Adoleshentët dhe të rinjtë, që ndodhen në moshën e pubertetit kanë më shumë se 1 partner. Statistikat bëhen publike nga Materniteti "Mbretëresha Gereladine". Sipas mjekëve të këtij spitali, tashmë në kontigjencën e femrave, që janë të rrezikuara ndaj prekjes së sëmundjeve seksualisht të transmetueshme, janë edhe adoleshentet edhe vajzat, që ndodhen në moshën e pubertetit. "Kontigenca e femrave të prekura nga sëmundjet seksualisht të transmetueshme nis nga 20 deri në 40 vjeç, pasi në këtë moshë edhe jeta seksuale është më aktive", thotë specialisti i maternitetit "Mbretëresha Geraldine", Erlin Kurti. Sipas tij, pjesë e rrezikuar nga sëmundje seksuale tashmë janë bërë edhe të rinjtë e 9-vjeçareve.
"Tashmë edhe të rinjtë, të cilët nuk kanë nisur të shkojnë në gjimnaz kanë problem", sqaron Kurti. Sipas tij, shumica e adoleshenteve i "fshehin" fakte të tilla si ndërrimi i partnerëve apo humbja e virgjërisë. "Ka ndodhur që kur vajzat vijnë të vizitohen me prindërit, thonë që nuk kemi nisur raporte seksuale dhe më pas, kur prindi largohet, ato pohojnë se tashmë kanë raporte seksuale", sqaron Kurti. Sipas tij, problemi aktual që kanë të rinjtë është nga një anë fshehja e të vërtetës dhe nga ana tjetër mungesa e informacionit.
Gjinekologët sqarojnë se nuk është e mjaftueshme që të rinjtë të marrin vetëm informacionin që jepet në shkollë për sa i takon sëmundjeve seksualisht të transmetueshme, për masat parandaluese dhe mbrojtëse ndaj SST-ve dhe parandalimit të shtatzënive të padëshiruara. Por jo vetëm kaq, sipas mjekut, është tepër e rëndësishme që gjatë orëve të mësimit të "Edukatës Seksuale", që të rinjtë zhvillojnë në arsimin e detyruar, duhet të dëgjojnë me kujdes ato që u thotë mësuesi. "Të rinjtë, sidomos vajzat duhet të kenë parasysh që vizita te gjinekologu duhet të nisë me fillimin e aktivitetit seksual. Është e nevojshme marrja e informacionit të saktë dhe në të njëjtën kohë edhe zhvillimi i konsultave", pohon mjeku.
Sipas tij, në bazë të statistikave mesatare, femrat në Shqipëri nuk i kushtojnë një rënësi të veçantë kontrollit gjinekologjik.
"Nëse do të merrnim kampione në shumicën e vendit, pavarësisht arsimimit apo kushteve në të cilat ndodhen, nga 70 deri në 80 për qind e femrave nuk vizitohen rregullisht te gjinekologu. Po ashtu, ato nuk kryejnë ekzaminime, siç është pub testi", thotë mjeku Kurti. Ky ekzaminim prej disa vjetësh është futur edhe në Shqipëri. Pub testi është një ekzaminim, i cili duhet të bëhet mbi moshën 18 vjeç. Sipas gjinekologëve, kjo analizë shërben për të ekzaminuar qelizat e qafës së mitrës. Me anë të kësaj analize, mjekët informohen nëse në qafën e mitrës ka qeliza kanceroze. Nëse informacioni është i hershëm, atëherë edhe parandalimi apo kurimi i tumoreve është më i thjeshtë dhe më i shpejtë.
Sëmundjet seksualisht të transmetueshme janë të shumta. Por më të njohurat janë: HIV/AIDS, Hepatiti, Sifilzi, Gonorreja, Herpesi.
Instituti i Shëndetit Publik ka deklaruar se në 2006-2007 po barazohet numri i fermave me meshkujt e prekur nga HIV AIDS. Ndërsa kjo sëmundje më parë merreshe jashtë vendit, tashmë, sipas ekzaminimeve të ISHP-së, të prekurit janë autoktonë.
Gazeta SHQIP
Përgjigju Duke Cituar
Krijoni Kontakt