Si shumë njerëz të tjerë, unë përdor deodorant për mbrojtjen nga era e keqe e djersës që lëshkon trupi. Zakonisht, si meshkujt e femrat e përdorin deodorantin përditë nën sqetullat e tyre, duke qenë se është edhe një prej pjesëve të trupit që djersit më shumë. Edhe pse kam vite që i përdor këto produkte, asnjëherë nuk e mora mundimin që të shikoj përbërësit e këtyre produkteve. Duke ngarë makinën një ditë, dëgjova në radio një diskutim ku dikush e ngriti këtë si problem, pasi shumica dërmuese e këtyre produkteve përdorin një përbërës toksik për shëndetin e njeriut, një përbërës alumini i cili ka si veti të mbylli poret e lëkurës si një mënyrë për të ndalur djersitjen e tepruar.
Alumini mendohet të jetë një toksinë e dëmshme për shëndetin e njeriut, i lidhur me shumë sëmundje që godasin trurin në moshë të madhe, dhe sjellin humbjen e kujtesës. Disa prej studimeve shkencore të kohëve të fundit e kanë bërë këtë lidhje të kësaj substance.
Ajo që më shokoi mua më shumë ishte fakti se gati të gjitha deodorantët në shitje, kanë nga 15-20% përbërësin e aluminit dhe është e vështirë të gjesh një deodorant që nuk përmban alumin brenda. U bëra kurioz një ditë dhe shkova në një dyqan ku shiten shume prej këtyre produkteve, dhe arrita të gjej një produkt që nuk përmban alumin:
Albo
Përgjigju Duke Cituar
Krijoni Kontakt