Kisha orthodokse ruse dhe lufta ne Ukraine

[arbereshi_niko]

Unë si gjithmonë u shmangem debateve të kota dhe polemikës së pafund!
Gjithësesi Albo ta ka dhënë përgjigjen dhe me shumë zemërgjerësi,
unë do të shtoja thjesht dy gjëra që në gjuhën që do të më kuptosh.
Jam shumë dakort me ty në pikën që ti përfundon postimet…
Pra, të mbyllet këtu debati!
Si e tha Albo, ti nuk je orthodhoks, ndaj ske si ta kuptosh predikimin me nuanca të theksuara teologjike…
Ti je bërë pre ( dhe ky nuk është faji yt ) i propagandës ku jeton!
Përshkallëzimi ushtarak në Ukrainë shkon paralelisht me një Histeri kolektive që ka pështjellë tërë Perëndimin.
Kjo duket qartë në çensurën më ekstreme të çdo lloji të informacjonit që vjen nga Ukraina lindore….
Vërejmë bojkotimin e gjithëçkaje ruse, nga atletët, futbolli, formula uno, orkestrat sinfonike e opera&balet, konkurset e maceve dhe qenëve, deri tek kultura ruse si Dostojevski ….
Ridikolizimi i çensurës këtu nuk ka fund, sikurse dizinformacjoni, devijimi me dashje i lajmeve,
dhe shtyrja e urrejtjes ndaj çdo gjëje ruse, sikur të përbënin “rrezik rradioaktiv” !
Ja pra ti lexon nëpër internet komente dashakeqe dhe luftënxizitëse dhe mjaftohesh me kaq.
Këtu pra qëndron gabimi yt dhe jo vetëm i yti…
Duke u mjaftuar dhe pa kërkuar opozitën e informimit…, pikë bazë e demokracisë së vërtetë!
Liria e fjalës = 0
Ky trumbetim në një kor idealistësh që patriku moskovit qënka pro-luftës,
duke e “justifikuar” nuk qëndron!
Pasi po ta dinin në perëndimin e largët, që një kryebari orthodhoks lutet gjithmonë për popullin besimtar,
presidentin, ushtrinë, etj, nuk do të bënin kësoj Gafash!!!
Edhe kryepiskopi ynë po kështu lutet!
Po kështu lutet edhe kryepiskopi i Ukrainës…
Edhe patrikët e tjerë orthodhoksë, nuk mbajnë anën e askujt!
Disa shembuj;
Në luftën ruso-japoneze, patriku i Rusisë lutej për popullin dhe ushtrinë ruse…
ndërsa mitropoliti i Tokios për popullin dhe ushtrinë japoneze….
Kështu me rradhë, ngjarjet e kohëve të shkuara, konfliktet midis Bullgarisë dhe Rumanisë,
po kështu ato midis serbëve dhe bullgarëve…
Këto janë fakte!
Pra kisha ruse me përfaqësinë e saj, nuk ka se si të sillet ndryshe,
thjesht për të fituar simpatitë e injorancës fetare që mbretëron në Perëndim.
Jam i bindur që, kurrë nuk do të gjesh fjalë të shqiptuara “ proluftës “ në rradhët e asnjë eprori të asnjë kishe orthodhokse…
Kuptohet që, ai vend me kishën e saj autoqefale, që nuk merr pjesë në konflitin në fjalë, e ka të lehtë të pronuncohet.
Por gjithnjë, të gjithë janë hapur kundër luftës dhe derdhjes së gjakut, përfshirë edhe patrikun që po flasim.
Por ska se si të pretendohet që një patrik të “bëjë hasha” të mohojë detyrën e tij .
Pra të shprehet në mbrojtje dhe lutet për besimtarët e kishës që udhëheq!
Tek e fundit, në perëndimin ku ti dhe unë jetojmë, jemi mësuar me deklarata hapur politike, të krerëve fetarë, por kjo nuk ka si të pretendohet për primatët e Kishës Katolike Apostolike,
pra orthodhokse!
Unë të kërkoj ndjesë që duke zgjatur postimin, të kam lënduar ndoshta ( më beso, nuk është fare qëllimi im ), por kërkova të përgjigjem me një gjuhë që është më e kuptueshme për të gjithë.
Pra pa u thelluar në shpjegime teologjike….
Jam i mendimit që nuk është as rasti dhe as nevoja që, anëtarët e një forumi, dhe më pak akoma që besimtarët e një kishe autoqefale, të marrin pjesë në orkestrën histerike propagandiste!
Më e mira është që të qëndrojmë asnjanës dhe thellojmë vetë informimin tonë,
nëse dëshirojmë.
Të tjerat çdo njeri i di vetë!
Patriku i gjithë rusëve tha:
“ nuk ka falje pa drejtësi “
E unë jam shumë dakort!
Pasi teoria me praktikën, qëndrojnë larg…..
Përshëndetje

[SERAFIM DILO]

Pa respekt!!!

[arbereshi_niko]

Ju lutem, do të komunikojmë me respekt dhe seriozitet,
ndryshe do të mbyllet kjo temë!
Pasi që nuk ka argumente, është fare e lehtë të kalohet në banalitet.
Ndaj ju ftoj të postoni me respektin që ka njerëz këtu,
që nuk ka se si të konsiderohen Fajtorë, për sa ndodh në Ukrainë.
Faleminderit për mirëkuptimin!
Përshëndetje

[SERAFIM DILO]

Mbetem gjithmone nje popull "shalshqyer".Nje shalé nga perendimi dhe nje shale nga lindja .

Mbetoja se fajin e kishte osmanizmi dhe ekstremizmi musulman per shalshqyerit shqipatar. Po tani po e kuptoj qe ka me shume shalshqyer shqiptar ekstremist ortodoks sesa nga fete e tjera !

Jemi bere "Zot na ruaj " Mbetem qe mbetem shalshyer. As liria dhe as demokracia nuk na bejne njerez qe ti perkasim ketij perendimi.