Skandali: Lufthansa thirri policinë se Edi Rama refuzonte të mbante maskën në avion

[Albo]

Edi Rama shoqërohet nga policia gjermane, shkakton skandal



Policia gjermane ka shoqëruar kreun e qeverisë shqiptare Edi Rama, pas mosmarrëveshjes për maskën kundër koronavirusit nga avioni i Lufthansa

Edi Rama shkaktoi një skandal në bordin e avionit të Lufthansa gjatë valës së katërt të koronavirusit. Kryeministri shqiptar nuk ka dashur të mbajë maskë. Kur edhe piloti nuk arriti të zgjidhte konfliktin, është njoftuar dhe ka mbërritur policia.

Sipas kolegëve të pasagjerëve, kreu i qeverisë refuzoi aq ashpër kundër mbajtjes së maskës mbrojtëse mjekësore në fillim të dhjetorit, përpara nisjes së një avioni nga Frankfurt për në Detroit, saqë ekuipazhi thirri kapitenin për ndihmë.

Megjithatë, duke qenë se ai gjithashtu nuk ishte në gjendje të bindte kreun e qeverisë shqiptare për detyrimin e përgjithshëm për të mbajtur një maskë FFP2 ose një maskë kirurgjikale në vend të një maskë pëlhure, Rama u shoqërua nga policia federale.

Vetëm pasi e bindi një punonjës i Ministrisë së Jashtme Federale të thirrur me ngut në sallën e Senatorëve, Rama më në fund pranoi të zbatonte rregulloret e parashikuara për koronan, si të gjithë pasagjerët e tjerë në bordin e Lufthansa.

Linja ajrore më pas e akomodoi Ramën dhe delegacionin e tij prej dhjetë anëtarësh në një avion tjetër për në Shtetet e Bashkuara. Gjithashtu iu hoq edhe një gjobë e mundshme për shkelje të detyrimit për të mbajtur maskë në bord.

Shefi i Lufthansa-s, Carsten Spohr, së fundmi e përmendi incidentin në një intervistë në Spiegel. Edhe pse shefi i linjës ajrore nuk e përmendi emrin e Ramës, ai theksoi se nuk ka asnjë trajtim preferencial kur bëhet fjalë për detyrimin për të mbajtur maskë – as për një kryetar qeverie. Në fillim të krizës së koronës, Lufthansa vendosi detyrimin për maskë.

Syri

[Albo]

“Nuk ka trajtime preferenciale”/ BIRN: Si u dëbua Edi Rama nga fluturimi i Lufthansas drejt SHBA: Asistenti iu lut me mirësjellje të…




Revista gjermane ‘Der Spiegel’ raportoi të premten se kryeministri i Shqipërisë ishte shoqëruar nga policia gjermane në fillim të dhjetorit të vitit të kaluar, pas një konflikti me stafin e një avioni të kompanisë Lufthansa, për shkak të refuzimit të mbajtjes së maskës së përshtatshme kundër COVID-19.

Der Spiegel raporton se incidenti, i konfirmuar nga pasagjerë të tjerë të linjës Frankfurt-Detroit, filloi me refuzimin e Ramës për të mbajtur maskën e detyruar në avion.

Rama, i cili nxorri në rrugët e Tiranës blindat për të imponuar karantinën dhe i kërcënoi qytetarët shqiptarë duke publikuar video ku policë rrihnin protestues në rrugë për shkelje të rregullave kundër përphapjes së COVID-19, raporohet se në fulturim e datës 3 dhjetor ka refuzuar të mbajë maskën e kërkuar nga ekuipazhi.

Në artikull shkruhet se stafi i avionit u detyrua të njoftonte kapitenin e fluturimit, por as ky nuk e bindi dot Ramën.

“Kur edhe pas kësaj, shefi i qeverisë së Shqipërisë nuk iu bind detyrimit të përgjithshëm që të mbante një maskë FFP2 apo një maskë kirurgjikale në vend të maskës prej cope të thjeshtë, Rama u shoqërua jashtë avionit prej policisë federale,” shkruan Spiegel.

Endri Fuga, Drejtori i Agjencisë për Media dhe Informim pranë qeverisë nuk e mohoi incidentin, por pretendoi në një postim në Twitter se ai ishte shkaktuar nga stafi i avionit dhe se kompania kishte kërkuar ndjesë.

“Lajm i vjetër, për një incident që në thelb nuk kishte vendosjen e maskës, por sjelljen e pahijshme të njërit prej anëtarëve të ekuipazhit. Ndjesa e kompanisë u pranua që atë ditë”, shkroi Fuga, duke vendosur edhe një foto të një e-maili me kompaninë.

Megjithatë e-maili nuk e shfajëson Ramën nga pretendimet e ngritura në Der Spiegel. Në të kompania është e kujdesshme të shprehet se kërkonte ndjesë vetëm “në rast se sjellja e ndonjë anëtari të ekuipazhit ishte perceptuar si jo e përshtatshme dhe nuk ishte trajtuar me ndjeshmërinë dhe diskrecionin e nevojshëm”.

Spiegel nga ana e saj thotë se drejtuesi i Lufthansas Carsten Spohr e kishte pranuar incidentin në një intervistë për revistën në 1 prill edhe pse nuk e ka përmendur emrin e Ramës. Gjatë intervistës i pyetur për telashet me një “shef qeverie” që kishte refuzuar të vendoste maskën, Spohr ka mbështetur vendimin e punonjësve të kompanisë ajrore për ta larguar Ramën nga kabina e avionit.

“Si për çdo pasagjer asistenti i fluturimit iu lut me mirësjellje zotërisë të vendoste maskën: një herë, dy herë. Pas kësaj drejtuesja e kabinës shkoi tek ai: një herë, dy herë. Pasi edhe pas kësaj nuk ndodhi asgjë kapiteni u kujdes që pasagjeri të zbritej nga bordi i shoqëruar nga policia federale,” tha Spohr.

“Unë mbështes plotësisht ekuipazhin tonë, nuk ka trajtime preferenciale,” shtoi ai.

I pyetur nga BIRN nëse kjo sjellje tregonte standard të dyfishtë dhe nëse kishte qëndrim për sa shkruhej në revistën gjermane ‘Spiegel’, Fuga tha se nuk do i shtonte asgjë asaj që kishte shkruar në Twitter.

BIRN