tremujorin e parë 2021, ndërsa 9,0 % u klasifikuan si të papunë të dekurajuar.

Rritet me 30% numri i pensionistëve në punë

Hendeku që po lënë të rinjtë në tregun e punës po zëvendësohet me pensionistë. Sipas të dhënave të INSTAT numri i personave mbi 64 vjeç që janë raportuar në punë arriti në mbi 86 mijë në tremujorin e parë të vitit 2021 me një rritje 30 % në raport me të njëjtën periudhë të një viti më parë. Numri i personave në punë mbi 60 vjeç arriti rekord në tremujorin e parë të këtij viti. Ata po bëhen gjithnjë e më atraktiv në tregun e punës për shkak të zanateve që zotërojnë. Bizneset po gjejnë më shumë aftësi te moshat e vjetra. Të rinjtë janë më të pakët në numër dhe gjithnjë e më pak po tentojnë të mësojnë zanate. Tendenca për të fituar shpejt dhe shumë pa lodhje është tashmë evidente.

Shumë biznese sidomos në sektorin e ndërtimit dhe fasonit po vuajnë mungesën e punonjësve, teksa kanë nisur përpjekjet për ti plotësuar nevojat me të huaj nga Afrika dhe Azia.


/ B.Hoxha / MONITOR

http://aktualitet.al/2021/06/15/shqi...endet-e-punes/

Te liberalizohet mosha e daljes ne pension pas 65 vjec, nese nje person desheron te punoje le te vazhdoje ne deshiren e tij sa te kete mundesi

[sirena_adria]

Shqiptarët që punojnë rregullisht në Zvicër do mund të përfitojnë pensionin me mbushjen e moshës

Shtetasit shqiptarë që punojnë rregullisht në Zvicër, do të përfitojnë pensionin me mbushjen e moshës, duke mos humbur asnjë ditë nga periudha kontributive. Marrëveshja e ndersjelltë është firmosur sot midis dy qeverive dhe do të përfitojmë mbi 2 mijë shtetas shqiptarë.

Ministrja e Ekonomisë, Delina Ibrahimaj deklaroi se marrëveshja do të hyjë në fuqi pasi të votohet në 2 Kuvendet dhe të dekretohet nga 2 presidentët, por pa dhënë një datë fikse.

"Nënshkruam një marrëveshje të rëndësishme për mbrojtjen shoqërore, ndër vite shqiptarët që jetojnë dhe punojnë në Zvicër kanë pasur një problematikë, janë rreth 2 mijë shtetas shqiptarë që do të përfitojnë njohjen e pensioneve. Miratimi i marrëveshjeve në parlamente, ku për një periudhë sa më të shkurtër ta kalojmë në parlament dhe të marrin dekretimin nga presidentët dhe në atë moment do të përfitojnë shqiptarët", tha Ibrahimaj.

Ministri për Çështjet e Brendshme, Shëndetësinë dhe Mbrojtjen Sociale të Zvicrës, Alain Berset tha se kjo marrëveshje do të sjellë ndryshime pozitive për 2 vendet.

"Është gjithë përfshirëse dhe krijon një bazë bashkëpunimi dhe jam besimpolotë se kjo sjell ndryshime pozitive për qytetarët tanë dhe të shkëmbimeve ekonomike. Procedura do të hyjë në fuqi sa më shpejt të jetë e mundur. Në takimin që patëm me zv.kryeministrin, diskutuam që Shqipëria dhe Zvirca janë të dyja të zotuara për Këshillin e Sigurimit në OKB, dhe ne jemi kandidate për të njëjtin status dhe ne do të bashkëpunojmë brenda këshillit me palën shqiptare. Mirëpresim përpjekjet dhe reformat në Shqipëri, Reformën Zgjedhore dhe Reformën në Drejtësi dhe janë shumë të rëndësishme dhe ne mbështetim dhe besojmë që do të hedhim një hap përpara", tha Berset.


TiranaPost.al

https://tiranapost.al/aktualitet/2-m...rfitoj-i511143

[sirena_adria]

ART, PËR TË MBAJTUR GJALLË SHPIRTIN

Në pension! Kjo 71-vjeçare, madje ka nisur karrierën…


“Quhem Chen Shaoqin dhe jam 71 vjeçe. Para se të vija këtu, isha një shtëpiake që çdo mëngjes merrej me punët e shtëpisë, ndërsa tani kam kënaqësinë të punoj vullnetarisht në muze,” – thotë Chen, ndërsa i prezantohet një vizitori në Qendrën e Artit Bashkohor “Ullens” (UCCA), që ndodhet në Zonën Artistike 798 të Pekinit.

Shpesh herë, grupet e vizitorëve e kanë pyetur, në shpjegim e sipër, nëse është profesoreshë e historisë së artit në pension. Pavarësisht se ka vetëm diplomën e shkollës së mesme dhe ka pasur pak njohuri për artin, Chen është ndër ciceronët më popullorë sot në UCCA, pjesa dërrmuese e të cilëve, akademikë.

“Punët e përditshme janë për të mbijetuar, ndërsa arti pasqyron jetën time shpirtërore,” – i tha ajo CGTN-it.

Asnjëherë nuk është vonë

“Në fakt, më mungojnë shumë kualifikime. Nuk kam arsimim, diploma, pamjen e jashtme, as aftësinë e të folurit të gjuhës standarde kineze,” – thotë ajo. “Megjithatë, këto vepra arti kaq të bukura, më kanë shfaqur një botë të ndryshme. Ka aq shumë bukuri të papërshkrueshme në të”.

Për Chen-in, burimi më i madh i frymëzimit janë artistët kinezë, që patën sukses vonë në jetë. “Nga arritjet e tyre, mësova se nuk është kurrë vonë, për të filluar një karrierë të re,” – shprehet ajo.

Në vitin 2008, Chen u shpërngul në Pekin, nga Xiamen-i në Kinën Jugperëndimore, për t’u kujdesur për mbesën. Çdo pasdite, pasi merrte vajzën dyvjeçare nga kopshti, Chen bënte shëtitje në Zonën e Artit 798, një ish-fabrikë e kthyer në hapësirë krijuese moderne, tanimë një nga zonave më të populluara të Pekinit.

“Ky qe kontakti im i parë, me artin” – rrëfen e moshuara.

Para se të vinte në Pekin, gjithë ç’dinte për artin e kishte mësuar nga dokumentarët. Në vitin 2010, nga tre dinozaurët e kuq para ndërtesës që i tërhoqën vëmenjen, ajo hyri në UCCA dhe pagoi 500 juanë (afro 72.82 $) për anëtarësimin, pasi lexoi manualin.

Gjashtë vjet më vonë, asokohe 67-vjeçare, mori ftesën për të qenë cicerone dhe këtu nisi udhëtimi i saj i ri, në botën e artit.

Chen-i ishte një nga shpjeguesit në nëntorin e kaluar, kur një ekspozitë me titull: “Maurizio Cattelan: Gjykimi i Fundit” u zhvillua në UCCA.

“Asgjë nuk e tremb artistin e diskutueshëm italian Maurizio Cattelan, që ndërhyn dhe tallet me botën e artit, si një i huaj. Duke qenë një artist bashkohor autodidakt, Cattelan e ka frymëzuar vazhdimisht artin nëpërmjet maksimizimit të potencialit të tij energjik,” – rrëfen Chen.

Gjatë katër vjetëve të fundit, të moshuarës i është dashur të vijë në UCCA, 30 minuta përpara çdo turi, me një listë dygjuhëshe me fjalët përkatëse në kinezishte dhe anglishte. Krahas informacioneve mbi ekspozitën, ajo ka gjithashtu shpjegime dhe analogji të zgjeruara nga leximi i përditshëm. “Dua të shtoj risi dhe informacione përkatëse në dosje, nga mësimet dhe mendimet e mia të përditshme,” – shprehet Chen-i.

Nëpërmjet një literature të pasur mbi jetën dhe idetë e artistëve, ajo është gjithmonë e gatshme për diçka të re: 71-vjeçarja, ndoshta është ciceronia më e vjetër, me mbi 3 mijë orë përvojë, por stili i saj energjik dhe lirik ka tërhequr shumë shikues.

“Arti më ka zgjuar këndvështrime të reja mbi botën, duke më njohur me një numër të madh perceptimesh, idesh e njohurish të ndryshme,” – thotë ajo.

Një udhëtim për të zbuluar veten

Për Chen-in, bërja cicerone është një udhëtim vetëzbulimi, sepse historitë e artistëve shpesh rezonojnë thellësisht me të.

“Në Kinë, mosha mesatare e jetëgjatësisë për gratë, është rreth 80 vjeçe. Kështu, të moshuarit si unë, që dalin në pension, zakonisht në moshën 55 – 60-vjeçare, pse të mos e ruajnë gjallërinë e shpirtit? Jam ende e re,” – thekson ajo.

“Ndryshe nga vullnetarët e rinj, që duhet të shkollohen ose të punojnë, unë mund të përqendrohem vetëm në punën si cicërone,” – shton e moshuara.

Jeta në Pekin, për të ka qenë sfiduese. Me pension prej 4 mijë juanësh (630 $) dhe të ardhurat nga një punë me kohë të pjesshme, më pak se 2 mijë juanë (315$), për të përballuar qiranë e një apartamenti të vogël afër zonës 798, pasi u shpërngul nga apartamenti me 3 dhoma gjumi i familjes së të birit, për shkak të mosmarrëveshjeve familjare.

“Për sa kohë që kemi dashuri dhe guxim për kërkim, jemi ende të reja,” – thotë ajo.

Tashmë në vitin e katërt në UCCA, Chen-i e ka treguar aftësitë si cicerone. Tani ajo shpjegon paraekspozitat për ankande dhe në transmetimet e drejtpërdrejta në “Art-pro”, një aplikacion kinez në celular, për shitjen e veprave të artit, që asaj i mundëson një pagesë prej 3 mijë juanësh për çdo transmetim.

Së bashku me 40 artistë dhe kuratorë të tjerë, ajo u bë anëtarja e jurisë që zgjodhi 20 artistët me ndikimin më të madh të vitit, në “Hi-art”, një ndër revistat kryesore kineze të artit, në internet.

Mbesa e përkrah me komentet pozitive ose me “pëlqime” në llogarinë e saj në rrjetin social.

“Nëse ke gjëra për të dashuruar dhe kërkuar, kjo të ndihmon të ruash rininë dhe gjallërinë. Çfarëdo që të pëlqen, ngul këmbë dhe jeta do të bëhet e pasur dhe interesante,” – thotë ciceronia 71-vjeçare kineze.


KONICA

https://konica.al/2022/03/ne-pension...sur-karrieren/

[sirena_adria]

80 vjeç dhe në skenë, Viktor Zhusti tregon sekretin e moshës!

https://www.youtube.com/watch?v=Kiq67dR3m1c

[sirena_adria]

Kleçka e punësimit, rritja më 2021 erdhi nga pensionistët, për popullsinë ne moshe pune kishte rënie

Rritja ekonomike mbi 8% vitin e kaluar nuk ka arritur të prodhojë më shumë punësim, përkundrazi punësimi ka pësuar rënie në popullsinë në moshë pune.

Ajo që INSTAT raportoi se punësimi u rrit me 0.4% gjatë vitit 2022 nuk ka qenë e vërtetë për popullsinë në moshë pune ku shihet se, përkundrazi është shënuar tkurrje.

Të dhënat zyrtare më të detajuara tregojnë se në vitin 2021 ishin të punësuar 1,176,381 persona të moshës 15-64 vjeç me një rënie 0.4% në krahasim me një vit më parë ose mbi 4200 më pak se, më 2020 ku pandemia pllakosi vendi dhe punësimi u godit më së shumti.

Rritja më e madhe e punësimit shihet të ketë ndodhur në mesin e pensionistëve. Të dhënat e INSTAT tregojnë se të punësuarit mbi 64 vjeç u rritën me 15.5% në raport me një vit më parë ose 9668 persona më shumë.

Në vitin 2021 numri i pensionisteve të punësuar arriti në 72,368 persona nga 62 mijë e 700 në vitin 2020.

Në të kundërt punësimi në moshat e reja ka pësuar rënie përkundër nevojave të tregut të punës që paraqesin mungesa të thella në disa sektorë.

Sipas INSTAT, shkalla e papunësisë për të rinjtë e moshës 15-24 vjeç është 27,1 %. Krahasuar me vitin paraardhës, shkalla e papunësisë së të rinjve pësoi një rritje prej 0,6 pikë përqindje.

Hendeku që po lënë të rinjtë në tregun e punës po zëvendësohet me pensionistë. Sipas të dhënave të INSTAT numri i personave mbi 64 vjeç që janë raportuar në punë gjatë vitit 2021 shënoi rritje te ndjeshme në raport me të njëjtën periudhë të një viti më parë.

Gjithashtu numri i personave në punë mbi 60 vjeç arriti rekord më 2022. Ata po bëhen gjithnjë e më atraktiv në tregun e punës për shkak të zanateve që zotërojnë. Bizneset po gjejnë më shumë aftësi te moshat e vjetra. Të rinjtë janë më të pakët në numër dhe gjithnjë e më pak po tentojnë të mësojnë zanate. Tendenca për të fituar shpejt dhe shumë pa lodhje është tashmë evidente.

Një seri faktorësh demografik, ku kryeson emigracioni i lartë po redukton me ritme të përshpejtuara forcën e punës tek të rinjtë 15-29 vjeç. Në të kundërt, numri i pensionistëve në punë po rritet ndjeshëm.

Në kushtet kur pagesat e pensioneve nuk sigurojnë as mbijetesën për pensionistët, qeveria nuk ka hapësira për të manovruar për përmirësimin e situatës. Skema publike karakterizohet nga deficiti i lartë, për shkak se shpenzimet janë më të larta se të ardhurat nga kontributet.

Shumë pensionistë detyrohen të integrohen në tregun e punës për shkak te të ardhurave të pamjaftueshme nga pensioni.

Në vitin 2020, pensioni mesatar në qytet ishte 15,732 lekë, duke shënuar rënie me 3.2% në raport me vitin 2019. Kjo ishte hera e parë që pensioni neto shënoi rënie, teksa ekspertët në ISSH sqaruan se pensioni mesatar do të jetë nën presion në vitet e ardhshme, për shkak të rritjes së numrit të përfituesve (popullsisë që jeton jashtë vendit) dhe atyre që jetojnë në fshat.


/ B.Hoxha - “Revista Monitor”

https://www.monitor.al/klecka-e-pune...-kishte-renie/

[ilia spiro]

Kokluzioni: Te mos kete moshe te percaktuar te daljes ne pension. Mbi 65 vjec kush te doje le te dale. Sa ke koke, kembe e duar puno. Ja e thashe nje fjale, po kujt???

[sirena_adria]

Pensionistët e vetëpunësuar në sektorin privat pritet të përjashtohen nga detyrimi për pagesat e kontributeve të sigurimeve shoqërore

Aktualisht, pensionistët që vetëpunësohen në sektorin privat dhe njëkohësisht tërheqin këstin e pensionit mujor, janë të detyruar të paguajnë kontributet e sigurimeve shoqërore, pavarësisht se nuk reflektohen në pension.

Ndryshimet janë propozuar nga Ministria e Financave dhe Ekonomisë në draftin për “Për një ndryshim në ligjin nr. 7703, datë 11.05.1993 “Për sigurimet shoqërore në Republikën e Shqipërisë” i publikuar në konsultimet publike.

“Këshilli i Ministrave mund të vendos që përfituesit e pensionit të pleqërisë të vetëpunësuar në sektorin privat të tërheqin këstet mujore të pensionit dhe të përjashtohen nga pagesa e kontributeve të sigurimeve shoqërore, gjatë kohës së vetëpunësimit”, përcaktohet në ndryshimet e nenit 98.

Sipas të dhënave të Ministrisë së Financave aktualisht janë 1,484 përfitues të pensionit të pleqërisë të vetëpunësuar në sektorin privat të cilët paguajnë kontribute çdo muaj në masën 14,151,424 lekë, të cilat kalojnë në fondin e sigurimeve shoqërore. Shuma 169,817,088 lekë në vit me hyrjen në fuqi të këtyre ndryshimeve do të zbritet nga të ardhurat në fondin e sigurimeve shoqërore.

“Përmes nismës së Këshillimit Kombëtar qytetarëve iu kërkua të jepnin mendim, në lidhje me faktin nëse pensionistët të cilët vetëpunësohen në sektorin privat duhet të përjashtohen nga pagesa e kontributeve të detyrueshme për sigurime shoqërore. Nga rezultatet e kësaj nisme evidentohet fakti se 66% e qytetarëve kanë dhënë përgjigje pozitive.

Bazuar në ligjin 7703 datë 11.05.1993, “Për sigurimet shoqërore në Republikën e Shqipërisë”, të ndryshuar, të vetëpunësuarit si persona ekonomikisht aktivë mbrohen me të ardhura nga dega e barrëlindjeve dhe dega e sigurimit të pensioneve dhe janë të detyruar të paguajnë kontribut mujor për barrëlindje dhe për pensione të llogaritura, për një pagë jo më të vogël se paga minimale në shkallë vendi dhe jo më të lartë se paga maksimale kontributive.

Për personat e siguruar, që kanë plotësuar jo më pak se 15 vite sigurim shoqëror, kanë të drejtë për pension pleqërie, kur të arrijnë moshën e përcaktuar në nenin 92, dhe e përfitojnë këtë pension nëpërmjet tërheqjes së kësteve mujore të pensionit, legjislacioni aktual u ka garantuar mbrojtje shoqërore duke u dhënë përfitimin e caktuar.

“Për këtë arsye, kategorisë së pensionistëve të vetëpunësuar pagesa e kontributeve në të dy degët e sigurimit shoqëror barrëlindje dhe pensione nuk garanton atyre mbrojtje të shtuar. Përjashtimi nga pagesa e kontributeve për këtë kategori të punësuarish nuk ka impakt në rritjen e përgjegjësisë individuale për pension apo në garantimin e të mbuluarit me elementë të sigurimeve shoqërore për shkak përfitim barrëlindjeje, përveç se lehtësimi i këtyre personave nga barra e pagesës së kontributeve të cilat nuk u njihen. Përjashtimi nga pagesa e kontributeve vetëm e kësaj kategorie të vetëpunësuarish nuk do të përbënte problem në tregun e punës dhe në administrimin fiskal, përveç pakësimit të të ardhurave në dy degët e fondit e sigurimeve shoqërore (degën barrëlindje dhe degën e pensioneve)”, veçohet ndër të tjera në relacion.


Koha Jone

https://kohajone.com/pensionistet-e-...eve-shoqerore/

[Kryeplaku]

Kokluzioni: Te mos kete moshe te percaktuar te daljes ne pension. Mbi 65 vjec kush te doje le te dale. Sa ke koke, kembe e duar puno. Ja e thashe nje fjale, po kujt???

Konkluzioni: te shkojne rilindasit ne Bangladesh, t'ia lene Shqiperine atyre qe dine te qeverisin.

A e shikon ti qe jetegjatesia ne Shqiperi ka rene ne 73 a 74. Kur shqiptaret jetojne me pak nga gjithe evropianet, eshte konkluzion koti fare ky i yti. Shko zbatoje ne Zvicer dhe Japoni, jo ne Shqiperine jeteshkurter.

Ne Shqiperine e Edvin Rames qe nga momenti qe behesh 55 quaje veten se e ke njeren kembe ne varr. A e ke pare ne c'gjendje mjerane eshte shendeti i 60 vjecareve atje? Si pret ti te punojne njerezit gjer ne 65 ne nje vend ku 65 vjecarin e pyesin: akoma gjalle qenke?

Edvin Rama dhe rivdekja "socialiste" e kane cuar ate vend ne humnere. Pike muhabeti.