Sekretari i shtetit amerikan Powell viziton Tiranen

[Zarathustra.]

Manollka

Europa nuk eshte thjesht inferiore ne sistemin e drejtesise ndaj amerikes por ajo nuk ka asnje premtim qe do ti afrohet amerikes per te pakten disa shekuj. Vete ndertimi dhe suksesi social i amerikes eshte bazuar pikerisht mbi kete drejtesi superiore. Eshte kjo drejtesi pra qe ka arritur te ndertoje nje shtet kaq perfekt dhe mire funksional ne nje vend kaq divers, dhe te shumellojshem. Ekuilibret dhe paqen sociale ne amerike europa vetem i enderon. Shoqeria amerikane nen kete sistem drejtesie eshte sot dhe ka qene perhere shoqeria me e stabilizuar, dhe me e pergjegjshme ne bote. Amerika ndoshta jo gjithmone ka qene lider perfekt per kete bote por ka qene pa dyshim lideri me i arrire nga njerezimi sot, dhe ka arritur te ndertoje nje shoqeri jo vetem liberale dhe te hapur por nje shoqeri ku ideologjite ekstreme si komunizmi, imperializmi, nazizmi etj etj kurre nuk kane dominuar.

Kurse shoqerite Europiane kane histori qindra vjecare abuzimesh, konfliktesh, luftrash apo ideologjish fatale. (Kujdes kur mendon se edhe amerika ka pasur nje lufte civile, kerko qellimin e kesaj lufte dhe krahasoje ate me qellimin e luftrave dhe konflikteve ne europe) .Cfare nuk e le Europen te perparoje ne drejtesi per mendimin tim eshte TRADITA, e cila nuk evolon apo evolon mjaft ngadale. Ja pse edhe Europa tashme kerkon te amerikanizohet kur perpiqet te fshije kufijte dhe te shkrihet ne nje, gje qe do sjelle shkrirjen e diferencave tradicionale dhe eleminimin e dallimeve kulturore midis europianeve.

Amerika pra, kombi me kushtetuten me perfekte, dhe me te vjeter ne kete bote, nuk mund ti leje djemte dhe bijat e saj te gjykohen nga pjestare te shoqerive kaq te papergjegjshme sic jane ato Europiane ku edhe sot votojne ne masen 15% per po keto ideologji ekstreme te majta apo te djathta qofshin. Ne si shqiptare "drejtesine" e Europes e kemi pjese te ekzistences se copetuar si komb qe jetojme cdo dite. Bile as kete nuk do ta kishim pa Ameriken. Identifikimi yne me interesin e me te fortit eshte nje garanci qe siguron rrugen tone drejt perparimit dhe begatise se vazhdueshme. Permiresimi i vazhdueshem i jetes dhe begatise kombetare eshte detyre per cdo shqiptar dhe kjo arrihet jo duke i vene berrylin me te fortit dhe me te begatit por duke perqafuar madheshtine dhe arritjet e tij, duke mesuar dhe u frymezuar prej tyre.

Per ne si shqiptare amerika eshte gjithcka e larte dhe madheshtore qe ne duhet te aspirojme.

[ornament]

Ju bej thirrje te diskutoni mbi temen; pra vizita e Powell-it ne Tirane, mos e dhisni si gjithnje me dyelin Nano-Berisha.

Llapi, solli artikullin me interesant dhe shume domethenes, ku tregohej se Powell-i kishte qene dhe ne Beograd. Bile kerkon te vendose dhe trupa atje.
Kjo e dhene, ja ZBEH rendesine dhe karakterin vizites se tij ne Tirane, duke treguar qe ajo s'qe tjeter veç nje vizite KURTUAZIE DIPLLOMATIKE te rradhes.

[manoklla]

Leshator, mos i paraqit argumenta e tua si te verteta te padiskutueshme, sepse ato ne fund te fundit jane bindjet e tua personale e jo te verteta universale. Te gjitha cthua ti jane te debatueshme. Po i analizoj shkurt se sdua te humb kohe.

Sdi nga e nxjerr kete qe evropa do disa shekuj ti afrohet amerikes, por di qe per shume amerikane evropa eshte enderr, jo vetem si destinacion turistik, por si konceptim jetese, si vlere morale e si realitet i larmishem, ndryshe nga uniformiteti e izolacionizmi konservativ i theksuar qe ofron amerika. Keto qe them nuk jane fjale boshe por observime te nje njeriu qe ka 8 vjet ne amerike, te perforcuara nga studime antropolgjike qe i kam ekzaminuar me vemendje kur studioja behavorial sciences. Nese do literature per kete ceshtje ta jap une.
Edhe ekonomikisht nuk ka dallime signifikante. US gezon ekonomi me te forte, por EU ka nje regim pune me relaksant per punetoret cka i lejon atyre mundesi per aktivitete jashtepune me te larmishme. Sot euro>dollari.

Nese ka nje entitet social liberal ne bote sot eshte realmi europian. Nuk po futem ne thellesi, por amerka eshte nje nga ambietet me konservatore ne bote. Ne europe aborti as qe perben objekt diskutimi, ne US administrata e Bushit do e ktheje vendimin e S. Court te 1973 ne Roe v Wade ne favor e ndalimit te abortit. Kultura seksuale amerikane eshe nja 50 vjet pas evropes, dhe TV amerikan eshte teper selektiv ne programet e tija. Per shpirtin konservtor te amerikanit arma perben nje cilesi jetese dhe ky atavizem mendor gjen vend ne amendamentin 2 te kushtetutes amerikane. Europa ka njohur nazizmin e fashizmin, por amerika ka njohur Ku Klus Klanin, fushatat per gjueti shtrigash antikomunise te Douglas McCartneyt ne vitet 50 qe per nga egersia e indoktrinimi do e benin dh Enver Hoxhen krenar, eksterminimin vazhdueshem kunder native americans, hedhjen pa teklif te bombes atomike ndaj japonise me 1945, mbeshtetje per motive strategjike te regjimeve te urryera ne ameriken latine,azie deri te Sadami e Bin Ladeni. Mbeshtetja e regjimeve diktatoriale nga amerika ne shumevende te botes te ben te mendosh se nje shoqeri qe eshte demokatike ne esence ( sic pretendon USA te jete) nuk do binte a shume ne dinjitet e parim nese nuk eshte e korruptuar vete nga brenda.

Europa nuk kerkon te evropianizohet, perkundrazi eshte US qe dalengadale po fiton tipare evropiane, dhe normalisht, pjella gjithnje do i perngjasoje nenes. Amerika, ky shtet qe mund te krahasoht me nje 'zengjin te ri' nuk e ka akoma per arsye moshe finesen dhe qetesine e evropes por do e fitoje me kohe. Amerika ka force dhe vitalitet por jo eksperience e pjekuri.

Persa i perket luftes ne Irak une isha pro, si edhe per nenshkrimin e deklarates se Powell-it, por per arsye strategjike, jo per arsye morale. Une per vete jam amerikan me shtetesi e ne mendesi, po nuk mund behem i verber perpara disa fakteve kokeforte. E adhuroj lirine amerikane dhe shpirtin e inisiatives se lire, por nuk e pelqej konservativizmin moral dhe politkat emocionale te castit te ekipit Bush-Rumsfeld-Cheney- Wolfovitz, te cilat kane krijuar nje hendek ne meredheniet US-EU.

Me falni qe dola nga tema, por keto fakte duhet te permendeshin.

[Zarathustra.]

Europa vlere morale? Amerika shoqeri e izoluar???

Manollka, termat "e mire" "izoluar" "Konservativ" nuk jane ato qe i sherbejne apo qe kenaqin shoqerite inferiore si intelektualisht edhe materialisht ne kete bote por ato qe kenaqin shoqerine me te perparuar, begate dhe progresiste.

Europa ka nje rregjim pune ku sundojne dembelat, te paaftet, dhe qylaxhinjte. Ja pse bizneset europiane po bien nje nga nje perpara atyre amerikane, ja pse papunesia ne Europe edhe ne lulezimet ekonomike eshte rreth 2-3 here me e larte se ajo amerikane, dhe ja pse ne Europe protestat anti-globalizim jane kaq te fuqishme, bile jane me shume tone anti-amerikane. Europianet jane te paafte te konkurojne ne treg te lire me ameriken se jane pikerisht me te "rilaksuar", se kerkojne te jetojne si qemoti sipas tradites, ne nje kohe kur jeta mbi kete rruzull po behet gjithmone e me kerkuse dhe konkuruese.

Teknologjikisht Europa eshte 10 vjet pas Amerikes, bile edhe ate progres teknlogjik qe ka ia dedikon tregetise se lire me ameriken. Per kete mjafton te shikosh shkembimet e mallrave, ku amerika kryesisht eksporton ne Europe teknologji, kompjutera, makineri, robote, software etj etj dhe importon, vere, djath, apo makina luksoze qe ne fund te fundit prodhohen me teknologjine (robotet) amerikane.

Levizja anti-abort per hir te se vertetes eshte me e forte ne Europe se ne amerike, sepse epiqendra e kesaj levizje eshte Kisha Katolike qe ne Europe eshte shume here me e forte dhe e respektuar se ne amerike. E ndersa ne amerike, kjo eshte me teper nje levizje me ngjyra totalisht politike qe nuk ka per tu aprovuar kurre.
Mua me duket se ti ngaterron "liberalizmin" me degjenerimin. Kultura seksuale qe ti kerkon ta shesesh per "civilizim" ne Europe eshte ne esence perverse, dhe totalisht kundra vete parimeve morale "te krishtere" ne te cilat Europa hiqet se beson kaq fort (karakteri hipokrit i Europes). Nuk eshte kulture seksuale shpalosja e hapur e prostitucionit dhe degjenerimit moral tek cdo moshe, as lejimi i perdorimit te drogave qe shkencerisht jane teper te demshme per kedo nuk eshte liberalizim. Nqs Europa kerkon te shpalos civilizim le ti tregoje amerikes se si ka arritur te mos ti degjeneroje shoqerite e saja ne ideologji ekstreme sa here qe keto shoqeri perballohen me veshtiresi ekonomike apo konflikte teper minimale. Te na tregoje se si i ka ruajtur pra shoqerite e saj nga konfliktet, luftrat boterore, barbarizmat e kampeve te perqendrimit, kaosi dhe anarkia etj etj. Deri tani te gjithe luftrat dhe konfliktet te shkaktuara prej saj (qe prej krijimit te shtetit amerikan), nuk kane pasur kurre qellime progresiste dhe perparimtare apo nuk jane bere kurre ne emer te triumfit te rendeve me te larta, me te mira e me te begate, por gjithmone jane bere ne emer te merise, shtypjes, krenarise kombetare, apo traditave idealiste konfliktuale qindravjecare per raca superiore, pra te endrave boshe dhe regresiste. Europa kurre nuk ka ditur ti zgjidhe problemet e saj me paqe dhe mirekuptim (qe tregon civilizim) pa ameriken, dhe ajo kurre nuk do ishte ketu ku eshte sot pa gjakun dhe miliardat e amerikes.

E per sa i perket aleancave apo konflikteve ku eshte perfshire amerika, pothuajse seicili prej tyre u vertetua historikisht te kete qene i justifikuar. Amerikes nuk ka askush te drejte ti mohoje interesin e saj. Nqs amerika ka bere aleanca me regjime apo individe te dyshimte si Sadami apo Bin Laden kjo nuk eshte e vertet per kohen e aleancave kur keta individe benin nje lufte parimisht te drejte dhe progresiste. Nuk eshte faji i amerikes qe keta jane te papergjegjshem dhe kthehen ne muhaxhadine kunder amerikes.
Intoleranca ndaj komunizmit ne nje kohe kur komunizmi ishte ne lulezimin e tij shpetoi shoqerine amerikane nga nje konflikt me shume i brendshem. Dhe sic u vertetua tashme komunizmi doli te jete nje rend sa regresist aq edhe i pasuksesshem. Ku Klus Klan, indianet?? i takon te shkuares ne amerike, apo me mire te shkuares kur ky komb ishte me afer mentalitetit Europian. A mos duhet te te permend une ketu sklleverit e Romes? Mos harro se sot pakicat ne Amerike jane me te emanciuara ne kete shoqeri se ne cdo shoqeri ne Europe, ku aktet diskriminuese as qe konsiderohen si problem social dhe ku keto te fundit qe me krizen e pare kthehen ne mase ne shoqeri ksenofobike, anti-te huaj e anti-emigrante (keto pasoja i vuajme dhe ne sot si shqiptare)ku Hajderat e Le Penet fitojne mbi 17% te votave. KKK eshte pa dyshim fenomen negativ i nje shoqerie te hapur dhe mjaft dinamike, qe leviz me shume vrull dhe force drejt modernizimit, civilizimit dhe barazise sociale. Por ndryshe nga Europa ku keto fenomene duket te perseriten me te njejten force edhe pasi u vertetuan nje here si fatale, ne amerike ato tentojne te zhduken nje here e mire, gje qe tregon se sa te pergjegjeshme, te pjekura dhe te civilizuara keto shoqeri jane.

Bomba atomike e amerikes vertet vrau 80 mije vete, por beri qe edhe Japonia te kapitulloje dhe lufta te mbaroje. Pa keto bomba amerika do duhej ta pushtonte Japonine me operacion ushtarak dhe ajo lufte mund te kushtonte jeten e 10 here me shume civileve. Pastaj duhet te konsiderosh edhe vete nivelin e mentalitetit te kohes. Amerika e beri bomben dhe e hodhi ne emer te paqes, kushdo tjeter do ta perdorte per qellime shume here me shkaterrimtare.

SI perfundim Europa do ti afrohet amerikes vetem atehere kur nje Europian te dale dhe ta quaj veten te tille pra "Europian" me pare se Gjerman, Frances Italian etj etj. Pra diten qe Europa do mohoje traditen ajo do quhet nje konkurente e denje per ameriken, por kjo dite eshte qindra vite larg. Dhe me kete tradite vijne te gjithe konceptet regresiste, konfliktet tradicionale, kulturat percmuese ndaj njera tjetres etj etj. E ndersa amerika ka kohe qe e ka kthyer shoqerine e saj ne nje shoqeri te vlerave dhe aftesive panvarsisht nga prejardhja apo origjina, bile duke mos degjeneruar kurre ne kaos e anarki, Europa akoma tenton te favorizoje ne emer te tradites. Ja pse ne amerike sot punesohen me urdher te kongresit amerikan rreth 119 mije talente ne vit nga e gjithe bota qe i sherbejne begatise se kesaj shoqerie kurse europianet me pare duan te punesojne Francezin ne France, Gjermanin ne Gjermani etj etj edhe pse nje kinez psh mund te jete shume here me i afte se ata.

Ne kete bote nuk ka identitet me IMORAL e HIPOKRIT se ai Europian. Nuk ka komunitet me denglaxhi dhe shterpe per sa i perket zgjidhjeve efektive se komunisteti Europian. Nuk ka komunitet njerezish ne kete bote qe te jep leksione morali kur keta dhe parimet apo traditat e tyre jane pergjegjes per krimet dhe luftrat me barbare dhe gjakatare mbi kete rruzull, qe vetem per shekullin qe kaloi perfshin dy luftra botrore me kampe perqendrimi ku u zhduken miliona njerez, qe nga Uralet e deri ne Dachau.

Per vete ne si shqiptare morali dhe parimet Europiane jane dhe kane qene historikisht vetvrasje. Ky moral dhe ato parime ne deri me sot vetem na kane tentuar te na pergjithesojne, te na diskriminojne pa na dhene kurre hakun per mire apo per keq qofte. Ne me kete moral gjithmone do shihemi si shqiptare (apo barbare per ta) se sa si individe me vlera dhe merita edhe kur keto i kemi te pakundershtueshme. Ne dhe cdo individe ne kete bote vetem ne amerike jemi, vleresohemi apo funksionojme si qenie te plota dhe vetem ne amerike ne kemi nje kuptim te tille. Ja pse ne duhet te shkojme vertet drejt Europes por me moralin dhe parimet amerikane.

[Albo]

E Merkure, 21 Maj 2003

PS KUNDER SHTETEVE TE BASHKUARA

Anila Basha

Qeveria socialiste e mazhorances shqiptare paraqitet ndryshe zyrtarish ne arenen nderkombetare dhe evropiane, dhe ndryshe ne forumet nderkombetare partiake. Partia Socialiste e Shqiperise, e perfaqesuar nga Ministri i Mbrojtjes Pandeli Majko ne mbledhjen e komitetit mesdhetar te Internacionales Socialiste ka pranuar si "ilegjitime" luften ne Irak, nderkohe qe eshte shprehur zyrtarisht si nje nga anetaret e koalicionit kunder terrorizmit dhe nje partnere e devotshme e Shteteve te Bashkuara te Amerikes. Ne datat 9 dhe 10 maj eshte mbajtur kjo mbledhje e Internacionales Socialiste, ku nga Shqiperia merrnin pjese Ministri i Mbrojtjes, anetar i kryesise se PS-se, Pandeli Majko dhe nga Partia Socialdemokrate perfaqesues ishte Gaqo Apostoli. Delegacioni shqiptar ne kete takim ka mbajtur nje raport ku kane prezantuar situaten politike ne Shqiperi. Ne fund, eshte votuar nje deklarate perfundimtare qe paraqet qendrime te ndryshme nga ato qe jane mbajtur deri tani nga qeveria shqiptare. Deklarata eshte firmosur ne menyre unanime nga te gjithe te pranishmit, dhe ne te jane vendosur edhe firmat e Ministrit shqiptar te Mbrojtjes Pandeli Majko dhe nenkryetarit te PSD-se Gaqo Apostoli. Duket se qeveria shqiptare, apo mazhoranca ne pushtet firmos gjithcka, pa ditur ne fakt se cfare firmos dhe cfare qendrimesh kundershtuese ekspozon.

Qe ne paragrafin e pare te deklarates, lufta ne Irak eshte quajtur nje lufte "ilegale, ilegjitime dhe e padrejte", nderkohe qe qendrimi i qeverise shqiptare per kete lufte eshte i ndryshem nga ai i deklaruar nga socialistet dhe socialdemokratet boterore. Ne kete takim te rendesishem, merrnin pjese Sekretari i Pergjithshem i Internacionales socialiste Luis Ajala, merrnin pjese drejtues te forumit te gruas te ketyre forcave politike, drejtues te te rinjve socialiste IUSY, por edhe kreret me te larte te Partive Socialiste dhe Socialdemokrate te te gjithe vendeve qe aderojne ne kete forum te rendesishem. Per here te pare Shqiperia firmos nje deklarate kunder luftes ne Irak, dhe kjo eshte bere nga Ministri i Mbrojtjes Pandeli Majko, i cili sapo ka perfunduar nje vizite te suksesshme ne Shtetet e Bashkuara te Amerikes. Megjithate, nenshkrimi i kesaj deklarate, eshte bere me pare se Majko te hidhte firmen mbi nje dokument te tille te partive te Internacionales. Nderkaq, ne deklarate, Majko ka nenshkruar edhe per te filluar promovimin e Gjykates Penale Nderkombetare. Ndersa qeveria shqiptare, konkretisht, Kryeministri socialist Fatos Nano, nenshkroi ne Tirane me 2 maj me Sekretarin Amerikan te Shtetit Kolin Pouell, faktin se nuk do t'i bindet nje prej artikujve te funksionimit te kesaj gjykate. Nje gje e tille ndodh ne momentin kur te gjithe forcat politike ne Shqiperi, mazhoritare dhe opozitare, kane mbeshtetur qeverine per qendrimin e mbajtur per luften ne Irak, duke u rradhitur ne krah te Shteteve te Bashkuara.



Kaq ishte jetegjatesia e "shkelqimit" te shokut Nano. Qengji i urte pi dy nena, por ku pi nga gjiri i majisur, semuret per vdekje.

[Enri]

Nga Ferdinand Xhaferri

Tashme eshte bere e qarte nga zyrtare te Pentagonit se Shtetet e Bashkuara te Amerikes do te rishikojne shperndarjen e bazave ushtarakene bote. Ceshtja ka evoluar me konkretisht dhe ekspertet ushtarake flasin per nje zhvendosje gjate kesaj vere te afro 100 mije trupave, qe ndodhen kryesisht ne Gjermani, per ne Evropen Lindore. Ne fakt, planet e Shteteve te Bashkuara per nje rishperndarje te bazave ushtarake reflektojne realitetin e ri te sigurise, si edhe sfidat e luftes kunder terrorizmit. Pra, domosdoshmeria e ndryshimit te shperndarjes se bazave e ka origjinen ne nje mase te konsiderueshme nga ndryshimi i natyres se rrezikut te shfaqur mbas luftes se ftohte. Bashkimi Sovjetik nuk perben tashme nje kercenim per Gjermanine, dhe eshte e kuptueshme qe nuk ka sens mbajtja e bazave ushtarake ne Gjermani. Per me teper, origjina e rreziqeve ne 10 - 15 vitet qe vijne parashikohet te jete e lokalizuar ne vendet e Gjirit, si edhe ne disa vende afrikane. Kjo do te thote se, nga pikepamja gjeostrategjike, vendet e Evropes Lindore, te cilat ndodhen me afer burimit te rreziqeve, i permbushin me mire kerkesat per nje futje me efektive te trupave ne veprim. Gjithashtu, ne sherndarjen e re te bazave ndikon edhe njefare realizmi ne politiken amerikane per t'i shperblyer vendet qe mbeshteten dhe kontribuan me maksimumin e mundesive te tyre per luften ne Irak.

Projektet e deritanishme flasin per nje zhvendosje te bazave ushtarake nga Gjermania ne drejtim te Hungarise, Polonise, Rumanise dhe Bullgarise. Qeverite e ketyre vendeve kane qene mjaft aktive dhe ceshtjet kane evoluar deri tek kryetaret e bashkive ne Poloni dhe Hungari, te cilet mundohen te paraqesin bashkite e tyre si tejet te pershtatshme per vendosjen e bazave. Sqarojme se vendosja e nje baze ushtarake krijon nje ndikim te drejtperdrejte pozitiv mbi ekonomine. Perfitimet kryesore te ekonomise vijne nga shpenzimet per ushqime dhe nevoja te tjera; hapja e vendeve te punes te civileve per te punuar ne baze; si edhe shpenzimet qe behen per konstruksione dhe rinovime, te cilat krijojne fronte pune per firmat dhe kompanite e vendit ne te cilin instalohen bazat. Gjithashtu, vete prezenca e bazes ushtarake krijon nje mjedis me te sigurte per sa i takon stabilitetit. Pra, krijon nje klime me te pershtatshme per plotesimin e konditave per antaresim ne Bashkimin Evropian.

Por duket se per qeverine shqiptare gjithcka fillon dhe mbaron me shprehjen e ministrit te Mbrojtjes, Pandeli Majko, qe, nese do te na kerkohet vendosja e nje baze ushtarake, ne do te jemi dakord. Problemi nuk shtrohet qe qeveria shqiptare te mbetet deri tek deshira e mire. Kjo mund te percaktohet si nje kontribut minimal i qeverise per te arritur ate qe mund te konsiderohej si nje qellim strategjik i politikes shqiptare. Rendesia qe ka per te ardhmen e sigurte te Shqiperise vendosja e nje baze amerikane kerkon nje sensibilitet dhe nje levizje me dinamike nga qeveria shqiptare. Ceshtja duhet pare ne krijimin e nje koncepti te qarte tek qeveria lidhur me domosdoshmerine e angazhimit te eksperteve, te cilet do ta paraqisnin Shqiperine si nje produkt terheqes per sa i takon plotesimit te kerkesave per vendosjen e nje baze ushtarake te SHBA-se. Ne keto kerkesa une mendoj se perfshihen: pozicioni i favorshem gjeostrategjik i Shqiperise; kontributi qe jep nje baze ushtarake ne Shqiperi per vete sigurine evropiane (rajoni yne konceptohet si burim kryesor rreziku per sigurine ne Evrope); qendrimi i hapur pro SHBA-se qe mbajtem me luften ne Irak, si edhe me nenshkrimin e marreveshjes per perjashtimin e qytetareve amerikane nga juridiksioni Gjykates Penale Nderkombetare; si edhe nje tradite e vjeter proamerikane, me aspak influenca nga Traktati i Varshaves, e shqiptareve. Theksojme se ndarjet dhe diferencat e shfaqura para dhe gjate nderhyrjes ushtarake ne Irak, ndikojne ne nje mase jo te neglizhueshme tek vendimmarresit amerikane, per sa i takon vleresimit te kontributit te vendeve qe mbeshteten koalicionin.

Bazuar ne te gjitha arsyet e mesiperme, behet i domosdoshem nje veprim me aktiv i qeverise shqiptare per te mos e humbur kete shans historik. Nje baze ushtarake e vendosur ne Shqiperi do t'i jepte fund endrres shqiptare per nje lidhje strategjike me SHBA-ne. Qeveria duhet te levize nga nje perspektive minimaliste ne trajtimin e kesaj ceshtje.

[Llapi]

Jackson: “Mbështetje pas marrëveshjes së nënshkruar mes Nanos dhe Powellit

SHBA-ja e sheh Shqipërinë më afër NATO-s

GERT SELENICA
TIRANË, 26 MAJ - Duke rikonfirmuar mbështetjen amerikane për Shqipërinë pas nënshkrimit të marrëveshjes mes kryeministrit Fatos Nano dhe sekretarit amerikan të Shtetit, Powell, Bruce Jackson, presidenti i Komitetit të SHBA-së në NATO ka thënë të hënën se të gjitha shtetet që janë pro marrëveshjes me SHBA-në, do të kenë përparësi në përfshirjen në strukturat e NATO-s. “Mendoj se nënshkrimi në Tiranë i kartës “Adriatik III” mes SHBAsë, Shqipërisë, Maqedonisë dhe Kroacisë shënon një hap pozitiv në procesin e integrimit të këtyre vendeve në NATO. Shpresojmë që në vendimet e ardhshme të Aleances Evroatlantike, përkatësisht në vitet 2006-2007, Shqipëria, Maqedonia dhe Kroacia do të përfshihen në këtë vendim të rëndësishëm”, u shpreh Jackson. Deklarata e fortë e zyrtarit më të lartë amerikan në NATO, u dha gjatë një ore leksioni që ai zhvilloi me studentët shqiptarë të Fakultetit të Shkencave Sociale. Profesor Jakcson njihet si mbështetës i vendeve ballkanike në procesin e integrimit të tyre në NATO. Përveç fjalëve optimiste, Bruce Jackson u kujdes që me delikatesë t’i rikujtonte Qeverisë shqiptare që të ndikojë në forcimin e institucioneve, transformimin e shoqërisë civile dhe luftën e egër kundër krimit të organizuar. Për të ilustruar dëshirën e tij për zgjerimin e vendeve aderuese në NATO, Jackson solli në kujtesë për studentët kryeqytetas, Revolucionin Moral që daton në fundvitin e 1989-ës, revolucion që shënon edhe epokën “e artë” të zgjerimit të strukturës ushtarake të NATO-s. Përveç kësaj deklarata e Jacksonit vjen edhe si kundërpërgjigje e Shteteve të Bashkuara të Amerikës, pas kritikave që pësoi Qeveria shqiptare dhe të gjitha institucionet, pas nënshkrimit të marrëveshjes Nano-Powell, sipas së cilës shtetasit amerikanë nuk mund të dorëzohen në gjykatën ndërkombëtare penale.
koha ditore

[olsen]

nuk eshte ndonje gje historike kjo per shqiperine aspak.mos harroni se ky eshte i treti sekretar qe vjen ne shqiperi.ardhja e tij ka te mirat dhe te keqijat e saj.te mirat jane se amerika do e ndihmoje ne menyre te konsiderueshme vendin tone nga ana e infrastruktures ajrore dhe detare .te keqijat jane marreveshja qe ne beme me ameriken qe une mendoj se ishte komplet e padrejte dhe e vinte ne presion dhe ne pozicion te veshtire shqiperine.dmth vizita e tij ishte e qellimshme.nqs se nje amerikan ben nje krim ne shqiperi ,ai duhet te denohet vetem nga amerika.kjo eshte komplet absurde sepse vete amerika ben te kunderten me shtetasit e huaj.ne te njejten kohe nuk mund ta fajesoj qeverine tone pasi sic thashe ajo ishte ne nje pozite te veshtire.pastaj ne duhet ti tregonim edhe mirenjohjen amerikes per luften ne kosove.

[Asteroid]

Komisioni i Jashtëm miratoi dje marrëveshjen me SHBA për Gjykatën Penale Ndërkombëtare për ekstradimin e shtetasve amerikanë

Ndërsa pas pak ditësh do të zhvillohet Samiti i Selanikut, ku pritet që Shqipëria së bashku me vendet e tjera të Ballkanit perëndimor pritet që të marrin konfirmimin se ata në të ardhmen do të jenë pjesë e Bashkimit Evropian si dhe t’u premtohen fonde të reja shtesë për tre vitet e ardhshme, deputetët e komisionit të Politikës së Jashtme kanë miratuar marrëveshjen për Gjykatën Ndërkombëtare Penale të nënshkruar në 2 maj nga kryeministri Fatos Nano dhe sekretari amerikan i Shtetit Kolin Pauell. Ndërkohë gjatë diskutimeve në mbledhjen e komisionit të Jashtëm, deputeti Paskal Milo, njëkohësisht edhe ish-ministër i Jashtëm ka sugjeruar që nga ana formale kjo marrëveshje të ratifikohet pas Samitit të Selanikut, pasi atje do të mund t’i hapet vendit tonë një tjetër portë drejt BE-së. Por kundër këtij mendimi kanë qenë deputetë të tjerë të komisionit, të cilët janë shprehur se ratifikimi i kësaj marrëveshje nuk do të mund të përbëjë ndonjë problem për vendin tonë. I vendosur deputeti socialist Marko Bello ka pohuar se nga ana e Bashkimit Evropian ka patur qejfmbetje, por nuk ka patur ndonjë qëndrim zyrtar me pasoja. “Ne nuk i bëjmë as karshillëk Evropës dhe as servilizëm Amerikës. Marrëveshja është e saktë sepse së pari Shqipëria nuk është ende një vend anëtar i BE-së dhe së dyti, ai është një vend sovran dhe mund t’i zgjidhim vetë çështjet e tij”,-tha Belo sipas të cilit Shqipëria është në favor të prezencës të trupave të SHBA-ve dhe NATO-s në rajon si element vital për sigurinë e rajonit e në këtë kuadër të nënshkruash një marrëveshje të tillë do të thotë që t’u sigurosh trupave amerikën qetësinë në misioniet e tyre që të mos arrestohen. “Ne kemi besim tek drejtësia amerikane e cila është e konsoliduar që t’i gjykojë vetë shtetasit e vet pa qenë nevoja për t’ia kaluar një shteti të tretë. Nuk ka asnjë kontradiktë me Statusin e Romës, pasi vetë neni 98 e parashikon një gjë të tillë”,-shtoi Bello. Deputetët shpresojnë që të mos kemi asnjë sanksion nga Samiti i Selanikut. Pas mbledhjes së komisionit të Politikës së Jashtme, deputeti i PD-së Besnik Mustafaj ka deklaruar se “është një vendim i marrë në përputhje me analizat e bëra lidhur me sigurinë tonë kombëtare, me nevojën e prezencës amerikane në rajon jo vetëm në Shqipëri, por kemi parasysh Kosovën, problemin shqiptar në Ballkan. Pra është një vendim për të siguruar një mirëkuptim më të madh me SHBA, të cilat janë të nevojshme me praninë e tyre në rajonin tonë”. Gjatë mbledhjes së komisionit, ai ka kërkuar që kryeministri Nano t’u shpjegojë këtyre institucioneve të mëdha ndërkombëtare se përse e ka nënshkruar marrëveshjen me Pauellin. “Duke patur parasysh këto hezitime evropiane, unë i kërkova qeverisë të zhvillojë një fushatë intensive diplomatike për të siguruar mirëkuptimin me to dhe për të shpjeguar arsyet se përse Shqipëria është i vetmi vend evropian që ratifikon këtë marrëveshje”, - tha Mustafaj. Samiti i Selanikut dhe pikërisht një diskutim për Shqipërinë nuk e ka penguar komisionin e Jashtëm për t’i kërkuar Kuvendit që të miratojnë ditën e enjte këtë marrëveshje. Sipas kësaj marrëveshjeje, Shqipëria nuk do të ekstradojë shtetas amerikanë të kërkuar në Gjykatën Penale Ndërkombëtare pa miratimin e SHBA-së. Menjëherë pas nënshkrimit të saj, Bashkimi Evropian ka kërkuar që ajo të mos miratohet nga Parlamenti shqiptar. Nga ana tjetër edhe Këshilli i Evropës ka kërkuar, nëpërmjet një letre dërguar kryetarit të Kuvendit të Shqipërisë Servet Pëllumbi që kjo marrëveshje të mos ratifikohet nga Kuvendi.
Ndërkohë ekziston një rast siç është Rumania, e cila megjithëse e nënshkroi marrëveshjen me SHBA-në, Parlamenti nuk e ratifikoi atë. Nënshkrimi i marrëveshjes Nano-Pauell, gjatë vizitës që sekretari amerikan i Shtetit bëri në fillim të majit në Tiranë, solli edhe reagime të disa prej përfaqësuesve të huaj të akredituar në Tiranë. Sipas tyre, meqënëse Shqipëria është një vend që aspiron të bëhet pjesë e Bashkimit Evropian, ajo duhet të jetë në të njëjtën linjë me qëndrimet e vendeve evropiane.