28 nëntor 1912 - Dita e Flamurit - 110 vjet shtet shqiptar i pavarur

[Albo]

“Ceremonia e ngritjes së flamurit te sheshi “Skënderbej”.

Gëzuar Ditën e Flamurit!”-shkruan kryebashkiaku i Tiranës, Erion Veliaj.

[Albo]

Presidenti Begaj nga Sheshi i Flamurit në Vlorë: Ta duam atdheun me vepra, shërbim e patriotizëm




Gjatë ceremonisë së ngritjes së flamurit në qytetin e Vlorës në kuadër të festimeve për 110-vjetorin e Pavarësisë së vendit presidenti Bajram Begaj është shprehur se historia e vendit ka qenë e mbushur me luftëra dhe sakrifica për liri, dije e progres.

Fjala e plotë e Presidentit Begaj:

Me gëzim dhe krenari të ligjshme, Vlora lavdimadhe dhe heroike na fton sot për të kremtuar 110 – vjetorin e shpalljes së pavarësisë së Shqipërisë.

Në këtë shesh dhe në këtë qytet, më 28 nëntor të vitit 1912, për herë të parë kumboi Himni i Pavarësimit të Shtetit të ri Shqiptar, të një populli që hynte në epokën e mëvetësisë dhe sovranitetit, si kurorëzim i përpjekjeve, aspiratave dhe sakrificave të panumërta shekullore.

Patriotë të mëdhenj dhe mëndjendritur, nga të gjitha viset e Shqipërisë, udhëhequr nga i urti Ismail Qemali, jetësuan përpjekjet e mëdha të Rilindjes Kombëtare dhe i dhanë atdheut, vendin që i takonte në familjen e madhe të kombeve.

Historia jonë kombëtare është histori luftërash e sakrificash të paepura për liri, është histori përpjekjesh të pafundme për dije e progres, është histori e një populli që dashurinë për tokën dhe atdheun e ka mbi gjithçka.

Ngritja e flamurit në Vlorë nuk qe një akt i veçuar i një grupi atdhetarësh. As dhuratë a produkt i konjukturave diplomatike, që shpesh kishin dëmtuar interesat e kombit shqiptar.
Pavarësia e Shqipërisë ishte dhe mbetet vepër e madhe e kombit shqiptar, e brezave dhe patriotëve të panumërt, që me përgjegjësi historike, në ditët e rrezikut të madh, jetësuan vullnetin shekullor të popullit, me shumë guxim dhe largpamësi.

Ishte trimëria e djelmnisë kosovare dhe asaj mbarëshqiptare, që me heroizmin e qëndresën e kultivuar ndër shekuj, i dolën për zot vatanit dhe i demonstruan mbarë botës shenjtërinë e lirisë, gjuhës, atdheut dhe identitetit tonë kombëtar.

Kurora e pavarësisë së Shqipërisë sonë të dashur është e mbushur me gurë të çmuar, që nga lavdia e Gjergj Kastriotit, tek Lidhja Shqiptare e Prizrenit, hapja e shkollës së parë shqipe në Korçë, Lidhja e Pejës, Kongresi i Manastirit, dhe kryengritjet e njëpasnjëshme shqiptare në fillim të shekullit të XX.

I kujtojmë sot, të gjitha këto ngjarje të mëdha të historisë së kombit tonë, që brezat të mos harrojnë, që të kujtojnë me mirënjohje paraardhësit e tyre dhe të mbushen me krenari për atdheun, flamurin dhe identitetin kombëtar.

I kujtojmë për të reflektuar për atë që duhet të bëjmë, si individë dhe shoqëri, për përparimin dhe begatimin e mëtejshëm të atdheut dhe kombit tonë.
Sepse ky flamur dhe kjo tokë është amaneti i të parëve, është përkatësia dhe përgjegjësia e të gjithëve ne.

110 vjet pas shpalljes së pavarësisë, jemi dëshmitarë të ndryshimeve të mëdha që kanë ndodhur në Shqipëri, në Kosovë, në Maqedoninë e Veriut, në Ballkan, në Evropë e në mbarë botën.

Kombi shqiptar ka forcuar gjithnjë e më shumë pozitat dhe rolin e tij të merituar, duke u bërë një faktor dhe aktor i besueshëm për paqen, stabilitetin dhe fqinjësinë e mirë në rajonin tonë.

Shqipëria është anëtare e denjë e NATO-s, aleancës më të madhe politike dhe ushtarake në botë, por edhe aleancës më të madhe të vlerave, të demokracisë dhe prosperitetit.
Shqipëria është partnere e besuar dhe aleate e SHBA-së, BE-së, Mbretërisë së Bashkuar dhe shumë vendeve të tjera mike në botë.

Nëse para 110 viteve diskutohej cozpëzimi i trojeve shqiptare, sot Shqipëria si një anëtare e përkohshme e Këshillit të Sigurimit në Organizatën e Kombeve të Bashkuara, luan rol të rëndësishëm për ruajtjen e paqes, sigurisë dhe për promovimin e demokracisë.
Ajo është e fokusuar në objektivin strategjik të integrimit në Bashkimin Evropian, si e ardhmja më e mirë dhe rruga më e sigurtë për Shqipërinë, për gjithë faktorin shqiptar në rajon dhe vetë rajonin.
Në fillim të dhjetorit, për herë të parë, jo vetëm në vendin tonë, por për të gjithë rajonin, mblidhet samiti BE-Ballkani Perëndimor. Një ngjarje dhe përgjegjësi e madhe.
Një mesazh mbështetjeje dhe inkurajimi për të gjithë shqiptarët dhe të ardhmen tonë në familjen evropiane duke nxitur njëherazi një përgjegjësi të shtuar për institucionet dhe klasën politike për vijimin e reformave dhe avancimin e agjendës evropiane.
Pavarësisht arritjeve, kemi rrugë të gjatë përpara. Por ajo që duhet të bëjmë, më së pari, është ta duam atdheun me vepra, me shërbim dhe idealizëm, ashtu si patriotët e mëdhenj, që nderojmë sot.

Historia jonë e lashtë dhe e re na vjen si amanet. Askund më mirë se në Vlorën e flamurit, e në këtë ditë, nuk mund të marrë vlerë mesazhi për përgjegjësinë e të gjithëve, dhe më së pari të klasës politike dhe institucioneve.
Ne duhet të jemi bashkë për zhvillimin e vendit, për ndërtimin e shtetit ligjor, për forcimin dhe demokratizimin e institucioneve dhe respektimin e çdo individi dhe të drejtave, që burojnë nga kushtetuta.
Duhet të jemi bashkë në luftën kundër korrupsionit, pabarazisë dhe varfërisë; bashkë për çështje të sigurisë kombëtare dhe reformës në drejtësi; bashkë për një shoqëri të lirë, të angazhuar dhe të arsimuar; për një Shqipëri të mundësive të barabarta, të medias së lirë, të institucioneve që u shërbejnë qytetarëve, e të rinjve që gjejnë hapësirë dhe shpresë për ëndrrat dhe idealet e tyre që të ardhmen tyre ta ndërtojnë në vendlindjen e ture shqipëri.
Përgjegjësitë e Shqipërisë janë edhe më të mëdha se kaq.
Ne kemi detyrim për fuqizim të faktorit shqiptar në rajon. Kemi detyrim ndaj vëllezërve shqiptarë në Kosovë, në Maqedoninë e Veriut, në Malin e Zi, Luginën e Preshevës dhe diasporë në përmbushje të detyrimeve kushtuese dhe kombëtare.
Me ata nuk na bashkon vetëm gjuha dhe historia e përbashkët, por edhe aspirata kombëtare e Integrimit Europian dhe vlerat që ne ndajmë e dëshmojmë për paqen, bashkëjetesën, mirëkuptimin dhe begatinë.
Kemi sakrifikuar si asnjë komb tjetër në rajon, por sot Kosova është një shtet i lirë dhe i pavarur, që synon integrimin në BE dhe nATO.
Shqipëria mundet dhe duhet të mbështesë fuqizimin e shtetit të Kosovës në çdo drejtim, të jetë zëri i saj sa herë të jetë e nevojshme; bashkëudhëtare dhe mbështetëse e palëkundur e rrugëtimit të saj Euro-Atlantik.

Të dashur motra dhe vëllezër,
Patriotët e mëdhenj që nderojmë sot janë shembulli më i mirë i bashkimit për interesat kombëtare.
Me këtë mesazh, unë dua t’i bëj apel sot vetëdijes shqiptare se atdheu dhe kombi kanë nevojë për përkushtimin, përgjegjësinë, shërbimin dhe dashurinë e secilit prej nesh.
Nga Vlora e bukur e flamurit, uroj sot të gjithë shqiptarët në Shqipëri, Kosovë, Maqedoninë e Veriut, Malin e Zi, në Luginën e Preshevës, Arbëreshët, dhe shqiptarët kudo në botë:

GËZUAR DITËN E FLAMURIT!
GËZUAR 110 – VJETORIN E PAVARËSISË SË SHQIPËRISË!











Koha Jone

[Albo]

Kryeministri Rama poston videon nga Vlora me Presidentin Vjosa Osmani





Koha Jone

[Albo]

110 vjetori i pavarësisë bën bashkë kryeministrat dhe presidentët e Shqipërisë dhe Kosovës në Vlorë



Ceremonia e ngritjes së flamurit për 110-vjetorin e pavarësisë së Shqipërisë në Vlorë ka bërë bashkë kryeministrat Edi Rama dhe Albin Kurti si dhe presidentët Bajram Begaj dhe Vjosa Osmani.

Ata kanë ecur në krah të njëri-tjetrit në ceremoninë shtetërore të organizuar në Vlorë. Të pranishëm ishin dhe përfaqësues të tjerë të dy qeverive si dhe kryebashkiaku i Vlorës Dritan Leli.

Një ditë më parë në parlamentin e Shqipërisë u zhvillua seanca e parë e përbashkët e dy kuvendeve të Shqipërisë dhe Kosovës.



Koha Jone

[Albo]

Berisha mesazh për 110 vjetorin e Pavarësisë: Nderim përjetë të rënëve të kombit shqiptar

Kryetari I Partisë Demokratike Sali Berisha ka uruar shqiptarët për 110 vjetorin e Pavarësisë, ku nëpërmjet një mesazh të publikuar në rrjetin social tik tok, shpreh vlerësimet për të gjithë kontribuesit në shpalljen e pavarësisë së vendit.

Lideri I opozitës akuzon qeverinë se po e shpopullon vendin, ndaj apelon që të gjithë të bëhen bashkë për të ndryshuar situatën në Shqipëri.



Ndërkohë, ish kryeministri Berisha ka publikuar edhe një foto në nga monumenti ‘Nëna Shqipëri’ në Varrezat e Dëshmorëve, ku shkruan nderim për jetë të rënëve të kombit shqiptar.

Syri

[Albo]

’28 nëntor’/ Meta në Prishtinë: Përuruam shtatoren e Anton Çetta, misionar i bashkimit kombëtar



Postimi i plotë:

Kënaqësi e veçantë të gjendem sot në Prishtinë bashkë me kryetarin Përparim Rama, ish-Presidenten Atifete Jahjaga, familjen Rugova dhe shumë personalitete të tjera, në përurimin e shtatores së profesor Anton Çetta, udhëheqës të pajtimtarëve të Kosovës dhe misionar i bashkimit të madh kombëtar.

Emri i profesor Antonit dhe vepra e tij, janë simbol frymëzues për të punuar për kombin dhe të mirën mbarë kombëtare.

Flamuri jonë kuq e zi, e ka lavdinë tek vepra vetëmohuese e burrave e grave patriote që ashtu si profesor Çetta, janë dedikuar pa kushte dhe pa kufij në shërbim të atdheut, gjuhës dhe traditave më të mira shqiptare.

Syri

[Albo]

Kryegjyshi Botëror homazhe në varrin e Sami Frashërit në Stamboll, vendos flamurin kombëtar

Me rastin e 110 vjetorit të Pavarësisë, Kryegjyshi Botëror Edmond Brahimaj vizitoi dje vend prehjen në Stamboll të Patriotit të madh të Rilindjes sonë Kombëtare, njërit prej udhëheqësve kryesore të lidhjes Shqiptare të Prizrenit Sami Frashëri .

Kryegjyshi duke kujtuar luftën e patriotëve të mëdhenj të Rilindjes kombëtare për Liri e pavarësi bëri një lutje për kombin dhe vendin tonë që shqiptarët të ecin në rrugën e të parëve tanë dhe të punojnë siç e deshën ata Shqipërinë.

Në fund të lutjes Kryegjyshi mbuloi dhe vendosi flamurin kombëtar në vend prehjen e Sami Frashërit.



Syri

[ilia spiro]

Duke uruar diten e flamurit, nuk kuptoj pse hymnit i eshte hequr pjesa ku flitet per vullnetin hyjnor.

[Albo]

Alpinistët kosovarë sfidojnë të ftohtin/ Valëvisin flamurin kuqezi në 2651 metër lartësi për 110-vjetorin e Pavarësisë së Shqipërisë (VIDEO)

Një grup alpinistësh kosovarë kanë bërë një gjest të veçantë për 110-vjetorin e Pavarësisë së Shqipërisë.



Alpinistët Nexhat Palushi, Fadil Sahiti dhe Astrit Krasniqi kanë ngjitur majën e Bistrës ku kanë valëvitur flamurin shqiptar.

Është vetë Nexhat Palushi që ka postuar në rrjetet sociale videon nga pamjet spektakolare në majën e malit.

Postimi i Nexhat Palushit:

URIME FESTA E 28 NËNTORIT TË GJITHË SHQIPTARËVE KUDO QË JANË!

Falenderoj shokët Fadil Sahiti e Astrit Krasniqi për ndihmën e dhënë në realizimin e kësaj videoje në Majen e Bistres me lartësi 2 651 m (lmd) dhe temp. -10 C.



Panorama

[Albo]

VIDEO/ Festa e Pavarësisë së Shqipërisë transferohet edhe në Dubai, kulla me e lartë në botë “vishet” Kuq e Zi

Festimet për 110 vjetorin e Pavarësisë kanë “pushtuar” ditën e sotme gjithë trevat shqifolëse.



Vendi ynë mori urime të shumta nga shumë vende e organizata ndërkombëtare.

Së fundmi edhe Emiratet e Bashkuara Arabe i janë bashkuar këtyre urimeve, me një simbolikë magjike në qiellgërvishtësen gjigande.

Kulla më e lartë në botë, “Burj Khalifa” që gjendet në Dubai, u “vesh” pasditen e së hënës me ngjyrat e flamurit Kuq e Zi.

ebkit-calc(100% - 2px); widthalc(100% - 2px);">

enter; text-decoration:none; width:100%;" target="_blank">

View this post on Instagram

enter; text-overflow:ellipsis; white-space:nowrap;">A post shared by Burj Khalifa by Emaar (@burjkhalifa)

Panorama