Interviste me Genc Pollo

[Hek]

Me poshte po riprodhoj nje interviste te deputetit G.Pollo e cila m'u duk interesante. Intervisten po e postoj pa lejen e gazetarit apo te gazetes e as te te intervistuarit, pasi mendoj se ngjall diskutime, sidomos per rrolin e partive te ashtuquajtura te vogla. Pres reagimin e tifozeve te politikes ne forum.

Intervistë e kryetarit të PD(r)-së Genc Pollo, dhënë ekskluzivisht gazetës "Albania"

Pse jam kundër "reformistëve" me fjalë

Rëformimi i madh i politikës shqiptare do të ndodhë kur klasa politika ta largoje vëmendjen nga vetvetja dhe ta përqëndrojë dhe ta drejtojë atë drejt njerëzve që përfaqson e rethanave të tyre. Më duket se marrja me veteveten e politikës në Shqipëri është kthyer në një obsesion gati narcisist

"Duhet të shkëputemi me çdo çmim nga politika e vjetër", thotë kryetari i PD(r)-së Genc Pollo. Ai thotë se realiteti shqiptar ka ndryshuar, se klima politike nuk është më ajo e dikurshmja, por reformimi i politikës, reformimi i një shoqërie ëhstë një proces i gjatë i vështirë dhe që ka koston e tij. Reformimi nuk është thjeshtë një proces politik, por edhe një proces kulturor, ekonomik, arsimor, edukativ, moral, etik. Pra është një proces shumë i gjërë. Eshtë e vërtetë se shoqëria shqiptare po del dalëngadalë nga ndeshjet e ashpra politike, nga politikat konfliktuale që konfrontojnë palët dhe qytetarët dhe ky është një zhvillim shumë pozitiv. Por ende problemet janë të shumta: qeveria dhe mënyra e qeverisjes mbetet një problem themelor. Kështu nuk mund të shkohet drejt së ardhmes. Pa drita, pa ujë, pa rend të siguruar, pa poërspektivë të zhvillimit të biznesit të vogël dhe të mesëm, pa funksionim të ligjit dhye të institucioneve, çdo proces progresues është i penguar, është i bllokuar.
Pollo thotë se vetëm rruga e reformave na shpie drejt një të ardhmeje politike më cilësore. "Emri reformator, i cili rrjedh nga Lëvizja që iniciuam katër vjet më parë, është me pretendime të larta dhe jo i lehtë për t'u justifikuar", thotë Pollo. Nëse fillimisht, kjo lëvizje politike kishte të bënte me reformimin e një partie që kishte humbur busullën, sot kemi një tjetër situatë, pra kemi situatën kur krejt shoqëria shqiptare dhe klasa e saj politike i duhet nënshtruar një ptrocesi të thellë reformash. " Ne tani termin reformë e dëgjojmë në çdo fjalim, në çdo pronuncim televiziv, në çdo diskutim në parlament. Kjo mund të çojë në shpërdorimin e kësaj fjale. Pollo është kundër reformatorëve me fjalë. Reformatorët e vërtetë janë njerëz të veprimit, njerëz që marrin përsipër dhe e ndryshojnë një shoqëri, një kulturë, një politikë.


Z. Pollo, çfarë rezuktatësh pritet të merrni nga politika juaj e re nëpërmjet protestave paqësore me drejtim ekonomik, e cila sipas jush synon të jetë më afër njerëzve?

- Më duket se po avancon mirë, ndonëse do të doja të kishim ritme më të shpejta. Por për një gjë jam i sigurtë: se nuk ka asnjë mundësi tjetër që të shpie drejt një të ardhmeje politike më cilësore. Emri reformator, i cili rrjedh nga Lëvizja që iniciuam katër vjet më parë, është me pretendime të larta dhe jo i lehtë për t'u justifikuar. Por, nëse fillimisht kishte të bënte me reformimin e një partie që kishte humbur busullën, sot kemi një tjetër situatë. Si një forcë politike e afirmuar nuk kemi arsye e kohë të merremi me polemika e batuta brenda e ndërpartiake. Ne duhet të trajtojmë poblemet e sfidat që has shoqeria dhe kjo duhet bërë mirë, qartë e saktë. Kjo është sfida jonë. Rëformimi i madh i politikës shqiptare do të ndodhë kur klasa politika ta largoje vëmendjen nga vetvetja dhe ta përqëndrojë dhe ta drejtojë atë drejt njerëzve që përfaqson e rethanave të tyre. Më duket se marrja me veteveten e politikës në Shqipëri është kthyer në një obsesion gati narcisist. Për temat me rëndësi flitet fare pak dhe shpesh jo duke debatuar idenë por duke personalizuar debatin. Jo rrallë fluturojnë pastaj epitetet "kriminel" e "trafikant" apo "mishërim i së keqes" ndërkohë që mund të rastise që "akuzatorët e të "akuzuarit" t'i shohësh duke biseduar bashkë qetësisht me gote vere në dorë në një pritje apo me filxhan përpara në një kafene. Në një shoqëri me vlera normale kjo nuk mund të ndodhë. Por me që tek ne kjo ndodh, e ç'vleresuar mbetet fjala e cila për shkak të përdorimit inflacionar zbrazet nga kuptimi i saj. Të tilla gjëra e plot të tjera si këto mjaftojnë për të shpjeguar edhe ftohjen e publikut me politikën, një farë diskreditimi të saj që sjell mosinteresim e indiferentizëm. Pjesëmarrja e ulët në votime është vetëm një tregues.

Sipas jush është pikërisht politika ekstreme e dy lideravë të partive të mëdha Nano-Berisha e cila ka sjellë këtë situate që pohuat pak më lart?

Ju nuk doni të më ktheni në "motin e shkuar" të Këngës së sprasme të Balës dhe të më detyroni që të përsonalizoj edhe këtë intervistë. Do të doja t'i shmangesha sa të jetë e mundur këtij ajsbergu të rrezikshëm të jetës politike. Por është e qartë se përsëritja e filipikave periodike, të parapërgatitura, perfide e plot helm apo e shungullimave të rrëmujshme e konfuze është një pengesë për progresin e kulturës politike në vendin tonë.

Por cila eshte alternativa juaj ndaj kesaj që ju e quajtët " politike te vjeter"?

Mund të them që PD(r) ka vendosur disa precedentë në vijim të devizës që vendosi kongresi i saj i parë për orientimin drejt temave të rëndësishme: P.sh jemi e vetmja forcë politike që kemi zhvilluar një seminar për një temë të rëndësishme si bizneset e vogla e të mesme që sigurorojne mbi 90% të vendeve të punës dhe të të ardhurave tatimore. Duket e cuditshme por është pikërisht kështu. Të gjitha partitë e tjera përfshi edhe tonën, kanë mbajtur kongrese, mitingje koncerte e kokteje që mund të jenë me të vështira për t'u organizuar. Por një seminar për politikat tregon një ndryshim konceptual. Për ne ishte një pasurim pasi me këtë seminar dhe aktivitetet që pasuan ne kemi të qartë se cfarë duhet të bëjmë për këtë cështje në opozitë apo më mirë akoma në pushtet. Ose mitingjet e Durrësit për energjine elektrike që ndonëse ishin iniciatva qytetare u përkrahen fort nga PD(r). Njerëzit në Durrës u tubuan për një cështje që prek jetën dhe ekonominë e tyre dhe jo për të thirrur "Rroftë X" e "Poshtë Y". Prandaj ishte një ngjarje që la shenjë madje kontribuoi që disi të rehabilitohej institucioni demokratik, por disi i diskredituar i tubimit në qiell të hapur.

Nga ana tjetër edhe PD nxori biznesemenet në rrugë për të protestuar kundër taksave të bashkisë.

Rritja e taksave nga kryetari i bashkisë Tiranë e maxhoranca e majtë në këshillin bashkiak ishte krejt e pajustifikuar. Kudo në botë mund të rriten taksat. Por që të dyfishohen ato sic ndodhi në këtë rast duhet të kesh një luftë apo emergjencë kombëtare. Për zotin Rama ndoshta emergjenca janë zgjedhjet e vjeshtës dhe fondet i duhen për fushatë. Për fat të keq për shkak të datës së krijimit të partisë PD(r) nuk ka këshilltarë në Bashkin e Tiranës dhe nuk luajmë dot plotësisht rolin tonë. Por në kundërshtimin e këtyre taksave grabitqare mund të kishim fare mirë një kauze të përbashkët me PDSh. Sidoqoftë nuk m'u duk se demonstrimi i biznesmenëve i organizuar nga PDSh ishte shumë më i ndryshëm nga mitingjet e vjetra tek sheshi.

Meqënë se protestat tuaja prekin edhe krizën energjitike, cfar do të bënët PD(r) në rast se do të ishtë në pushtet për të zgjidhur këtë krizë?

Pyetje me vënd. Dhe vërtet nuk mund të premtojnë një zgjidhje magjike. Por të gjithë irritohemi kur shohim Ministrin e Energjitikës dhe stafin e tij që periodikisht aprovon strategji në një sallë të Pallatit të Kongreseve pa thënë se cfarë u zbatua nga strategjia e mëparshme dhe duke fshehur faktin që cdo material i ditës është njëfaresoj kopje e të mëparshmit. Sa për KESH konkretisht nuk mund të kontestojmë politikën për vjeljen e pagesave por dimë që për konsumatorin fatura aforfe është grabitje. Ose qe prerja e dritave me ore të tëra në zonat me pagueshmëri të lartë është papranueshme. E kuptojmë që cmimi duhet të përafrohet me koston por kjo me kujdesin e duhur dhe me disa operatore pra jo vetëm me KESH﷓in shtetëror. Ose përpjekjen për të shëndoshur bilancin fianciar duke pezulluar importin madje edhe duke eksportuar mund ta quajme fare mire: KESH fiton një Euro ekonomia kombetare humbet pesë. Lidhur me debatin për energjinë ka ide interesante edhe nga deputetë të maxhorancës që e njohin sektorin. P.sh një oerator shtetëror që të importoje gaz të lëngët dhe ta shesi me cmime më të ulëta se karteli aktual etj, etj.

Pas diskutimit të raportit të BE-së per Shqiperine në Kuvend, u arrit nje rezolute e perbashket edhe me votat tuaja. Cfarë do të thotë kjo për ju dhe sa e shikoni të mundshëm riaktivizimin e marveshjes Nano-Berisha?

Nuk i kam qejf teoritë e konspiracionit dhe nuk dua të kthehem me kengeve të Balës. Rezoluta konsensuale në Kuvend tregoi dëshirën e forcave politike, por ajo nuk duhet keqkuptuar si kartabjankë për Qeverinë, apo këdo tjetër që me mosveprime e dështime bëhet pengesë për Marreveshjen e Stabilizim Asociimit. Për më tepër që kjo rezolutë ishte vijim i një debati plenar të politizuar ( dhe vështirë të jetë ndryshe) dhe një kompromisi politik. Një trajtim i kapitujve të raportit të Komisionit Europian në komisione parlamentare do të kishte qënë më i frytshëm por ky sugjerim nuk u gjet me vënd nga grupet e tjera. Raporti i Komisionit Europian ishte një ndihmesë e madhe, jo vetëm për të kuptuar ku jemi, por edhe për të vendosur piketat e veprimit. P.sh. nëse raporti vëren se në pak raste kur gjykata ka shpall fajtor trafikantët, dënimi ka qënë afër minimumit ligjor, atëherë në po konsiderojme insiativa e legjislative për ngritjen e këtij minimumi ose ndarjen e një figure krimi në nënkategori ku secila do të ketë minimumin e maksimumin e saj sipas gravitetit. Ose nëse ankohemi se nuk ka masa displinore kundër gjykatësve abuzues nga Keshilli i Lartë i Drejtësisië duhet të kuptojmë se gjykatësi, i cili është anëtar KLD dhe në mbledhjen e këtij organi i duhet të ndëshkojë një koleg, me të cilin pi kafe e bashkëgjykon gjithë kohën tjetër, shumë më lehtë mund të ndikohet nga shpirti i repartit se sa nga sensi i drejtësisë. Pra të mos kërkojmë konfliktin e interesave vetëm tek nëpunësi i tenderave, kunati i të cilit ka një firmë ndërtimi, por të inciojmë pa vonesë një KLD me anëtarë full time dhe me status ts ngjashëm me anstarët e Gjykatës Kushtëtuese. Nëse ka vërejtje për punën e policisë duhet të kemi të qartë se ligji për organizimin e Policisë së Shtetit i miratuar edhe me votat e opozitës në fund të vitit 1999 po shkelet sistematikisht nga ministri që vendos për emërime që nuk i ka kompetencë, rezultatet e të cilave janë skandale si ai i Rinasit. Kjo mënyrë të vepruari nuk sjell qëndrueshmëri por vetëm pasiguri dhe ndjenjën e përkohshmërisë në korpusin e policisë me pasojat që dihen. Për më tepër shoh ministrin që në TV shpjegon detaje operacionale ndërkohë që kjo është punë e Drejtorit të Përgjithshëm të policisë apo një oficeri madhor tjetër. Kur shkova për herë të parë në Austri në vitin 1988 mësova nga gazetat se Drejtor i Pergjithshem i Policisë ishte një oficer i quajtur V. Sica në atë prej 12 vjetësh detyrë. Ky zotëri nuk lëvizi nga vendi deri sa doli në pension deri nga mesi i viteve 90. Një figurë e ngjashme ka qënë Vincenzo Parisi, shefi i policise italiane për dy dekada. Një vazhdueshmëri e tillë e oficerëve madhore i jep besim trupës policore. Ndoshta është pak heret të operojme në të tilla parametra por garanci më e madhe i duhet dhënë disa zyrtarëve bashkë me kërkesën e llogarisë. Mund të shihen procedurat e emerim-shkarkimit duke përfshirë edhe hallka me apolitike se qeveria.

Sa mendoni se vlen abrogimi i pjesshem i imunitetit parlamentar, i shërben ndarjes së krimit nga politika?

Mua do të më pëlqente të mendoja se erdhi dita kur organi i akuzës në mënyrë të faktuar kërkonte heqjen e imunitetit për deputetë të vecantë. Atëherë cdo parti (grup parlamentar) që i mbron ata do të deklaronte publikisht aleancën me krimin. Me sa më kujtohet pesë vitet e fundit heqja e imuniteti është refuzuar vetëm një herë: kur unë padita për shipfje kryeredaktorin e "Zërit i Popullit" që është dhe paralmentar. Shumica e majtë në Komisionin e Imuitetit e refuzoi kërkesën e gjyqësorit. Në të gjitha rastet e tjera dosjet nuk arritën dot deri në gjykatë. Pra edhe kjo ide nuk më duket një hap shumë efikas.

Meqënë se ju jeni një ndër politikanët në proces gjyqsor për shpifje pra keni paditur farudin Arapin, si e vlerësoni fushatën e fundit të hapjes së gjyqeve për shpifje dhe proceset kundër gazetarëve?

Cdo ofiqar duhet të edukohet me ndjenjën e etikës dhe të respektit të ligjit. Edhe padia ime kundër F.Arapit, e parë në planin e përgjithshëm, është një kontribut në këtë drejtim me instrumentat e shtetit ligjor. Cështja ndryshon kur personat publikë (përfshi politikanët, funksionarët) padisin gazetarët për shpifje. Këtu mund të kishte veprime të ndërmjetme si saktësimi, rektifikimi e përgënjeshtrimi redaksisë në gazetë ose apologjia publike nga media që ka cenuar indidvidin. Këto gjëra do të evitonin që cdo konflikt të derdhej në gjykatë. Këto gjëra ishin të rregulluara mirë me Ligjin për Shtypin i cili u anatemua në atë kohe pa llogjikë. Ky ligj mund të permiresohej p.sh. masa e ndëshikimeve financiare e penale të ulej por në tërësi ai vlente. Ky ligj u abrogua nga socialistët në furinë e tyre "clirimtarë" pas qershorit 1997. Një nga udhëheqësit e tyre deklaronte plot patos në Kuvend se na majfton fraza ligjore "shtypi eshte i lire" sic e kanë edhe amerikanët ( me sa kuptova i referohej në mënyrën e tij Amendamentit të parë te Kushtëtutës së SHBA﷓së). Ajo që nuk u bë ishte që të sillnin në Shqipëri edhe amerikanët megjithë kulturën demokratike dhe institucionet publike të tyre.

Luli Progni

[Brari]

POLLO thote shume gjera.

Megjithate ai nuk konkretizon asgje..

-Cilat jane gabimet e PD-se gjate viteve kur POLLO ish ne krye te saje??

-Cilat jane gafat e PD-se dhe a i kundershtoi Pollo tritani keto gafa ne ato vite ?

Cfare lufte ka bere Pollo athere qe berisha ja ka sabotuar?
Ka luftu Pollo varferine dhe berisha e pengonte?
Ka luftu Pollo fenomenin e rrembimit dhe dergimin ne semafore te vajzave dhe e ka pengu Berisha?
Ka luftu Pollo kunder Pislliki-zimit te Tiranes (ne vitet 92-96) dhe eshte penguar ne kte lufte?
Ne se Pollo di emra qe kan vjedh paret e Piramidave pse nuk i tregon ne publik?
Pse Pollo ne partine e tije ka ata qe iken nga Saliu jo se ishin te paster po se ishin Kompromentuar..dhe a i demaskoj ata?


Llafe vetem llafe ka Pollo me tritanin..