Filmi nga Kosova fiton Grand Prix ne Cannes

[AsgjëSikurDielli]

PRISHTINE (24 Prill) - Filmi kosovar "Exit" (Dalja) me regji të Lindita dhe Blerta Zeqirit nga Prishtina ka fituar çmimin "Grand prix" (Çmimin e madh) në Festivalin e metrazhit të shkurtër në qytetin Kan të Francës. Ky është një film i shkurtër artistik që flet për tre persona të mbyllur në një banesë gjatë luftës në Kosovë. Mungesa e ushqimit, mungesa e informatave nga jashtë, si dhe frika, bëjnë që këta tre persona të jenë shumë afër njeri-tjetrit. Mirëpo në të njejtën kohë nuk kanë qenë asnjëherë më larg me njëri-tjetrin. Skenarin dhe regjinë e kanë bërë vetë motrat Zeqiri. Ndërkaq, rolet kryesore i interpretojnë: Vedat Bajrami, Osman Azemi, Blerim Qeriqi, Alban Ukaj, Alush Gashi etj. dxh/dxh (RTK/BalkanWeb)

[AsgjëSikurDielli]

Filmi i kosovarëve “Exit” ngadhënjen në Festivalin e Filmit të Shkurtër të Caen

Çmimi i madh “Grand Prix” në duart e kosovarëve

MENTOR HALITI

PRISHTINË, 23 PRILL - Në edicionin e shtatë të Festivalit të filmit të shkurtër “5 jours tout court”, i cili mbaroi të dielën e fundit në qytetin Cannes të Francës, kosovarët, përkatësisht regjisorët e filmit “Exit” fituan çmimin e madh të jurisë. Blerta Zeqiri, nëpërmjet linjës telefonike deklaroi për “Kohën ditore” se filmi i saj tridhjetëminutësh me titullin “Exit” është fitues i çmimit kryesor të festivalit të Caen “Grand Prix”. Filmi shtjellon një ngjarje nga lufta e fundit në Kosovë ku tre persona fshehen në një apartament për të shpëtuar jetët e tyre. Mungesa e ushqimit dhe e informacioneve në lidhje me atë se çfarë po ndodhë jashtë e bën situatën edhe më të tendosur. Krijon nga këta tre persona një miqësi që kurrë më parë nuk e kanë pasur, por në të njëjtën kohë kjo situatë cajtnoti, i largon ata nga njëritjetri si asnjëherë më parë. Në mesin e tridhjetë filmave të shkurtër, shumica e të cilëve ishin të prodhimit vendës, përkatësisht francez, por edhe nga vendet e tjera si Zvicra, Belgjika, Kanadaja, Britania..., filmi kosovar “Exit”, sipas deklaratave të regjisores, ka marrë kritika jashtëzakonisht të mira, ndërsa është pranuar shumë mirë nga publiku. Juria që e shpërbleu filmin “Exit” më Çmimin e madh ishte në këtë përbërje: Philippe Nahon, aktor veteran francez, Sasha Andres, aktore dhe muzikante, Nathalie Richard, aktore, Frédy Busso, regjisor dhe skenarist, Olivier Lorelle skenarist dhe regjisor, Emmanuelle Hadjadj, muzikante dhe aktore, Romuald Lagoude student, Fredy Busson bashkëpunëtor i David Lynch-it, Tonie Marchall. “Ne me filmin ‘Exit’ e kemi marrë çmimin e parë ‘Grand Prix’. Konkurrenca ka qenë tepër e madhe dhe as qe kemi pritur një çmim të tillë”, deklaroi Blerta, nëpërmjet linjës telefonike nga Parisi duke folur edhe në emër të Lenditës si koregjisore. Filmi është prodhim i vitit 2002. Postproduksionin e tij e kanë bërë: Yll Çitaku, Pëllumb Ballata, Arian Rexhepi. Në film luajnë: Vedat Bajrami, Osman Azemi dhe Blerim Qeriqi. Skenarin dhe regjinë e kanë bërë Lendita Zeqiraj dhe Blerta Zeqiri, ndërsa asistent regjie i filmit është Bujar Kabashi. Lendita Zeqiraj, 31, e lindur në Prishtinë, Fakultetin e Arteve në Degën e piktures si dhe shkallën e tretë e mbaroi në Universitetin e Prishtines, në vitin 1997. Tani vijon studimet në Degën e filozofisë me temën “Estetika e filmit në Universitetin Paris 8”, ku dhe krijon. Blerta Zeqiri, 24, e lindur në Prishtinë. Në vitin 1997 filloi studimet në Fakultetin e Arteve në Prishtine, në Degën e Dramaturgjise, ku dhe mbaroi dy vite. Vijon studimet në Degën e kinematografise ne Universitetin e Paris 8”, ku dhe krijon.

[KosovaHawaii]

Te falenderohem AsgjeSikurDielli per kete lajm shume te mire si dhe motrat Zeqiri per punen e tyre te mrekullueshme. Ky eshte sukses shume i madh per te gjithe ne.

[StterollA]

C'na fale nje buzeqeshje ne fytyre me kete lajm o ASD.
Te shpresojme keto lajme te vijne ne seri ne te ardhmen

Hallall ... hallall u qofte