Qeveria e Rilindjes: Studentët e mjekësisë duhet të punojnë 5 vjet në Shqipëri që të marrin diplomë

[pirro2020]

Përse mungesa e mjekëve në Shqipëri duhet të shpallet një Urgjence Kombëtare?
Sepse kjo urgjencë kombëtare ka filluar që pas fillimit të sistemit demokratik pra pas viteve `90 por INSTAT nuk ka një statistike se sa mjekë janë larguar pas viteve `90 kur Shqipëria kishtE 360 mjeke për 100.000 (ose 3.6 mjeke per 1.000) banorë. Ky numër erdhi duke u ulur dhe pas stabilizimit të gjëndjes socio-ekonomike pas vitit 2014, kur statistikat filluan të punojnë rregullisht numuri i mjekëve që largoheshin u bë i dukshëm për qeverinë por dhe për popullin.
Disa statistika të domosdoshme për të kuptuar se ky problem përbën Emergjencë Kombëtare dhe është çështje e shtruar për zgjidhje.
Po ta analizojmë me kujdes del se sipas OBSH por edhe sipas statistikave të iNSTAT, aktualisht Shqipëria sot ka nga 16.47 mjeke për 10.000 banorë në 2021-2022 pra, disa herë më pak mjekë për 10.000 banorë sesa vëndet e Europës perëndimore madje edhe në raport me vëndet e Ballkanit. Në vitin 2016 ky raport ishte edhe më negative rreth 12.2/10.000. Pra, Shqipëria ka më pak mjekë në dispozicion të popullatës së saj, të paktën dy herë më pak se mesatarja e Europës prej 47.6 mjekësh për 10 mijë banorë. Shteti i dytë me më pak mjekë në raport me popullsinë, sipas të dhënave të OBSH-së është Turqia, me tregues 18.7, me të dhënat e fundit të përditësuara për 2018-n. Më pas renditen Qipro (19.5), Polonia (23.8), Bosnja (21.62). Nga shtetet e rajonit, më shumë personel mjekësor ka Serbia (31.1).
Në Europë, rekordin për një trupë të zgjeruar të personelit mjekësor, e mban italia, me 80 mjekë për 10 mijë banorë në 2019-n, e ndjekur nga Gjeorgjia (70.7), Franca (66.3), Greqia (62.3) (https://www.Who.int/data/gho/data/in...00-population).
Gjithashtu në vëndin tonë ka dhe mungesë infermjerësh: Shqipëria ka 36 infermjerë / 10.000banorë në vënd të 60 infermjerë/10.000 banorë që ka BE, por po analizojmë sot problemin e mjekëve. Kanë ikur nga Shqipëria që pas vitit 2014 rreth 1500 mjekë vetëm në Gjeramni dhe disa dhjetra në vëndet e tjera të BE dhe në SHBA. Pesë vitet e fundit rreth 3 mijë mjekë shqiptarë dhe mbi 2 mijë infermierë, sipas urdhrit të infermierit kanë marrë vërtetimin për tu larguar nga vendi . Sipas Rektorit të Universitetit Mjekësor Arben Gjata i cili thoë se `largohen rreth 100-150 mjekë në vit` (Shëndetësia shqiptare lëngon nga eksodi i pandalshëm i mjekëve – Reporter.al).
Analiza.
Në Shqipëri problemet e shërbimit mjekësor mbeten kritike sepse nga 4360 mjekë që Ka Shqipëria sipas OBSH e cila bazohet tek raporti 16.47/10.000 banorë, 2800 mjekë specialist punojnë në të 42 Spitalet që ka Shqipëria, ndërsa 1560 mjekë të Familjes (sipas adresarit te mjekesve te Kujdesit Paresor 2023)punojnë në të gjithë Shqipërinë në Qëndrat Shëndëtësore .
Sipas studimit të ekspertëve ilir Gëdeshi (Qendra e Studimeve Ekonomike dhe Sociale), Russell King (Departamenti i Gjeografisë, Universiteti i Sussex) dhe Amarildo Çeka (Shkolla e Popullsisë dhe Shëndetit Publik, British Columbia) tregoi se në vitin 2020, brenda vendit numëroheshin gjithsej 4745 doktorë, ndërsa jashtë vendit ishin 1028 të tillë (Studimi: 22% e mjekëve janë larguar nga Shqipëria. Më shumë se gjysma e diplomuarve në mjekësi në 4 vitet e fundit po bëhen gati të ikin jashtë vendit (panorama.com.al).
Kuptohet se Shërbimi parësor mjekësor e vuan gjithashtu më shumë mungesën e mjekëve dhe po të bëjmë se sa mjekë për banorë mbulojnë mjekët e Familjes del se në Shqipëri mbulojnë me kujdes shëndetësor ambulator në realitet vetëm 5.7 mjekë për 10.000 banorë.
Një problem tjetër i mprehtë negative është se specializimet pas Diplomimit 6 vjeçar të mjekëve janë 4-5 vjeçare, në fillim nëse deri para 10 vitesh askush nuk mund të futej në specializime, me një mesatare më të vogël se 8.5 të shkollës së lartë, këtë vit mesatarja e mjekëve specializantë, pra që do të kujdesen për shëndetin, u ul deri në notën 5, madje sërish mbetën kuota të paplotësuara.Pra sipas disa opinioneve, në Shqipëri po mbeten pjesa më e dobët e mjekëve dhe infermierëve, që nuk do të dinë të japin një shërbim cilësor. Mungesa për mjekë specialist shkon deri në 76 pozicione sipas M.SH (Shëndetësia shqiptare lëngon nga eksodi i pandalshëm i mjekëve – Reporter.al). Në vitin akademik 2022-2023, në fushat e studimit që lidhen me shëndetësinë, janë 22,834 studentë të cilët përbëjnë 18% të totalit të studentëve.
Megjithatë shumica e tyre kërkojnë të largohen jashtë vëndit për arsye nga më të ndryshmet ku mbizotërojnë:
-pagat e luta,
-Dëshira për të punuar jashtëdhe për tu specializuar
- pasiguria ekonomike për të krijuar familje në Shqipëri
- mungesa e dëshirës për të punuar në zona të largëta të Shqipërise
-të ndryshme
Përgjegjësi të madhe ka në këtë rast Ministria e SHëndetësisë e cila nuk po e luan rolin e saj për të parashikuar dhe për të parandaluar fenomenin.
Shkaku i revoltës së studentëve të vitit të fundit ishte sepse M.SH. nuk mund ta gjidhe problemin me rrugë afat shkurtra pikërisht vitin e diplomimit të tyre.DHE AS ME PAGESË prej 5000 eurosh. Këto janë zgjidhje aspak të rregullta.
Nga ana tjetër edhe studentët që mbarojnë Fakultetin kanë edhe ata detyrime ndaj Familjes, qytetit e fshatit të tyre dhe vëndit të tyre, pra nëse ata pretendojnë se na preken të drejtat dhe liritë e njeriut, më parë duhet të mendojnë se ata mund të kontraktohen për një periudhe të shkrutër kohe rreth 3 vjet punë në Shqipëri. Kjo kërkon një reform të thellë nga ana e M.SH. dhe nga qeveria.
Përse?
Sepse së pari në fillim duhet bërë nëj draft për të quajtur këtë problem bazuar në ligj si Emergjencë kombëtare mungesën e mjekëve,
së dyti që në vitin e parë studentët duhet të nënëshkruajnë që menjëherë pas mbarimit të Fakultetit Mjekësosë ata do të punojnë me kontratë 1-3 vjet në vëndet e tyre ku jeton familja e tyre.
Së treti Bashkitë duhet të kenë një fond të veçantë për mjekët e rinj ku nëpërmjet kontratës tu sigurojnë atyre vëndin e punës, vënd-banimi, rrogë të madhë, facilitate për familje e tyre, etj.
Së katërti Minstria e Shëndetësisë duhet të të bëjë një reform të thellë brënda Ministrisë dhe reformë të thellë spitalore duke vendosur si përparësi rritjen e pagave njëlloj sin ë Kosovë+ vendsojen e bonuseve për shërbimet mjekësore, reformë në manaxhimin e spitaleve publike duke shtuar kontrollin, futjen e mjekëve sipas standartit në punë, largimin e të pa-aftëve nga QSUT, kufizimin e dypunësimit, vendosjen e këshilltarëve të M.SH. vetëm me eksperiencë pune mbi 20 vjet sipas profileve, luftën kundër korrupsionit në tendera dhe kontrollin e PPP, aktivizimin e Kartës së Shënetit për të çrrënjosur mitmarrjes
Në përfundim vendosja si prioritet reformën në Shëndetësi nga ana e qeverisjes mund të ngadalsojë fluksin e largimit të mjekëve dhe infermjerëve nga Shqipëria.

[Albo]

Qeveria merr vendim, studentët e mjekësisë duhet të punojnë 5 vjet në Shqipëri që të marrim diplomën, Rama: Populli s’paguan taksa që mjekët të ikin që ditën e parë



TIRANË
Kryeministri Edi Rama bëri publik sot vendimin e qeverisë për studentët e mjekësisë që regjistrohen në vitin e parë, të cilët do duhet të punojnë për 5 vite pas mbarimit të studimeve për të marrë diplomën.

Rama tha se nuk është kusht, por është formati i ri i universitetit të ri të mjekësisë për sa i përket marrjes së diplomës.

Kryeministri u shpreh më tej se çdo student i mjekësisë që do të hyjë në universitetin e mjekësisë do të duhet paraprakisht të njihet me faktin që studimet i ka aq sa janë dhe për t’u pajisur me diplomë do duhen dhe 5 vite në shërbim të këtij populli. Për ata në proces vitet janë më të ulëta, të përshkallëzuara.

“Jam këtu për të dhënë një mesazh lidhur një vendim të rëndësishëm të qeverisë sot që ka të bëjë me studentët e mjekësisë dhe me detyrimin për të shërbyer në vend për një kohë të caktuar. Detajet do t’i shpjegojnë ministret, por thelbi është shumë i qartë për çdo qytetar të Republikës së Shqipërisë që paguan taksa. Shteti e financon universitetin publik, në këtë rast formimin e mjekëve të rinj për të mbrojtur jetën dhe për të garantuar shëndetin e të gjithë qytetarëve të vet. Nuk është njësoj si profesionet e tjera.
Është një profesion i lidhur drejtpërdrejt me detyrimin e çdo shteti për t’u kujdesur për shëndetin e njerëzve dhe me të drejtën e çdo qytetari, e çdo familjeje, e çdo të moshuari dhe çdo fëmije për të pasur kujdes shëndetësor. Në kushtet kur Gjermania e para dhe vendet e tjera të pasura janë duke luftuar me demografinë e tyre, me plakjen e popullsisë, me nevojën gjithmonë e më të madhe për burime të freskëta që duhet të vijnë nga jashtë dhe kur janë bërë stacion i ndalesës së fundit për shumë profesionistë, për shumë njerëz të kualifikuar të të gjitha fushave, në këtë rast për mjekët ne e kemi absolutisht të domosdoshme të ndërmarrim këtë hap. Hapi më normal dhe hapi më i lehtë i mundshëm. Çdo student i mjekësisë që do të hyjë në universitetin e mjekësisë do të duhet paraprakisht të njihet me faktin që studimet i ka aq sa janë dhe për t’u pajisur me diplomë do duhen dhe 5 vite në shërbim të këtij populli. Për ata në proces vitet janë më të ulëta, të përshkallëzuara, por është absolutisht zgjedhja e tyre. Nuk është vetëm një zgjedhje. Për ata që do hyjnë në vitin e parë ka vetëm një zgjedhje. Nëse do duhet të studiojnë mjekësi në universitetin publik do duhet të pranojnë këtë kusht. Nuk është një kusht, por është formati i ri i universitetit të ri të mjekësisë për sa i përket marrjes së diplomës. Nuk ndryshon asgjë në thelb për të drejtën e ushtrimit të profesionit sepse ajo bëhet menjëherë pasi mbaron studimet, por këtu. Për këtë paguan populli taksa”, tha Rama.

Ai theksoi se nuk paguan populli shqiptar taksa, që mjekët që formohen me tarifa simbolike dhe në universitet që mbahet nga taksat e popullit shqiptar, të ikin që ditën e parë.

“Ama nuk iu ndalohet e drejta atyre që janë në universitet, që të largohen në rastet kur duhen. Por duhet të paguajnë një tarifë tjetër, e cila do të përcaktohet sipas ligjit, që mbulon kostot dhe nevojën që ka universiteti për të formësuar një student”, deklaroi Rama.


Balkanweb

[ATMAN]

ky ka ik per shele,eshte bo si qoftelargu qe te internonte familjen nese dikush largohej nga shqiperia

[Neteorm]

Kush do ta ndaloje, apo opozita qe sdi a ekziston me..

[Albo]

Kuvendi fut me procedurë të përshpejtuar draftin për mjekët e rinj

Projektligji i qeverisë i detyron studentët e Mjekësisë që të punojnë deri në pesë vite në Shqipëri përpara se të marrin diplomën – një kusht që po kundërshtohet përmes protestave nga studentët.

Nga Blerina Gjoka


Studentët e Mjekësisë në protestë kundër projektligjit të qeverisë që i detyron ata të punojnë për 5 vite në Shqipëri përpara se të marrin diplomën. Foto: LSA.

Një projektligj i qeverisë që synon parandalimin e eksodit të mjekëve të rinj, i prezantuar për publikun të mërkurën, u fut me procedurë të përshpejtuar në punimet e Kuvendit të enjten, pavarësisht kundërshtimit masiv të studentëve të Universitetit të Mjekësisë.

Nisma ligjore, e cila parashikon një marrëveshje paraprake me studentët e Mjekësisë që të punojnë deri në 5 vite në vend pas mbarimit të studimeve, pritet të miratohet brenda korrikut në Kuvend dhe të hyjë në fuqi para nisjes së vitit të ri akademik në vjeshtë.

Reagimi i qeverisë erdhi pas eksodit të lartë të mjekëve në vitet e fundit, kryesisht drejt Gjermanisë, duke e lënë sistemin shëndetësor shqiptar me mungesa të mjekëve specialistë.

Duke përdorur terminologjinë “Trajtimi i veçantë” dhe “Punësim me prioritet”, në fakt projektligji parashikon klauzola detyruese për gjithë studentët e rinj dhe për ata që janë aktualisht duke ndjekur studimet.

Nëpërmjet marrëveshjeve qeveri-student, kandidatët për degën “Mjekësi e Përgjithshme” do të duhet të bien dakord që diplomën ta tërheqin vetëm pas përmbushjes së kushtit të punësimit jo më pak se 5 vite në sistemin shëndetësor shqiptar pas përfundimit të studimeve. Detyrimi për punësim përfshin sektorin publik dhe atë privat.

“Pranon kalimin zyrtarisht të diplomës përkatëse të arsimit të lartë nga institucioni publik i arsimit të lartë, ku ka përfunduar studimet, në institucionin shëndetësor ku punësohet, deri në shlyerjen e detyrimeve për punësim sipas afatit 5 (pesë)-vjeçar, me të drejtën që pas përmbushjes së detyrimit të punësimit të tërheqë diplomën universitare,” thuhet në projektligj.

Parashikimet ligjore prekin dhe studentët e tjerë nga viti i dytë deri në të katërtin, të cilët do të jenë detyruar të nënshkruajnë marrëveshje para nisjes së vitit të ri akademik duke pranuar të punojë jo më pak se 3 vite në vend.

Ndërsa për studentët e vitit të pestë dhe të gjashtë, detyrimi i punësimit në Shqipëri është deri në 2 vite.

Për ata studentë që nuk pranojnë të nënshkruajnë marrëveshje me qeverinë do të aplikohet pagesa e vlerës së plotë të kostos së studimeve, e cila nuk bëhet e ditur në projektligj.

“Metodologjia për përcaktimin e kostos së studimeve për programin e integruar tëstudimit të ciklit të dytë “Mjekësi e përgjithshme” në institucionet publike të arsimit të lartë dhe çdo mbështetje tjetër për studentët e këtij programi studimi përcaktohen me vendim të Këshillit të Ministrave,” thuhet në projekligj.

Qeveria i miklon studentët e Mjekësisë edhe me përfitime të tjera nga kjo marrëveshje detyruese, siç është përfshirja e tyre në programet sociale të strehimit.

Këshilli i Ministrave argumenton se masat e ndërmarra nxiten nga interesi publik për të garantuar plotësimin e nevojave për burime njerëzore në kryerjen e shërbimeve të shëndetit publik. “…Dispozitat që përcillen përmes këtij projektligji janë hartuar në përputhje me nevojat e diktuara në vend për përmbushjen e këtij interesi të lartë publik”- thuhet në relacionin shoqërues të projekligjit.


BIRN

[Albo]

Projekt-ligji për studentët e mjekësisë/ Qeveria kopjon Nigerinë, ligji i njëjtë si në vendin afrikan

Studentët e Mjekësisë zhvilluan paraditen e sotme një protestë kundër projekligjit të qeverisë, i cili i kufizon tërheqjen e diplomës pas përfundimit të studimeve. Ata kanë protestuar kundër marrjes së vendimit të qeverisë që kushtëzon largimin e studentëve të Mjekësisë nga vendi.

Studentët dolën me pankarta të shumta, pas vendimit të marrë nga qeveria për punësimin e tyre me detyrim në shtet ose pagesën e tarifës së lartë të shkollimit. Nëse bëni një kërkim në internet, duket se Ministrja e Shëndetësisë dhe Mbrojtjes Sociale Ogerta Manastirliu, e ka kopjuar ligjin nga Nigeria.

Një fragment shkëputur nga një lajm i publikuar në mediat e huaja

“Dhoma e Përfaqësuesve të Nigerisë kishte njoftuar më 6 prill se projektligji i sponsorizuar nga Ganiyu Abiodun Johnson për ta bërë të detyrueshëm që praktikantëve të mjekësisë dhe stomatologjisë të mos u jepet licenca e plotë e ushtrimit deri në pesë vjet pas diplomimit, ka kaluar në leximin e dytë. Sipas Asamblesë Kombëtare, projektligji është pjesë e masave për të ndaluar migrimin e mjekëve nigerianë në vende të tjera".

Madje kundër ka dalë kryetari i Komisionit të Senatit për Shëndetësinë, senatori Ibrahim Oloriegbe, i cili ka thënë se mohimi i licencës së plotë të praktikës për mjekët, nuk është kurrë një zgjidhje për ikjen e 'trurit' në vend. Oloriegbe, i cili është gjithashtu një mjek, e zbuloi këtë në një seri postimesh në Tëitter të shtunën, më 8 prill.

Ai shkroi: “Përveç kësaj, nuk janë vetëm mjekët që largohen nga vendi për kushte më të mira jashtë vendit, ka punonjës të tjerë shëndetësorë, si dhe profesionistë në fusha të tjera, të trajnuar por që largohen nga vendi çdo ditë për qëllime të ngjashme, për rrjedhojë, përqendrimi i vëmendjes vetëm te mjekët është si të kurosh një nga shumë sëmundjet që po kërcënojnë jetën e një pacienti që po vdes pa gjetur zgjidhje për të tjerat”.

Teksa kthehemi tek çështja në Shqipëri, kryeministri Rama tha se të rinjtë që do të nisin studimet në mjekësi, do të duhet të punojnë pesë vite në Shqipëri me detyrim, në mënyrë që të diplomohen.

Ai theksoi se është obligim për të gjithë studentët e vitit të parë që do të nisin studimet, që të marrin parasysh kriteret e reja tashmë të Universitetit të Mjekësisë dhe nëse duan apo jo, të nisin këtë rrugëtim.

Syri

[Albo]

FOTOT/ “Nuk është pronë e jotja diploma ime”, “Dua të bëhem internistë, jo të internohem”, pankartat e studentëve të Mjekësisë para Parlamentit



Me thirrje kundër qeverisë dhe vendimit që i ndalon për 5 vite, që të largohen nga vendi dhe të punojnë në Shqipëri e më pas të marrin diplomën, studentët e Mjekësisë janë stacionuar para Kuvendit.

“Nuk është pronë e jotja diploma ime”, “Dua të bëhem internistë, jo të internohem”, ishin disa prej mesazheve në pankartat e studentëve të mjekësisë, të cilët paralajmërojnë se do të përshkallëzojnë protestën e tyre, deri në bojkot të mësimit.

Për më tepër shihni fotot.



Video


Balkanweb

[pirro2020]

Problemet e pazgidhura e te mprehta te largimit te mjekëve nga Shqipëria të cilat vazhdojnë edhe tani kanë krijuar klimë të tensionuar jo vetëm tek studentët e Mjekësisë por kryesisht kanë krijur një shqetëësim të madh në popullatën shqiptare e cila po ndjen efektet e largimit të tyre jashtë vëndit. Dihet se nga Popullsia prej 2.87 milion banorë në Shqipëri rreth 51% janë në qytetet shqiptare dhe 49% janë në zonat rurale dhe tendenca është përsëri për tu pakësuar. i njëjti efekt është edhe tek personeli shëndetësor.
Në artikujt e mëparshëm janë dhënë statisitka të sakta për numrin e mjekëve që janë larguar dhe egzaktësisht nga viti 1991 e deri më sot janë larguar nga Shqipëria. Sipas Aurora Dollenberg kryetare e federates se mjekëve shqiptarë në Europë janë larguar 3800 mjekë me origjinë shqiptare janë larguar në 10 vitet e fundit, pra nga viti 2013 e këtej , për të ushtruar profesionin e tyre në vendet evropiane (3800 mjekë me origjinë shqiptare janë larguar në 10 vite! “Eksodi”, mungojnë mjekët e sëmundjeve të brendshme - Shqiptarja.com).
Deri më sot janë larguar rreth 22% e mjekëve gjatë gjithë viteve të pas `90. Dihet se që pas viteve `90 e deri në 2013 ka patur largim të mjekvë masivisht, gjithashtu sepse në atë kohë u larguan 1.7 milionë shqiptarë pra në raport me këtë popullatë duhet të jenë larguar nga vitet 1991 e deri në 2013 së bashku me popullatën e larguar rreth 2000 mjekë.
Sot sipas të dhënave të instat ka 4750 mjekë nga të cilët 1500 punojnë në Shërbimin Parësor dhe pjesa tjetër në Shërbimin Spitalor rajonal dhe Terciar. Si rrjedhojë e migrimit masiv dhe faktorëve të tjerë, Shqipëria ka normën më të ulët të mjekëve për mbulimin e kujdesit shëndetësor për popullsinë, me 1.2 mjekë për 1000 banorë sot në 2023 (14924.pdf (fes.de).
Sipas një Projekti të realizuar Friedrich&Ebert Stiftung dhe TFL (together for life) të realizuar nga Arlinda Shehu Gjypi viti 2018, përveç shkaqeve që dihen, për mjekët aktualisht në punë në Shqipëri argumente të tjera jane keto:
e kënaqur vetëm 18% e mjekëvve
I/e pakënaqur 27% e mjekëve
I/e nënvlerësuar 24% e mjekëve
I/e zhgënjyer 22% e mjekëve
I/e parespektuar 18% e mjekëve
I/e mbingarkuar me punë 27% e mjekëve
I/e stresuar 24% e mjekëve
Nën presion 23% e mjekëve
Me kërkesa të paarsyeshme nga titullari 7% e mjekëve

Është e qartë se problem i emigracionit të punonjësve të mjekësisë është bërë alarmant dhe duhet patjetër të ngrihet një shtab për të përballuar këtë Emergjencë kombëtare të largimit të Mjekëve.
Vendimi i qeverisë për studentët që do të fillojnë Fakultetin e Mjekësisë do të kryejnë 5 vite punë me kontratë pas përfundimit të Fakultetit, kurse për studentet e vitit 4 dhe të 5 deri në tre vite punë pas përfundimit të Fakultetit të Mjekësisë është pjesërisht i drejtë por:
-së pari është shumë i vonuar sepse studentët janë në provime dhe duhej bërë më parë që në fillim të vitit akademik (https://ëëë.monitor.al/vendimi-i-qev...arre-diplomen/).
Së dyti Ministrja e Shëndetësisë mban përgjegjësi për vonimin në delegimin e këtij problemi madhor tek Këshilli i Ministrave dhe në Parlament sepse ka mbi 8 vjet që është në këtë detyrë,
Së treti, po kjo Ministre e Shëndetësisë ka grumbulluar rreth vehtes konsulentë ose militantë e amatorë që nuk njohin asgjë nga Mjekësia, ose mjekë të korruptuar të cilët e keq-informojnë e për këtë shkak Mjekësia publike është në kaos , me personel shëndetësor të pa-paguar mirë, që shumë nga këta mjekë specialistë merren me mitmarrje në të gjitha spitalet publike, madje po këta mjekë e kanë bërë mitmarrjen një fatkeqësi kombëtare edhe në Fakultetit mjekësore publike por kjo vihet re edhe në pedagogë të tjerë të fakulteteve publike jo mjekësore.
Së katërti, Është përgjegjësi e Ministres së Shëndetësisë që nëpërmjet një miratimit të ligjit për Autonominë e Spitaleve publike i ka bërë këto spitale praktikisht spitale private, duke dëmtuar rëndë popullatën e sëmurë e cila duhet të paguajë plus deri në 50 mijë lekë të reja për person çdo vit plus , në një kohë që popullata e punësuar në sektorë publikë dhe private i paguan Siguracionet shëndetësore. Ministrja e Shëndetësisë i ka bërë që këto Siguracionie mjekësore të detyrueshme për çdo muaj që populli paguan me vite - të pavlefëshme- dhe se nuk dihet se ku përfundojnë paratë e taksapagonjësve shqiptarë. Ky është kulmi.
Ngritja e një shtabi për të monitoruar këtë Emergjencë Kombëtare të largimit të Mjekëve është e domosdoshme madje duhet zgjeruar edhe në monitorimin dhe mbajtjen edhe të infermjerëve, Fizioterapeftëve, imazheristëve, Stomatologëve.
Dihet gjithashtu se Numri i infermjerëve që largohen është jashtzakonisht i madh. Sipas Shoqatës së infermjrëve janë larguar deri më sot që pas demokracisë rreth 16 mijë infermjerë (por për 30 vite e jo 3), pavarësisht se numri i infermjerëve që dalin nga Fakultetet e infermjerisë ë të gjithë vëndin është rreth 800 infermjerë të licensuar në vit, emigrimi është i lartë dhe shqetësues sepse praktikisht cdo vit largohen me qindar infemjerë dhe mami.
Dy vitet e fundit janë larguar rreth 6.500 infermjerë nga vëndi sipas Urdhërit të infermjerit https://ëëë.albinfo.ch/6-mije-e-500-...nga-shqiperia/.
Prandaj edhe për këtë kontigjent duhen marrë masa efektive njëlloj si për mjekët. Edhe infermjerët duhet të puojnë me kontratë 3-5 vjet.
E rëndësishme është që ky vendim të mbulojë dhe Fakultetet Private të Universiteteve Private të infermjerive por edhe Fakultetin e Mjekësisë privat të Zonjës së Këshillit të Mirë, në të cilin mjekët janë future në punë në shërbimet mjekësore publike dhe private e për pasojë mbajnë të njëjtën problem të emigracionit.
Në përfundim mendij se është e domosdoshme ngritja e një shtabi të Emergjencës kundër Emigrimit masiv të mjekëve të cilët krahas masave që realizuar nga qeveria duhet të monitorojnë jo vetëm mjekët por dhe punonjësit teknicenë: infermjerë, mami, imazheristë, teknikë laboratory, fizioterapeftë, të dalë nga Fakultetet publike dhe private, dhe të mbajnë kontaktë të ngushta me Udhërat e infermjrit dhe të Mjekut, për të ndihmuar edhe Ministrine e Shëndetësisë e cila sipas mendimit ka dalë nga shinat dhe nuk kujeset për shërbimin shëndetësor ndaj popullsisë.
Ky shtab Emergjence do të ndihmonte qeverinë për të stabilizuar pagat, Kartën e Shëndetit, Kontratat me mjekët dhe punonjësit e tjerë mjekësorë, dhe do të ndohmonte gjithashtu në manaxhimin më të mirë të spitaleve publike të cilat janë kthyer në spitale private. Në është ngritur gjithë kjo ngrehinë e Sistemit Shënetësor - është ngritur për të ruajtur Shëndetin e Popullatës.
Kjo duhet të jetë parësore dhe për këtë, mjekët dhe infermjerët duhet të kuptojnë se vëndi ka nevojë për ta, familja e tyre ka nevojë për ta , rrethi dhe krahina e tyre ka nevojë për ta.
Pastaj emigrimi.
Nuk është shkelje e të drejtave të njeriut të punosh me kontratë në vëndin tënd. Në se një mjek a infermjer nuk e do vëndin e tij, ai bëhet egoist dhe cinik, atëhere ai nuk është as humanist dhe nuk mund ti shërbejë pacientit ashtu si duhet as këtu e as jashtë.

Prof.Dr. Pirro Prifti

priftipirro2017@gmail.com

[Albo]

Kur piktoret behen kryeministra, hasim ne probleme te tilla. Dhe me e bukura eshte qe budallai kujton se do ta zgjidhi problemin duke e bere te detyrueshme punen per 5 vjet te mjekeve ne Shqiperi, qe te marrin diplomen. Jo vetem qe ligji nuk do ta ndali eksodin e mjekeve, por ka per ta pershpejtuar ate. Me kete akt qe kryeministri ndermori, u tregoi edhe mjekeve qe kane zgjedhur qe te jetojne e punojne ne Shqiperi, qe vendin e drejton nje psikopat qe kujton se te gjitha problemet e vendit zgjidhen "me nje te rene te lapsit", ose me mire te themi, "me nje te rene te penelit", meqenese kryeministrin e kemim piktor ne profesion.

Dy jane problemet pse mjeket po largohen nga ai vend. Problemi i pare, eshte i njejti problem qe i shtyn gjithe shqiptaret te largohen nga ai vend, mjeket nuk bejne perjashtim: rritja e korrupsionit ne kulm nga nje qeveri qe nuk punon per llogari te qytetareve shqiptare, por per llogari te trafikanteve te medhenj te droges. Kjo duket jo vetem nga kultivimi i drogave ne vend, por kjo duket edhe nga perdorimi masiv i drogave ne vend, sidomos nga te rinjte. Mjeket jane te paret qe i shohin dhe preken nga keto fenomene se ata e kane te qarte se cfare e pret nje shoqeri te droguar. Rama e ka kthyer shtetin shqiptar ne nje piramide sociale, ku nderhyrjet e tij ne arsim dhe mjekesi, sektori publik ka gllaberuar lirine e mjekeve per te punuar per veten e tyre. Me elementarja ne cdo sistem eshte liria: liria per te studiuar e marre nje diplome si mjek ne shkolle; liria per te hapur nje klinike apo nje spital privat ku tu vihet ne ndihme njerezve. Por Rama e di se korrupsioni nuk behet ne privat, korrupsioni gjelon vetem ne publik. Dhe per aq kohe sa i takson e rrjep shqiptaret e mjere duke u premtuar "arsim e mjekesi falas", ai ka per te mbajtur ne kembe e ushqyer korrupsionin e njerezve te tij. Praktike e njohur socialiste kjo qe piktori e ka perfeksionuar brenda nje dekade. Shqiptaret e varfer e gjejne veten sot para nje realiteti ku sistemi publik mjekesor nuk mbulon as nevojat me elementare te tyre mjekesore, dhe detyrohen i zgjidhin hallet e tyre ne ato pak spitale private qe ka vendi. Pra paguajne per mjekesine dyfish: taksen ia japin Rames, dhe pagesen e spitalit privat qe u zgjidh hallin. Gjate pandemise se viteve te fundit gjithe shqiptaret e varfer thoshin: "Po u shtrove ne spitalin publik, i hape varrin vetes!" Kaq mjafton per te kuptuar gjendjen e ketij sistemi.

Eshte gabim te shikosh largimin e mjekeve te ndare nga largimi masiv i shqiptareve ne kete 10 vjecar. Shqiperia po katandiset ne nje fshat dhe fajin per kete Edi Rama dhe te gjithe ata qe ia ja kane dhene voten Edi Rames, duhet ta shikojne ne nje pasqyre. Zgjedhjet kane pasoja, dhe pasojat nuk jane per xhepin e Edi Rames dhe hajduteve rreth tij, por per jeten e shqiptareve te varfer. Edi Rama u ka vrare shqiptareve ate me te shenjten, u ka vrare shpresen. Shpresen per te jetuar, krijuar familje, sjelle femije, e rritur femije ne ate vend. Shpopullimi i Shqiperise eshte merita e Rilindasit Edi Rama. Shqiptaret nuk kane pse te humbin kohen kot te jetes se tyre, duke pritur qe ai vend te ndryshoje. Askush nuk duhet te paragjykoje asnje shqiptar qe zgjedh te largohet nga ai vend ne kerkim te nje jete me te mire.

Si ndalet eksodi i mjekeve?

Ne vend te nxjerresh ligje te tilla, qeveria duhet te nxjerri ligje ku rrit kuotat e deges se mjekesise ne universitetet shqiptare. Qe keto shkolla cdo vit te nxjerrin sa me shume mjeke. Ligji do te kete efektin e kunder: perse duhet te studioj une per mjekesi, kur shteti shqiptar kerkon te me mbaje te mbyllur ne kafaz per 5 vjet, duke me shkelur me kembe lirite e mia si qytetar?! Gjeja tjeter qe shteti shqiptar duhet te beje eshte qe tu ofroje lehtesira te medha financiare mjekeve:

- nuk do te paguani taksa per 10 vjet pasi te diplomoheni nese punoni ne Shqiperi.
- shteti do t'iu subvencionoje shpenzimet nese hapni nje klinike ne zona te vendit ku nuk ka mjeke.
- shteti eshte gati te krijoje nje fond per kredi per mjeket qe ata te mund te hapin zyrat e vete shendetesore qe t'iu ofrojne sherbime qytetareve.

Zgjidhja e problemit nuk eshte sektori publik, eshte sektori privat. Dhe Rama duhet t'i japi fund sistemit te deshtuar te mjekesise e arsimit. Shteti nuk duhet te menaxhoje keto sisteme publike, nuk duhet as t'iu mbledhi taksa qytetareve, por duhet te luaje rolin e arbitrit dhe te krijoje nje sistem privat ne vend ku konkurrenca sjell uljen e cmimemeve dhe rritjen e cilesise se sherbimeve. Nese shteti shqiptar do ti bente te gjitha keto, jo vetem qe mjeket shqiptare do te zgjidhnin te punonin ne vend, por edhe mjeke te huaj do te vinin te hapnin klinikat e tyre ne Shqiperi pasi klima fiskale eshte e favorshme per ta.

Shumica e mjekeve shqiptare po shkojne ne vende si Gjermania dhe Zvicra. Keto vende kane nevojat e tyre per mjeke pasi popullata e tyre po plaket. Ketu eshte deshtimi tjeter i madh i nje qeverie anti-shqiptare. Ky eksod i mjekeve shqiptare ndodh pasi shteti shqiptar e lejon nje gje te tille. Shume kollaj shteti shqiptar mund t'i thote shtetit gjerman se nuk mund te terheqesh mjeket tane ne kete menyre, ne dem te shendetit te shqiptareve. Perse kemi nje shtet, kur nuk eshte ne gjendje as te ngreje zerin ndaj vendeve mike kur keta bejne politika ne dem te interesave shqiptare? Ku dolem perseri? Dolem tek zemra e problemit:

- Per aq kohe sa piktori rilindas do te jete ne krye te qeverise shqiptare, shqiptaret do te bien nga shiu ne bresher!

Te gjithe ju qe i dhate voten Edi Rames, dhe sot ankoheni se nuk kini ku te mjekoheni, jeni po aq fajtore per situaten sa edhe Edi Rama. Edi Rama nuk ua solli korrupsionin dhe injorancen, ate ai e gjeti mes jush!

Albo

[Albo]

Projektligji për mjekësinë, 679 mijë lekë në vit është kostoja për një student



Rreth 679 mijë lekë në vit është kostoja që shteti shqiptar paguan për formimin e një mjeku të përgjithshëm. Kjo tarifë e përllogaritur është bërë publike në relacionin për projektligjin “Për trajtimin e veçantë të studentëve që ndjekin programin e integruar të studimit të ciklit të dytë “mjekësi e përgjithshme” në institucionet publike të arsimit të lartë”.

Duket se do të jetë kjo përllogaritje mbi bazë të së cilës do të përcaktohen edhe tarifat që do të aplikohen në vitin akademik 2023-2024, për të gjithë ata studentë që nuk do të nënshkruajnë marrëveshjen për punësim 2-5 vite në sistemin publik shqiptar pas diplomimit.

Studentët e mjekësisë aktualisht kanë një tarifë vjetore prej 45 mijë lekësh, e cila përgjysmohet në bazë të mesatares. Sipas të njëjtit relacion, aktualisht janë 863 studentë të cilët përfitojnë përjashtimin nga tarifa e studimit, me efekt financiar 38. 835 000 lekë dhe sipas një skenari më realist, supozohet se 50% e studentëve do të pranojnë të nënshkruajnë marrëveshjen.

Në projekt ligj është përcaktuar që për studentët e vitit të parë, detyrimi për të punuar në sistemin publik do të jetë 5 vite, ndërsa për studentët e vitit 2 deri në të 4, detyrimi do të jetë 3 vite dhe ata që janë në vitin e 5 dhe të 6 detyrimi do të jetë 2 vite.

Në rastet kur do të pranohet marrëveshja, studenti do të paguajë vetëm 25 mijë lekë në vit. Në rastin kur studenti nuk do të pranojë marrëveshjen do të përballet me tarifat që vijnë nga kostoja reale që shteti shpenzon për to.

Sipas ekspertëve, nëse asnjë student nuk do të pranojë marrëveshjen por do të paguaj tarifën, pritet të sjell 1,6 miliardë lekë shtesë në buxhetin e universitetit.

Euronews