Hetimet sekrete/Hakerat zbulojnë e-mailet e Gledis Nanos dhe shkresën e DEA-s: Kush është kompania që transporton kokainë nga Ekuadori (EMRAT)
Hakerat kanë publikuar ditën e sotme e-mailet zyrtare të ish-Drejtorit të Përgjithshëm të Policisë së Shtetit, Gledis Nano.
Por mes e-maileve ka rënë në sy korrespondenca me DEA-n e Athinës, e cila e ka njoftuar Policinë e Shtetit për një kompani shqiptare që kryen trafik kokaine nga Ekuadori.
E-maili i Tonin Vocajt per Gledis Nanon
Drejtuesit e Policisë së Shtetit sipas e-maileve të publikuar sot nga hakerat kanë nxjerr emrat e porositësve të kokainës, po ashtu dhe pronarit të kompanisë Shqiptare, me seli në Durrës.
E-maili i është përcjellë Gledis Nanos nga Tonin Vocaj 31 dhjetor të vitit 2021, ndërkohë që përcillen dhe e-mailet e agjentit të DEA-s në Greqi për këtë kompani, e cila trafikon lëndë të konsiderueshme narkotike.
Informacioni per kompanine qe kryen trafik droge
“Informacioni i mëtejshëm nga Zyra e DEA: “Kemi gjetur këtë informacion në lidhje me ZICO SHA. Më datë 9 Nëntor 2014, Policia Kombëtarë e Ekuadorit ka sekuestruar rreth 33.55 kg kokaine.
Kokaina ishte e fshehur brenda njësisë frigoriferike të kontejnerit transportues GESU9439832. Kontejneri transportues kishte një dërgesë me banane dhe kishte destinacion Durresin/Shqipëri. Kompania marrëse ishte ZICO SHA.
Në vitin 2018, një burim ka siguruar informacionin si vijon. Shtetasit shqiptarë Qime ARBEN dhe Murataj TRIFON janë të përfshirë në kontrabandimin e kokainës në Shqipëri.
Burimi ka deklaruar se TRIFON përdor një kompani importimi ne Durrës/Shqipëri me emrin ZICA SHA për të importuar me shumicë kokaine nga Ekuadori në Shqipëri. Kokaina e importuar më pas ruhet në një magazinë e kontrolluar nga ARBEN.
ARBEN më pas bën përzierjen për të krijuar sasi më të mëdha.”- thuhet në e-mailin e publikuar nga hakerat, materiale të cilat nuk janë përgështruar nga institucionet shtetërore.
E-maili i DEA-s, Athine
Panorama
Përgjigju Duke Cituar
Krijoni Kontakt