KF.ELBASANI: Per Tigrat Verdh E Blu!

[{A_N_G_E_L_69}]

Ju Ftoj Qe Ne Kete Teme Te Diskutojme GjithckA

Ndodh Per KF E L B A S A N I N

[Erlebnisse]

Forca Forca Elbasani. Perhere ajka eshte, sado qe ka edhe ndonjehere vite me lekundje .

[{A_N_G_E_L_69}]

LOL.Me rikthimin e Dorit rritet dhe morali ne ekip.Tashi ambicjet jan per me lart.Duam nje vend per ne kuapat e europes.Suksese Tigra.

[{A_N_G_E_L_69}]

Laze: Jam zhgënjyer nga disa lojtarë




Presidenti i Elbasanit, Arben Laze, konfirmon Alimehmetin deri në fund të sezonit
Presidenti i ekipit të Elbasanit, Arben Laze, pas gjashtë javëve kampionat, shprehet se ka mbetur shumë i pakënaqur nga shumë futbollistë. Dhe për këtë arsye, në merkaton e janarit, do të ketë shumë të larguar, sepse nuk e kanë justifikuar besimin. Ndërsa për sa i përket stafit drejtues, Laze thotë se këtë edicion stafi drejtues nuk do të zëvendësohet, por edicionin tjetër ekipin do ta drejtojë një trajner tjetër. Ja se çfarë thotë më shumë numri një i Elbasanit në intervistën e tij:
- Çfarë mund të ishte bërë më shumë në ndeshjen e fundit me Dinamon?
- Ndeshjen e humbëm për fajin tonë, sepse e patëm nën kontroll pas shënimit të golit të parë. Por në pjesën e dytë, ndryshe nga e para, ekipi pothuajse ishte inekzistent në fushë, si rrjedhojë, pësoi edhe humbjen. Por ajo histori përfundoi tashmë dhe duhet të shikojmë përpara, sepse na presin ndeshje më të rëndësishme. Ekipi ka zhvilluar një analizë për sa i përket ndeshjes së fundit.
- Çfarë u tha në këtë analizë?
- Unë nuk kam qenë i pranishëm, sepse ndodhem jashtë shtetit për shkak të impenjimit për disa çështje pune. Por kjo nuk do të thotë që nuk më intereson se çfarë ndodh me ekipin. Madje mund të them që me disa futbollistë nuk jam aspak i kënaqur me atë që kanë dhënë në fushë në këto gjashtë ndeshje, pasi prisnim akoma më shumë. Mbrojtja duhet të japë më shumë, edhe mesfusha, sepse kanë probleme.
- Që do të thotë?
- Kjo do të thotë që në merkaton e janarit një pjesë e madhe e tyre do të largohen nga ekipi, sepse nuk e kanë justifikuar besimin që kishim tek ata. Në vendin e tyre do të vijnë futbollistë të tjerë më cilësorë dhe për këtë po punojmë nga ky moment.
- Mund të deklaroni emra?
- Jo. Për momentin nuk mund të them asgjë. Kemi menduar që çdo gjë të bëhet publike në kohën e duhur, për të mos ndikuar në gjendjen e ekipit. Por përveç zhgënjimit që kam marrë nga disa futbollistë, ka edhe të tjerë që më kanë surprizuar me formën e tyre të mirë, siç është qendërmbrojtësi Sulejmanoviç.
- Po për sa i përket punës së trajnerit?
- Alimehmeti ka bërë një punë të mirë deri në këto momente. Deklaroj që do të vazhgojë të drejtojë ekipin deri në përfundim të këtij edicioni futbollistik. Ndërsa për edicionin tjetër po mendojmë një alternativë tjetër.
- Pra, do të thotë që nga ky moment keni gjetur trajnerin për edicionin tjetër?
- Mund të them që edicionin tjetër Elbasani do të ketë një trajner të ri. Qëllimi është që trajneri i ri që do të marrë një dorë frenat e ekipit ta njohë shumë mirë. Prandaj puna ka filluar qysh tani. Për emrin e tij nuk mund të deklaroj asgjë.

- Përpara keni ndeshjen me ekipin e Besës…?
- Nuk ka justifikime, duhet të fitojmë, sepse nuk kemi rrugë tjetër. Pas humbjes me Dinamon, vetëm një fitore do të na qetësonte plotësisht. E kemi të vështirë, por besoj Bylykbashi do të na e lehtësojë punën me praninë e tij në fushë.
Alimehmeti analizon humbjen e fundit
“Analiza që zhvilluam ditën e sotme (të djeshme) kishte të bënte me gabimet që bëmë në ndeshjen me ekipin e Dinamos, nga ku duhet të kishim dalë me një pikë të paktën. Gjithsesi, ajo është një histori e mbyllur tani, nga e cila nuk duhet ta kthejmë kokën. Do të mundohemi të fitojmë me Besën, për të shlyer gabimet. Në vazhdim, duke përfituar nga pushimi kalendarik, do të punojmë më shumë për të rregulluam mangësitë që kemi, duke provuar edhe skema të reja,” - është shprehur dje trajneri i Elbasanit, Krenar Alimehmeti.

[{A_N_G_E_L_69}]

http://www.sportishqiptar.com.al/wp-...10/elbasan.jpg Kovaçi: Elbasani duhej të kishte më shumë pikë




Sekretari i klubit verdheblu, Artin Kovaçi, thotë se Bylykbashi do ta rritë ndjeshëm lojën
Sekretari i ekipit të Elbasanit, Artin Kovaçi, pas gjashtë ndeshjeve të para në kampionat, në një intervistë të tijën, shprehet se është i kënaqur nga paraqitja e ekipit verdheblu dhe konfirmon stafin drejtues pa asnjë dyshim. Sipas tij, Alimehmeti ka në përbërje një ekip me futbollistë cilësorë, i mbetet atij që të ndërtojnë skemat për të arritur te suksesi, pasi ka dorë të lirë në punë. Për më shumë, ja se çfarë thotë sekretari i klubit verdheblu:
- Kovaçi, në 6 ndeshje, nga 18 pikë të mundshme, keni arritur të grumbulloni 8 të tilla. A jeni i kënaqur?
- Në gjashtë ndeshjet e para që kemi zhvilluar kemi pasur një kalendar të vështirë, sepse jemi ndeshur me ekipe si Tirana, Skënderbeu, Laçi në transfertë, si dhe Dinamo. Përballë këtyre kundërshtarëve kemi zhvilluar lojëra të mira, edhe pse jo në të gjitha rastet kemi marrë maksimumin dhe kjo jo për fajin tonë. Por kemi bërë edhe gabime, si në rastin e barazimit me Kastriotin, për të cilin jemi vetë përgjegjës. Duhej të kishim grumbulluar më shumë pikë.
- Ka pasur progres në lojë?
- Nga njëra ndeshje në tjetrën kemi rritje të nivelit të lojës. Nga barazimi me Tiranën, në fitoren me Skënderbeun, ekipi ka pësuar ndryshime të dukshme në lojën e tij. Por puna jonë nuk përfundon këtu, pasi ka edhe shumë për të bërë, në mënyrë që të shmangen gabimet si në ndeshjen me Dinamon.
- Çfarë shkoi keq në atë ndeshje?
- Përballë Dinamos humbëm me dinjitet. Kundërshtari nuk është një ekip dosido, por kampionia aktuale dhe kryesuesja e kampionatit. Por në mënyrën se si rrodhi ndeshja, ku Elbasani kaloi i pari në avantazh, mendoj që duhej të kishim marrë të paktën një pikë, sepse e meritonim plotësisht. Dinamo, edhe pse e fitoi ndeshjen, nuk bëri diferencë në fushë, pasi edhe golat që shënoi ishin dy raste sporadike, që mund të ishin shmangur.
- Do të ketë lëvizje të pankinës, apo ndëshkime për futbollistë nëse nuk ecet sipas parashikimeve?
- Pohoj me garanci të plotë që nuk do të ndodhë një gjë e tillë, sepse vazhdojmë të besojmë tek idetë e trajnerit Alimehmeti. Aktualisht ai ka një grup cilësor futbollistësh dhe dorë të lirë në punën e tij. Ajo që presim të gjithë tani janë rezultatet pozitive. Këtë gjë ia kemi komunikuar edhe gjatë analizës, pasi nuk na lejohen më hapa falsë.
- Në ndeshjen me Besën në fushë do të jetë Bylykbashi. A mund të quhet tani i kompletuar Elbasani?
- Sigurisht që po, sepse Bylykbashi ka të gjitha cilësitë e një lideri. Ai është futbollisti që na duhet më shumë se kurrë në këto momente. Shpresojmë që përballë Besës prania e tijë në fushë të na e bëjë me të lehtë arritjen e objektivit, që është marrja e tri pikëve pa diskutim.

[{A_N_G_E_L_69}]

http://www.sportishqiptar.com.al/wp-.../10/ervin1.jpg Llani: Elbasani s’duhet të falë në shtëpi




Portieri Ervin Llani pohon se gabime si ato me Kastriotin brenda nuk duhen përsëritur më
Ekipi i Elbasanit vazhdon përgatitjet intensive për ndeshjen e radhës, që do të zhvillojë në shtëpi me ekipin e Besës, të vlefshme për javën e shtatë të kampionatit. Momentalisht, verdheblutë ndodhen në vendin e shtatë, me tetë pikë të grumbulluara. Sipas njërit prej futbollistëve që erdhi me shumë bujë këtë edicion, Ervin Llani, performanca e ekipit është shumë e mirë. Ajo që mund të ishte bërë më shumë, sipas portierit tiranas, është që ekipi të kishte marrë pikët e plota në ndeshjet që ka zhvilluar brenda në shtëpi. Për më shumë ja intervista që jep Ervin Llani:
Llani, ç’mund të thoni për ecurinë e ekipit të Elbasanit këtë edicion?
Mund të them që deri tani ka qenë një edicion i papritur, sepse kemi marrë pikë aty ku nuk e mendonim një gjë të tillë më përpara dhe kemi lënë pikë shumë të rëndësishme me ekipe që nuk na falet. Por futbolli prandaj është kaq i bukur, sepse ka rezultate surprizë.
A mund të na bëni një krahasim me edicionin e kaluar, kur ishit pjesë e ekipit të Laçit për sa i përket startit?
Edicionin e kaluar, kur isha pjesë e Laçit, nuk e nisëm aspak mirë garën. Por pasi kaluam disa javë, ekipi filoi të dalë në lojën e tij. Dhe ashtu sikur e panë të gjithë, ne arritëm në Kupat e Europës. Kjo nuk ishte aspak e lehtë, por falë punës, sakrificës dhe vullnetit, e arritëm qëllimin që kishim. Këtë gjë fare mirë mund ta arrijmë edhe në Elbasan këtë edicion, sepse nuk na mungon asgjë, përveç përkushtimit më të madh që duhet të kemi të gjithë. Nëse do të zhvillojmë një lojë të mirë, atëherë do të vijnë edhe rezultatet.
Në aspektin personal, a jeni i kënaqur me paraqitjen që keni bërë?
Asnjëherë një futbollist nuk është i kënaqur me veten e tij, sepse kërkon akoma më shumë. Por mendoj që kam bërë një paraqitje të mirë dhe i kam justifikuar duartrokitjet e spektatorëve dhe drejtuesve të ekipit. Puna ime nuk përfundon këtu, sepse kam menduar të lë gjurmë në Elbasan. Kështu që do të shihni paraqitje akoma më të mira në vazhdim.
Me çfarë note do ta vlerësonit repartin e mbrojtjes, sepse kohët e fundit është më i diskutuari?
Personalisht, do ta vlerësoja me një notë maksimale, sepse ka bërë një progres të dukshëm nga ndeshja e parë dhe deri tani. Kjo nuk do të thotë që nuk ka vend për përmirësime, por përgjithësisht jemi mirë. Tashmë i mbetet mesit të fushës dhe sulmit për të thënë fjalën e tyre.
Me ekipin e Besës ju pret një ndeshje e vështirë…?
E vlerësojmë me notat maksimale kundërshtarin, sepse ka futbollistë shumë cilësorë dhe një trajner ambicioz. Besa vjen në Elbasan për të marrë pikë, por mendoj që nuk do t’ia arrijë qëllimit, sepse nuk do ta lejojmë të ndodhë një gjë e tillë.

[{A_N_G_E_L_69}]

http://www.sportishqiptar.com.al/wp-...im-sejdini.jpg Laze: Me Besën, aty ku e lamë ndaj korçarëve




Presidenti i Elbasanit, Arben Laze, vë theksin që në “Ruzhdi Bizhuta” duhet vetëm fitore
Presidenti i ekipit të Elbasanit, Arben Laze, është shumë optimist para ndeshjes me ekipin e Besës, që do të zhvillojë Elbasani nesër në stadiumin “Ruzhdi Bizhuta”. Sipas Lazes, Elbasani i ka të gjitha mundësitë që të dalë trimfues përballë kavajasve, sepse luan përballë tifozerisë së tij. Në rast fitoreje, sipas burimeve pranë presidentit, do të ketë edhe një premio për futbollistët. Kjo është ndeshja e katërt për ekipin e Elbasanit në “Ruzhdi Bizhuta” për këtë edicion. Ja çfarë thotë vetë presidenti Laze më shumë për këtë ndeshje:
- Laze, si e konsideroni ndeshjen përballë ekipit të Besës?
- Kundërshtari ka një ekip të fortë, pavarësisht vendit që ndodhet momentalisht në renditje, sepse ky pozicion nuk e tregon forcën reale, pasi Besa ka shumë futbollistë që arrijnë të bëjnë diferencën në fushë. Prandaj nuk duhet të biem në grackën e pozicionit, duke e nënvlerësuar. Mendoj që të dy ekipet do të dhurojnë një futboll të bukur për të gjithë spektatorët.
- A mendoni që edhe përballë Besës do të vazhdoni serinë rezultateve pozitive në shtëpi?
- Ndeshja do të nisë aty ku përfundoi ajo me Skënderbeun. Jam i bindur që, nëse do të luajmë me shpirt në fushë, të njëjtën gjë që realizuam përballë ekipit të Skënderbeut, do të fitojmë pa diskutim. Asgjë nuk është e pamundur për t’u realizuar, nëse kemi dëshirë. Me futbollistët kam biseduar gjatë gjithë javës dhe prej tyre kam marrë premtimin për një ndeshje të madhe.

- Do të ketë premio për këtë ndeshje?
- Dua të theksoj që gjatë ndeshjeve të këtij edicioni presidenca ka qenë gjithmonë pranë me stimujt. Sigurisht, edhe për ndeshjen me Besën do të ketë një premio në rast fitoreje. Për këtë ndeshje dua t’i bëj thirrje edhe tifozërisë sonë të mrekullueshme verdheblu, që të na mbështesë me praninë e saj në shkallët e stadiumit.
- Kanë qenë të mjaftueshme dy javë kohë për të zgjidhur problemet që janë shfaqur në ekip në ndeshjen e fundit?
- Koha në dispozicion ka qenë e mjaftueshme për të përmirësuar nivelin e lojës dhe korrigjuar gabimet e ndeshjes së fundit. Eshtë punuar me të gjitha repartet. Për këtë ndeshje, i vetmi problem që kemi është mungesa e dy mbrojtësve titullarë. Por kam shumë besim që dy futbollistët që do të zëvendësojnë të pezulluarit, do ta përmbushin misionin me sukses.
- Cili është objektivi i Elbasanit?
- Aktualisht jemi në mesin e tabelës së klasifikimit, duke u renditur ndër ekipet më të mira. Nga vendet e para na ndajnë vetëm pak pikë, që do të thotë se, nëse do t’i fitojmë të gjitha ndeshjet që kemi brenda dhe në transferta të mos dalim pa pikë, nuk do të ishte surprizë që mund ta përfundonin fazën e parë në një nga vendet e para. Në fillim të edicionit kam projektuar një ekip për zonën europiane, kështu që jam në pritje të rezultateve pozitive.
Skema, në varësi të Bylykbashit
Dje ekipi i Elbasanit, i drejtuar nga trajneri Alimehmeti, ka zhvilluar ndeshjen e kontrollit përpara ndeshjes me ekipin e Besës. Në dispozicion të Alihmemetit janë të gjithë futbollistët, me përjashtim të Ramazanit dhe Memetajt. Ndërsa pjesa tjetër janë të gatshëm për të qenë në fushë. Dilema e vetëm për stafin drejtues është nëse do të arrijë apo jo Dorian Bylykbashi të jetë në fushë, pasi prania ose mungesa e Dorit kushtëzon edhe skemat që do të aplikojë Alimehmeti kundër Besës.
Elbasani kujton 80-vjetorin e FSHF-së
Dje, në ambientet e hotel “Univers” në qytetin e Elbasanit është zhvilluar një aktivitet me rastin e 80-vjetorit të FSHF së. Të pranishëm në këtë aktivitet kanë qenë zv/sekretari i FSHF së, Besnik Çela. Ndërsa nga qyteti i Elbasanit kanë marrë pjesë kryetari i bashkisë së qytetit, Qazim Sejdini, presidenti i ekipit, Arben Laze, sekretari Artin Kovaçi, trajneri Krenar Alimehmeti bashkë me futbollistët e ekipit, si edhe shumë figura të shquara të këtij qyteti që kanë shkruar historinë në futboll.
“Elbasani është ndër antarët e parë të FSHF-së. Marrëdhëniet e mira me këtë institucion vazhdojnë edhe në ditët e sotme. Qyteti i Elbasanit ka nxjerrë shumë emra të njohur në futboll, që kanë lënë gjurmë jo vetëm në rrafshin kombëtar, por edhe në atë ndërkombëtar. Shpresoj që ta vazhdojmë këtë traditë edhe në vitet e ardhshme,” - ka thënë Sejdini. Në fund të fjalës së tij Sejdini u ka kërkuar të pranishmëve në sallë të mbajnë një minutë heshtje për të gjithë ata futbollistë që janë ndarë nga jeta. Më pas, të pranishmit i ka përshëndetur zv/sekretari i FSHF së, Çela.

[{A_N_G_E_L_69}]

http://www.sportishqiptar.com.al/wp-...dhe-jakupi.jpg Elbasani shpëton në minutat e fundit nga humbja



Ekipi i Besës ishte pranë fitores së parë të sezonit, por në fund Sadiku ia mohon këtë sukses
Nga Elbasani, Dylber BALLA
Elbasani - Besa 1-1
Shënues: Mihani 80′ (11-m), Sadiku 93′
“Radiografia”
7′- Dalipi jep i pari alarmin në zonën mike, duke goditur fuqishëm drejt portës, por pa rrezik për portierin Bakaj.
8′- Sulejmanoviç tenton të shënojë me një kros të rrezikshëm, por Bakaj neutralizon gjithçka.
13′- Dalipi është përsëri protagonist me një gjuajtje fluturimthi në portë, pas një pasimi të Idrizit nga e djathta.
14′- Ngjela përfiton për një moment nga gabimi i Sulejmanoviçit në mbrojtje dhe del i vetëm përvballë Llanit, por nuk arrin të godasë.
20′- Ristevski kroson rrezikshëm në zonë, që vë në vështirësi portierin Bakaj.
23′- Dhëmbi tenton me një goditje dënimi, por pa rezultat.
26′- Rraboshta në hyrje të zonën shmang dy mbrojtës kavajas, gjuan, por vetëm në duart e portierit.
37′- Idrizi lëshon një “silurë”, por Bakaj ndërhyn në kohë, duke e devijuar topin nga këndi.
61′- Lazarevski kroson në zonë, por Dos Santos me Haxhibuliçin nuk mbërrijnë në kohë për të goditur.
63′- Gjuan Dalipi, grushton Bakaj, kthehet topi përsëri, që i jep mundësinë Idrizit, që tenton, por jashtë.
64′- Hyshmeri dhuron momente të bukura nga e majta pas një kalimi të Ferizoviçit, më pas pa u menduar dy herë, gjuan në portë, por Bakaj bën mrekullinë, duke e devijuar në këndore.
70′- Dos Santos futet në zonë, i vetëm me Llanin, nuk shënon.
76′- Sadiku për Bakiun, në një kombinim në zonë, që nuk e lejon mbrojtja mike të vazhdojë më tej.
80′- Dos Santos shmang dy mbrojtës kundërshtarë dhe vrapon drejt portës së mbrojtur nga Llani. Ky i fundit ndërhyn, duke e ndalur në mënyrë të parregullt dhe 11 metërsh për ekipin e Besës. Mihani ekzekuton në mënyrë perfekte dhe 0 1 për Besën.
84′- Dos Santos rrëmben një top në mbrojtje, avancon drejt sulmit, tenton në një gjuajtje, që është krejtësisht për t’u harruar.
93′- Idrizi nga këndi harkon në zonë, gjuan Dalipi, topi largohet nga mbrojtja mike në mënyrë të gabuar, duke ia dhuruar Sadikut, që nuk heziton dhe shënon. Elbasani barazon në 1 1.
Komenti
Ekipi i Elbasanit për pak është ndëshkuar. Ka qenë një gol në sekondat e fundit të ndeshjes që ka shpëtuar verdheblutë nga ndëshkimi nga Besa. Të dy ekipet në këtë ndeshje vinin pas humbjeve, respektivisht me Dinamon dhe Vllazinë, dhe kërkonin fitoren si alternativën e vetme. Por në fund, me një lojë që nuk u ngrit asnjëherë në nivelin mesatar, nuk shkuan më shumë se një barazim. Besa kaloi e para në avantazh me anë të një penalltie të shndërruar në gol nga Mihani, ndërsa Elbasani, pas një këmbënguljeje të madhe, arriti që në minutën e tretë shtesë të barazonte rezultatin me anë të sulmuesit të saj kryesor, Sadikut, me një gjuajtje spektakolare në zonë.
Barazimi në fund nuk ka kënaqur asnjë nga të dy ekipet, duke e ndërlikuar situatën. Ndeshja është luajtur gjatë gjithë kohës nën reshjet e dendura të shiut, që e kanë vështirësuar shumë terrenin, duke i penguar ekipet për të dalë në lojën e tyre karakteristike. Elbasani luante përballë tifozerisë së tij dhe e kërkoi golin që në minutat e para me anë të mesfushorit të talentuar Endri Dalipi. Brenda një harku kohor të tri minutave elbasanasi tentoi dy herë portën mike, por portieri Bakaj nuk lejon prekjen e rrjetës. Besa mundohet të kundërpërgjigjet, duke rrezikuar me goditjet e lira, por pa rezultat. Kavajasit mbulojnë mjaft mirë me fanatizëm mezin e fushës, duke e bërë të vështirë depërtimin e futbollistëve të ekipit të Elbasanit.
Nga ana tjetër, vendasit janë në lartësinë e duhur në mbrojtje me Sulejmanoviçin, që është një lider në zonë, duke neutralizuar shumë herë sulmet e kundërshtarëve. Sulmuesi korçar Ngjela përfiton nga një gabim i Radoviçit dhe del i vetëm me Llanin, por këtë rast të artë nuk e shfrytëzon maksimalisht, pasi vonon gjuajtjen. Në minutat në vazhdim loja zhvillohet në mesfushë me dyluftime të ashpra nga futbollistët e të dy ekipeve, por 45 minutat e para mbarojnë në barazim pa gola. Pas pushimit, ekipi i Elbasanit del më i karikuar, duke kërkuar menjëherë golin e avantazhit dhe strategjia ishte e qartë, duke sulmuar nga krahët me Idrizin dhe Hyshmerin.
Nuk vonojnë dhe rastet e pastra për të shënuar me autorë Rraboshtën dhe Sadikun, që nuk finalizojnë saktësisht. Të dy trajnerët në mezin e pjesës së dytë mendojnë të freskojnë ekipet, duke bërë disa zëvendësime. Daiu largon Osmanin për sulmuesin Dos Santos, ndërsa Alimehmeti largon Hyshmerin për Gavën dhe Rraboshtën për Bakiun. Nuk vonon shumë dhe rezultatet e ndryshimeve fillojnë të ndihen. Dos Santos shpërthen bukur disa herë nga e majta, duke rrezikuar portën e mbrojtur nga Llani. Atëherë kur elbasanasit kujtonin se e kishin nën kontroll të plotë sulmuesin me ngjyrë të Besës, ai shkëputet mjaft bukur, duke dalë i vetëm përballë Llanit.
Ky i fundit ndërhyn për të larguar topin, por sipas gjyqtarit Peza, ka shkaktuar 11 metërsh, që shoqërohet edhe më një karton të verdhë për portierin. Ekzekutimin e 11 metërshit e merr përsipër Mihani, që lehtësisht përballë Llanit e dërgon topin në rrjetë. Pas golit të pësuar, Elbasani hidhet i gjithë në sulm për të barazuar rezultatin dhe e arrin. Sadiku gjuan në mënyrë spektakolare në minutat e fundit, duke e dërguar sferën në rrjetë.
Deklarojnë…
Krenar Alimehmeti, trajner i Elbasanit: “Për mënyrën se si rrodhi loja, mendoj që duhet të jemi të kënaqur me pikën që arritëm të merrnim. Luajtëm më mirë se kundërshtari, krijuam epërsi, rrezikuam, sidomos në pjesën e dytë. Në një terren shumë të rënduar, pas pësimit të golit, krijuam shumë hapësira në prapavijë, që mund të ishim goditur. Megjithatë, ekipi këmbënguli dhe e meritoi barazimin. Kuptohet, donim tri pikët, por ky është futbolli.”

Përparim Daiu, trajner i Besës: “Ishte një ndeshje shumë e vështirë për shkak të pozicionit që kemi në renditje. Jam i kënaqur nga lojës që zhvilloi ekipi, sepse gjithçka rezultoi ashtu sikur e kishim planifikuar për të ndëshkuar Elbasanin nga hapësirat. Kishim mundësi të dyfishonim, por kur nuk ke pikë, nuk ke edhe fat. Golin e pësuan nga një gabim që patëm në atë moment në rreshtim. E rëndësishme është që ekipi ka filluar të ndryshojë në mënyrën e interpretimit të lojës. Kam shumë rezerva për gjykimin e anësorit.”

Të veçanta
- Në tribunën VIP për këtë ndeshje ishin të pranishëm presidenti Laze bashkë me Bizhdilin, drejtues të pushtetit vendor të Elbasanit. Trajneri i ekipit të Flamurtarit, Gugash Magani, bashkë me Gogunjën, Julian Ahmatajn, Skerdi Bejzaden, si edhe shumë figura të shquara të futbollit elbsanas ndër vite ishin aty.
- Numri i tifozëve në këtë ndeshje, edhe pse u zhvillua nën reshjet e shiut, ishte i konsiderueshëm.
- Elbasani vazhdon të mbetet i pathyeshëm në “Ruzhdi Bizhuta”, por këtë herë la dy pikë, ashtu si me Kastriotin.

[{A_N_G_E_L_69}]

http://www.sportishqiptar.com.al/wp-.../07/llani2.gif Llani: Një fitore në derbi na çliron



Portieri i Elbasanit, Ervin Llani, kërkon edhe ndihmën e tifozërisë ndaj Shkumbinit
“Nuk po kalojmë momente shumë të mira pas rezultateve që kemi marrë javët e fundit. Humbjen me ekipin e Teutës nuk e meritonim, sepse zhvilluam një lojë shumë të mirë në pjesën e parë. Nëse do të kishim shënuar me rastet e shumta që krijuam, tani do të flisnim ndryshe. Pas pësimit të dy golave të menjëhershëm, humbëm edhe qetësinë, por në pjesën e dytë guxuam sërish, por fati nuk deshi që të barazonim.
Nuk e di çfarë të themë më shumë, por një gjë është e sigurt, që më keq nuk ka ku të shkojë, kështu që shpresoj që në ndeshjen e ardhshme të bëjmë kthesën e madhe,” - shprehet portieri tiranas Ervin Llani për gjendjen që po kalon aktualisht ekipi elbasanas pas rezultateve jo të mira që ka marrë javët e fundit. Humbja me Teutën nuk ishte parashikuar nga Elbasani, që shkonte në Durrës për të bërë surprizën.
Në vazhdim kalendari rezervon një tjetër ndeshje shumë të vështirë për elbasanasit, që do të presin në shtëpi ekipin e Shkumbinit të Peqinit, në derbin e parë të prefekturës për këtë edicion futbollistik. Kjo ndeshje derbi e gjen Elbasanin në një moment jo të mirë, pasi renditet në vendin e parafundit, me gjashtë pikë të grumbulluara.
Nga vendi i fundit, që momentalisht e mban ekipi i Bylisit, e ndajnë vetëm dy pikë. Gjendja psikologjike që po kalojnë futbollistët nuk është e mirë pas heqjes edhe të tri pikëve nga FIFA, për shkak të çështjes “Periç”. Ndërsa ekipi i Shkumbinit vjen me moralin lart pas rezultateve pozitive. Në ndeshjen e fundit përballë ekipit të Vllaznisë peqinasit sigluan një fitore shumë të rëndësishme në shtëpi.
Por kur bëhet fjalë për një ndeshje derbi, statistikat dhe komentet nuk nuk vlejnë shumë, sepse asgjë nuk mund të parashikohet saktësisht. Për Llanin, kjo është një ndeshje “për jetë a vdekje”, sepse duke pasur parasysh pozicionin ku ndodhet ekipi në klasifikim, pikët janë më të nevojshme se kurrë. “Do të bëjmë gjithçka për ta fituar ndeshjen përballë Shkumbinit, sepse pikët janë jetike.
Nuk ka justifikime nëse nuk fitojmë, prandaj duhet të punojmë shumë gjatë gjithë javës, me një qëllim të vetëm, fitoren me çdo kusht, si alternativën e vetme. Për këtë ndeshje kërkojmë edhe mbështetjen e tifozërisë, pasi kemi nevojë më shumë se kurrë për ata për të dalë nga kjo gjendje,” - përfundon portieri i Elbasanit, Ervin Llani.

[{A_N_G_E_L_69}]

“Lala i Madh” ka pritur “Lalën e Vogël”, në të ashtuquajturin derbi i Prefekturës së Elbasanit. Ka ndodhur që “i vogli” ta mundë “të madhin”, sepse futbolli është i tillë, nuk luhet aq me emër, se sa me investime dhe përkushtimin e futbollistëve të duhur në klubin e duhur. Shkumbini ka mundur të dalë me 3 pikë të arta nga transferta e “Ruzhdi Bizhutës”, ndaj verdhebluve vendës, në ndeshjen e së dielës, që ka startuar në orën 13.00. Ndëshkimi i Elbasanit, që tashmë është pushtuar nga një krizë e shumëanshme, pasi iu heqën edhe 3 pikë në renditje, nga gjyqi i fituar në FIFA prej kroatit Darko Peric, lojtar verdheblu para dy sezonesh, i papaguar sipas kushteve kontraktuale, ka ardhur “in extremis”, pikërisht në minutën e 89-të, ku Gërbovic ka vulosur fitoren 2-1 të Shkumbinit. Peqinasit e kanë nisur mjaft mirë këtë derbi, teksa kanë kaluar në epërsi që në minutën e 12-të të lojës, me anë të beratasit të tyre Emiljano Veliaj. Një goditje e fortë e Veliajt, specialitet i spikatur i tij, ka përfunduar në rrjetën e portierit verdheblu, Llani, i cili mban gjithashtu përgjegjësi për këtë gol, falë reagimit të munguar, ose të vonuar. Vetëm një minutë më pas, janë sërish peqinasit, që mund ta kishin fundosur në pak kohë Elbasanin, teksa sulmuesi bardhekaltër, Mustafaraj, i vetëm më portën e boshatusur të vendasve, ka gabuar fatalisht. Duke mos arritur ta dyfishojë dot epërsinë e të tijve. Me kalimin e minutave, verdheblutë mundohen të reagojnë, të marrin në dorë lojën, por nuk kanë qartësinë e duhur. Manovra e tyre sulmuese është një “organizim i c’organizuar”, pa ide dhe mendim të qartë taktik. Kësisoji, Shkumbini, me prapavijën e vet, s’e ka të vështirë ta mbajë larg portës së Kotorrit kundërshtarin. Kjo ka ndodhur deri në minutën e 36-të, kur një kundërsulm pa pretendime i vendësve ka ndeshur në një ndërhyrje të gabuar të mbrojtësve peqinas, cka e ka detyruar gjyqtarin Ervis Peza të akordojë penallti për Elbasanin. Që merret përsipër të ekzekutohet nga Endri Dalipi, i cili tregohet i suksesshëm përballë portierit mik, Kotorri. Kështu, në minutën e 36-të vjen edhe barazimi i rezultatit, i cili nuk ndryshon deri në përfudnimin e pjesës së parë të ndeshjes. Madje vijon t’i shoqërojë përpjekjet e sforcuara të të dyja skuadrave për ta fituar ndeshjen edhe në pjesën e dytë. Deri një minutë para mbylljes së kohës së rregullt të ndeshjes, kur boshnjaku Gërbovic, i futur në lojë në pjesën e dytë nga trajneri Agim Canaj, ka dërguar “në qiellin e shtatë” Shkumbinin, ndërsa ka fundosur në “ferr” verdheblutë. Ashtu si në ndeshjen paraardhëse, ndaj Vllaznisë, edhe këtë herë, Gërbovic ka rezultuar “njeriu i artë” i skuadrës peqinase, sepse në limitin e të dyja ndeshjeve në fjalë ka siguruar dy 3-pikësha të cmuar për Shkumbinin. Të cilin e mban në pozita kryesuese dhe me pretendime mjaft serioze në këtë kampionat. Fitorja në një transfertë, si ajo e Elbasanit, e dëshmon më së miri këtë gjë. Nga ana tjetër, Elbasani nuk i largohet dot fundit të klasifikimit, duke shtuar më tej konfuzionin e vet të shumëanshëm.