Sali Berisha: Ja se si Edi Rama përdori ambasadorin britanik në Tiranë për statusin tim "non-grata"

[Albo]

Berisha: ‘Si manipuloi ambasadori anglez për ‘Non Grata”-n time”



Sali Berisha ka akuzuar në mënyrë të drejtëpërdrejtë ambasadorin britanik në Tiranë, Alistar King – Smith, se kur qeveria e tij ka vënë në pikëpyetje heqjen e “Non gratës” të vendosur ndaj tij, ai ka lujtur një rol negativ duke përdorur trysni politike dhe mashtrime që kjo të mos ndodhte. Pasi Londra iu bashkua SHBA-ve për të sanksionuar ish-presidentin (1992-1997) dhe ish-kryeministrin (2005-2013), Berisha e bëri të ditur vetë personalisht këtë vendim që i mbërriti në mënyrë konfidenciale. Në 21 korrik të një viti më parë në drejtim të tij mbërriti një shkresë nga Home Office (ministria e brendëshme britanike) që e njoftonte për vendimin e marrë kundër tij. Ndryshe nga SHBA që e kishte shpallur më parë “Non Grata” Britania ka një sistem më transparent ndaj viktimës së kësaj mase dhe i lejon palës së prekur që përmes avokatëve të informohet për motivet dhe faktet që kanë shpënë drejt saj. “Unë vendosa të kundërshtoj vendimin e Home Office dhe t’u kërkoj atyre përmes një procesi ligjor që të vërtetojnë akuzat ndaj meje me prova konkrete”, ka deklaruar kreu i PD-së në një konferenëcë shtypi nga hotel Tirana (për ti’u përmbajtur qëndrimit se nuk e ngatërron partinë me këtë çështje private).

Pra pasi i ka marrë përgjigjet e autoriteteve londineze, Berisha ka dalë me një raport ku hedh poshtë të gjitha akuzat për lidhjen e tij me një ish drogaxhi (që shpërtheu derën e PD gjatë konfliktit me Bashën) për marrëdhëniet me Damir Fazlliçin, ish-klientin e së bijës investitorin pakistanez, Zanfar Ansar, e deri me lejimin e piramidave gjatë periudhës së qeverisjes së parë të PD-së. Natyrisht në ekspozenë e Berishës ka dhe shumë doza konspiracioni si etiketimi i mediave si Birn, Balkaninsight, Reporter.al, si të manipuluara nga Sorosi. Por ama interesante është të shihet roli që ka luajtur në dosjen e tij ambasadori britanik, të cilin Berisha e etiketon “diplomat të korruptuar njësoj si Charles McGonigal”.

Po cili ka qenë në të vërtetë roli i ambasadorit Alastair King-Smith? Në ekspozenë e tij kreu i PD lë të kuptohet se qeveria britanike e ka diskutuar mundësinë e revokimit të sanksionit ndaj Berishës. Por në mënyrë manipulative ambasadori ka mbajtur qëndrim për të kundërtën. Në një letër drejtuar shefave të tij, Alastair King-Smith shikohet të thotë: “Nëse kundërshtimi gjyqësor i Berishës për përjashtimin e tij është i suksesshëm. Qeveria britanike do të përballet me dëmtimin e reputacionit të saj ndërkombëtar, veçanërisht në Ballkanin Perëndimor”. Diku më tej ai shton:“…edhe heqja e urdhrit të përjashtimit të Berishës para gjykimit do të sjellë një dëmtim të njëjtë dhe ka të ngjarë edhe më të madh të reputacionit”.

Pra sipas kësaj logjike vendimarrja nuk ka të bëjë me faktet, por arsyet janë krejtësisht politike. Dhe doza politike shtohet në një tjetër dokument të ambasadorit, që Berisha e interpreton kështu në raportin e tij: “Në rekomandimet e tij për mos-heqjen e vendimit të pabazuar të Home Office, në mungesë të provave, ambasadori King – Smith përdor kundër meje argumente të mirëfillta politike. Duke dëshmuar anshmëri të theksuar politike ai shpreh shqetësimin se heqja e vendimit të Home Office kundër meje do të ndikojë pozitivisht ne rezultatin e Partise Demokratike në zgjedhjet lokale: “…Ky rrisk është më i madh për shkak të periudhës së zgjedhjeve lokale të Majit 2023, në të cilat Berisha përballet me një sfidë të fortë për të ruajtur votat dhe vendet e partisë së tij”.

Kreu i PD-së është marrë gjatë me rolin e kryediplomatit britanik të interpretuar sipas letrave të këtij të fundit që kanë në duar avokatët e tij. Sipas Berishës ai ka dizinformuar qeverinë, ka shpifur duke thënë se kreu i opozitës ka kritikuar qeverinë Londrës, ka referuar si burime asnjëanëse mediat e Carlo Bolinos dhe vazhdon të trokasë në dyert e qeverisë shqiptare për t’u furnizuar me fakte që kreut të PD-së mos i hiqet sanksioni nga Britania. Pikërisht për këto arsye, Berisha e etiketon atë si “një armë kundër opozitës në të njëjtën linjë me Ramën”.


Lapsi

[Albo]

Berisha: U morën si prova deklaratat e Lulzim Bashës kundër meje



Berisha në deklaratën për media tha se edhe sulmet e Lulzim Bashës kundër tij janë marrë si prova nga Home Officce, për ta shpallur ‘non grata’ në Mretërinë e Bashkuar.

‘E treta, lidhja ime me bandat e Elbasanit. Burimi, Lulzim Basha. Edhe në këtë rast, ambasadori King-Smith ka përcjellë një shpifje të ish-kryetarit të PD. Ai në nëntor 2022 deklaroi se Berisha po mbledh firmat për mbledhjen e Kuvendit KOmbëtar me ndihmën e Suel Çelës. Unë iu përgjigja, por korrupsioni të bën të vuash nga humbja e memories.
Berisha ka denoncuar bandat e Elbasanit dhe të çdo qyteti me emra dhe lidhjet e tyre zyrtare, miq të ambasadorit, më shumë se të gjithë politikanët shqiptarë së bashku.
Ambasadori britanik mjafton të kishte hapur dosjet e qeverisë së tij dhe do të kuptonte se çfarë marrëzie ka shkruar. Do të duhej të lexonte dosjen e bashkëpunimit të ngushtë mes agjencive ligjzbatuese të dy vendeve gjatë qeverisjes së PD, një bashkëpunim i vlerësuar lart.’- tha Berisha.

Lapsi

[Albo]

Non-grata në MB/ Berisha: Padita ambasadorin e Britanisë për shpifje



Ish-kryeministri, Sali Berisha ka dalë sot në një konferencë për mediat, ku do të tregojë të vërtetën e tij për shpalljen “non grata” nga Britania e Madhe.

Sali Berisha tha se shpallja e tij non grata nga Britania e Madhe është bërë në bazë të shpifjeve nga ambasadori i Britanisë në vendin tonë.

‘Jam këtu sot pothuajse një vit pasi Home Office më shpalli mua non grata me akuza false për lidhje me krimin e organizuar që cenonin sigurinë e Mbretërisë së Bashkuar. Vendosa ta padisë nbë gjykatë për shpifje King Smish dhe titulluarin Home Office. Vendimi bazohet në shpifje dhe trillime Mirëpo sipas ligjeve britanike duhej se para se të shkoj në gjykatë të çoj padinë time për shpifje duhet të paraqisja një ankesë në këshillin administrativ. Kam paraqitur në këtë raport të gjitha këto dokumente, të procesit të transparencës mbi shpalljen non grata.’- tha Berisha.

Lapsi

[Albo]

‘Heqja e non-gratës e ndihmon Berishën në zgjedhje’/ DOKUMENTI skandaloz i ambasadorit britanik

Publikimi i një dokumenti të Ambasadës Britanike në Tiranë ekspozon qëllimin e vërtetë të vendosjes së non-gratës ndaj kreut të opozitës, Sali Berisha. Dokumenti i përgatitur nga ambasadori Alistair King-Smith zbulon se arsyeja lidhet me dëmtimin e opozitës.

Pas shpalljes së Berishës si non-grata, qeveria britanike i kërkon informacion ambasadorit për këtë ccështje, duke hedhur dyshime për këtë vendim të ardhur pas informacioneve të marra nga burimet e King-Smith.

Ky i fundit, në mënyrë skandaloze, thotë se heqja e non-gratës ndaj Berishës do të dëmtonte reputacionin e qeverisë britanike, duke implikuar kështu shtetin e tij në këtë aferë. Për më tej, ai thotë se Berisha ka nisur të sulmojë qeverinë britanike, kur në fakt kreu i opozitës ka mbajtur qëndrime vetëm ndaj ambasadorit. Kulmi arrin kur ambasadori shkruan se heqja e non-gratës për Berishën, do e ndihmojë atë në zgjedhje, ccka nënkupton se qëllimi i vërtetë ishte shkatërrimi i opozitës.

DOKUMENTI I PLOTE

Përmbledhje e hapur e Shtojcës G

Shtojca G- Pikëpamjet e palëve të interesuara

Ambasada Britanike në Tiranë

-Përjashtimet në korrik të vitit 2022 nuk kanë ndikuar negativisht në marrëdhëniet mes Mbretërisë së Bashkuar dhe Shqipërisë dhe kanë përforcuar reputacionin tonë si lider ndërkombëtar në trajtimin e kriminalitetit dhe korrupsionit. Në momentin e shkrimit, nuk ka asnjë provë që sugjeron se marrëdhëniet diplomatike apo bashkëpunimi operacional me Qeverinë e Shqipërisë e ka pësuar si pasojë e këtyre përjashtimeve. Gjithashtu, veprimi i Mbretërisë së Bashkuar mori mbështetje si nga pjesë të konsiderueshme të shoqërisë shqiptare, ashtu edhe nga partnerë ndërkombëtarë.

-Megjithatë, si kundërpërgjigje, lideri i kontestuar i Partisë Demokratike, Sali Berisha, ka nisur sulme publike kundër Qeverisë së Mbretërisë së Bashkuar dhe vetë Ambasadorit të Mbretërisë së Bashkuar. Berisha e ka akuzuar vazhdimisht Ambasadorin e Mbretërisë së Bashkuar se është i korruptuar dhe bashkëpunon me Qeverinë Socialiste të Shqipërisë për të shtypur opozitën në Shqipëri. Këto pretendime nuk fitojnë shumë tërheqje jashtë bazës elektorale të Berishës, por ato kanë shkaktuar një shkallë dëmtimi të reputacionit të Mbretërisë së Bashkuar në mesin e mbështetësve të tij. Ato tregojnë se vendimet e Mbretërisë së Bashkuar kanë ushtruar presion ndaj Berishës.

-Vendimet e përjashtimit kanë pasur një ndikim parandalues. Politikanë dhe zyrtarë të lartë kanë kontaktuar disa herë me Ambasadorin e Mbretërisë së Bashkuar për të pyetur nëse individë të tjerë do të përjashtohen apo sanksionohen dhe kur mund të vendoset për një listë të re. Kjo është një pyetje e rregullt në intervistat me median shqiptare, e cila ka ndihmuar në vazhdimin e debatit për t’i dhënë fund pandëshkueshmërisë. Kemi marrë edhe lavdërime nga politikanët dhe shoqëria civile për mospublikimin e emrave në valën e parë, pasi kjo ka bërë që individë të tjerë të shqetësohen se mund të përfshihen në të ardhmen. Ndërsa është e vështirë të kapësh prova direkte të një reduktimi në praktikat korruptive, ne parashikojmë se veprimi ynë do të ketë ndikuar në disa nga zgjedhjet që bëjnë individe të tillë dhe do të ketë përforcuar indirekt vendosmërinë e institucioneve të pavarura të drejtësisë për të ndjekur penalisht figurat e larta në Shqipëri.

-Nëse sfida ligjore e Berishës për përjashtimin e tij do jetë e suksesshme, Qeveria e Mbretërisë së Bashkuar do të përballet me një dëmtim të reputacionit ndërkombëtar, veçanërisht në rajonin e Ballkanit Perëndimor. Grupi i përjashtimeve në korrik mori një mbulim të konsiderueshëm në lajmet rajonale. Sulmet e rregullta publike të Berishës ndaj Ambasadorit të Mbretërisë së Bashkuar në Tiranë kanë mbajtur fokusin në veprimin e Britanisë së Madhe kundër tij. Nëse sfida e tij do të ishte e suksesshme, Berisha do të kërkonte ta publikonte këtë fakt si një dëshmi se ai nuk ka kryer vepra korruptive apo kriminale. Ky rrezik rritet nga afati kohor për zgjedhje vendore që zhvillohen në maj 2023, ku Berisha përballet me një sfidë të vështirë për të ruajtur pjesën e votave dhe vendeve të partisë së tij. Një sfidë e suksesshme do të minonte besueshmërinë e Mbretërisë së Bashkuar ndërkombëtarisht dhe rajonalisht dhe do të zvogëlonte ndikimin e levave dhe parandalimit që ka kërcënimi me akte të tjera kundër korrupsionit (si p.sh sanksione, përjashtime të mëtejshme).

-Heqja e përjashtimit të Berishës përpara sfidës së tij ligjore do të sillte një dëm po kaq të madh reputacional- në mos edhe më të madh. Berisha do ta shfrytëzonte publikisht këtë në të njëjtën mënyrë sikur të kishte kundërshtuar me sukses vendimin. Për më tepër, tërheqja e vendimit përpara një sfide ligjore ka të ngjarë të portretizohet- dhe të interpretohet- si një kthesë e turpshme nga Qeveria e Mbretërisë së Bashkuar.

-Mbretëria e Bashkuar e ka ndërmarrë këtë veprim dhe ne rekomandojmë që t’i përmbahemi vendimit për përjashtimin për shkak se ne e njohim ndikimin e dëmshëm që ka pasur krimi i organizuar dhe korrupsioni në Shqipëri dhe në Ballkanin Perëndimor. Kjo ripohon gjithashtu se Mbretëria e Bashkuar ndërmerr veprime të forta pa paragjykime ku ne vlerësojmë se prania e tyre nuk është e favorshme për të mirën publike për shkak të përfshirjes së tyre në krimin e organizuar dhe korrupsion. Ky veprim gjithashtu thekson për Shqipërinë se Britania e Madhe e merr seriozisht korrupsionin dhe krimin e organizuar dhe është një kujtesë për Qeverinë e Shqipërisë që të ndërmarrë hapa të mëtejshëm për të luftuar korrupsionin.

-Dokumenti origjinal përshkruan rrezikun e mundshëm të ndikimit negativ që këto përjashtime paraqesin ndaj veprimeve të Ministrisë së Brendshme (Home Office). Në atë kohë, ekipi i CSN dhe Operacioneve Ndërkombëtare në Ministrinë e Brendshme ndërmorën veprime për të zbutur ndikimet dhe Departamenti i Ballkanit Perëndimor në Ministrinë e Jashtme, Zhvillimit dhe Komonuelthit dhe Ambasada Britanike në Tiranë e vlerësuan rrezikun e një ndikimi të prekshëm në bashkëpunimin mes Mbretërisë së Bashkuar dhe Shqipërisë në nivel politik dhe operacional si të ulët.

-Heqja e përjashtimit të Berishës mund të paraqesë rreziqe reputacioni për Ministrinë e Jashtme (Home Office) dhe më gjerë për Qeverinë e Mbretërisë së Bashkuar. Mbretëria e Bashkuar ka marrë kritika publike së fundmi nga liderë të lartë shqiptarë (përfshirë kryeministrin Edi Rama) lidhur me prezantimin e emigrantëve shqiptarë në media.

© SYRI.net

[Albo]

Skandaloze/ Qeveria britanike pranoi gabimin, ambasadori: Na dëmton reputacionin tërheqja e 'non grata-s'

Padia e Sali Berishës ndaj Home Office ka vënë lëvizje qeverinë britanike për vendimin e shpalljes non grata. Në dokumentet që ka publikuar Berisha nga komunikimi mes qeverisë britanike dhe ambasadorit të tyre në Tiranë kuptohet se informacioni që është dërguar për non grata-n nga ambasadorët e tyre nuk është i vërtetë dhe Berisha mund ta heqë non gratan me gjyq në britani.

Përballë kësaj situate ambasadori King Smith ndihet i alarmuar dhe ngulmon me kabllograme të njëpasnjëshme drejtuar qeverisë që mos ta heqin non grata-n sepse do të bjerë reputacioni i Britanisë së Madhe.

Kjo këmbëngulje tregon qartë frikën që King Smith ka se mos del zbuluar si manipulator dhe fabrikues i dosjes.

Më poshtë përmbledhje e plotë e Shtojcës G nga dokumentet e publikuara nga Berisha.

Shtojca G- Pikëpamjet e palëve të interesuara

Ambasada Britanike në Tiranë

-Përjashtimet në korrik të vitit 2022 nuk kanë ndikuar negativisht në marrëdhëniet mes Mbretërisë së Bashkuar dhe Shqipërisë dhe kanë përforcuar reputacionin tonë si lider ndërkombëtar në trajtimin e kriminalitetit dhe korrupsionit. Në momentin e shkrimit, nuk ka asnjë provë që sugjeron se marrëdhëniet diplomatike apo bashkëpunimi operacional me Qeverinë e Shqipërisë e ka pësuar si pasojë e këtyre përjashtimeve. Gjithashtu, veprimi i Mbretërisë së Bashkuar mori mbështetje si nga pjesë të konsiderueshme të shoqërisë shqiptare, ashtu edhe nga partnerë ndërkombëtarë.

-Megjithatë, si kundërpërgjigje, lideri i kontestuar i Partisë Demokratike, Sali Berisha, ka nisur sulme publike kundër Qeverisë së Mbretërisë së Bashkuar dhe vetë Ambasadorit të Mbretërisë së Bashkuar. Berisha e ka akuzuar vazhdimisht Ambasadorin e Mbretërisë së Bashkuar se është i korruptuar dhe bashkëpunon me Qeverinë Socialiste të Shqipërisë për të shtypur opozitën në Shqipëri. Këto pretendime nuk fitojnë shumë tërheqje jashtë bazës elektorale të Berishës, por ato kanë shkaktuar një shkallë dëmtimi të reputacionit të Mbretërisë së Bashkuar në mesin e mbështetësve të tij. Ato tregojnë se vendimet e Mbretërisë së Bashkuar kanë ushtruar presion ndaj Berishës.

-Vendimet e përjashtimit kanë pasur një ndikim parandalues. Politikanë dhe zyrtarë të lartë kanë kontaktuar disa herë me Ambasadorin e Mbretërisë së Bashkuar për të pyetur nëse individë të tjerë do të përjashtohen apo sanksionohen dhe kur mund të vendoset për një listë të re. Kjo është një pyetje e rregullt në intervistat me median shqiptare, e cila ka ndihmuar në vazhdimin e debatit për t’i dhënë fund pandëshkueshmërisë. Kemi marrë edhe lavdërime nga politikanët dhe shoqëria civile për mospublikimin e emrave në valën e parë, pasi kjo ka bërë që individë të tjerë të shqetësohen se mund të përfshihen në të ardhmen. Ndërsa është e vështirë të kapësh prova direkte të një reduktimi në praktikat korruptive, ne parashikojmë se veprimi ynë do të ketë ndikuar në disa nga zgjedhjet që bëjnë individe të tillë dhe do të ketë përforcuar indirekt vendosmërinë e institucioneve të pavarura të drejtësisë për të ndjekur penalisht figurat e larta në Shqipëri.

-Nëse sfida ligjore e Berishës për përjashtimin e tij do jetë e suksesshme, Qeveria e Mbretërisë së Bashkuar do të përballet me një dëmtim të reputacionit ndërkombëtar, veçanërisht në rajonin e Ballkanit Perëndimor. Grupi i përjashtimeve në korrik mori një mbulim të konsiderueshëm në lajmet rajonale. Sulmet e rregullta publike të Berishës ndaj Ambasadorit të Mbretërisë së Bashkuar në Tiranë kanë mbajtur fokusin në veprimin e Britanisë së Madhe kundër tij. Nëse sfida e tij do të ishte e suksesshme, Berisha do të kërkonte ta publikonte këtë fakt si një dëshmi se ai nuk ka kryer vepra korruptive apo kriminale. Ky rrezik rritet nga afati kohor për zgjedhje vendore që zhvillohen në maj 2023, ku Berisha përballet me një sfidë të vështirë për të ruajtur pjesën e votave dhe vendeve të partisë së tij. Një sfidë e suksesshme do të minonte besueshmërinë e Mbretërisë së Bashkuar ndërkombëtarisht dhe rajonalisht dhe do të zvogëlonte ndikimin e levave dhe parandalimit që ka kërcënimi me akte të tjera kundër korrupsionit (si p.sh sanksione, përjashtime të mëtejshme).

-Heqja e përjashtimit të Berishës përpara sfidës së tij ligjore do të sillte një dëm po kaq të madh reputacional- në mos edhe më të madh. Berisha do ta shfrytëzonte publikisht këtë në të njëjtën mënyrë sikur të kishte kundërshtuar me sukses vendimin. Për më tepër, tërheqja e vendimit përpara një sfide ligjore ka të ngjarë të portretizohet- dhe të interpretohet- si një kthesë e turpshme nga Qeveria e Mbretërisë së Bashkuar.

-Mbretëria e Bashkuar e ka ndërmarrë këtë veprim dhe ne rekomandojmë që t’i përmbahemi vendimit për përjashtimin për shkak se ne e njohim ndikimin e dëmshëm që ka pasur krimi i organizuar dhe korrupsioni në Shqipëri dhe në Ballkanin Perëndimor. Kjo ripohon gjithashtu se Mbretëria e Bashkuar ndërmerr veprime të forta pa paragjykime ku ne vlerësojmë se prania e tyre nuk është e favorshme për të mirën publike për shkak të përfshirjes së tyre në krimin e organizuar dhe korrupsion. Ky veprim gjithashtu thekson për Shqipërinë se Britania e Madhe e merr seriozisht korrupsionin dhe krimin e organizuar dhe është një kujtesë për Qeverinë e Shqipërisë që të ndërmarrë hapa të mëtejshëm për të luftuar korrupsionin.

-Dokumenti origjinal përshkruan rrezikun e mundshëm të ndikimit negativ që këto përjashtime paraqesin ndaj veprimeve të Ministrisë së Brendshme (Home Office). Në atë kohë, ekipi i CSN dhe Operacioneve Ndërkombëtare në Ministrinë e Brendshme ndërmorën veprime për të zbutur ndikimet dhe Departamenti i Ballkanit Perëndimor në Ministrinë e Jashtme, Zhvillimit dhe Komonuelthit dhe Ambasada Britanike në Tiranë e vlerësuan rrezikun e një ndikimi të prekshëm në bashkëpunimin mes Mbretërisë së Bashkuar dhe Shqipërisë në nivel politik dhe operacional si të ulët.

-Heqja e përjashtimit të Berishës mund të paraqesë rreziqe reputacioni për Ministrinë e Jashtme (Home Office) dhe më gjerë për Qeverinë e Mbretërisë së Bashkuar. Mbretëria e Bashkuar ka marrë kritika publike së fundmi nga liderë të lartë shqiptarë (përfshirë kryeministrin Edi Rama) lidhur me prezantimin e emigrantëve shqiptarë në media.

© SYRI.net

[Albo]

VIDEO/ Sali Berisha: Pas protestës së 7 korrikut, ambasadori Britanik kërkoi shpalljen ‘non grata’

Kryetari i Partisë Demokratike, Sali Berisha duke folur në ‘Çim Peka LIVE’ ka treguar se vendimi që Britania e Madhe ta shpallte ‘non grata’ ka ardhur pas protestës së madhe të 7 korrikut.

Berisha deklaroi se, ia ka thënë ambasadorit Britanik se do ta sulmonte publikisht.

‘U bë protesta e 7 Korrikut, dhe ky zotëri pa turpësinë ekstreme u thotë të tjerëve se këtu u kalua çdo normë dhe prandaj po e sanksionojmë.

Urdhëro se çfarë mentaliteti të ulët, antidemokratik. Një mentalitet mafioz.

I kam thënë se unë do të sulmoj publikisht me forcën më të madhe për këtë që ke bërë. Unë dija gjithçka për të.

Britania e Madhe ka qenë vendi i dytë me të cilin ne kemi pasur bashkëpunimin më të ngushtë në luftën ndaj kriminalitet. Itali-Britani kanë qenë. E kam pasur një zv/ministër që merrej gjithë kohën me këtë bashkëpunim. Na ka ndihmuar shumë, sepse pas atentateve në Nju Jork ata bënë një riorganizim të agjencive dhe krijuan SOCAN., bashkuan të gjitha agjencitë që merreshin me zbatimin e ligjit për tu përballur me krimin e organizuar dhe terrorizmin.

Erdhën e na ndihmuan me ligjin, me ligjin antimafia që bënë ndërhyrje dhe më të forta dhe ne i pranuam. Ne kishim marrëdhënie shumë të ngushtë, ndërmerrnin operacione sekrete me persona në territorin e tyre.

Dhe ky thotë rrezik për Britaninë se Fation Dauti që nuk e kisha takuar ndonjëherë në jetën time. Ky ishte në xhep, përpiqej me Erion Veliaj, me Lulzim Bashën, Edi Ramën të bënte punën e tyre.

Tregoi një mungesë të plotë karakteri.

Ky është autori i ‘non gratas’ se Sali Berishës, në Britani. Ky mori të gjithë dosjen me dokumente nga mediat e Sorosit, shkëput një thënie për Piro Mishën nga Uikilis dhe deklarata të Lulzim Bashës. A mundet njeriu të veprojë në këtë mënyrë’, tha kryetari i PD-së, Sali Berisha në SYRI TV.

Video

Syri

[Albo]

Shpallja “non grata” e Berishës nga Britania, Kikia: Këta zyrtarë që marrin këto vendime, bëhen qesharakë kur shikon provat ku janë bazuar

Komentet Kikia bëri në emisionin “Log” në Panorama TV, ku komentoi shpalljen “non grata” të ish-kryeministrit Sali Berisha nga Britania e Madhe.


Ai tha gjithashtu se këta zyrtarë që marrin këto vendime, bëhen qesharakë kur shikon provat ku janë bazuar.

“Kur shikojmë se mbi ç’dokumenta apo fakte mbështeten, kupton se diplomacia vepron mbi të njëjtat mekanizma, që funksion edhe këtu, mbi deklarata politikanësh, artikuj mediash dhe jo në dokumenta që kanë kaluar edhe në filtrin e drejtësisë. Këto dokumenta përdoren për të krijuar bindjen politike të atyre që marrin këto vendime.

Në fund këto vendime kanë vetëm vlerë politike dhe aspak ligjore. Këto përdoren për të ndikuar në mënjanimin e këtyre politikanëve në mënyrën më demokratike, pasi fuqitë e mëdha kanë treguar se kur nuk kanë funskionuar këto metoda, ka pasur edhe metoda më agresive që në Shqipëri nuk kanë ndodhur.

Mua më duhet të mendoj se ashtu siç është vepruar është një lloj fyerje për ata që duan shtetin. Që të mendosh se një politikan është kriminel sepse është në mesin e asaj turme që ndodhej edhe një kriminel që qëllonte me gurë selinë e PD-së…

Të pretendosh që ky është argument dhe që diplomacia e një vendi kaq të madh të vendosë non grata një politikan të kësaj rëndësie, kur shikon argumentat thua prit njëherë, se nuk qenka kaq serioze situate. Lajmi për ne është sesa qesharak janë këta njerëz që bëjnë këto vendime të mëdha. Këta ambasadorë që ne i shikojmë si perëndi”, është shprehur Kikia.

Syri

[Albo]

Nongratllëqet pisllëqe politike, Berisha është sanksionuar pa prova

Nga Ylli Manjani

Pra në esencë del se:

1. Qeveria Britanike, pranon që nongrata e Berishës është e pambështetur në fakte dhe se ajo duhet të hiqet nga ajo vetë, ose në mos do ta heqë gjykata.

2. Ambasadori i Britanisë pranon se nëse Berishës i hiqet sanksionimi i padrejtë ai fiton zgjedhjet. Pra Ambasadori zyrtarisht pranon që sanksioni i është i padrejtë dhe njëkohësisht pranon se është mbështetës i grupit që qeveris këtu.

Të fala Konventës së Vienës!

3. Pranimi që Britanikët i bëjnë faktit se Berisha është sanksionuar pa prova, nxjerr zbuluar edhe vendimin e DASH të shtetit. Një provë më shumë që edhe DASH nuk provon dot asgjë nga "korrupsioni masiv" i Berishës.

4. Nongrata e Berishës, tashmë qartësisht e pamotivuar me prova e fakte, është qartësisht vendim politik që shkon në favor të Edi Ramës që tashmë sundon i qetë.

He ua lumsha, o Ambasadorë!

Alastar King Smith është seriozisht për t'u falënderuar për argumentet dhe qëndrimin e tij të sinqertë zyrtar në favor të qeverisë dhe në shkatërrim të opozitës. Pak zyrtarë të rangut të tij e kanë këtë sinqeritet.

Sinqeritet prej militanti, por sinqeritet ama.

Britania e Madhe është praktikisht pa një përfaqësues të besueshëm këtu. Atë që kanë, ua ka blerë Rilindja. Ndaj njohja e Shqipërisë nëpërmjet Ambasadës së saj është e deformuar rëndë dhe shumë rëndë.

Padyshim do ishte në nderin e tyre ta tërheqin këtë militant ambasador, i cili ua katandisi dinjitetin në fund të këmbëve.

Në kushte normale, Ministria e Jashtme duhet ta përzërë nga Shqipëria një diplomat të tillë. Por nuk jemi në këto kushte sepse bashkë me ambasadorin duhet përzënë edhe vetë qeveria.

***

E përsëris, nongratllëqet janë pisllëqe politike që vijnë nga lobbime korruptive të pushtetit absolut këtu.

Për të ardhur keq që imazhi i ShBA dhe UK ka rënë kaq poshtë. I kishim parë si të interesuar për demokraci, por sjellja e tyre kundër demokracisë sonë të brishtë është zhgënjim.

Ndërkohë ky është një mësim që duhet ta mësojmë mirë të gjithë ne.

Shqipërinë do ta bëjnë vetëm shqiptarët.

Askush tjetër, përveç shqiptarëve, nuk ka interes të zhvillohet Shqipëria.

Syri

[Albo]

Berisha sfidon ligjërisht non-gratën britanike/ Mediat e huaja: Rama e dinte vendimin, avokatët do e përdorin këtë fakt



Kryetari i opozitës shqiptare, Sali Berisha, sfidon ligjërisht vendimin e Britanisë së Madhe për ta shpallur non-grata.

Rrjeti ndërkombëtar, MSN raporton se rishikimi gjyqësor i këtij vendimi është historik.

Kreu i opozitës do të përpiqet të anulojë ndalimin që i ka bërë Ministria e Brendshme e Mbretërisë së Bashkuar.

“Politikani u ndalua nga Sekretarja e Brendshme e asaj kohe, Priti Pratel, që të hynte në Mbretërinë e Bashkuar në vitin 2022, për shkak të pretendimeve për kriminalitet dhe korrupsion,” shkruan MSN.

“Duke filluar nga kjo javë, kjo është sfida e parë e njohur ligjore ndaj një vendimi të Sekretarit të Brendshëm për përjashtimin e një lideri opozite të një shteti mik të huaj nga Mbretëria e Bashkuara.

Berisha thotë se akuzat për kriminalitet dhe korrupsion, të ngritura ndaj tij, janë të pavërteta.

Duke nisur nga sot, në Komisionini Special të Apelimit të Emigracionit në Mbretërinë e Bashkuar, do të nisë rishikimi i vendimit për ish-kryeministrin,” raporton rrjeti ndërkombëtar.

“Berisha pretendon se kryeministri aktual i Shqipërisë, Edi Rama, kishte dijeni paraprakisht për urdhrin e përjashtimit dhe e kishte njoftuar atë në Kuvendin e Shqipërisë, edhe para se ai vetë të ishte njoftuar për vendimin e Sekretarit të Brendshëm. Ekipi i tij ligjor do ta përdorë këtë për të ngritur pikëpyetje në lidhje me procesin e ndjekur në vendimmarrjen për ndalimin e tij nga MB,” vijon MSN.

Duke komentuar këtë rast, avokati i zotit Berisha, Kartik Mittal, tha: “Ky është një rast i jashtëzakonshëm kur një lider opozitar i një vendi tjetër evropian i është nënshtruar një urdhri përjashtimi në bazë të akuzave të thjeshta të nxjerra kryesisht nga burime të mediave të huaja me pavarësi të dyshimtë editoriale. Berisha nuk ka qenë kurrë i dënuar për ndonjë vepër penale në Shqipëri dhe mohon me forcë të jetë përfshirë në aktivitete kriminale korruptive”.

Syri

[Albo]

Sali Berisha humb gjyqin në Londër, mbetet “non grata” në Britani



Kreu i PD-së, Sali Berisha do të vijojë ta ketë të pamundur hyrjen në Britaninë e Madhe.

Ish-kryeministri demokrat e humbi apelin në “Komisionin Special të Apeleve të Emigracionit” në Londër, me Ministrinë e Punëve të Brendshme, “Home Office”.

Avokatët e Berishës tentuan, por pa sukses, të rrëzojnë në këtë komision dosjen britanike përmes të cilës “Home Office” e shpalli “non grata” më 19 korrik 2022.

Sipas britanikëve, ish-kryeministri ishte i përfshirë në korrupsion, ndërhyri në punët e drejtësisë dhe se kishte lidhje me krimin e organizuar.

Tch ka siguruar vendimin e lexuar këtë të hënë në “Komisionin Special të Apeleve të Emigracionit”, nga ku gjykatësi i çështjes rrëzoi pretendimin e zotit Berisha se ai gëzonte imunitet dhe nuk mund të ndëshkohej në këtë mënyrë.

“E gjejmë të pavend aplikimin e formulës të imunitetit si ish-kreu i një shteti i aplikuar në këtë apel. Për këtë arsye dhe të tjera të trajtuara në sesionin e mbyllur kundërshtia e zotit Berisha për ti ndaluar hyrje në Britaninë e Madhe rrëzohet”.- ishte vendimi.

Pra Berisha nuk ka shanse me SHBA dhe Britaninë e Madhe.

Koha Jone