Eurodeputetët Bashës: Dorëhiqu pa përçarë PD dhe pa krijuar parti tjetër!

[Albo]

Letra e Parlamentit Europian për Bashën është e qartë e paekuivoke: respekto vendimet e kuvendit të PD në 11 dhjetor dhe të referendumit të anëtarësisë në 18 dhjetor!

Eurodeputetët i kujtojnë Bashës se ata kanë përkrahur qendrimet korrekte të partisë tij gjatë viteve të fundit; madje edhe gjatë momenteve shumë të vështira siç Basha personalisht duhet t'a kujtojë.

Ata i thonë Bashës se një opozitë funksionale është vetëm një PD e bashkuar dhe prandaj ai duhet të dorëhiqet pa krijuar parti tjetër e të mos përçajë PD.

Teksti më poshtë:

Zotit Lulzim Basha, deputet i parlamentit
I dashur Lulzim Basha,

Po ndjekim me shumë preokupim zhvillimet e fundit brenda Partisë Demokratike. Ne kemi mbështetur vitet e fundit qëndrimet korrekte të PD-së edhe në momente shumë të vështira siç do t'a mbani mend personalisht. Shqipëria ka nevojë tashti, më shumë se kurrë, për një opozitë funksionale që siguron kontroll dhe ekuilibër demokratik ndaj një qeverie socialiste gjithnjë e më arrogante. Për ta arritur këtë, PD duhet të gjejë unitetin e saj; prandaj ju e keni detyrim të respektoni vullnetin e kongresit të partisë dhe të anëtarësisë siç u shpreh përkatësisht në 11 dhe 18 dhjetor të vitit të kaluar.



Syri

[Albo]

Një personalitet i BE negocioi me Lulzim Bashën dorëheqjen e tij, oferta u refuzua

Një personalitet i njohur në politikën e Bashkimit Europian mësohet se ka qenë në kontakt me Lulzim Bashën për të negociuar dorëheqjen e tij dhe largimin e butë nga selia.

Burime në Bruksel bëjnë të ditur se janë shkëmbyer sms dhe biseda por ende nuk është arritur në një konkluzion.

Basha ende nuk e ka pranuar ofertën e paraqitur. Por kontaktet e shkëmbimet vazhdojnë. Personaliteti në fjalë është pranë Partisë Popullore Europiane por edhe me lidhje me të majtën europiane.

PPE si rregull nuk përzihet zyrtarisht në çështjet e brendshme të partive anëtare. Në rastin e Bashës thotë se mbështet një PD të bashkuar si opozitë efektive ndaj qeverisë socialiste të Edi Ramës.

Burimet të sigurta thonë se duke shpresuar që Basha të pranojë nuk do të ketë për momentin prononcim publik.

Syri