Facebook i mbyll llogarinë ish-presidentit Donald Trump, ai hap faqen e vetë në Internet

[Albo]

Ish-presidenti i SHBA-ve Donald Trump mbetet pa “Facebook”, ja vendimi që mori bordi i rrjetit social



Ish-Presidenti i Shteteve të Bashkuara Donald Trump nuk do të ketë të drejtë të përdorë platformën Facebook.

Bordi pothuajse i pavarur mbikëqyrës i rrjetit social votoi për vazhdimin e ndalimit të llogarisë së tij, që ishte pezulluar para katër muajsh për nxitje të dhunës që çoi në trazirat vdekjeprurëse të 6 janarit në Kapitol.

Bordi mbështeti vazhdimin e pezullimit, por fajësoi “Facebook” për mënyrën se si e mori vendimin.
Paneli tha se rreziku i vazhdueshëm i dhunës serioze justifikonte pezullimin në atë kohë, por shtoi se “nuk ishte vendimi i duhur që Facebook të vendoste pezullim për kohë të pacaktuar”.

Bordi shprehet se Facebook u përpoq të shmangte përgjegjësinë duke marrë një masë “jo fort të qartë dhe pa standarte të qarta” dhe më pas ia përcolli vendimin bordit për shyrtim.

Bordi ra dakort me Facebook-un se dy prej postimeve të Trumpit më 6 janar “shkelnin rëndë” standartet e FB dhe Instagramit për përmbajtjen e postimeve.
“Ne ju duam. Ju jeni të veçantë”, kishte shkruar Presidenti Trump në postimin e parë dhe “patriotë të mëdhenj” dhe “kujtojeni këtë ditë përgjithmonë” në postimin e dytë. Këto postime ishin vlerësuar si mbështetje për njerëzit e përfshirë në dhunë, tha bordi.

Paneli thotë se Facebook ka gjashtë muaj afat për të rishqyrtuar veprim arbitrar të 7 janarit dhe të vendosë për një masë tjetër, që të jetë në përputhje me “serizitetin e shkeljes duke marrë parasysh mundësinë e dëmit në të ardhmen”. Po ashtu, paneli shton se masa e re duhet të jetë “e qartë, e domosdoshme dhe proporcionale” në përputhje me rregullat e Facabook-ut për shkelje të rënda.

Nuk pati ndonjë reagim të menjëhershëm nga ekipi i ish-presidentit. Donald Trump është pezulluar përgjithmonë edhe nga rrjeti social “Twitter”.
Bordi që shqyrtoi rastin e ish Presidentit Trump përbëhet nga 20 anëtarë, ku bëjnë pjesë studies ligji, eskpertë të të drejtave të njeriut dhe gazatarë. Mënyra se si ata votuan nuk u bë publike.

Facebook pezullon në mënyrë të vazhdueshme postime dhe llogari. Rreth 150 mijë raste i janë drejtuar bordit mbikqyrës që nga tetori i vitit 2020. Bordi thotë përparësi ka shqyrtimi i rasteve që prekin përdoruesit në gjithë botë.

Një ditë më parë Donald Trump krijoi një hapësirë për postime online në faqen e tij në web. Nga aty, mesazhet mund të shpërndahen në Twitter dhe Facebook nga përdorues të tjerë.

Në postimet në faqen e tij zoti Trump ripërsërit qëndrimin se zgjedhjet presidenciale të vitit 2020 ishin të manipuluara.

Twitter thotë se përmbajtja nga faqja e zotit Trump do të lejohet për aq kohë sa nuk bie ndesh me rregullat, ndërsa Facebook nuk pati ndonjë reagim të menjëhershëm.

Zëri i Amerikës

[Albo]

Mund te ndiqni ish-presidentin Amerikan ne lidhjen me poshte:

https://www.donaldjtrump.com/desk

Albo

[ATMAN]

Mendoj se kjo eshte censure e rrezikshme sepse nese i mbyllet profili nje personi publik imagjinojeni vete se cfare bejne me njerzit e thjeshte , ne te tilla raste mund i fshiheshin postimet ku argumentohen thirrjet per dhume ,por ti mbyllet profili kjo eshte diktature edhe pse virtuale eshte e rrezikshme sepse nese shtrihen ne realitet behet baza per tirani dhe despoitizem

[Albo]

Pas vitesh censurë politike, Meta më në fund heq të gjitha kufizimet në llogaritë e Donald Trump

Nga Ben Kew



Pas vitesh censurimi ndaj Donald Trump dhe mbështetësve të tij, Meta i Mark Zuckerberg më në fund ka hequr të gjitha kufizimet në llogaritë e ish-presidentit.

Gjiganti i Silicon Valley, i cili është i njohur për censurimin e tij ndaj konservatorëve dhe përmbajtjes anti-establishment, ia ktheu aksesin Trump në platforma në vitin 2023, por ende kishte kufizime të ndryshme të vendosura në llogaritë e tij.

Presidenti i Metës për çështjet globale, Nick Clegg, shkroi në një postim në blog se vendimi fillestar ishte një "përgjigje ndaj rrethanave ekstreme dhe të jashtëzakonshme dhe nuk është dashur të vendoset".

"Me konventat e partisë që do të zhvillohen së shpejti, duke përfshirë konventën republikane javën e ardhshme, kandidatët për President të Shteteve të Bashkuara së shpejti do të emërohen zyrtarisht," shkroi Clegg.

"Në vlerësimin e përgjegjësisë sonë për të lejuar shprehjen politike, ne besojmë se populli amerikan duhet të jetë në gjendje të dëgjojë nga të nominuarit për President në të njëjtën bazë."

Ndërkohë, një zëdhënës i Meta tha për CNBC se kompania "thjesht po e sillte kandidatin e supozuar të GOP Trump në barazi me Presidentin Biden".

Facebook u konsiderua gjerësisht se kishte luajtur një rol të rëndësishëm në fitoren mahnitëse të Trump në zgjedhjet presidenciale të vitit 2016.

Pasi kuptoi se liria e fjalës ndihmoi në popullarizimin e ideve dhe kandidatëve konservatorë, kompania udhëhoqi rrugën në fillimin e një goditjeje agresive të censurës kundër lëvizjes Trump dhe lëvizjeve të tjera populiste në mbarë botën.

Trump u ndalua nga platforma në janar 2021 pas protestave të 6 janarit kundër mashtrimit zgjedhor. Twitter dhe Google ndoqën shembullin, edhe pse ai është rikthyer në postin e parë pas marrjes së kompanisë nga Elon Musk.

Ndërsa ndikimi i Facebook është zbehur ndjeshëm vitet e fundit, Trump ka ende një ndjekës prej 34 milionë njerëz, me postimet e tij që arrijnë në qindra milionë njerëz.




Burimi: TGP