Protestat në Bathore

[Brari]

Bathorja bastion i PS!


----------------------------------------------------------------

Altin Kreka

Gurët dhe zemërimin e bathorasve PS-ja kërkon t'i kthejë në vota. Duket absurde, por Nano po përdor fenomenin "Bathore" në favor të partisë së tij. Zgjedhjet lokale janë afër e socialistëve u duhet një slogan i ri. Anti-Berishizmi dhe shiritat e inagurimeve, nuk japin më vota. Ato vetëm sa "nervozojnë" banorët e rinj të periferive të qyteteve të mëdha, të cilët, për vite të tëra u lodhën duke gërthitur në mitingjet e Berishës. Ata tani duan legalizim të shtëpive të tyre. Duan mos jenë më ilegalë e të paligjshëm në atdheun e vet. Ky do jetë slogani i ri i socialistëve. Flamuri i tyre në fushatën elektorale për zgjedhjet e vjeshtës. Për këtë ata kanë punuar gjatë. Zonat periferike në kryeqytet janë burim për "ushtarë" në mitingjet e opozitës. PS-ja tani synon ta "godasë" PD-në me armët e veta. Hapi i parë u ndërmor. Qeveria ra dakord që të japë tokën ku është ndërtuar pa asnjë leje. E para është Bathorja. Pastaj me radhë, Lapraka, Paskuqani, Porto Romano, ish-Këneta në Durrës, Bradasheshi në Elbasan e Fusha e Aviacionit në Vlorë. Socialistët s'nda-len me kaq. Suksesi që mund të vijë nga legalizimi i shtëpive të banorëve rreth Tiranës, mund të jetë një kartë e fortë elektorale. PS-ja kërkon të mposhtë Berishën në bastionet e tij. Plaftorma e fushatës për legalizimin e ndërtimeve pa leje u paraqit dje në Kryesinë e PS-së si një lëvizje elektorale. Ata e quajtën dje atë SANATORIA në fushatën e tyre të re. Eshtë përdorur më parë nga italianët e më pas nga grekët, në kohën kur kërkohej të vihej rregull në qytetet e bastarduara nga ndërtimet pa leje. Platforma është përgatitur nga qeveria me kërkesën e vetë Nanos. Shkak për të u bë Bathorja. Revolta e banorëve të saj nuk u shtyp. Ata u lanë të fitonin, jo pa qëllim. Berisha nxitoi që të propozonte një ligj për legalizimin e shtëpive të të ardhurve. Ai duket se e kishte nuhatur se Nano do shfrytëzonte zemërimin e banorëve të Bathores. Propozimi i Berishës kishte edhe një qëllim elektoral. Pavarësisht se ai nuk e shprehu këtë gjë. Krejt e kundërta ndodhi me PS-në. Në prezantimin e platformës për fushatën e legalizimeve thuhet shprehimisht: "duke patur parasyh efektin politik dhe elektoral të legalizimit, që do të shmangte përfundimisht pasigurinë te mijëra qytetarë, të cilëve në disa fushata elektorale u është premtuar kjo gjë, por deri më sot nuk është realizuar". Ata i kanë të gjitha mundësitë që të bëjnë këtë fushatë. Kanë pushtetin ekzekutiv dhe janë në mazhorancë në parlament. Pak ditë më parë socialistët u shfaqën të vakët në ide. Në një konferencë partiake për pushtetin vendor, liderët e PS-së sollën vetëm anti-Berishizimin. Një kartë e vjetëruar kjo që s'jep më asnjë rezultat elektoral. Thirrjeve "duam rrugë, duam drita, duam legalizim" që vijnë nga periferitë e qyteteve nuk u shpërfillën nga PS-ja. Ato thirrje, të cilat në Bathore u kthyen edhe në gurë kundër policisë, i zgjuan politikës institiktin për të marrë votat. Këtë PS-ja kërkon ta bëjë me SANATORIAN, fushatën për legalizimin e banesave të të ardhurve.

------gsh------

gsh- ->gazeta shqiptare

[drini_në_TR]

Dibra: Legalizimi, sa më shpejt dhe në mënyrë ligjore

TIRANE- Sekretari Organizativ i PS, Agron Dibra deklaron se po ushtrohet trysni mbi qeverinë për zgjidhjen sa më shpejt dhe në mënyrë ligjore të këtij problemi, që sipas tij varet drejtëpërsëdrejti nga miratimi i ligjit të pronave. PSSH dhe kabineti qeveritar kanë nisur punën për zgjidhjen përfundimtare të këtij problemi në zonat si Bathorja, Lapraka, Paskuqani, ish-Këneta, Porto-Romano, Rrashbulli, Bradasheshi në Elbasan, Fusha e Aviacionit në Vlorë etj.

"Qeveria e maxhorancës socialiste ka marrë përsipër zgjidhjen e çështjes së këtyre banorëve të ardhur nga zonat e thella të vendit, qoftë verilindore, juglindore që të gjejë zgjidhjet ligjore. Fillimisht do të miratojmë në Parlamentin shqiptar ligjin për kthimin dhe kompesimin e pronave dhe pastaj do të dalin akte të tjera ligjore dhe nënligjore, që e rregullojnë gjithë këtë veprimtari. E them edhe një herë se do të jetë zgjidhje të qëndrueshme dhe përfundimtare", ka deklaruar dje për median Sekretari Organizativ i PSSH, Agron Dibra. Sekretari Organizativ i PSSH ka shprehur qëndrimin e partisë që përfaqëson për një zgjidhje të qëndrueshme dhe përfundimtare të problemit të legalizimit të banesave të banorëve të ardhur dhe vendosur në periferi të tiranës, Bathores, periferi të Durrësit etj. Dibra ka saktësuar se projektligji i qeverisë për pronat pritet që të miratohet në parlament me gjithë përmirësimet mundshme, gjë që do të krijojë kushtet për një zgjidhje të qëndrueshme të legalizimit të banesave në këto zona. /S.V

[Brari]

Drini La-praka, kur poston artikuj shkruaj dhe gazeten nga eshte marre.
Artikulli qe ke postuar ti eshte me duket nga ZP.
Ai gazetari SV i ZP-se (qe cdo dite shkruan artikuj me shpifje per Berishen) para ca ditve i quante Bathorasit si kafshe veriore te Saliut e tash e ka kthyer pllaken e thote ""Qeveria e maxhorancës socialiste ka marrë përsipër zgjidhjen e çështjes së këtyre banorëve të ardhur nga zonat e thella të vendit, qoftë verilindore, juglindore që të gjejë zgjidhjet ligjore."""

Pra ata e dine mire se Bathorasit e Kenetasit e Durrsit vetem 20% jane veriore ..kusuri jane kushot e socialisto-policve terbacioto-tepelenas e devollas te Tiranes e Durresit.

As Ed Rama nuk ndihet kto dite si shpikes i termave "cecen" e "rumpall".


Ja c'thote Shekulli :


...........


“Bathorja” dhe sfida e intelektualëve
Nga Agim Baçi

Një protestë e paralajmëruar, për shumë arsye nuk është lënë që të shtrihet gjer në qendër të Tiranës. Shkaku i ndalimit duket se ka justifikuar mendimin e turmës për të goditur me ç’të mundë ata që, në emër të shtetit kërkonin të ruanin qetësinë dhe lëvizjen e lirë në një rrugë nacionale, pra në një rrugë që u takon të gjithëve dhe jo vetëm protestuesve. Afërmendsh, ajo që ndodhi disa ditë më parë mes policisë dhe qytetarëve në dalje të Tiranës, aty ku zyrtarisht nis Kamza, por që faktikisht, njihet si Bathorja, nuk dëshirohet nga askush që të përsëritet. Por, thelbi i kësaj historie, nuk mund të anashkalohet, së paku nga ata që mendojnë se janë të zotët të japin apo bashkojnë opinionin në shërbim të asaj që duhet bërë më mirë.
Protesta sociale e Bathores duhet të kthehet sa më parë një apel ndaj të gjithë atyre që në këto vite e kanë thënë mendimin në vetmi, në momente të rastësishme, e që nuk kanë kërkuar kurrë ngritjen e një komuniteti që do të mbronte Mendimin. E kam fjalën për ata që kanë pasurinë e të qenurit elitar. (Në mungesë të zërit të akademikëve, apo shoqatave të ndryshme të intelektualëve, që marrin fonde për të ngritur këtë zë, është e nevojshme urgjentisht të rishikohet forma e thithjes së mendimit). Madje, një komunitet i tillë i Mendimit mund të detyronte shumë më parë qeverinë që jo vetëm të mos injoronte disa qytetarë shqiptarë që kërkojnë të kenë kushtet minimale për të jetuar në vendin e tyre, por edhe të gjente të gjitha mënyrat për të bindur cilëndo qeveri dhe cilëndo parti që mendon të vijë në pushtet se, të ardhurit duhet të kenë mundësi integrimi të barabarta me të gjithë qytetarët e tjerë.
Pra, protesta (dhe jo forma e zgjidhjes apo devijimet) duhet të jetë edhe një thirrje ndaj gjithë atyre që e mendojnë veten pjesëtarë të elitës, se vetëm një zë i bashkuar, larg mikorofonave partiakë, larg çmimit banal të sigurimit të jetesës për sot, do të jetë një zgjidhje e cila mund të parandalojë “bathorizimin” e të gjitha plagëve që duan vetëm një ngacmim për të dalë në sipërfaqe. Papunësia, mungesa e dritave, mungesa e qetësisë, devijimi i pronave, apo dhe çështje të tjera të cilat i konstatojmë çdo ditë, janë versione për përsëritjen e protestës së Bathores. (Dhe ditët e fundit faktet kanë treguar se, protestat janë gati në shpërthim me motivin e fitores së Bathores).
“Një shoqëri nuk është e sëmurë kur është e varfër ekonomikisht, por kur i është sëmurur mendimi”, thotë një proverb francez. Një proverb që duket se i shkon më shumë se çdo gjëje tjetër, realitetit shqiptar, sepse ne jemi sot në dilemën se, a është Mendimi ynë i shëndoshë për të zgjidhur të tilla situata. Dhe përgjigja e kësaj pyetje nuk mund të arrihet as me zëra të vetëm, e as me shkrime publicistike. Përgjigja e kësaj pyetje është e fshehur vetëm në formën se si duhet të organizohet ky Mendim për t’iu imponuar më pas të gjithë atyre që quhen të votuar, apo të zgjedhur nga zgjedhjet që na duhet t’i bëjmë për shkak të sistemit në të cilin jemi futur.
Shqipëria ka nevojë sot më shumë se kurrë të dëgjojë elitën e vet për rrugëzgjidhje. Përndryshe, për aq kohë sa elita mbetet e paorganizuar, Bathorja do të mbetet shumë më përpara se sa mendimi i tyre.



----------------- Shekulli -------

[drini_në_TR]

Brari e rëndësishme është çfarë do bëhet me Bathoren dhe lagjet si bathorja.

Ngjyrat Politike i vë poshtë rëndësisë së zhvillimit të Shqipërisë, ta bëj kush është i zoti, dhe Dretësia të sundoj në Shqipëri.

Se kush e ka shkruar artikull që solla unë s'ka rëndësi sepse ai shkrim është Gezetaresk dhe jo një Opinion i Shkruesit. Nëse faktet të duken opinione është gjë tjetër. Megjithatë duhet të mendojmë sesi ta zhvillojmë atë pjesë të Tiranës, por edhe të qyteteve të tjera të Shqipërisë, por edhe Kosovës Edhe Prishtina e ka një Bathore por është më e mirëorganizuar se ajo e Tiranës.

Shokë punë dhe vetëm punë na duhet

drini.