Prishtina mirëpret Ismail Kadarenë por jo Edi Ramën! Ismail Kadare merr nënshtetësinë kosovare

[Albo]

Shkrimtari Ismail Kadare ka marrë nënshtetësinë e Republikës së Kosovës.

Presidentja Vjosa Osmani ka nënshkruar këtë të martë dekretin. Sipas saj, dhënia e nënshtetësisë ikonës së letërsisë shqipe, është nderim për shtetin e Kosovës.

“Republika e Kosovës dhe qytetarët e saj ndihen të nderuar nga personaliteti i shquar i kombit, shkrimtari ynë i përmasave botërore, Ismail Kadare, i cili me krijimtarinë e tij ka afirmuar gjuhën, kulturën dhe traditën tonë”, u shpreh Osmani.

Dekreti i nënshtetësisë, shkrimtarit Kadare do t’i dorëzohet nga presidentja Osmani gjatë vizitës, e cila do të realizohet në Shqipëri në një periudhë të afërt.

Në qershor të këtij viti, Kadare u nderua me urdhrin “Hasan Prishtina”, më i larti që Republika e Kosovës ndan për personalitetet më të shquara të kulturës, artit, dhe shoqërisë.

Koha Jone

[Albo]

Presidentja Osmani i dorëzon nënshtetësinë: Mirë se vini Ismail Kadare në familjen e madhe të Kosovës



Siç edhe e kishte treguar, sot presidentja e Kosovës, Vjosa Osmani i ka dorëzuar shkrimit të madh Ismail Kadare, dekretin e nënshtetësisë së Republikës së Kosovës.

Teksa ka postuar foto nga takimi me të, Osmani e uron ”Mirë se vini Ismail Kadare në familjen e madhe të Kosovës”.

”Sot shkrimtarit tonë të madh Ismail Kadare, nderit të kombit tonë, ia dorëzova Dekretin e nënshtetësisë së Republikës së Kosovës. Mirë se vini Ismail Kadare në familjen e madhe të Kosovës! Rrëfimet tuaja le të vazhdojnë ta pushtojnë botën duke na kujtuar fuqinë e letërsisë për t`i formësuar perspektivat, sfiduar normat dhe nxitur dialogun”,-shkruan Osmani në Facebook.







Koha Jone