Eleni Foureira

[sirena_adria]

E bukur & e talentuar, rrezellitëse & vullkanike - ELENI, shqiptarja që do të përfaqësojë Qipron këtë vit në “Eurovision”.

[sirena_adria]

Eurovizion 2018 - Eugent Bushpepa dhe Eleni Foureira bëjnë simbolin e shqiponjës

Të gjithë jemi në pritje për të përjetuar emocionet që “Eurovizioni”’ dhuron. Festivali këtë vit mbahet në Lisbonë të Portugalisë.

Ndryshe nga vitet e kaluara, pjesëmarrës do të jenë 3 shqiptarë: Eugent Bushpepa i cili do të përfaqësojë Shqipërinë, Ermal Meta që do përfaqësojë Italinë dhe shqiptarja Eleni Foureira përfaqësuese e Qipros.

Vetëm pak ditë para mbajtjes së Festivalit Evropian, Eugent Bushpepa ka publikuar një foto në Instagram me Eleni Foureira duke bërë të dy simbolin e shqiponjës. Nuk ka munguar edhe komenti i tij për bukuroshen, e cila sipas tij do të shkëlqejë në skenën e “Eurovizionit”.


Gazeta 55

[sirena_adria]

Eleni Foureira: Mezi pres ta ndez skenën

Butrint Avdyli - " Telegraf " - Prill 2018

Festivali “Eurovison Song Contest ” këtë vit po bëhet gati të “pushtohet” nga shqiptarët, e kjo pasi janë plot tre sosh në konkurrim.
Përveç Eugent Bushpepës që prezanton Shqipërinë dhe Ermal Metës që bashkë me Fabrizio Moron përfaqësojnë Italinë, në skenë do të ngjitet edhe këngëtarja shqiptare, Eleni Foureira, e cila këtë vit në “Eurovision” përfaqëson Qipron.

E lindur në Shqipëri, Eleni qysh në fëmijërinë e saj u largua për në Greqi së bashku me familjen, vend i cili do t’i hapte dyert e suksesit, duke u shndërruar në një ndër këngëtaret më të mira pop të këtij vendi.

“Fuego” është kënga, me të cilën ajo do të përfaqësojë ishullin e Qipros në “Eurovisionin” e këtij viti që mbahet në Maj.

Eleni vjen në një intervistë ekskluzive për Telegrafin direkt nga Greqia, për të rrëfyer më shumë rreth përgatitjeve që po bën për në “Eurovision”, skenën e së cilit pritet ta pushtojë me energjinë dhe performancën e saj.

“Jam shumë e entuziazmuar dhe falënderuese që Qipro më ka zgjedhur mua për ta përfaqësuar në ‘Eurovision 2018’. Ndjehem e nderuar dhe do të jap më të mirën time në skenë. Përgatitjet janë shumë intensive, sidomos për faktin se jemi më pak se një muaj larg kompeticionit, dhe mezi po pres që të dalë në skenë me ‘Fuego'”, tha Eleni Foureira për Telegrafin.

E njëjta, ka vazhduar rrëfimin e saj duke treguar se pse kënga e saj titullohet “Fuego”, dhe çfarë është domethënia e saj.

“Kënga përshkruan një fuqi të pandalshme të një personi që ka punuar kaq shumë për ta bërë ëndrrën e tij realitet, dhe se duke besuar vërtet mund të arrish të gjitha synimet tua. Çdokush nga ne ka një zjarr brenda shpirtit”, tregon tutje këngëtarja shqiptare.

Skena e “Eurovisonit” ka ditur të sjellë çdo vit performanca nga më të ndryshmet, e krejt kjo varet nga puna dhe përkushtimi i secilit konkurrent, dhe shtetit garues përkatësisht. Eleni thotë se në skenën e festivalit nuk do të jetë e vetme, pasi pas saj do të jenë një trupë baleti, që do të ofrojnë një performancë të ‘zjarrtë’.

“Në skenë nuk do te jem vetëm. Jemi një ekip prej gjashtë personash. Një vokalist mashkull në prapaskenë (back-vokal) dhe janë katër balerina që do të performojnë, dhe sigurisht do të mbështesin interpretimin tim”, ka thënë Foureira për Telegrafin.

E lumtur që nuk do të jetë shqiptarja e vetme, por që në skenë do të jenë edhe dy të tjerë, ajo thotë se shpreson ta prekë finalen, ndërsa festivalin e “Eurovionit”, e sheh si një mundësi të mirë promovimi.

“Mesazhi që unë do të jepja në lidhje me festivalin ‘Eurovisioni’ është që: për mua është një spektakël muzikor shumë i mirë, më i madhi në botë dhe ndjehem e lumtur që do të jem pjesë e tij. Do të jap më të mirën time dhe shpresoj që do të vendos një ‘Fuego’ të madhe në skenën e ‘Eurovisionit’ në Lisbonë”, ka përfunduar Eleni Foureira për Telegrafin.

“Eurovision 2018” mbahet në datat 8, 10 dhe 12 maj, ndërsa në Natën e Parë Gjysmëfinale, përkatësisht më 8 maj garojnë Shqipëria, që përfaqësohet nga Eugent Bushpepa, dhe Qipro, shtet të cilin e prezanton këngëtarja shqiptare, Eleni Foureira. /Telegrafi/



https://telegrafi.com/ekskluzive-rre...a-ndez-skenen/

[sirena_adria]

[sirena_adria]

Nje nga SKUADRAT me te mira te ketij viti !

Eshte rradha e QIPROS sivjet ? Mbas rekordit te Portugalise, stafeta I ka kaluar Qipros ....... Te presim FINALEN !

[Neteorm]

Do më pëlqente të ishte në treshe pasi fituesi gjithmonë ndihmohet nga fqinjët që ka sepse gjithmonë kështu ka ndodhur..

[sirena_adria]

Besoj se Eleni do jete ne TOP 3 te Gjysem Finales se Pare ! LIVE eshte mahnitese !

Çdo gje eshte e mundur ne Eurovizionin e Sivjetshem ! Pse jo dhe fituese e GJF 1 !


12 Points e Shqiperise kujt do t'i takojne ne Gjyem Finalen e Pare - Qipros, Greqise, Maqedonise, Izraelit apo Estonise ?

12 Piket e mia shkojne per Elenin !

Lazo , cilen sheh si fituese te Gjysem Finales se Pare ?

[sirena_adria]

[sirena_adria]

[sirena_adria]