Drejtësia zbardh vrasjet e grupit kriminal të drejtuar nga Laert Haxhiu

[Akuamarini]

“E rriti me sakrifica”, fqinjët flasin për Floreshën që e vrau nipi



Report TV
Publicerades den 28 sep. 2018
DURRËS-Policia ka zbardhur vdekjen e të moshuarës mesditën e djeshme në qytetin bregdetar. Sipas bluve të Durrësit, Floresha Shkurti 81-vjeçe humbi jetën, pasi është qëlluar me thikë në kokë nga nipi pas sherrit që kishin pasur.

‘Redmon Gruda, 21 vjeç, banues në Durrës dyshohet se mesditën e datës 27.09.2018, por motive të dobëta ka goditur disa herë me thikë në kokë gjyshen e tij, e cila si pasojë e plagëve të marra ka gjetur vdekjen e menjëhershme’ deklaron policia.Sipas burimeve të Report Tv, Gruda ishte përdorues hashashi dhe dyshohet se e ka vrarë gjyshen e tij pas debatit se nuk i jepte lekë. Ai fillimisht dje u shoqërua pasi raportoi ngjarjen, ndërsa më pas grupi hetimor ka gjetur prova bazuar edhe mbi autopsinë duke e arrestuar të riun, pasi e moshuara kishte shenja dhune dhe gjak. Ngjarja ndodhi dje në lagjen Nr.16, ndërsa e moshuara jetonte me nipin dhe nusen, pasi djali i kishte vdekur disa vite më parë. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale" Vrasja për shkak të marrëdhënieve familjare", parashikuar nga neni 79/c të Kodit Penal.

[Akuamarini]

Report Tv-Vrasja për 250 mijë euro, arrestohet në Lezhë Gentian Elezi
Report TV
Publicerades den 30 sep. 2018
Policia e Lezhës ka arrestuar Gentian Elezit, i cili ishte pjesë e grupit ku ndodhi përplasje me armë në 2015 në Mamurras dhe mbeti i vrarë Naim Tafa. Sherri me armë erdhi për shkak të një borxhi prej 250 mijë euro mes grupeve, për prositutcionin në itali. Ne lezhë gjdenen edh 4 mina me telekomandë.

Gentian Elezi i shpallur në kërkim për përplasjen me armë në Mamurras në 2015-në, është arrestuar nga policia. Elezi bashkë me shokun e tij Naim Tafën i kërkuan Enrik Mamlit 250 mijë euro, borxh që duhet tja paguante për shkak të biznesit të prostitucionit në Itali, ku Naim Tafa dhe Enrik Mamli ishin ortak.

Enrik Mamli kishte refuzuar tja jepte këtë shumë Naim Tafës dhe nga një përplasje me armë “Far-Uest” në Mamurras mbeti i vrarë Naim Tafa dhe u plagosën 4 persona të tjerë.

Tafa kishte rënë në burg në Itali dhe I kërkoi Enrik Mamlit shumën që I kkishte detyrim gjatë kohës që ai ishte në burg dhe menaxhonte grupin e prostitutave. Gentjan Elezi ishte në grupin e Naim Tafës dhe ndodhej në kërkim nga policia me akuzën e vrasjes së mbetur në tentative.

Nga kontrollet rutinë të Policisë, Elezi është arrestuar në Lezhë.

Ndërkohë po në Lezhë, Policia ka vënë në pranga Endrit Vejsiun, të cilit iu gjetën brenda gomës rezervë të makinës, 4 mina me telekomandë.

Minat i shin të paketuara me nga dy cilindra materiali të ngurtë të mbështjellë me natriban dhe dyshohet se do shiteshin kundrejt një shumë 1500-2500 euro.

Gjithashtu Policia e lezhës ka arrestuar edhe Gentjan Tafa, të cilit iu gjet një pistoletë dhe Eris Gjoni, që iu gjendën shkopa gome të policisë dhe veshje të uniformave blu.

[Akuamarini]

Vrasja në Dibër/ Dy vëllezërit goditën me thikë të riun, njëri në pranga, tjetri në kërkim



Report TV
Publicerades den 1 okt. 2018
Policia e Shtetit ka arrestuar 3 persona, të përfshirë në vrasjen e të riut 36-vjeçar në Arras të Dibrës. Policia njofton se janë arrestuar babë e bir, pronar të lokalit ku ndodhi ngjarja pasi akuzohen për moskallëzim krimi, si edhe njëri nga autorët e ngjarjes. Autori kryesor i ngjarjes, Aleksandër Balla, është shpallur në kërkim, ndërsa i vëllai, Vangjel Balla, 20 vjeç është arrestuar. Të dy vëllezërit kanë vrarë me thikë 36-vjeçarin I.Z brenda lokalit në Arras.

Janë arrestuar edhe Sami Lusha e Blerim Lusha, babë e bir, pasi vrasja ka ndodhur në lokalin e tyre. Burime për Report Tv, bëjnë me dije se 23-vjeçari Aleksandër Balla, autor i ngjarjes, është ende i lirë. I riu që humbi jetën rrugës për në spital, një 36-vjeçar i identifikuar si I.Z, dyshohet se u përlesh me autorët të cilët më pas e goditën me thikë. Nuk dihen ende të dhëna mbi identitetin e të riut të vrarë, apo shkaqet e konfliktit që i mori jetën.

[Akuamarini]

Vrasja në “Bllok”, Viktima mbrojti me trup Ervis Martinajn, Hasa në gjendje të rëndë
News24 Albania
Publicerades den 4 okt. 2018
Copyrighted by News24 Albania
Të tjera detaje zbulohen për ngjarjen e ndodhur mbrëmjen e sotme në ish Bllok, ku mbeti i vdekur një person dhe dy të tjerë u plagosën. Viktima u identifikua si Rigers Gaxha, 26 vjec ndërsa nje prej të plagosurve eshte Ervis Martinaj, një emër i njohur ky për policinë si dhe Leart Hasa.

BalkanWeb mëson se objektiv dyshohet se ka qënë 36-vjecari Ervis Martinaj me origjinë nga Burreli, i cili është një emër mjaft i njohur për Policinë. Së fundmi ai është dënuar me 1 vit e 4 muaj si i përfshirë në vrasjen e Enton Nikës dhe plagosjen e Ismet Gaxherrit në vitin 2015 në zonën e Linzës.

[Akuamarini]

Grabiti dy karburante sot në Vlorë, kishte 20 ditë që kishte dalë nga burgu, momentet kur arrestohet
Report TV
Publicerades den 5 okt. 2018
VLORË - Dy pika karburanti janë grabitur mëngjesin e sotëm në autostradën Vlorë-Fier nga një person i maskuar dhe i armatosur. Grabitja e parë ka ndodhur në orën 05:53 minuta në autostradën Vlorë-Fier pranë Novoselës. Grabitësi i maskuar dhe me një armë zjarri në dorë i është drejtuar pikës së karburantit në pronësi të F.S dhe ka marrë paratë që ndodheshin në arkë. Më pas ai ka grabitur edhe një pikë tjetër karburanti, duke marrë gjithashtu xhiron ditore. Autor i grabitjeve është identifikuar Mariglen Mustafaj, nga Berati, i cili është arrestuar disa orë më pas.

Report Tv mëson se se grabitësi kishte dalë nga burgu 20 ditë më parë. Ndërsa tashmë do t'i duhet t'i drejtohet sërish qelive për t'u përballur me akuzat e grabitjes nën kërcënimin e armës.

Njoftimi i policisë:

Vlorë

Informacion paraprak

Më datë 05.10.2018, në orën 05:53, në autostradën Vlorë-Fier pranë Novoselës, dyshohet se një person i maskuar dhe i armatosur ka shkuar në një karburant në pronësi të shtetasit F.S, dhe nën kërcënimim e armës së zjarrit ka marrë disa para dhe është larguar në drejtim të Novoselës.

Bëjmë me dije se nuk ka persona të lënduar. Shërbimet e policisë janë organizuar dhe ndarë në grupe të posaçme dhe janë shpërndarë në terren me qëllim krehjen e zonës dhe kapjen e autorit.
Në vijim do t'ju bëjmë me dije detaje të tjera.

[Akuamarini]

25 vjeçarja Xhisiela Maloku akuzon Partinë Demokratike se ka organizuar shpërthimin e tritolit në shtëpinë e saj në Larushk. “Vendosja e tritolit u bë nga Partia Demokratike sepse ajo doli bllofit, sepse të vërtetën e di vetëm unë” tha Xhisiela Maloku ndërsa dilte nga shtëpia e saj në Larushk.

Vetë vajza tha se ka një marrëdhënie shumë të mirë me Rrajat dhe se njeriu i parë që ka marrë në telefon është njëri prej tyre, Ramazan Rraja.
https://lapsi.al/2018/10/08/video-xh...a-demokratike/

[Akuamarini]

Ekskluzive/ Ja përgjimet, Breçani fundos ‘Babalen’: Fredi Alizoti më rrëfeu se biseda ishte e sajuar
Report TV
Published on Oct 9, 2018


Një nga dëshmitarët që dekonspiron skenarin “Babale” është edhe ish-drejtuesi i lartë i policisë në kohën e qeverisjes Berisha, Erzen Breçani. Shqiptarja.com zbardh ekskluzivisht përgjimet e bisedës telefonike mes ish-zv.drejtorit të policisë së Tiranës Erzen Breçani dhe kunatit të Babales, Fredi Alizoti si dhe konfirmimin që i ka bërë kësaj bisede në prokurori, vetë Erzen Breçani. Ky i fundit është telefonuar nga Fredi Alizoti duke i shpjeguar se ai përgjim ka qenë i sajuar dhe fals, por në mënyrë që ai të mos fliste duhet të bëhej pagesa e premtuar sipas tij nga Salianji.

Nga ana tjetër Breçani i ka pohuar se nuk bëhen këto punë, duke marrë në qafë njerëz kot dhe për të përfituar azilin jashtë shtetit. Biseda është përgjuar në 29 maj 2018 mes Breçanit dhe Alizotit, ku ky i fundit tregon se ka bërë zërin e Agron Xhafajt. Ndërkohë një ditë më vonë Alizoti është lidhur në telefon me drejtorin e Policisë Qarkut Fier, duke treguar të gjithë të vërtetën.

Pra nga ana e Alizotit ka pasur një vullnet të plotë për të treguar të vërtetën e kësaj historie, i zhgënjyer nga fakti që ‘Babale’ nuk i kishte paguar 100.000 euro të premtuara. “Shqiptarja.com” zbardh të plota përgjimet e kryera ndërkohë që mësohet se janë rreth 340 faqe përgjime të kryera nga Prokuroria e Krimeve të Rënda.

Në datën 29 maj 2018 në orën 21:00 Erzen Breçani, i telefonoi Fredi Alizoti, dhe realizojnë këtë bisedë për premtimin që duhet ta mbante dikush, që e kishte dhënë atë.
Erzen Breçani: Unë nuk kam ditë gjo fare, as u kam thënë hajdeni as hiç, por ai që ju ka premtue, ça u ka thënë, duhet tu rijë tek këmbët e me ja marr
Fredi Alizoti: Nuk kemi marrë asnjë gjë akoma, po do llafosemi, do pimë kafe dhe do të sqaroj unë
Erzen Breçani: Jo me se me premtuan diçka këtu, prit, eee e kupton ti
Fredi Alizoti: Cunat po e mbajnë nga brenda se thesin e kam unë, po ta hap unë thesin mbaron çdo gjë, e kupton vetë ti muhabetin
Erzen Breçani: Në qoftë se i ka hy për lek, ka bo gabimin më të madh, e mo, o shoku jem, po ça boni o burr.
Fredi Alizoti: Unë prapë po ri fisnik, ato që janë premtuar, nuk kam marrë asnjë gjë, edhe unë një llaf tani dhe përmbyset bota, kthehet nga e para e del çdo gjë fallco…e kupton. Janë fallco, janë fallco pot a them me shpirt
Erzen Breçani: Eni pra mos u bini në qafë njerëzve kur janë fallco, mos u bini në qafë njerëzve kot o vlla, për mundësinë e lidhjes së gjithçkaje të trilluar me synimin e marrjes së azilit. Atë ditë e takova rastësisht Babalen dhe i thashë…vetja i thashë, ke hi i mer në qafë robt kot. Me i bo letrat për azil, nuk e di se si i boni këto punë.
Fredi Alizoti: Është e vërtetë kjo ke vllai, është e vërtetë.

Ky komunikim dhe qëndrimi i Fredi Alizotit se gjithçka ishte sajesë është pranuar edhe nga Erzen Breçani gjatë marrjes në pyetje në Prokurori. Sipas dokumentit të prokurorisë, të siguruar nga Report TV, më datë 19 shtator 2018 i janë marrë deklarime shtetasit Erzen Breçani.

Ai ka pranuar se e njihte Albert Veliun nga koha kur kishte punuar në Policinë e Vlorës por nuk kishte afrimitet me të. Për herë të fundit e kishte takuar para 5-6 viteve, ku kishte kërkuar para borxh. I pyetur nëse e njihte shtetasin Fredi Alizoti, ai ka deklaruar që nuk e njihte këtë person, por mban mend të kishte komunikuar në telefon me një person që i ishte prezantuar si kunati i Babales. Lidhur me bisedën telefonike të zhvilluar me të ai i qëndron bisedës së transkriptuar.

Alizoti i kishte kërkuar që të ulej në kafe me të dhe ti tregonte sesi ishte historia dhe e vërteta. Sipas Breçanit, ai nuk ishte takuar me të por i kishte thënë që të mos i binin njerëzve në qafë kot për të përfituar azil dhe se nuk duhen përdorur këto mënyra.

[Akuamarini]

Krim i rende, ekzekutohet 48-vjeçari
RTV KLAN
Publicerades den 9 okt. 2018
Një 48-vjeçar është ekzekutuar me armë zjarri mbrëmjen e sotme në fshatin Shegas të Lushnjes. Viktima është identifikuar si Qemal Alla, thonë burimet për tvklan.al. Viktima ka qenë më parë kryeplak i fshatit Shegas.

Ai u qëllua me armë përpara derës së banesës së tij nga persona të panjohur. Në vendngjarje kanë shkuar forcat e policisë, të cilat kanë nisur hetimet për të identifikuar dhe arrestuar autorët e dyshuar.

Forca të shumta të policisë dhe FNSH kanë ngritur postblloqe për të kapur të vrasësin/it. Shkaqet dhe rrethanat e ngjarjes janë ende të paqarta.

[Akuamarini]

Kush eshte ish-kryeplaku i fshatit qe u ekzekutua ne porten e shtepise | ABC News Albania

ABC News Albania
Publicerades den 10 okt. 2018

Policia e Lushnjes ka shoqëruar 15 persona për ngjarjen e mbrëmjes së kaluar në fshatin Shegas, ku u vra një 48-vjeçar. Hetimi vijon, por ende nuk ka persona të ndaluar.

Autori e ka pritur te porta e shtëpise dhe sapo 48-vjeçari Qemal Halla zbriti nga makina ai e ekzekutoi me plumb në kokë.

15 persona shoqëroi policia për këtë ngjarje e cila ndodhi rreth mesnatës në Shegas të Lushnjes.

Dyshimet e para të hetuesve janë hedhur për konflikte të mundshme mbi pronësinë, por nuk janë përjashtuar problemet familjare.

Nga kqyrja që i është bërë viktimës, plumbi i pistoletës e ka prekur në pjesën e përparme të kokës nga një distancë e afërt.

Ende nuk është gjetur gëzhoja dhe në vendngjarje nuk ka gjurmë të ndonjë mjeti tjetër përveç fuoristradës së Hallës. Duket se autori ka qenë në këmbë dhe është larguar po në këmbë pas kryerjes së krimit.

Bashkëshortja e Qemall Hallës e ka dëgjuar të shtënën. Bashkë me të edhe fqinjët dolën për të parë çfarë kishte ndodhur.

Banorja 1: “Ka pasur portën e mbyllur. Do zbriste për të hapur portën për të hyrë në shtëpi. Aty e kanë pritur, i kanë bërë kusi. Krismë dëgjuam pastaj çfarë ishte nuk e dimë”.

“Sa herë dëgjuat krismë”?

Banori 2“Një herë, vetëm një herë ka qëlluar. Vetëm një tek fishek”.

Një orë përpara vrasjes, 48-vjeçari ai ishte në lokalin e të vëllait në fshat. Aty ai kishte kaluar një mbremje të qetë pa konflikt me ndonjë person.

Ai banonte vetëm me gruan pasi djali i vetëm ishte emigrant në Greqi. Disa kohë më parë Halla ka qenë kryeplak i fshati Shegas dhe aktualisht njihej si njeri i qetë që merrej me punët e bujqësisë./abcnews.al

[Akuamarini]

Report TV - Nis seanca Balla-Basha për padinë e 3.4 mln euro në Toyota, kreu i PD nuk paraqitet



Report TV
Publicerades den 10 okt. 2018


TIRANË- Ditën e sotme në Gjykatën e Krimeve të Rënda do të zhvillohet seanca gjyqësore mes Taulant Ballës dhe Lulzim Bashës për akuzën e Ballës për 3.4 mln eurove në Toyota Auris.

Kjo është seanca e dytë që zhvillohet mes kreut të PD-së Basha, i cili do të përfaqësohet nga avokatët e tij, Gazment Bardhi e Ivi Kaso, dhe deputetit të PS-së, Taulant Balla që do të jetë i pranishëm në sallë.

Në momentin e mbërritjes në ambjentet e Gjykatës, Taulant Balla ka parë avokatin e Bashës dhe është shprehur para kamerave se: Paska ardhur gjumashi!

3.4 mln eurot u gjetën në 2 automjete "Toyota Auris" në Portin e Durrësit, për të cilën Basha akuzoi Ballën dhe kjo është padia e parë që do shqyrtohet lideri demokrat. Ndërsa padia e dytë është ajo për dekonspirimin e operacionit të policisë. Lulzim Basha foli në parlament se ishin nisur drejt Shqipërisë një shumë e konsiderueshme eurosh brenda një automjeti "Toyota Yaris" ngjyrë e kuqe.

Më herët Gjykata e Krimeve të Rënda ka lënë në burg pa afat katër personat e arrestuar pas kapjes në portin e Durrësit, Edi e Klevis Lika, Alban Mollaymeri dhe Agim Çeka. Ndërkohë Alfred dhe Elvis Vladi janë shpallur në kërkim.

Operacionit policor për kapjen e 3.4 milion eurove në portin e Durrësit disa javë më parë i parapriu në parlament me një deklaratë nga Lulzim Basha në parlament më 21 Qershor 2018 për ekzistencën e një makine Toyota Yaris, brenda të cilës po transportoheshin 1.5 milionë euro.

Pikërisht kjo deklaratë ndryshoi planet e operacionit kriminal të Alfred dhe Elvis Vladit. Makinat supozoheshin të niseshin nga porti Ankonës por devijuan rrugën e u nisën nga porti Barit.