Qeveria heq dorë nga koncesioni i kolaudimit, do të ofrohet nga shteti
Qeveria është tërhequr nga koncesioni i ri i parashikuar në relacionin e projektbuxhetit 2022 për ndërtimin e infrastrukturës së bazës së të dhënave dhe mbikëqyrjes së qendrave të kontrollit teknik të mjeteve rrugore.
Ky koncesion në vlerën e 20.295 miliardë lekëve, që ishte i listuar mes 7 kontratave të mundshme për të nisur në vitin që vjen është hequr nga lista për shkak se shërbimi ofrohet nga DPSHTRR. Ky saktësim është bërë i ditur në komisionin e Ekonomisë nga Ministrja e Financave Delina Ibrahimaj.
Për vitin e ardhshëm vlera e pagesave për koncesionet aktive, do të jetë 13.8 miliardë lekë, nga 12.4 miliardë lekë që është vlera e parashikuar për këtë vit.
Pagesa më e madhe në vitin e ardhshëm do të shkojë për rrugën e Arbrit me 3 miliardë lekë, ndjekur nga skanimi në doganë me 2 miliardë lekë, më pas janë 3 miliardë lekë për koncesionet në shëndetësi apo 1.5 miliardë lekë për inceneratorët.
Koha Jone
Përgjigju Duke Cituar
Krijoni Kontakt