Forumishqiptar.com feston 20 vjetorin e lindjes në Internet!

[Albo]

Perpara se të dilte Facebook, përpara se të dilte Google, përpara se të dilte Instagram, përpara se të dilnin dhjetra e qindra portale në gjuhën shqipe në Internet, përpara se të dilte smartphone, ishte një faqe e vetme me adresën ForumiShqiptar.com. Të gjithë 20 vjeçarët e sotëm shqiptarë në mbarë botën kanë lindur në të njëjtin vit që ka lindur edhe komuniteti i ForumiShqiptar.com. Forumi shqiptar bëri histori pasi ishte nisma e parë në fillimet e Internetit ku komunikimi dhe prezantimi bëhej eksluzivisht në gjuhën shqipe. Kish faqe dhe portale të tjera më të hershme se forumi, por të gjitha ishin në gjuhë të huaj. Arsyeja tjetër përse forumi shqiptar ishte i veçantë ishte pasi fokusi i tij nuk ishte mbi prezantimin e Shqipërisë e shqiptarëve për botën jo-shqipfolëse. Fokusi i forumit shqiptar ishte mbi vetë shqiptarët. Të mundësonte lëvrimin e lirë të lirisë së fjalës mes shqiptarëve dhe të ngrinte një komunitet eksluzivisht shqiptar, pa kufij tokësorë, dialektorë apo fetarë. Të gjithë ishin të mirëpritur në komunitetin tonë për aq kohë sa ishin shqiptarë dhe në gjendje të komunikonin në gjuhën shqipe.



Qindra mijëra shqiptarë nga 150+ shtete të botës frekuentuan forumin që në vitet e para të tij. Forumi u kthye ne vendtakimin e përditshëm të shqiptarëve në mbarë botën. Në asnjë qoshe tjetër të Internetit nuk do të mund të diskutoje me shqiptarë nga të gjitha trojet tona etnike, me diasporën shqiptare të gjithë botës, me studentët shqiptarë që shkolloheshin jashtë vendit dhe me albanofilët e botës që kishin një interes të jashtëzakonshëm për historinë, kulturën e gjuhën e popullit shqiptar. Një grup i vogël nismëtarësh të komunitetit, artikuloi edhe Misionin e Forumit. Në atë dokument do të gjeni të artikuluar disa nga shtyllat kryesore mbi të cilin komuniteti u krijua: njohja, ruajtja e trashëgimi i gjuhës, kulturës, historisë, artit shqiptar nga vetë antarët e këtij komuniteti. Dhe shtylla tjetër e fortë, një besim i patundur në respektimin e lirisë së fjalës, të ndërgjegjes, të besimit të çdo shqiptari pa dallime krahinore, pa dallime fetare, pa dallime partiake, pa dallime kulturore. Motoja e jonë ishte dhe vazhdon të jetë: "Shqiptarë të bashkuar për një Shqipëri të bashkuar!" Me pak fjalë, bashkimi i një populli të ndarë si ai shqiptar, nuk fillon me slogane e nisma politike, por fillon me secilin prej nesh. Roli i madh që forumi luajti në lëvizjen kombëtare ishte njehsimi i vetëdijes kombëtare të shqiptarëve të traumtatizuar nga shekuj ndarje fizike dhe plagëve të mëdha të krijuara nga pushtimet e ideologjitë e djallëzuara të kohës. Këto plagë fizike dhe mendore duan kohë që të shërohen, dhe liria nuk ishte diçka e lehtë për shqiptarët që të përqafohej. Për shekuj me rradhë shqiptarët nuk kishin njohur e shijuar lirinë! Dhe misioni i forumit ishte përpjekja jonë për ti kujtuar shqiptarët se jemi brezi i bekuar që të jetojmë në kohë paqe dhe me një teknologji të avancuar si Interneti që na lejon të mbajmë lidhjet e kontaktet pavarësisht largësive fizike.

Jo të gjithë shqiptarët e kuptuan apo vlerësuan siç duhet nismën tonë. Jo të gjithë shqiptarët e vlerësojnë siç duhet lirinë e demokracinë. Disa prej tyre e panë këtë nismë edhe si kërcënim të mentalitetit të mykur shqiptar të këtyre 600 vjetëve të fundit. Kjo nuk na pengoi apo dekurajoi ne në misionin tonë. Përkundrazi, kjo na tregoi ne se puna jonë e përkushtuar po jepte rezultatet e duhura. Shpresa jonë është që me kohën, edhe këta shqiptarë të vlerësojnë lirinë si të shenjtë, dhe të pranojnë mendimin ndryshe të shqiptarëve. Se sa të suksesshëm kemi qenë në këtë drejtim, ia lëmë kohës të gjykojë. Qëllimi ynë ishte një qëllim fisnik, më i lartë se interesat politike, më i lartë se interesat e ngushta personale.

Sot forumi shqiptar nuk gëzon më atë pjesmarrje të madhe të shqiptarëve si në vitet e mëparshme. Ky është një evolucion i natyrshëm jo vetëm për forumin por për shumë nisma të tjera të ngjashme. Njerëzit sot janë të marrosur pas ekraneve të telefonave dhe shpenzojne gjithë kohën e tyre në rrjete sociale ku bëjnë vetëm llogje fjalësh. Dallimi mes komunitetit tonë dhe këtyre rrjeteve sociale është se ne respektojmë lirinë tuaj dhe nuk censurojmë fjalën e mendimin tuaj. Dallimi tjetër i madh është se forumi shqiptar është një thesar i kulturës shqiptare: ne nuk promovojmë llogje fjalësh, ne promovojmë thesaret e kulturës shqiptare dhe bukurinë e mendimit të lirë shqiptar. Kur hyni e dilni nga rrjetet sociale ju do të argëtoheni duke vrarë kohën tuaj të lirë kot. Kur hyni e dilni nga faqet e forumit, ju do të mësoni diçka të re mbi kulturën, artin, historinë, apo mendimet e lira të bashkëpatriotëve tuaj. Nëse ka vend për një sugjerim me vend sot është pikërisht ky: mos e humbni kohën nëpër rrjete sociale të huaja por rikthehuni në komunitetin më të vjetër shqiptar në Internet! Jo vetëm që do të ndiheni më mirë këtu, jo vetëm që do të mësoni diçka të re, por shikojeni edhe si një detyrim si prind e si shqiptar për brezat e rinj: është detyra jonë që të ruajmë e trashëgojmë tek brezi i ri atë që brezi para nesh na la ne trashëgimi! Kjo është arsyeja përse komuniteti i forumit shqiptar ekziston! Janë me qindra mijëra fëmijë të vegjël në moshë shkolle në Shqipëri, Kosovë, Mal të Zi, Maqedoni, Greqi, Itali e mbarë botën, që kërkojnë diçka shqiptare dhe e gjejnë vetëm në faqet e këtij forumi. Ky është thesari i akumuluar në këto 20 vjet në faqet e këtij forumi që duhet ruajtur e trashëguar. Dhe kjo nuk është detyra e stafit të forumit, kjo është detyra e të gjithë patriotëve shqiptarë.

Uroj që brezi i ri i 20 vjeçarëve të sotëm të vazhdojë këtë stafetë të bukur të këtij komuniteti shqiptar në Internet. Komuniteti ka nevojë për pjesmarrjen tuaj, për mendimet tuaja të lira, dhe mbi të gjitha, për ruajtjen, pasurimin, dhe trashëgimin e këtij thesari kulturor që do të gjeni në faqet e këtij forumi. 20 vjet janë një kohë e gjatë në jetën e një njeriu, por nuk është një kohë e gjatë në historinë e një populli të moçëm si ai shqiptar.

Ju ftoj të lini në këtë temë kujtimet tuaja në këto 20 vjet!

Albo

[Neteorm]

Forumi me i madh shqiptare ne mbare boten.

Te frekuentosh forumin regullisht do te thote te fitosh dituri te re cdoher qe futesh dhe te jesh gjithmon ne rrjedhat me aktivitetet ose ndryshimet me te reja ne vend dhe rajon, ne mbare boten.

Suksese edhe urime ne te ardhmen, sidomos anetareve qe nder vite kane dhene goxha kontribut ne kete komunitet!

[ilia spiro]

Urime forumit shqiptar ne kete pervjetor.
Por, mgjithe ndryshimet e paimagjinueshme ne dixhital, nuk ka pse t`i bjere vlera ketij forumi, ndonese eshte pakesuar shume aktiviteti i tij.
13 vjet me pare hyra per here te pare, ishte ende ne apogje te zhvillimit, qe me pas ra me futjen e facebook, etj.

[Kryeplaku]

Sot ne mengjes po degjoja ate kengen Jemi Zemra e cdo Moshe (Makashi-Reka-Sejko) dhe mu kujtua qe me autorin e tekstit, Agim Docin, benim biseda te ngrohta ketu ne forum. Une nje djalosh qe mezi shkruaja shqip, Agimi nje liricist i njohur nga gjithe shqiptaret.... me modestine me te madhe bisedonim shpeshhere ne forum, e madje na thurrte edhe ndonje pergjigje a shaka me vargje.

Forumi le te behet 100 por qellimi i ketij Forumi ne te shkuaren, te tashmen dhe te ardhmen duhet te jete me modest sesa promovimi i demokracise shqiptare. Demokracia nuk behet ne internet (demokracia behet ne shkolla, ne kuvend, ne vendin e punes, ne banke, ne polici, ne parti, ne gjykate, ne stadiume, etj..... eshte si puna e pandores demokracia, prezente gjithandej).

Qellimi i Forumit duhet te jete lidhja e njerezve nga troje te ndryshme dhe nje fare etike ne fushat e infromacionit dhe diskutimit forumor. Me teper se kaq nuk mund te synohet.

Sidoqofte, pjesemarrja ne kete forum me ka sjellur kenaqesi.

Qofshit mire te gjithe ju qe na lexoni!

[Dj-GabrieL]

Nostalgji per ate kohe ne te cilen morem dijet e para ne boten virtuale dhe jo vetem...!Uroje Qindra te tjera

[projekti21_dk]

Sot ne mengjes po degjoja ate kengen Jemi Zemra e cdo Moshe (Makashi-Reka-Sejko) dhe mu kujtua qe me autorin e tekstit, Agim Docin, benim biseda te ngrohta ketu ne forum. Une nje djalosh qe mezi shkruaja shqip, Agimi nje liricist i njohur nga gjithe shqiptaret.... me modestine me te madhe bisedonim shpeshhere ne forum, e madje na thurrte edhe ndonje pergjigje a shaka me vargje.

Forumi le te behet 100 por qellimi i ketij Forumi ne te shkuaren, te tashmen dhe te ardhmen duhet te jete me modest sesa promovimi i demokracise shqiptare. Demokracia nuk behet ne internet (demokracia behet ne shkolla, ne kuvend, ne vendin e punes, ne banke, ne polici, ne parti, ne gjykate, ne stadiume, etj..... eshte si puna e pandores demokracia, prezente gjithandej).

Qellimi i Forumit duhet te jete lidhja e njerezve nga troje te ndryshme dhe nje fare etike ne fushat e infromacionit dhe diskutimit forumor. Me teper se kaq nuk mund te synohet.

Sidoqofte, pjesemarrja ne kete forum me ka sjellur kenaqesi.

Qofshit mire te gjithe ju qe na lexoni!

Kryeplaku respekt për ty.
Të kujtoj që nga ajo kohë.
Ky ka qenë një forum i famshëm aso kohe.
Stafi e prishi dhe stafi e katandasi.
Ja si është sot.
Uroj të ringjallet ky forum, por me mentalitet tjetër.
Urime 20 vjetori!

[Njuton]

Këngën "Jemi Zemra e çdo Moshe (Makashi-Reka-Sejko) e kërkova, mu hap në videot e facebookut, pasi e dëgjova desha ti bëj follow faqes në facebook që e kishte postuar këtë këngë, por facebooku më kishte çenuruar. Me këtë e mendova edhe një herë punën e çensurës së internetit të sotëm. Jo çdo gjë për rininë është për të qeshur. Jemi më keq, se në diktaturë.

Sot ne mengjes po degjoja ate kengen Jemi Zemra e cdo Moshe (Makashi-Reka-Sejko) dhe mu kujtua qe me autorin e tekstit, Agim Docin, benim biseda te ngrohta ketu ne forum. Une nje djalosh qe mezi shkruaja shqip, Agimi nje liricist i njohur nga gjithe shqiptaret.... me modestine me te madhe bisedonim shpeshhere ne forum, e madje na thurrte edhe ndonje pergjigje a shaka me vargje.

Forumi le te behet 100 por qellimi i ketij Forumi ne te shkuaren, te tashmen dhe te ardhmen duhet te jete me modest sesa promovimi i demokracise shqiptare. Demokracia nuk behet ne internet (demokracia behet ne shkolla, ne kuvend, ne vendin e punes, ne banke, ne polici, ne parti, ne gjykate, ne stadiume, etj..... eshte si puna e pandores demokracia, prezente gjithandej).

Qellimi i Forumit duhet te jete lidhja e njerezve nga troje te ndryshme dhe nje fare etike ne fushat e infromacionit dhe diskutimit forumor. Me teper se kaq nuk mund te synohet.

Sidoqofte, pjesemarrja ne kete forum me ka sjellur kenaqesi.

Qofshit mire te gjithe ju qe na lexoni!

[Kryeplaku]

Përse nuk e vini sipër opsionin "kërko" në këtë forum? Ta shikojë dhe ta përdorë cilido që futet në Forum.

Unë kujtoja se nuk ka fare opsion kërko, por tani e vura që është në rëzë fare, në vend se të jetë në krye/header.

[Neteorm]

Përse nuk e vini sipër opsionin "kërko" në këtë forum? Ta shikojë dhe ta përdorë cilido që futet në Forum.

Unë kujtoja se nuk ka fare opsion kërko, por tani e vura që është në rëzë fare, në vend se të jetë në krye/header.

Rëndësi ka që e gjete.

[ATMAN]

Mua me kujtohet Albo, ishte nje perjudhe kohe kur i bente moderatore fillimisht ca anetaret dhe pastaj me nje klikim te mausit i bente perseri anetare , nga stalla te yjet dhe anasjelltas , cfare drame psikologjike ishte per keta anetare te cilet kur e shikonin statusin e tyre perseri si anetare te thjeshte ishte sikur dikush i kishte hedhur nje kove me uje te ftohte te akull e cila i zgjonte nga gjumi ku kishin rene

o komandant je i papare

[ExTaSy]

Po ikin vitet, me forume merem diku nga viti 2007 jo me heret, ky forum esht nje mrekulli ne vete me debate te pafund.