Komenti i ungjillit

[ninoenina]

12-5-2021/E MERKURË JAVA 6 E PASHKËS/UNGJILLI: Gj, 16, 12–15

LUTJA: Ps 148

Aleluja. Lëvdoni Zotin nga qiejtë, lëvdojeni në vendet shumë të larta.
2 Lëvdojeni, ju të gjithë engjëjt e tij, lëvdojeni ju mbarë ushtritë e tij.
3 Lëvdojeni, o diell dhe hënë, lëvdojeni, ju mbarë yje të ndritshme.
4 Lëvdojeni, ju qiej të qiejve, dhe ju ujëra përmbi qiejtë.
5 Tërë këto gjëra le të lëvdojnë emrin e Zotit, sepse ai dha urdhër dhe ato u krijuan.
6 Ai i ka vendosur përjetë, në përjetësi; por ka bërë një statut që nuk do të kalojë kurrë.
7 Lëvdojeni Zotin nga toka, ju përbindësh të detit dhe mbarë oqeane,
8 zjarr dhe breshër, borë dhe re, ajër i shtrëngatës që zbaton urdhërat e tij,
9 mbarë male dhe kodra, mbarë dru frutorë dhe kedra;
10 ju mbarë kafshë të egra dhe shtëpiake, rrëshqanorë dhe zogj me krahë;
11 ju mbretër të dheut dhe mbarë popuj, princa dhe gjyqtarë të tokës;
12 të rinj dhe vajza, pleq dhe fëmijë.
13 Le të lëvdojnë emrin e Zotit, sepse vetëm emri i tij përlëvdohet. Lavdia e tij qëndron përmbi tokën dhe qiejtë.
14 Ai e ka rritur forcën e popullit të tij, një arsye kjo lëvdimi për të gjithë shenjtorët e tij, për bijtë e Izraelit, një popull i afërt për të. Aleluja.



LEXIMI I UNGJILLIT: Gj, 16, 12–15.

12 Kam edhe shumë të tjera për t’ju thënë por tani s’mund t’i kuptoni. 13 E kur të vijë ai ‑ Shpirti i së Vërtetës ‑ Ai do t’ju udhëzojë ta njihni tërë të Vërtetën. Ai s’do të flasë prej vetvetes, por do të flasë çka të dëgjojë dhe do t’ju zbulojë të ardhmen. 14 Ai do të më lëvdojë, sepse do të marrë prej simes e do t’ju zbulojë juve. 15 Gjithçka ka Ati, është imja. Prandaj edhe ju thashë: ‘Merr prej simes dhe do t’ju zbulojë juve’.”


MEDITIMI

B]Ja një Lexim i shkurtër, pesha specifike të të cilit është jashtëzakonisht e lartë! Le të përpiqemi të reflektojmë në këshillën e Jezusit: "Kam edhe shumë të tjera për t’ju thënë por tani s’mund t’i kuptoni". Dishepujt nuk ishin të aftë të kuptojnë! A do të jemi ne në gjendje të kuptojmë ndonjëherë? Vërtet është më inkurajues sqarimi vijues: " Kur të vijë ai ‑ Shpirti i së Vërtetës ‑ Ai do t’ju udhëzojë ta njihni tërë të Vërtetë". Kjo është ende një deklaratë për të cilën duhet medituar shumë: Pyetjet "për t'u sqaruar" janë në fakt zbulime themelore për jetën tonë dhe për fatin tonë të përjetshëm.
Prandaj është mirë të jemi vazhdimisht vigjilentë për të mos mashtruar veten. Me një imazh profan, por me vlerë, efikas, duhet të kemi të njëjtin qëndrim (ose ndoshta mania ...) të konsumatorit të sotëm, të vëmendshëm ndaj cilësisë së asaj që ha, ndaj shenjave të garantimit të produkteve tona lokale, DOC, PGI etj., në mënyrë që të mos helmoheni me ushqime të falsifikuara. Në "gjërat e besimit" një qëndrim i tillë na mbron: është ajo vulë e përbërë nga interpretimi i përpunuar nga tradita dhe i konfirmuar nga Magjisteri i Kishës, Fryma e të cilit për dy mijë vjet e ka shpëtuar të vërtetën e fesë duke na ndriçuar pikërisht në mënyrën në të cilën duhet ta përdorim lirinë tonë. Por, nëse duam të jemi besnik, Shpirti na thotë se disa gjëra duhet t’i bëjmë sepse janë në armoni me vulnetin e Atit, dhe të mira për ne; dhe disa është më mirë të mos bëhen sepse janë të dhëmshme për përparimin tonë në jetën shpirtërore.
[/B]


VAZHDO MEDITIMIN.


Maria është mësuesja e jetës tonë të krishtere.

[ninoenina]

18 – 5 – 2021/E MARTË, JAVA 7 E PASHKËS/ UNGJ. Gj. 17, 1–11.


LUTJA: PS 67.

2 Hyji pastë mëshirë për ne e na bekoftë, bëftë të ndriçojë fytyra e tij mbi ne,
3 që në tokë të njihet udha e tij, në të gjitha kombet shpëtimi i tij.
4 Të dhënçin lavdi mbarë popujt, o Hyj, mbarë popujt e botës ty të lavdërofshin!

LEXIMI II UNGJILLIT: Gj. 17, 1–11
1 Jezusi, si i tha këto, i çoi sytë e vet kah qielli dhe vazhdoi: “O Atë, arriti koha: jepi lavdi Birit tënd që Biri të të japë lavdi ty 2 e që me pushtetin, të cilin ia dhe mbi çdo njeri, t’u japë jetën e pasosur të gjithë atyre që ia dhe ti. 3 E kjo është jeta e pasosur: që të njohin ty, Një të vetmin Hyjin e vërtetë, dhe atë që dërgove, Jezu Krishtin. 4 Unë të dhashë lavdi mbi tokë: e kreva veprën, që ma dhe ta kryej. 5 E tani, o Atë, më lavdëro para teje me atë lavdi që e kisha te ti para se të fillonte të ishte bota. 6 Emrin tënd ua zbulova njerëzve që ti m’i dhe nga bota. Ata ishin të tutë, ti m’i dhe, dhe ata e mbajtën fjalën tënde. 7 Tani e kuptuan se gjithçka më dhe, vjen prej teje, 8 sepse fjalët që ti m’i dhe ua dorëzova atyre. Ata i pranuan dhe e kuptuan se me të vërtetë dola prej teje dhe besuan se ti më dërgove. 9 Unë për ta lutem. Nuk lutem për botën, por për ata që ti m’i dhe, sepse janë të tutë.
10 Gjithçka kam unë është jotja e çka ke ti imja, dhe në ta u lavdërova. 11 Unë nuk rri më në botë e ata janë në botë, e unë po vij te ti. O Atë i shenjtë! Ruaji në Emër tënd ata që ti m’i dhe që të jenë një sikurse ne!


MEDITIMI


Sot fillon leximi i "LutjeS Priftërore" të Jezusit. Nuk është e lehtë. Është e lehtë të biesh mbi të. Le të meditojmë pak për shembull, atë pjesë të parë që shpërthen nga zemra e Jezusit: "E kjo është jeta e pasosur: që të njohin ty, Një të vetmin Hyjin e vërtetë" (v. 3). Nevoja për të kuptuar është e natyrshme. Të gjithë njerëz aspirojnë për një lumturi të pafund: Por kjo lumturi ështe mbuluar nga një mjegull e dendhur, e lidhur me një nocion, atë të përjetësisë, që nuk është objekt i përvojës, që është në një nivel më të lart se sa jeta jonë tokësore, dhe për këtë e paarritshme prej nesh. Mbi temën e jetës së përjetshme është e mirë të lexojmë atë që thotë Papa Françesku:
«Jeta që Zoti përgatit për ne nuk është një zbukurim i thjeshtë i kësaj të tanishme: ajo tejkalon imagjinatën tonë, sepse Zoti na mahnit vazhdimisht me dashurinë dhe mëshirën e tij. Por tashmë në këtë tokë, në lutje, në Sakramente, në vëllazëri, ne takojmë Jezusin dhe dashurinë e tij, dhe kështu mund të paralajmërojmë diçka nga jeta e ringjallur ».
Tashmë, pra, kanë jetën e përjetshme ata që jetojnë në bashkim më Zotin . Larg nga Zoti, koha është një mundim që mungesa e një mbarimi të saj, e bën atë më të padurueshme. Por, ç'të themi për një përjetësi të përbërë nga një dhuratë vazhdimisht e përsëritur, edhe nëse kjo gjë do të gjallërontë nga kënaqësitë njerëzore? Përvoja thotë se herët a vonë gjithçka mërzitet. Njeriu do më shumë. Gjëja më e mirë dhe më e përgjegjshme, është që edhe një herë të merren seriozisht fjalët e Palit drejtuar Korintasve të cilat jehojnë në ato të Papës: "Çka syri nuk pa e veshi nuk dëgjoi dhe në zemër të njeriut nuk hyri, atë ua bëri Hyji gati atyre që e duan" (1 Kor 2: 9).


VAZHDO MEDITIMIN

Eja tek unë, Shpirt Shenjt, Shpirt i së vërtetës: më lejo të arrijnjohjen e së vërtetë me gjithë plotësinë e saj.
Eja tek unë, Shpirt Shenjt, ujë i gjallë që gulçon për jetën e përjetshme: më jep hirin që të kundroj fytyrën e Atit në këtë jetë dhe në gëzim të pafund. (Shën Augustini).


Zoti na mahnit vazhdimisht me dashurinë dhe mëshirën e tij!

[ninoenina]

19-5-2021/E MERKURË JAVA 7 E PASHKËS/UNGJj. 17,11–19.


LUTJA:Sal 67.

2 Hyji pastë mëshirë për ne e na bekoftë, bëftë të ndriçojë fytyra e tij mbi ne,
3 që në tokë të njihet udha e tij, në të gjitha kombet shpëtimi i tij.
4 Të dhënçin lavdi mbarë popujt, o Hyj, mbarë popujt e botës ty të lavdërofshin!


LEXIMI I UNGJILLIT: Gj. 17,11–19

11 Unë nuk rri më në botë e ata janë në botë, e unë po vij te ti. O Atë i shenjtë! Ruaji në Emër tënd ata që ti m’i dhe që të jenë një sikurse ne!
12 Derisa unë isha me ta i ruajta në Emër tënd ata që m’i dhe, dhe vërtet i ruajta ‑ asnjë nuk u bor përveç birit të bjerrjes ‑ në mënyrë që të plotësohej Shkrimi i shenjtë.
13 Tani po vij tek Ti e këto po i them ndërsa ende jam në botë, që ata ta kenë në vetvete gëzimin tim të plotë.
14 Unë ua dorëzova fjalën tënde dhe bota i urreu, pse nuk janë të kësaj bote sikurse as unë nuk i përkas kësaj bote.
15 Nuk po të lutem t’i marrësh prej botës, por t’i ruash nga i Keqi.
16 Ata nuk i përkasin botës, sikurse as unë nuk i përkas botës.
17 Shenjtëroji në të vërtetën: fjala jote është e vërteta.
18 Sikurse ti më dërgove në botë, po ashtu edhe unë i dërgova në botë.
19 Për ta [unë] e kushtoj vetveten, që edhe ata të jenë të shenjtëruar në të vërtetën.


MEDITIMI.

Jezusi lutet intensivisht për dishepujt e tij. Dhe lutet për të gjithë ata që i janë kushtuar Zotit, të cilët madje janë "transferuar në pronën e Zotit" . Në këtë lutje bashkëngjithen koha dhe historia. Ne duhet t'i jemi mirënjohës Zotit për dhuratën e meshtarisë dhe të jetës së kushtuar Zootit. Dhe mirënjohës ndaj kaq shumë vëllezërve që e ndjekin Jezusin me besnikëri dhe shenjtëri, shumë prej të cilëve kanë vuajtur dhe po vuajnë për Ungjillin, duke paguar për besnikërinë e tyre ndaj Zotit edhe me jetën e tyre. Burra dhe gra që e bëjnë të gjallë praninë e tij me sakramentet, shpalljen e fjalës, veprat e mëshirës.
Sigurisht që dikush e humb rrugën, gjen pengesa, dikush bie ose madje shkakton skandale. Kjo ndodh për shkak të natyrës njerëzore ende të plagosur dhe është e dhimbshme për ata që me të vërtetë e duan Kishën dhe nuk duan që ajo të turpërohet. Thjesht Ungjilli na bën të kuptojmë se midis atyre që i janë kushtuar Zotit, djalli zgjedh synimet e tij të preferuara. Nëse njëri prej tyre bie, është sikur bota e nëntokës të kishte një fitore më prestigjioze. Historia e këtyre njerëzve të munduar nga e keqja është atje për të demonstruar në një mënyrë konkrete se sa i furishëm mund të jetë sulmi.
Por le ta pyesim veten me sinqeritet: sa lutemi për këta vëllezër? A u dalim krah atyre dhe i mbështesim ata, apo nuk jemi më tepër nga ata që i poshtërojnë sepse… pse famullitari ndryshoi orarin e meshës? Ne gjithmonë kujtojmë një gjë që Papa Françesku kërkon për vete, me mirësi, por me qëndrueshmëri: “Mos harroni të luteni për mua”. Le ta kujtojmë këtë dhe le të qëndrojmë të vendosur në rrugën që na hap edhe sot Ungjilli.



VAZHDO MEDITIMIN.

O Jezus, meshtar i shejntë dhe i amshueshëm,
mbajj priftërinjtë e tu në
Zemrën tënde të Shenjtë.
Mbaji duart e tyre të pastra sepse ato e
prekin trupin tënd të shenjtë çdo ditë.
Mbaji buzët e tyre gjithashtu
të skuqur nga Gjaku yt i çmuar.
Mbaji zemrat e tyre të pastra që t'i përgjajnë zemrës tënde hyjnore.
Bëj të rriten në besnikëri dhe dashuri për ty
dhe ruaji ata nga infektimi i botës.
Me fuqinë për të transformuar bukën dhe verën
në korpin e gjakun tënd, gjithashtu,
jepu atyre edhe fuqinë për të transformuar zemrat.
Bekoji dhe bëji punët e tyre të frytshme
dhe një ditë jepu atyre kurorën e jetës së përjetshme.
(Nga Shën Tereza e Lisieux)

[ninoenina]

20-5-2021/E ENJTË java7 PASHKËS/UNGJ: Gj. 17, 20–26.


LUTJA: Ps 15

1 Më ruaj, o Hyj, sepse të kam rënë ndore!
2 I thashë Zotit: “Ti je Zoti im,
tjetër të mirë nuk kam veç teje”!
5 Zoti është pjesa e trashëgimit tim dhe gota,
në dorën tënde është fati im!
6 Shorti më ra në më të mirën tokë:
pjesa e trashëgimit tim më pëlqen shumë!
8 Zotin e kam gjithmonë para sysh,
më rri në të djathtë, nuk kam sesi të rrëzohem!
9 Prandaj galdon zemra ime, gëzon shpirti im,
mbarë trupi im pushon në qetësi.


LEXIMI I UNGJILLIT: Gj. 17, 20–26.

20 Nuk po të lutem vetëm për këta,
por edhe për të gjithë ata,
që, për shkak të fjalës së tyre, do të besojnë në mua:
21 që të gjithë të jenë një.
Sikurse ti, Atë, që je në mua dhe unë në ty,
ashtu edhe ata të jenë në ne,
që ta kuptojë bota se ti më dërgove.
22 Edhe unë ua dhashë lavdinë
që ti ma dhe që të jenë një sikurse ne jemi një
23 ‑ unë në ta e ti në mua,
që të jenë plotësisht një,
që bota ta dijë se ti më dërgove
dhe se i deshe ata siç më deshe mua.
24 Atë, dua që ata, të cilët m’i dhe,
të jenë aty ku jam unë, bashkë me mua,
që të kundrojnë lavdinë time, lavdinë që ti ma dhe,
sepse më deshe para se të krijohej bota.
25 Atë i drejtë! Bota nuk të njohu e unë të njoha.
Edhe këta e kuptuan se ti më dërgove.
26 Këtyre ua dëftova Emrin tënd
dhe do të vazhdoj t’ua dëftoj,
që dashuria me të cilën ti më deshe mua,
të jetë në ta‑ dhe unë në ta.”
[/SIZE][/B]


MEDITIMI


"Unë nuk lutem vetëm për këto, por edhe për ata që do të besojnë në mua përmes fjalës së tyre"(20). Horizonti zgjerohet, përqafon të gjithë ata që do të besojnë "përmes fjalës së tyre", të apostujve. Përfituesit e ndërmjetësimit të Zotit janë, pra, besimtarët e të gjitha kohërave, të udhëzuar me fjalën dhe të ushqyer me sakramente, nga Apostujt dhe pasardhësit e tyre.
Ungjilli i djeshëm përfshinte kërkesën për mbrojtje nga i ligu. Sot Jezusi flet më tepër për lumturinë që do të gëzojnë ata që kanë hequr dorë nga lajkat e djallit, dhe kanë zgjedhur që t'i shërbejnë Zotit. Dhe është diçka e madhe: e njëjta lavdi e rezervuar Zotit, pikërisht aty ku do të jetë, një dashuri e krahasueshme me atë me të cilën Zoti e do Jezusin, njohjen e Zoti…Këtë Jezusi na premton. Ka vërtet mjaft për të dëshiruar një shpërblim të tillë. Për ta kërkuar atë, besimtari ka vetëm ndërmjetësimin e Jezusit, është fjala e tij dhe kjo na mjafton.

VAZHDO MEDITIMIN.

Ti do të ma tregosh udhën e jetës,
gëzimin e plotë para fytyrës sate,
kënaqjen e amshueshme në të djathtën tënde.

[ninoenina]

21-5-2021/E PREMPTE JAVA 7 PASHKËS/UNGJ. Gj. 21, 15–19.


LUTJA: Ps 102

Bekoje, shpirti im Zotin,
dhe krejt qenia ime Emrin e tij të shenjtë.
Bekoje, shpirti im Zotin,
e mos i harro bamirësitë e tija.
Sepse sa është lartësia e qiellit mbi tokë,
aq e madhe është mëshira e tij ndaj atyre që i druajnë.
Sa është lindja larg perëndimit
aq larg i hedh prej nesh fajet tona.
Zoti e forcoi fronin e vet në qiell,
mbretëria e tij mbizotëron të gjithë.
Bekojeni Zotin, të gjithë engjëjt e tij,
ju të fortët nga fuqia, që kryeni urdhrat e tij,
duke i dëgjuar urdhrat e tij.



LEXIMI I UNGJILLIT: Gj. 21, 15–19.

15 Pasi hëngrën mëngjesin, Jezusi e pyeti Simon‑Pjetrin: “Simon Gjoni, a më do ti më shumë se këta?” “Po, Zotëri ‑ iu përgjigj ‑ Ti e di se të dua!” “Kulloti qengjat e mi! ‑ i tha Jezusi. 16 Prapë e pyeti të dytën herë: “Simon Gjoni, a më do ti mua?” “Po, Zotëri, ti e di se të dua!” ‑ iu përgjigj Pjetri. “Kulloti delet e mia!” ‑ vijoi Jezusi. 17 I tha për të tretën herë: “Simon Gjoni, a më do?” Pjetri u trishtua pse e pyeti për të tretën herë: ‘A më do?’ dhe iu përgjigj: “Zotëri, Ti di gjithçka! Ti e di se të dua!” I tha Jezusi: “Kulloti delet e mia!” 18 Përnjëmend, përnjëmend po të them: kur ti ishe më i ri e ngjeshje vetveten dhe shkoje kah doje; porse kur të plakesh, do t’i hapësh duart e një tjetër do të të ngjeshë e do të të çojë, ku ti nuk dëshiron”. 19 I tha këto fjalë për t’i lajmëruar se me ç’vdekje do ta lavdëronte Hyjin. Pastaj i tha: “Më ndiq mua!”


MEDITIMI

Ungjilli i sotëm na çon të mendojmë për diçka që ndodhi pas ringjalljes së Zotit. Pasazhi përmban pyetjen e trefishtë të Jezusit drejtuar Pjetrit: "A më do mua?", Interpretimi i kësaj pyetjeje të trefishtë barazohet, për nga numri, me mohimet e së Premtes së Madhe. Pjetri është me të vërtetë një njeri i aftë për një gamë të gjerë ndjenjash: është bujar, por edhe impulsiv, të vendosur në ndjekjen e Misterit, por edhe lidhur më traditat e popullit të tij. Por një gjë duket e qartë: ai e donte sinqerisht Jezusin. Për këtë arsye (dhe edhe kjo është një tipar njerëzor), ai mbetet i trishtuar nga këmbëngulja e pyetjeve të Jezusit: «Zot, ti di gjithçka; ti madje e dije që do të të mohoja, por nga frika, jo nga mungesa e dashurisë. Ti e di që unë vërtet të dua!». Por dashuria nuk është diçka që thjesht "dihet". Cila nuse mund të kënaqet duke ditur që burri i saj e do atë? A nuk dëshiron që ai t’i tregojë? Që ai ia përsërit këtë çdo ditë? E njejta gjë vlen për marrëdhëniet midis fëmijëve dhe prindërve. Një "Të dua" më pak kompromentues është mirë të thuhet edhe midis miqve. Është gjithashtu e vërtetë që, dashuria duhet të demonstrohet me fakte. Pjetri, pra, jo vetëm që duhet të deklarojë dashurinë e tij për Zotin disa herë. Vetë Jezusi parashikon se si do të duhet ta provojë atë. Simoni i Gjonit, i cili natën e Gjetsemanit, me një impuls të vrullshëm, erdhi të nxjerrë shpatën e tij në mbrojtje të Zotërisë së tij, tani e tutje, i armatosur vetëm me besim, do të thirret të kalojë tërë jetën e tij për Jezusin.


VAZHDO MEDITIMIN

Të adhuroj, o Zoti im,

e të dua me gjithë zemrën.

[ninoenina]

22-5-2021/E SHTUNË JAVA 7 E PASHKËS/UNGJILLI: Gj, 21, 20–25.


LUTJA: Ps 10.

4 Zoti është në Tempullin e vet të shenjtë,
Zoti fronin e ka në qiell.
Sytë e tij vëzhgojnë të vobektin,
qerpikët e tij shqyrtojnë bijtë e njerëzve.
5 Zoti shqyrton të drejtin e të paudhin,
ai e urren atë që e do paudhësinë.
6 Mbi mëkatarë do të bëjë të bjerë prush:
zjarr, sulfur e stuhi është pjesa e trashëgimit të tyre.
7 Zoti është i drejtë e drejtësinë e ka për zemër:
të drejtët do ta shikojnë fytyrën e tij.

LEXIMI I UNGJILLIT: Gj, 21, 20–25.

20 Pjetri u kthye dhe pa se po e ndiqte nxënësi të cilin Jezusi e donte [posaçërisht], ai që në kohën e Darkës e mbështeti kokën në parzmën e Jezusit dhe e pati pyetur: “Zotëri, kush është ai që do të të tradhtojë?” 21 Kur Pjetri e vuri re këtë, i tha Jezusit:
“Zotëri, e çka do të ndodhë me këtë?”
22 Jezusi iu përgjigj: “Nëse dua që ky të mbesë derisa të vij unë, ty ç’po të duhet? Ti eja pas meje!”
23 Këndej edhe u hap ndër vëllezër fjala se ai nxënës nuk do të vdiste. E pra, Jezusi nuk tha “Nuk do të vdesë!”, por “‘Nëse dua që ky të mbesë derisa të vij unë [ty ç’po të duhet?’]” 24 Ky nxënës është ai që i dëshmon këto gjëra dhe vetë ai i shkroi. Ne e dimë se dëshmia e tij është e vërtetë.
25 Ka edhe shumë gjëra të tjera që i bëri Jezusi, të cilat po të renditeshin një nga një, më thotë mendja se as mbarë bota s’do t’i zinte librat, që do të duhej të shkruheshin.

MEDITIMI

Në fund të Ungjillit të tij Gjoni nxjerr disa përfundime: "Ai, Gjoni, është një dëshmitar besnik i gjërave që ai shkroi dhe edhe pse Jezusi ka bërë aq shumë gjëra të tjerë që vetë bota nuk do të mjaftonte për të përmbajtur librat që duheshin shkruar , këto janë të mjaftueshme që ju të besoni se Ai është Krishti, bir i Zotit dhe kështu, duke besuar, të keni jetën në emrin e tij".
Në fund të Ungjillit të tij, Gjoni kërkon që të merret seriozisht, si një dëshmitar i drejtpërdrejtë. Ai i bindet urdhrit të Zotit: "Shkoni dhe prdikoni Ungjillin" dhe, natyrisht, ai gjithashtu i përgjigjet dëshirës së tij për të përhapur dashurinë që ka provuar. Pra, ajo që ka rëndësi, e që vetëm Zoti e di, është numri i madh i atyre që u kthyen të Jezusi dhe kanë filluar të duan atë dhe afërmin e tyre.
Ne besojmë gjithçka që Gjoni shkroi. Por Gjoni do ta ketë përfunduar detyrën e tij vetëm kur edhe ne mund të themi, si samaritanët: " Tani nuk besojmë vetëm pse na tregove ti: vetë e dëgjon dhe e dimë se në të vërtetë është Shëlbuesi i botës "(Gjn 4:42)


VAZHDO MEDITIMIN

“Dëgjo, Izrael! Zoti, Hyji ynë, është një Zot i vetëm! Duaje Zotin, Hyjin tënd, me gjithë zemrën tënde, me gjithë shpirtin tënd e me gjithë fuqinë tënde! Këto urdhërime që po t’i jap sot unë, mbaji gjithmonë në zemrën tënde! Ua përsërit fëmijëve të tu! Fol për to kur të jesh në shtëpi e kur të jesh duke udhëtuar; kur të biesh në shtrojë e kur të ngrihësh nga shtroja” (Dt. 6, 4-7).

[ninoenina]

24-5-2021/JAVA 4 ORD-/UNGJ: Mk. 10, 17–27.


LUTJA:Ps 31

Lum ai që iu fal mëkati, që iu mbulua faji!
Lum ai njeri që Zoti nuk e numëron ndër mëkatarë, në shpirtin e të cilit nuk ka dredhi. Atëherë ta dëftova mëkatin tim, fajin tim më nuk e fsheha.
Thashë: “Do t’ia rrëfej Zotit fajin tim”, e ti ma fale fajësinë e mëkatit tim. Ti je strehimi im, ti më ruan prej vështirësisë, do të më rrethosh me këngë gëzimi.



LEXIMI I UNGJILLIT: Mk. 10,17-27.
17 Kur doli në rrugë, një njeri u lëshua me vrap, ra në gjunjë para tij dhe e pyeti:“Mësues i mirë, çka duhet të bëj për të fituar Jetën e pasosur?” 18 Jezusi iu përgjigj: “Pse më thua: i mirë? Askush s’është i mirë përveç Një Hyji të vetëm! 19 Urdhërimet i di: ‘Mos vra! Mos the kurorën! Mos vidh! Mos dëshmo rrejshëm! Mos bëj kurrfarë padrejtësie! Ndero babain tënd e nënën!’“ 20 Ai iu përgjigj: “Mësues, të gjtha këto i kam zbatuar që prej rinisë sime.” 21 Atëherë Jezusi e shikoi ëmbël, i pëlqeu dhe i tha: “Të mungon edhe një gjë: shko, shit çka ke, ndajua skamnorëve e do të kesh thesar në qiell; atëherë kthehu e eja pas meje!” 22 Djaloshi u prish kur e dëgjoi këtë fjalë e, i trishtuar, u largua, sepse kishte prona të shumta. 23 Jezusi, pasi e hodhi shikimin përreth, u tha nxënësve të vet: “Sa vështirë do të hyjnë pasanikët në Mbretërinë e Hyjit!” 24 Nxënësit mbetën shtang të habitur prej këtyre fjalëve të tij. Por Jezusi foli përsëri dhe u tha: “Bijtë e mi! Sa vështirë është të hyhet në Mbretërinë e Hyjit! 25Më lehtë është të përshkohet gamilja nëpër vrimë të gjilpërës se të hyjë i pasuri në Mbretërinë e Hyjit!” 26 Nxënësit çuditeshin edhe më tepër dhe i thoshin njëri‑tjetrit: “Atëherë kush do të mund të shëlbohet?” 27 Jezusi ua nguli sytë dhe tha: “Sa për njerëz, njëmend, është punë që s’bëhet, por jo për Hyjin, Hyji mund të bëjë gjithçka.”

MEDITIMI


Pyetjes së djalit të pasur, Jezusi i jep një përgjigje që është në vazhdën e përsosur të Ligjit. Në fakt, edhe nëse sot pothuajse nuk quhen më me emrin e tyre, mëkatet që kundërshtojnë urdhërimet, janë dhe mbeten shkelje serioze për Perëndinë, për fqinjin dhe gjithashtu për atë që i bën ato. Përgjigja e të riut është, pra, e shkëlqyeshme dhe është e dëshirueshme që edhe ne mund ta sigurojmë atë në dritën e një ndërgjegjeje të mbajtur në stërvitjen e duhur.
Problemet vijnë më vonë. Jezusi e dinte mirë se cilat ishin pengesat që i qëndronin rrugës së re që ai e shpallte: një mënyrë sipas së cilës ligji nuk shfuqizohet, por kënaqet automatikisht duke jetuar në perspektivën unike të dashurisë për Zotin dhe vëllezërit.
Vështirësitë e të riut janë edhe tonat. Ai shkon i trishtuar, mbase nuk e vuri re vështrimin e dashur me të cilin Jezusi e shikoi. Për këtë ai nuk mund t’i dëgjonte fjalët e tij, lajmëtarë të mëshirës edhe për ata që janë shumë të pasur por e kanë zemrën të mbyllur. Krahasuar me të, i cili gjithashtu kishte privilegjin e jashtëzakonshëm të takonte dhe të fliste me Zotin, ne kemi një përparësi të vogël në pozitë. Ne përpiqemi të mos e harxhojmë atë.

VAZHDO MEDITIMIN (Ps 127)

1 Lum njeriu që e druan Zotin, që ecën udhëve të tija! 2 Do të ushqehesh prej punës së duarve të tua, i lumi ti, mirë do të kalosh! 3 Gruaja jote: vresht plot fruta në dhomat e shtëpisë sate; djemtë e tu: pinjoj ulliri përreth tryezës sate! 4 Ja, se si bekohet njeriu që e druan Zotin! 5 Të bekoftë Zoti prej Sionit e pafsh lumturinë e Jerusalemit në të gjitha ditët e jetës sate 6 dhe i pafsh djemtë e djemve të tu! Paqja qoftë mbi Izraelin!

[ninoenina]

25-5-2021/JAVA 4 Ord/Ungjilli: Mk. 10, 28–31.

LUTJA (Ps 49)

“Dëgjo, populli im, dua të flas, o Izrael, dëshmoj kundër teje: unë Hyji jam Hyji yt!
Nuk të qortoj për flitë e tua, flitë e shkrumbimit të tuat i kam gjithherë para sysh!
Kushtoji Hyjit fli falenderimi dhe zbatoja Hyjit kushtet e tua, e më thirr në ditën e travajit: unë do të të shpëtoj e ti më jep lavdinë”!
Më nderon ai që më kushton flinë e lavdit, do t’ia tregoj shpëtimin e Hyjit atij që ecën udhës së drejtë.



LEXIMI I UNGJILLIT: Mk. 10, 28–31.

28 Atëherë Pjetri mori fjalën e i tha: “Ja, ne lamë çdo gjë e erdhëm pas teje.” 29 Jezusi iu përgjigj: “Për të vërtetë po ju them: s’mund të ketë asnjë njeri që la për shkak timin e për shkak të Ungjillit shtëpinë, ose vëllezërit, ose motrat, ose nënën, ose babain, ose fëmijët, ose arat 30 e të mos marrë tani në këtë botë, edhe pse me salvime ‑ njëqind herë aq shtëpi, vëllezër, motra, nëna, fëmijë e ara ‑ e në botën e ardhshme Jetën e pasosur. 31 Shumë nga ata që janë të parët do të jenë të sprasmët, ndërsa shumë të sprasmë do të jenë të parët.”



MEDITIMI:

Është njerëzisht e ligjshme të njohim veten te Pjetri dhe në nevojën e tij për të ditur, gjë që tregon gjithashtu se si apostulli tashmë ka provuar vështirësinë për të ndjekur Zotin; shpërblimi, në fakt, pritet në fund të një lodhje. Nga ana tjetër, përgjigjja e Jezusit nuk lë hapësirë për keqkuptime të mundshme. Ata që e ndjekin atë nuk duhet të presin trajtim preferencial. Zoti është i qartë: ai që ta ndjek, do të ketë persekutime të cilat, kur jo të një natyre fizike, shpesh do të jenë tallje, izolimi, shumë pengesa tjera...
Sidoqoftë, në përgjigjen e Jezusit, ekziston edhe një nga zbulesat më të qarta për hapjen e zemrës së Zotit. Po, Zoti sigurisht nuk e lejon veten të mposhtet në bujari. Ai është mjeshtri që u jep paga të plota punëtorëve të orës së fundit, i cili nga dhembshuria fal një borxh astronomik, ai është tregtari që jep masa të mira, të shtypur, të mbushur dhe të tejmbushur (Lk 6, 38). Ai gjithashtu i ngjan një bankieri vërtet të veçantë, i cili garanton një interes njëqind për një në një periudhë afatshkurtër dhe në një periudhë afatgjatë një qëndrim të pafund në Parajsë. Përgjigja e Pietrit, e dëshmuar me jetë, ka qenë: "Ok, unë e pranoj këtë: me këto kushte unë fitoj!". Çfarë bëjmë ne? A nuk është më mirë të pranojmë edhe ne e të përfitojmë nga një Zot i tillë?

VAZHDO MEDITIMIN (Ps 144)

Zoti është vetë butësia e mëshira,
i ngadalshëm në zemërim dhe plot dashuri.
Zoti është I mire për të gjithë,
I dhimbshëm për të gjitha krijesat e veta.

[ninoenina]

25-5-2021/JAVA 4 Ord/Ungjilli: Mk. 10, 28–31.

LUTJA (Ps 49)

“Dëgjo, populli im, dua të flas, o Izrael, dëshmoj kundër teje: unë Hyji jam Hyji yt!
Nuk të qortoj për flitë e tua, flitë e shkrumbimit të tuat i kam gjithherë para sysh!
Kushtoji Hyjit fli falenderimi dhe zbatoja Hyjit kushtet e tua, e më thirr në ditën e travajit: unë do të të shpëtoj e ti më jep lavdinë”!
Më nderon ai që më kushton flinë e lavdit, do t’ia tregoj shpëtimin e Hyjit atij që ecën udhës së drejtë.


LEXIMI I UNGJILLIT: Mk. 10, 28–31.

28 Atëherë Pjetri mori fjalën e i tha: “Ja, ne lamë çdo gjë e erdhëm pas teje.” 29 Jezusi iu përgjigj: “Për të vërtetë po ju them: s’mund të ketë asnjë njeri që la për shkak timin e për shkak të Ungjillit shtëpinë, ose vëllezërit, ose motrat, ose nënën, ose babain, ose fëmijët, ose arat 30 e të mos marrë tani në këtë botë, edhe pse me salvime ‑ njëqind herë aq shtëpi, vëllezër, motra, nëna, fëmijë e ara ‑ e në botën e ardhshme Jetën e pasosur. 31 Shumë nga ata që janë të parët do të jenë të sprasmët, ndërsa shumë të sprasmë do të jenë të parët.”



MEDITIMI:
Është e lejushme të njohim veten te Pjetri dhe në nevojën e tij për të ditur, gjë që tregon gjithashtu se si apostulli tashmë ka provuar vështirësinë për të ndjekur Zotin; shpërblimi, në fakt, pritet në fund të një lodhje. Nga ana tjetër, p
Është njerëzisht e ligjshmërgjigjja e Jezusit nuk lë hapësirë për keqkuptime të mundshme. Ata që e ndjekin atë nuk duhet të presin trajtim preferencial. Zoti është i qartë: ai që ta ndjek, do të ketë persekutime të cilat, kur jo të një natyre fizike, shpesh do të jenë tallje, izolimi, shumë pengesa tjera...
Sidoqoftë, në përgjigjen e Jezusit, ekziston edhe një nga zbulesat më të qarta për hapjen e zemrës së Zotit. Po, Zoti sigurisht nuk e lejon veten të mposhtet në bujari. Ai është mjeshtri që u jep paga të plota punëtorëve të orës së fundit, i cili nga dhembshuria fal një borxh astronomik, ai është tregtari që jep masa të mira, të shtypur, të mbushur dhe të tejmbushur (Lk 6, 38). Ai gjithashtu i ngjan një bankieri vërtet të veçantë, i cili garanton një interes njëqind për një në një periudhë afatshkurtër dhe në një periudhë afatgjatë një qëndrim të pafund në Parajsë. Përgjigja e Pietrit, e dëshmuar me jetë, ka qenë: "Ok, unë e pranoj këtë: me këto kushte unë fitoj!". Çfarë bëjmë ne? A nuk është më mirë të pranojmë edhe ne e të përfitojmë nga një Zot i tillë?



VAZHDO MEDITIMIN (Ps 144)

Zoti është vetë butësia e mëshira,
i ngadalshëm në zemërim dhe plot dashuri.
Zoti është I mire për të gjithë,
I dhimbshëm për të gjitha krijesat e veta.

[ninoenina]

26-5-2021/E MERKURË Ord 8/ UNGJILLI: Mk. 10, 32-45.

LUTJA (Ps 78)

9 Na ndihmo, o Hyj, Shëlbuesi ynë, për nder të Emrit tënd e na çliro: pashë nderin e Emrit tënd na i fal fajet!
11 Le të arrijë tek ti gjëma e të robëruarve, me fuqinë e krahut tënd shpëtoji të dënuarit me vdekje.
13 E ne, populli yt ‑ delet e kullotës sate, do të të lavdërojmë për amshim, do ta shpallim nga brezi në brez.

LEXIMI I UNGJILLIT: Mk. 10, 32-45

32 Ishin në udhëtim e po ngjiteshin në Jerusalem. Jezusi u printe. Nxënësit çuditeshin, por e ndiqnin edhe pse me frikë. Jezusi rishtas i mblodhi rreth vetes të Dymbëdhjetët e filloi t’u tregojë se çka do t’i ndodhë: 33 “Qe se po ngjitemi në Jerusalem e Biri i njeriut do t’u dorëzohet kryepriftërinjve e skribëve. Ata do ta dënojnë me vdekje e do ta lëshojnë në duar të paganëve. 34 Do ta vënë në lojë, do ta pështyjnë, do ta frushkullojnë e do ta vrasin. Por ai, pas tri ditësh, do të ngjallet.” 35 Atëherë Jakobi e Gjoni, bijtë e Zebedeut, iu afruan dhe i thanë: “Mësues, dëshirojmë të bësh për ne çka po të kërkojmë.” 36 “Çka dëshironi ‑ u tha Jezusi ‑ të bëj për ju?” 37 Ata i thanë: “Bëj që në lavdinë tënde të rrimë njëri në të djathtën e tjetri në të majtën tënde.” 38 Jezusi u përgjigj: “Nuk dini çka lypni. A jeni të zotët ta pini gotën që unë e pi? Ose të pagëzoheni me atë pagëzim me të cilin unë pagëzohem?” 39 “Jemi të zotët!” ‑ iu përgjigjën ata. Jezusi vijoi: “Vërtet do ta pini gotën që unë e pi dhe do të pagëzoheni me pagëzim me të cilin unë pagëzohem. 40 Por të vë ndokënd të më rrijë në të djathtën ose në të majtën time ‑ kjo nuk është në pushtetin tim ta jap ‑ kjo gjë u përket atyre për të cilët është bërë gati.” 41 Kur e morën vesh dhjetë të tjerët, u hidhëruan me Jakobin e në Gjonin. 42 Prandaj Jezusi i thirri përreth dhe u tha: “Ju e dini se ata që mbahen për sundues të popujve, i sundojnë me ashpërsi dhe qeveritarët e tyre ushtrojnë mbi ta pushtetin e tyre. 43 Kështu veç, nuk duhet të jetë ndër ju. Përkundrazi, kushdo prej jush që do të jetë më i madh, le të bëhet shërbëtori juaj, 44 dhe ai që prej jush do të jetë i pari, le të bëhet skllavi i të gjithëve, 45sepse Biri i njeriut nuk erdhi për të qenë shërbyer, por që ai të shërbejë e të japë jetën e vet si shpërblim për të gjithë.”



MEDITIMI

Ungjilli që lexohet sot, ndahet në dy pjesë, të lidhura, por të veçanta. Në të parën, Jezusi flet me qartësinë më të madhe në lidhje me ngjarjet e afërta, nga dorëzimi i tij në Malin e ulinjve e deri në fitoren përfundimtare mbi vdekjen. Dishepujt e kuptuan Jezusin, dhe mbetën "të tronditur" dhe të frikshme, por epilogu i triumfues të ngjarjes duhet të ketë ngjallur shumë interes te Jakobi dhe Gjoni që bëjnë kërkesën e tyre të njohur dhe ambicioze: “Mësues, dëshirojmë të bësh për ne çka po të kërkojmë...Bëj që në lavdinë tënde të rrimë njëri në të djathtën e tjetri në të majtën tënde.”
Bijtë e Zebedeut nuk na bëjnë vërtet një përshtypje të mirë. Kërkesa e tyre natyrshëm provokon reagimin e indinjuar të të pranishmëve.
Është gjithmonë e habitshme të kuptojmë kufizimet, nëse jo mjerimet e vërteta, të dishepujve. Por ajo që ka më shumë rëndësi për ne janë mësimet që Jezusi di të nxjerrë pikërisht nga kontrasti midis mësimeve të tij dhe mjerimëve e dishepujve. Sot Jezusi nuk e ngre zërin e tij, nuk i qorton dishepujt që donin vendin më të mirë! Në vend të kësaj, ai e shfrytëzon rastin për të bërë që të kuptohet nga të gjithë, që të sqarohet edhe një herë se stili i Mbretërisë është shërbimi dhe se madhështia e vërtetë qëndron pikërisht në shërbim. Dhe, përsëri, nënvizon se ata që duan të jenë pjesë e kësaj Mbretërie shumë të veçantë, duhet të bëhen shërbetorët e të gjithëve.



VAZHDO MEDITIMIN

Më jep hir, Jezusi im,
që të mos të doja nga frika,
por nga dashuria.
(San Filippo Neri)