Sekretari i shtetit amerikan Powell viziton Tiranen

[FATJON SOFTA]

Vizita e Pauell, eshte e rendesise se vecante per Shqiperine,por jo per qeverine Shqiptare.
Motivet qe shtyjne Nanon per te firmosur cdo marreveshje me Ameriken,pamvaresisht se jane te drejta,ne thelb perkojne me deshiren e zotit Nano qe te firmose cdo marreveshje qe i jep jetegjatesi pushtetit te tij personal.A nuk eshte nje shembull dhe marreveshjet me Berishen.Kujtojme se Nano vone kur u perball me dy rezoluta te Bashkomit Europian qe te hiqte dore nga kokefortesia per tu bere President i vendit,sulmet ne KPD ndaj Metes etj vetem qe te realizonte endren e tij.
Ai nuk do te ndalet deri sa te mos kete me terren.Fati ende po i buzeqesh per ironi te varferise se shqiptareve.
Amerikanet kane thene dhe sterthene se nuk mbeshtesin indivitet por strukturat shtetrore.Marredheniet me ameriken do te jene te mira sepse vete shqiptaret shikojne atje mikun dhe aleatin stradegjik.
tE PRESIM ZHVILLIMET DHE TE VOTOJME KUNDER POLITIKAVE PER PUSHTET PERSONAL QE RRENOJNE SHQIPTARET.
E pershendes kete vizite te Pauell,dhe kerkoj te informohem per mesazhet qe do te percjell.

[Albo]

[Ihti]

Me kujtohet pritja qe iu be James A. Baker ne shesh...pas kesaj fotoje , e pas komenteve...

Ne vazhdojme te ngopemi me lugen bosh.
Po c'rendesi ka...mjafton qe ka optimizem ne rradhet e forumistave.
Nuk dua te diskutoj gjera qe jane sterthene, po po them thjesht qe Nano me Lirin, le mos te fluturojne me pras ne b*the.
Amerika nuk do marre nen sqetull nje shtet me udheheqje socialiste.

[Shën Albani]

Ne demokraci qeverite jane kalimtare, kete e dijne shume mire amerikanet...

[Brari]

Mustaf Nana mprehi shpaten..
edhe i her per situaten..

shekulli shkruan:

--------

Ethet Folklorike të një vizite të rëndësishme

Nga Mustafa Nano

Ja disa nga titujt, hamendjet, shqetësimet, mistifikimet e shtypit e të mjedisit politik shqiptar gjatë ditëve të fundit, që paraprinë vizitën e Sekretarit të Shtetit Amerikan, Collin Powell:
Bashkë me sekretarin amerikan të shtetit, do të mbërrijnë 40 gazetarë. 5 televizione shqiptare do të transmetojnë “live” e hap pas hapi të gjithë vizitën, që nga hapja e barkut të avionit në Rinas, nga ku do të dalë bujtësi i nderuar, e deri në momentin, kur avioni do ta rimarrë po në barkun e vet. 150 snajpera do të kontrollojnë situatën nga lartësitë e ndërtesave “strategjike” të Tiranës, përgjatë gjithë rrugës që do të përbëjë itinerarin kryeqytetas të Collin Powell-it. Do të bllokohet telefonia celulare, sepse ka gjasa që terroristët ta marrin në telefon e ta kërcënojnë mikun amerikan. 15 islamikë të dyshuar për lidhje me terroristët antiamerikanë, do të jenë nën vëzhgim non stop prej forcave speciale shqiptare e amerikane, për të mos thënë që do të ndalohen, shenjë kjo e interpretueshme në mënyrë ekskluzive si një filoamerikanizëm i pakonkurrueshëm i politikës shqiptare. Marines-at zbarkojnë në Tiranë për të garantuar jetën e kryediplomatit të Washington-it. Përgjatë bulevardit qendror të Tiranës, fare ulët me tokën, do të fluturojnë helikopterë spiunë, ekuipazhi i të cilëve do të jetë i gatshëm për të kryer aksione të emergjencës në zonën ku do të lëvizë Powell-i dhe entourage-i i tij, ndërsa në qiell do të fluturojnë avionë spiunë për të njëjtin qëllim. Makinat do të ndalen për pesë orë, pasi do të bllokohet trafiku në të gjithë Tiranën.
Ecim më tutje: Fatos Nano monopolizon vizitën. Sherr në leadership-in shtetëror për saktësimin e detajeve të vizitës dhe për dozimin e arsyeshëm të takimeve të njërit apo tjetrit shqiptar me amerikanin e rëndësishëm. Fatos Nano fton zemërgjerësisht apo nën trysninë e llogarive të brendshme – për ta zbutur, thonë – kryetarin e PD-së në pritjen në Pallatin e Kongreseve. Ky i fundit do të ketë rast t’i japë dorën e t’i thotë nën sytë e bërë katër të kamerave voyeur-iste shqiptare “How are You Mr. Powell”?, që në një përkthim të lirë në shqip do të thotë “tungjatjeta, he burri i dheut”. Sipas alkimistëve mendjehumbur të shtypit shqiptar, për të cilët vlera politike e çdo politikani do të ecë përpjestimisht me distancën fizike që do t’i ndajë ata nga përfaqësuesi i shtetit më të fuqishëm të botës, kjo “njatjeta”, së bashku me ndonjë foto të rastit, do të bëjë që kapitali politik i përftuar të shpërndahet edhe tek të tjerë në kurriz të kryeministrit Nano, i cili ishte përgatitur ta hante i vetëm si një i babëzitur këtë tortë diplomatike. Dhe kështu me radhë, dokrrat nuk kanë të mbaruar.
Eshtë rasti këtu për t’u distancuar vendosmërisht nga kjo media, nga ky shtyp e nga kjo politikë e budallallepsur, provinciale e folklorike. E ndiej veten – ka me siguri edhe shumë të tjerë si unë – të mbuluar me goxha siklet kur mendoj që jam në një farë mënyre ingranazh i kësaj makine mediatike e kur mendoj që jam i përfaqësuar nga kjo politikë e nga këta politikanë, dhe në këtë mes nuk është se i lejoj vetes të marr pozën e një qytetari sui generis të këtij vendi. Çështja është shumë e thjeshtë: Një trajtim i tillë folklorik i një vizite njimend të rëndësishme na nxjerr zbuluar në komplekset e rënda prej provinciali e nuk na lë të hyjmë në mënyrë racionale në brendësi e në thellësi të kësaj ngjarjeje në veçanti e ndaj zhvillimeve gjithfarësoji në përgjithësi. Nuk është se nuk është bërë qetësisht nga më shumë se një njeri shpjegimi i kësaj vizite dhe i rëndësisë së saj, por urtësia e skrupujt mediatikë kanë kaluar pa u vënë re në berihajn e madh të festivalit të mikpritjes.
Do të më vinte shumë keq nga ana tjetër, nëse ky shkrim do të më merrej si një qëndrim qëllimisht tekanjoz apo si qëndrim prej qejfit për të qenë kundër rrymës. Do të më vinte keq akoma më shumë, nëse ndonjë karafil i frymëzuar ideologjikisht, politikisht e kulturalisht si antiamerikan, do të gjente tek ky shkrim arsye për të më konsideruar fët e fët edhe mua si mik të kauzës së tij. Do të më vinte keq, pasi e vërteta është që e klasifikoj veten ndër ata shqiptarë që e duan Amerikën mirëfilltazi e në mënyrë të pakondicionuar, dhe nuk heq shumë për të bërë dallimin midis këtij feeling-u e qëndrimeve kritike që – si shumë të tjerë – kam në ndonjë rast për drejtuesit e këtij shteti të madh demokratik. Përveç kësaj, jam prej kohësh i bindur se marrëdhëniet me SHBA-të janë të një rëndësie të pallogaritshme për të tashmen e për të ardhmen e Shqipërisë. Në këtë kuptim, edhe ata shqiptarë që emocionalisht apo ideologjikisht nuk ndihen shumë amerikanë, në pikëpamje patriotike e pragmatike nuk kanë nga t’ia mbajnë, gjë që nuk u heq të drejtën megjithatë për të mos rënë dakord me superfuqinë.
* * * * *
Po ç’dreqin ke që nervozohesh me këtë sjellje të vetvetishme proamerikane të shtypit e të medias shqiptare? – mund të më pyesë ndokush. Mua nuk më nervozon asnjë lloj proamerikanizmi nëpër botë; aq më pak, proamerikanizmi shqiptar. Për të qenë më i saktë, mua më bezdis antiamerikanizmi. Por në situatën konkrete, më nervozon diçka tjetër. Më nervozon së pari hipokrizia e demagogjia proamerikane e antiamerikanëve shqiptarë, të cilët janë të strehuar prej shtatë vitesh në bunkerin e Partisë Demokratike të Shqipërisë. Më nervozon së dyti loja që bën një pushtet, i cili, edhe nëse nuk shquhet si antiamerikan, shquhet dobare si proamerikan rrethanash e si proamerikan nga nevoja. Më nervozojnë së treti broçkullat që thuhen e idiotësitë që bëhen. Ç’kuptim ka që pesë televizione të transmetojnë “live” një ngjarje të rëndësishme? Kudo në raste të tilla lidhen marrëveshje, dhe e drejta e transmetimit të drejtpërdrejtë i lihet vetëm një televizioni. Përveç kësaj, logjika më e thjeshtë e marketingut të thotë se, në rastin e një transmetimi të drejtpërdrejtë “pesçe”, audience-a do të ndahet në pesë pjesë, gjë që do të thotë paradoksalisht se televizioni më i shikuar në ato momente mund të jetë ndonjë tjetër, që ofron diçka alternative, fjala vjen sport, koncert, film, a ku di unë. Më tej, ç’kuptim ka lajmi absurd se, pikërisht këto ditë, 15 islamikë të dyshuar për lidhje me terrorizmin janë vënë nën vëzhgim konstant? Nëse këta dyshohen për lidhje të tilla, këta duhet të jenë nën vëzhgim edhe në ditët e tjera, kur Powell-i do të jetë kushedi se ku, por jo në Shqipëri. Nëse është i vërtetë ky lajm, kemi të bëjmë atëherë thjesht me një fushatë publicitare kundër terrorizmit e jo me luftën reale kundër terrorizmit. Më tej akoma, historitë me marines-a, snaipera të ardhur nga Washington-i, helikopterë, avionë, plane sekrete të ruajtjes së VIP-it të huaj, bllokim total të telefonisë celulare, etj, janë të denja për të lozur me kureshtjen e fëmijëve, por nuk i thonë asgjë një publiku serioz e të pjekur.
A kanë kuptim të gjitha këto? Cila është domethënia? Janë po aq domethënëse, sa do të jenë interpretimet e sotme e të nesërme të palëve politike e të rekrutëve të tyre mediatikë, sipas të cilave vizita e Powell-it favorizoi x-in e dëmtoi y-in. Këto interpretime nga njëra anë janë të gatshme e nuk kanë lidhje me ecurinë apo thelbin e vizitës, nga ana tjetër i japin peshë në mënyrë absurde kuotave politike të filanit e fistekut në kancelaritë perëndimore e shpërfillin opinionin që populli shqiptar ka për politikanët e vet. Ky opinion tashmë është i qartë: Jo Powell-i, por edhe sikur Shën Pali t’i begenisë, ky popull ua ka hequr vizën atyre.

-------------

Mustafa thote:

"""Po ç’dreqin ke që nervozohesh me këtë sjellje të vetvetishme proamerikane të shtypit e të medias shqiptare? – mund të më pyesë ndokush. Mua nuk më nervozon asnjë lloj proamerikanizmi nëpër botë; aq më pak, proamerikanizmi shqiptar. Për të qenë më i saktë, mua më bezdis antiamerikanizmi. Por në situatën konkrete, më nervozon diçka tjetër. Më nervozon së pari hipokrizia e demagogjia proamerikane e antiamerikanëve shqiptarë, të cilët janë të strehuar prej shtatë vitesh në bunkerin e Partisë Demokratike të Shqipërisë.."""



Po mir o Mustaf Klosi i KGB-se...po "proamerikanizmi" yt era Komitet Qendror a nuk te nervozon fare..??
Era myku i vjen nga myku i magazinave me librat stoqe .."Rreziku anglo-Amerikan" dhe "Imperializmi dhe Revolucioni"....

Mustaf Kalemi.. dili Klosit ne Gjyq si deshmitar e thuaj se ti i ke marre fondet rregullisht nga Shiku..e lehtesoje mikun tend se akuzohet se ka bere "rrush e dyshek bordellosh" rrogat e agjenteve..




......

[Orku]

Eshte shume komik fakti qe koshienca dhe ndergjegjia e nanos(agjent) eshte kaq e ndjeshme per sinqeritetin e kortezive te shqiptareve per boten dhe njekohesisht kaq e verber dhe e pajete per cmimin qe ka mendimi i tij cimcakez , ne borderote e shikut apo blloqet e Kokedhimes.

Nje mercenar qe moralizon i ngjan gramafonit qe luan cdo disk.

[ornament]

Shume mesim i vlefshem Shen Albani, puna eshte se kete mesim: - Qe jo vetem qeverite e jo vetem ne demokraci, por çdo GJE eshte KALIMTARE, perfshire ketu dhe JETA. - ne duhet ta respektojme per vete dhe jo te duartrokasim e dekorojme me zjarr e PERULESI SKLLAVI çdo person qe rruga e shpie nga anet tona.

E VETMJA gje qe MBETET e ka vlere ne kete bote, eshte; NDERI DHE KRENARIA. Dhe besoj je me i nderuar kur te duartrokasin se sa kur duartroket te tjeret.

[sn0m]

Ej a ka mundesi te mos na publikoni gazetat ktu se ilexojme dyhere, njeher te shtypi dhe njeher et forumi. Ate ctrl+c me ctrl+v e kemi kuptuar shume mire dhe po pati mundesi stop se u bete te merzitshem. Po mundet publikoni mendimet dhe analizat tuaja, lerini gazetat.
Sa per zonjen qe do darkonte me powellin, une do darkoj me tonin dhe me prince charlsin ne labour club te lagjes javen tjeter, cfare pyetje do ti bej tonint, meqe dhe ti do i besh nje pyetje powellit dhe i krahasojme pasaj ke forumi.........
Sa per powellin dhe vizitene tij, boll se na hapet syt duke bere investigime te tipit powell versus berisha, nano, bush e ku ta di une. Edhe per ata qe su ndahet shpirti nga frenchet, pavaresisht se i kane serbet favoritet e tyre dhe na e kane fut sakrahut ne te tjereve, vetem nje gje mos harroni se te mos ishte usa sdo kishte shqiperi sot, as kosove te cliruar, prandaj respekt heres tjetr kur flisni. ok
me respekt
sn0mi

[Albo]

PRESIDENTI ZBON KRYEMINISTRIN

Komentuesi

Duke lene presidencen shqiptare kryediplomati i ardhur nga karriera rigoroze e ish gjeneralit-diplomat Kolin Pauell, permes nje gjesti te natyrshem, ka kryer nje levizje kuptimplote. Ka hipur ne makinen e rrethuar per siguri dhe ne ast ka zbritur prej saj, duke u nisur ne kembe drejt portes se jashtme te presidences shqiptare. Ka kryer ne kete menyre ecjen drejt kryeministrise neper bulevard me kembe, duke pershendoshur dhe dialoguar fragmentarisht me qytetaret e gjendur ne trotuar. Perbri tij eshte ndodhur zevendeskryeministri dhe ministri i jashtem Ilir Meta, nderkohe qe kryeministri Fatos Nano e ka pritur tek dera e selise kryeministrore. Protokolli i kesaj vizite mbi kater oreshe e sekretarit amerikan te Shtetit Pauell duket se ka qene i kursyer per kryeministrin. Mesa duket ky kursim i percaktuar ne nje fare menyre edhe nga presidenca, nuk eshte kapercyer edhe pas ngrenies dreke me Presidentin Moisiu nje dite me pare ne diten perkuese te 1 Majit ne lokalet e preferuara te Dajtit. Kryeministri Nano eshte perjashtuar ne rrethana ende te panjohura nga protokolli ceremonial i dekorimit te zotit Pauell nga Presidenti i Republikes Moisiu me Urdhrin "Gjergj Kastrioti Skenderbeu". Nderkohe qe zera sherbyesish diplomatike dhe nepunesish prane dy selive kryesore shteterore flasin per nje moment te ri marredheniesh mes dy krereve te larte te shtetit. Natyrisht ne kumtin e pamjes se kryediplomatit amerikan me teper lexohej shprehja platoniane :" Njeshi dhe shumesia jane e njejta gje". Por mosprezenca e kryeministrit ne aktin ceremonial te dhenies nga Presidenti Moisiu ,te urdhrit te propozuar prej zotit Nano, mund te justifikohet vetem me shprehjen e Barletit ne gojen e Heroit Kombetar: " se dua te jem mik i vyrtytit dhe jo i fatit". Mes kohes se pohuaar zyrtarisht per takimin Nano-Pauell dhe asaj reale te zgjatjes se takimit ka nje pasaktesi 10 minuteshe. Nderkohe qe disa detaje te tjera te qemtuara gjate qendrimit mbi kater oresh te Sekretarit Pauell ne Tirane, te lene shijen e nje spostimi te vogel dhe te rishfaqjes se problemeve qe brejne marredheniet mes krereve politike dhe shteterore te vendit.

Mungesa e kryeministrit ne "shetitjen publiko-diplomatike" te zotit Pauell ne Bulevardin "Deshmoret e Kombit", do te pasoje hamendesime te tjera ne ditet qe vijne. Nderkohe qe zbardhja e detajeve ne fjalekembimet mes dy krereve ne fjale dhe raportet e ketij dialogu me dialoget e tjere te realizuar mes ketij protagonisti amerikan dhe protagonisteve te skenes politiko-administrative te vendit, do ta na japin mundesi te njohim qendrime dhe zhvillime te ardhme. Lenia e dhuratave te pergatitura ne duart e protokollit kryeministror, por edhe pasazhi kuptimplote i njeres prej pergjigjeve te kryeministrit Nano ne konferencen e shkurter per shtyp ne kryeministri, ku theksohet:" Une e garantova Sekretarin Poeell se politika, qeveria, dhe shoqria shqiptare e shohin me simpati t thell pranin dhe ndihmn e vazhdueshme dhe moitorimin n rritje t agjensive dhe Qeveris amerikan pr arritjen e ktyre qllimeve t prbashkta", jane imtesira te nje qejfmbetjeje shperthyese mes lidereve te kryeqytetit tone. Vizita e investuar permes publicitetit kryeministror si nje moment rikonfirmues per kryeministrin dhe kryetarin e Partise Socilaliste Nano, ne te vertete u administruara ndryshe prej presidentit Moisiu dhe per arsye te homologesise edhe prej zevendeskryeministrit dhe ministrit te Jashtem Meta.

KJ

[Kashmir]

amin insh all-llah
5 vjet jane fiks

per sahanlepiresit e amerikes
gjithmone e me shpesh me vjen keq qe vendi ime ka njerez kaq te ulet dhe pa pike krenarie