Noti

[sirena_adria]

Noti mund të jetë ushtrimi më i mirë që ekziston

A ndjeni dëshirën për të notuar disa xhiro pas shikimit të Olimpiadës?

Ndërsa shumica e njerëzve i vlerësojnë përfitimet shëndetësore që vijnë nga vrapimi, çiklizmi, apo ngritja e peshave, më pak njerëz kuptojnë përfitimet që vijnë nga një not i mirë.

"Noti ofron një sërë përfitimesh specifike si përmirësimi i sistemit kardiovaskular dhe respirator, përmirësimi i forcës dhe qëndrueshmërisë së muskujve, përmirësimi i masës trupore të dobët dhe përmirësimi i shëndetit mendor dhe mirëqenies," thotë Mitch Lomax, një pulmonolog dhe fiziolog ushtrimesh në Mbretërinë e Bashkuar.

Ky sport ka avantazhin e shtuar që është i disponueshëm për njerëzit e të gjitha moshave dhe për ata me kufizime fizike - individë për të cilët aktivitete si vrapimi apo çiklizmi mund të jenë më sfiduese.


Tiranapost.al

https://tiranapost.al/stil-jete/noti...ziston-i533765

[sirena_adria]

A dimë të notojmë? rëndësia e notit për shëndetin | Mirëmëngjes Shqipëri

[sirena_adria]

Noti, ndër sportet më të rëndësishme për shëndetin

Noti është një nga sportet më të dobishme. Konsiderohet i tillë sepse është i vetmi sport që vë në funksion të gjithë muskujt e trupit, edhe muskujt të cilët rrallë herë janë aktivë gjatë jetës së përditshme.

Noti bën të mundur tendosjen e muskujve, duke rritur fleksibilitetin dhe zgjatjen e muskujve të ndryshëm në trup. Ai ndihmon në çlirimin e energjisë negative, apo edhe çlirimin e toksinave trupore që pengojnë tendosjen muskulore.

Noti gjithashtu është i këshillueshëm sepse ndihmon dhe forcon zemrën, pasi përbën një ndër sportet më të pasura me lëvizje dhe teknikë. Ushtrimet apo aktivitetet e tjera fizike janë më specifike siç është vrapi ose çiklizmi, ndërsa noti është gjithëpërfshirës, duke bërë të mundur vënien në lëvizje të të gjithë trupit.

Nëse bëni ushtrime fizike ose vrap, pas saj këshillohet gjithmonë të bëni pak not. Kështu pas tij do të ndiheni më aktiv dhe energjik. Noti përpunon siluetën tuaj, së pari, angazhon të gjithë muskujt tuaj dhe i zgjat ato; së dyti, shpenzon shumë energji dhe së treti mobilizon rezervat yndyrore pas rreth 40 min. Një palestër e vërtetë për t’u dobësuar!

Noti rrit cilësinë e jetës, prandaj ushtroni notin tre herë në javë, me një kohëzgjatje 30 – 45 minuta.


Ekonomia Online

https://ekonomiaonline.com/noti-nder...per-shendetin/

[sirena_adria]

Për shëndet më të mirë – Notoni

Noti tashmë njihet si sport i përsosur.

Të gjitha gjërat e mira për trupin ju mund t’i merrni përmes këtij sporti, transmeton Klan Kosova.

Noti praktikohet nga atletët për të qëndruar në formë ose edhe për t’u shëruar nga ndonjë lëndim.


Nga ky sport mund të keni shumë përfitime, sikurse këto më poshtë:

- Noti i forcon dhe përmirëson muskujt

- Nga noti ndërtoni masën kockore

- Noti ju ndihmon të qëndroni fleksibil

- Noti ul pezmatimin

- Noti ju ndihmon t’i djegni kaloritë

- Noti ul stresin dhe depresionin

- Noti ju bën më të mençur.

- Noti zgjatë jetën tuaj.


Ekonomia Online

https://ekonomiaonline.com/per-shend...e-mire-notoni/

[sirena_adria]

Sportet më të mira për shëndetin

Universiteti i Sidney ka kryer një studim për sportet më të mira për shëndetin.

Studimi ka nxjerrë tenisin, notin dhe gjimnastiken aerobike si tre nga sportet më të mira për njeriun.

Studimi tregoi se tenisi zvogëlon shanset e vdekjes nga sëmundjet e zemrës me 56 %. Rreziku i vdekjes nga shkaqe të lidhura me shëndetin kishte rënë me 47% në grupin e njerëzve që luanin tenis, squash apo badminton.

Ndërsa personat që preferojnë të notojnë mund të kenë një ulje prej 28 % të rasteve të vdekjes nga shkaqe që lidhen me shëndetin.

Kurse personat që merren me aerobi dhe gjimnastikë mund të presin sipas studimit një rënie të vdekshmërisë deri në 46 %.

Detajet e këtij studimi janë botuar në revistën britanike “British Journal of Sports Medicine”.


Ekonomia Online

https://ekonomiaonline.com/sportet-t...r-shendetin-3/