Del Ponte: Po vazhdon hetimi i krimeve në Kosovë

[mani]

Del Ponte: Po vazhdon hetimi i krimeve në Kosovë


Prokurorja e Tribunalit te Hagës, Karla Del Ponte ka deklaruar mbrëmë në Bruksel se hetimet e gjykatës ndërkombëtare për krime lufte nuk kanë përfunduar në Kosovë. Korrespondja e RTK-së nga Brukseli Gjeraqina Tuhina, ka njoftuar se pas takimit me zyrtarët evropian, Del Ponte ka theksuar se përpos arrestimeve të fundit që janë bërë në shkurt, po vazhdojnë hetimet për krimet tjera të bëra në Kosovë. “Tribunali I Hagës po

vazhdon me hetime. Ne po punojmë në mënyrë aktive në atë drejtim. Do të shohim së shpejti se cili do të jetë rezultati i këtyre angazhimeve”, ka thënë Del Ponte.

mani

[mani]

Hetuesit e Gjykatës Ndërkombëtare për krime luftë në Hagë, kanë marrë dje në pyetje në burgun e Dubravës, Sabit Gecin, një të burgosur të ish Ushtrisë Çlirimtare të Kosovës. Ndonëse zyrtarët e Kombeve të Bashkuara në Kosovë nuk bënë asnjë koment lidhur me këtë rast, avokati i Gecit tha se ai është marrë në pyetje në kuadër të procesit gjyqësor kundër ish komandantit të UÇK-së, Fatmir Limaj, i cili aktualisht ndodhet në Gjykatën e Hagës në pritje të fillimit të gjyqit. Sabit Geci, u dënua në vitin 2001 me pesë vjet heqje lirie nën akuzat për veprime kriminale pas përfundimit të konfliktit. Avokati i tij tha se hetuesit e Gjykatës së Hagës kanë kërkuar nga zoti Geci që të dëshmojë në gjyqin kundër zotit Limaj, por sipas tij ai e ka refuzuar një gjë të tillë. (RTK)


mani