Eurovision Song Contest 2023 - Liverpool, UK

[sirena_adria]

KAMPIONE !



1. Loreen - Tattoo (LIVE) | Sweden | Grand Final | Eurovision 2023

[sirena_adria]

VENDI I DYTË !



2. Käärijä - Cha Cha Cha (LIVE) | Finland | Grand Final | Eurovision 2023

[sirena_adria]

VENDI I TRETË !



3. Noa Kirel - Unicorn (LIVE) | Israel | Grand Final | Eurovision 2023

[sirena_adria]

Loreen nga Suedia shkruan historinë si gruaja e parë që fitoi dy herë Eurovisionin


Loreen e Suedisë ka fituar Eurovision Song Contest në Liverpool, ndërsa Mae Muller e Britanisë së Madhe përfundoi e dyta nga fundi.

Këngëtarja, e cila triumfoi më parë në vitin 2012, hyri në histori si gruaja e parë dhe personi i dytë, që fitoi dy herë konkursin.

Ajo mblodhi gjithsej 583 pikë pasi u bashkuan votat e publikut dhe jurisë, duke mposhtur ngushtë Finlandën, e cila mblodhi plot 526.Fitorja lidh gjithashtu Suedinë e saj të lindjes me Irlandën si kombi me më shumë fitore, me shtatë secila.

Pasi u shpall fituese në “M&S Bank Arena”, Loreen u rikthye në skenë dhe iu dorëzua trofeu nga fituesit e vitit të kaluar, grupi Kalush Orchestra nga Ukraina.“Jam shumë e lumtur dhe u jam mirënjohëse”, tha ajo pasi pranoi çmimin.
Teksa iu drejtua publikut, ajo shtoi: “Faleminderit për këtë, kjo është për ju”.

Fitorja e saj do të thotë se barazohet me rekordin e mbajtur nga këngëtari irlandez, Johnny Logan, i cili triumfoi në konkurs në 1980 dhe 1987.


Gazeta Blic

https://gazetablic.com/loreen-nga-su...-eurovisionin/

[sirena_adria]

Suedia bën historinë, fiton për të shtatën herë Eurovision!

Loreen këngëtarja e vetme që e fiton dy herë ! Albina Kelmendi e Shqipërisë në vendin e 22.


Loreen e Suedisë ka fituar për herë të dytë në Eurovision Song Contest , duke shënuar kështu një triumf historik në një shfaqje ekstravagante dhe të këndshme të mbajtur në Liverpool, në Britani, në emër të Ukrainës. Ajo u bë këngëtarja e vetme që fiton konkursin më shumë se një herë, duke arritur fitoren me baladën pop "Tattoo" dhe duke çimentuar trashëgiminë e saj.

Loreen kishte fituar më parë konkursin në Baku në vitin 2012, me hitin e saj që i ndryshoi karrierën "Euphoria". Fitorja e saj e fundit do të thotë që Suedia barazon Irlandën për më shumë fitore në kompeticion, me nga shtatë. Kjo fitore për Suedinë vjen 50 vjet pasi ABBA fitoi me "Waterloo", momenti që i çoi ata në superyll.

Në vendin e dytë u rendit Finlanda me 526 pikë me këngën “Cha Cha Cha” nga Käärijä, kënga ishte një nga më të preferuarat dhe të dashurat e publikut. Në vendin e tretë u rendit Izraeli me 362 pikë me këngën “Unicorn”, kënga u pëlqye nga publiku por edhe nga juria.

Shqipëria u përfaqësua këtë vit me këngën "Duje" e kënduar nga Albina dhe Familja Kelmendi e cila u rendit në vendin e 22 me 76 pikë duke lënë prapa shumë vende të tjera konkuruese të cilat nuk u kualifikuan në gjysmëfinalet për të shkuar në finalen e madhe.

Bëri për vete publikun me këngën e saj “Tattoo”, dedikuar një dashurie që ka lënë gjurmë të pashlyeshme. Loreen, përfaqësuesja e Suedisë në Eurosong 2023, e datëlindjes 1983, u rendit mbrëmjen e së shtunës si fituesja për herë të dytë e këtij kompeticioni, pas fitores në 2012-ën me “Euphoria”

Lorine Zineb Nora Talhaoui e njohur si Loreen ka lindur në Stokholm në 16 tetor të vitit 1983. Është një artiste poliedrike, ka interpretuar në filmin “Vinterviken”, por është edhe e njohur si aktiviste politike. 39-vjeccarja është e fejuar me fotografin Charli Ljung. Profili i saj në Instagram është loreenofficial, dhe numëron thuajse gjysmë milioni ndjekës. Shumë prej fotografive të publikuara janë bërë nga partneri i saj.

Sa i përket aktivizmit politik, sicc shkruan “fanpage.it”, në vitin 2012 gjatë pjesëmarrjes në Azerbajxhan, dënoi dhunimin e të drejtave njerëzore në atë vend, dhe ka qenë edhe ambasadore për komitetin suedez të Afganistanit. Vitin e kaluar ajo performoi për eventin bamirës Sverige samlas och hjalper për Ukrainën.

Kënga “Tatto”, me të cilën këngëtarja përfaqësoi Suedinë, flet për dhimbjen dhe dashurinë, dhe bëhet fjalë për zhanrin dance-pop. Kënga flet për një lidhje romantike të trazuar, për të cilën artistja lufton: “Tatto”, ose tatuazh si simbol i dashurisë së pashlyeshme.


/ Fanpage.it / shqiptarja.com

https://shqiptarja.com/lajm/suedia-b...ne-vendin-e-22