Inis Neziri

**sirena_adria** · 29-08-2019, 10:31

Inis Neziri na bën krenarë, mposht 12 shtete dhe fiton trofeun e madh në Rusi

Inis Neziri na bëri krenarë! Ajo e nxori Shqipërinë fituese të festivalit “New Wave” në Rusi.
Talenti shqiptar arriti të mundte të gjithë konkurrentët duke zënë vendin e parë me 281 pikë, sipas rezultateve të publikuara nga faqja zyrtare e festivalit.

Për disa netë rresht, këngëtarja shqiptare u vlerësua me pikët maksimale nga Juria.
Kujtojmë se gjatë prezantimit të saj në festival, Inis bëri simbolin e shqiponjës para publikut rus, kur u shfaq edhe flamuri shqiptar.

Ky sukses nuk erdhi krejt papritur për Inisin, pasi ajo u dallua që në fëmijëri për zërin e saj, kur fitoi Konkursin Muzikor për fëmijë “GJENIU I VOGËL” në vitin 2013.

4 vite më vonë, Inisi debuton dhe vleresohet me ÇMIMIN E TRETE me këngën “PIEDESTAL” në Festivalin e Kenges të 56-të në RTSH, duke u renditur pas Eugent Bushpepes dhe Redon Makashit.

Një vit më vonë, një tjetër çmim në festivalin e “Këngës Magjike”, ku u paraqit me një duet me Flori Nazifin. Pas “Këngës Magjike” Inisi nisi të garonte në skenat jashtë kufijve.

Sukseset e Inisit nuk ndalen ! E dyta në Festivalin Ndërkombëtar ‘’Tra la la’’ në Maqedoni dhe në Rumani fitoi ÇMIMIN E MADH ‘’Dreri i Artë’’ në Festivalin Ndërkombëtar ‘’ Cerbul de Aur”.

Ajo mori trofeun dhe vlera e çmimit ishte 25 mijë euro, para që i investoi në edukimin e saj në muzikë.

Në Maj të këtij viti publikoi këngën e saj ‘’E theve’’ shkruar e muzikuar nga vete ajo .

https://hashtag.al/index.php/2019/08...-madh-ne-rusi/