Ah!..........Ta dish!.....

[Agim Doçi]

Nëse ke dashur në jetën tënde
të kesh një mik të shpirtit tat!
Të zuri frika dhe pastaj rende
dhe ikjen tënde e quajte ...fat!

O Zot çudi me frikacakët
që thonë se enderra ësht' një magji!...
mbi Fron Princeshe - ulen të vakët...
dhe shkrihen, digjen si një qiri.

Pastaj mendohen dhe tjerrin kohën
duke u fshehur pas një Vetmije!
Kam frikë prej tyre se shembin botën!
dhe s'meritojnë Fron Dashurije!...

[Agim Doçi]

TA DISH!………

Ta dish sa shumë të dua, Ty dhe vetëm Ty!
Do ishe më e lumtur se vetë Lumturija!
se natën të kam endërr dhe ditën të kam sy
Zili ma kanë të gjithë, bile dhe Perëndija!

Dhe nuk ësht' blasfemi, "të hahesh", jo me Zotin!
Se Zoti ka krijuar të keq edhe të mirë!...
S'kam pikën të vë Levën, se do lëvizja Globin!
S'kam krah të fluturoja, të isha zog i lirë!

[Agim Doçi]

KOHA E FATIT


Unë kurrë s’ udhëtova me kokën ulur!
Ndaj s’po e zgjat.
Sa më trishtojnë njerzit e strukur
Kur thonë s’kam fat!
Këmbanë e kohës shekujt ka rrudhur.
Herë ditë, herë nat’…

Eja në rreshtin tim ka vend o njeri
Të fal gjithshka!
Në arradhën time do gjesh dashuri
me bollëk, se ka!

Nëse më pyesni sinqerisht se sa
vlen koha!
Mbaj mend që kurr shpinën se krrusa
të them: - u lodha!

1 vit i humbur…pyesni studentat
se mund t’ua thonë.
1 muaj mangut, pyesni nënat
që janë lehonë!

1 javë e ikur pa dalë në dritë
një e përjavshme…
vlen sa 1 ditë që rrin tue pritë
buzë e një vashe…

dhe 1 minut paska shumë vlerë
që të trishton.
kur mbetesh qyq si asnjëherë
se humbe tren apo avion…

Dhe 1 sekond` merr aq kuptim
për fatin tonë.
Në një sekond shmang fakeqsin
dhe mbijeton.

Për 1 të qindtën e një sekondës
S’ke fat me dalë i pari.
Se humb një shans përpara Botës
humb një Medalje Ari !

Ndaj kape kohën dhe shko përpara
1 jetë ke, dhe nuk ke tri...
Se koha zgjon miljona zemra
Se koha ësht’ liri!

[Agim Doçi]

PABESIA!………e "shqiptarit"

Mbasi e kripa mishin e ftujës
dhe lart e vara për pastërmà
u ula paq ndë anë të udhës
e thashë me vehte: do bëj hatà!

Do të marr letër të virgjër fare
dhe do ta nxij me mbroçkullira
pastaj do ndez nja dy tre zjarre
në flakë të tyre do bëj magjira...

do thërras engjej dhe katër shtriga
një qurravec dhe një topall
do shpoj dhe mishin me 3 shiringa
vetëm të dal nga ky pis hall!...

dhe bëra nuska me bishta miu
dhe shkrova mureve të halesë
"shqiptari ka fytyrë njeriu!...."
Por është një kafshë shumë e pabesë!...

[Agim Doçi]

"AUTOKRITIKË" në vargje!.......(lol.lol.lol.lol....)

Miljona herë e kam menduar
kët' "debulesë" që kam për gratë
Përse ndjej vehten "i dashuruar???"
kur krahët nuk i kam të gjatë..

Që të përmbledh në përqafim
Të gjitha femrat e kësaj Bote
dhe në çdo puthje tu jap gëzim
ato të thonë: - bobo çfarë rrote!...

Po, po! Jam rrotë e dashuruar!
sepse vetë RROTA është PËRPARIM!!!
Dhe asnjëherë nuk jam penduar
që shkrova vargje për DASHURIN!

Ndaj mos mendo ti keq për mua!
Se kam minierë me dashuri!
Sa herë të them që:- FORT TË DUA!
Ti futesh në një... "borxh i ri"...

Por ndodh në jetë që s'të kuptojnë(!)
Dhe pyesin femrat me kërshëri:
- Poeti është pasqyra e jonë
A OPOZITË - në dashuri...

Nuk dua fare të kem "pushtet"!
dhe as mitingje unë nuk do bëj!
Se DASHURINË me të vërtetë
Në mes të njerzve çdo ditë e gjëj.

Ndaj dhe trokas me vargun tim
Më hapet porta me ëmbëlsi.
Se çdo NJERI në vendin tim
Mezi e pret pakëz...dashuri!

Ndaj vij tek ju dhe pa trokitur
se vargu im i thjeshtë gjithmon.
Tek çdo NJERI është i mirëpritur
dhe nuk e jap unë me "tallon"!...

Për dashuri të mirë, njerzore
Sejcila zemër ka shumë nevojë!
Pra ti o femër tash më kuptove???
Kujt s'i pëlqen dhe mund të...shkojë!

[^VJOSA^]

O Zot çudi me frikacakët
që thonë se enderra ësht' një magji!...
mbi Fron Princeshe - ulen të vakët...
dhe shkrihen, digjen si një qiri.

Pastaj mendohen dhe tjerrin kohën
duke u fshehur pas një Vetmije!
Kam frikë prej tyre se shembin botën!
dhe s'meritojnë Fron Dashurije!...

sa e bukur kjo Rri ne vetmine tende Agim...tamam per frikacaket qe i tremben dashurise dhe mbyllen ne vetmi

[illiriani]

duke kerkuar Pikembeshtetjen e Arkimedit
ta peshpj boten me nje gisht ne lloz...?

"se zili ma ka edhe vet Perendia..."???

'' shqiptari ka fytyre njeriu''
''po eshte nje kafshe shume e pabese''

''bobo cfare rrote''

vetetimthi

***

zoti gatoi

zoti krijoi
te gjithe njesoj
po nga ai soj
dolen dhe Zoj
qe kur t'i msyjne zvare
te pabeset ''shqiptare'' -
menjehere mund te fluturoj

e ia le thate

zoti krijoi
te gjithe njesoj
po forma e strofullit mbreteroi
dikush kokemprehte e dikush me brire
dikush rreshqites e dikush ne hapesire
dikush kembadoras e dikush ne dykembe
dikush han bar e dikush bren me dhembe

zoti nuk krijoi te keqij e te mire
po ia qe dikush del vet ne drite
e dikush mbetet prore n'erresire!
Ashtu vetiu i doli cfare e ka prite!

zoti krijoi vec Bukuri
e flas ne gjuhe te Tij!

zoti krijoi te gjithe njesoj
vec lindjet e tyre i ndryshoi
vet u lind kah koka se ish Zojs

e tjeret kah bishti...

shih edhe kerkojne -
boten ta peshojne

me fuqine e nje gishti!!!

22.prill, 2003.

[Enkela B.]

te gjitha te bukura por ajo e femres me e gjalle

[Agim Doçi]

Më erdhe mbrëmë me gjithë këpucë
dhe unë kam mbetur krejt i hutuar
vetëm një gjë në jetë të lus:
mos ha inat moj e bekuar!...

se unë të deshta, ashtu pa pritur
dhe kurr s'të pyeta, sa je e bukur!
se shpirti yt mes mallit rritur
në shpirtin tim vjen si një flutur.

dhe merr polenin nga dy petale
që çelin shpesh edhe në vjeshtë!...
dikur më vdiqe...dhe prap më ngjalle(!)
O Zot! Na ndave...por s'ësht e drejtë

Nga të gjithë njerzit pse na largove
në mes na vure një Oqean?
Vërtet ti Zot, pse na mallkove?
Dhe lotët borxh, pse na i mban?

Kur njerzit duan të thonë diçka
nuk gjejn kurajon, po pse se gjejnë?!...
Hapsirë më shumë një zemër ka!
se oqeanet...ndaj pse gënjejnë??