Leter e hapur e Koalicionit te Organizatave Shqiptaro-Amerikane

[Iceberg]

Koalicioni i organizatave amerikano shqiptare


Prill 12, 2003


Shkëlqesisë së tij Alfred Moisiu
Republika e Shqipërisë
Tirana, Albania

Shkëlqesia juaj:

Ne të nënshkruarit, shqiptaro-amerikanë dhe anëtarë të organizatave fetare kulturore dhe humanitare shqiptare të shoqërisë civile, po ju shkruajmë për të sjellë në vëmendjen tuaj disa çështje që besohet të jenë tepër të rëndësishme për progresin politik-ekonomik të Shqipërisë, si më poshtë:

1. Nga institucionet e Bashkimit Europian, tek raportet e departamentit të shtetit dhe nga konkluzionet e organizmave ndërkombëtarë si Banka Botërore, korrupsioni është identifikuar si sëmundja që ngadalëson zhvillimin e Shqipërisë dhe pengon investimet e huaja. Të gjithë konkludojnë se Shqipëria ka dështuar në luftën kundër këtij fenomeni dhe se mekanizmat antikorrupsion të krijuara kohë më parë kanë qenë jo efektive. Prandaj, ne besojmë se ka ardhur koha që Shqipëria të marrë masa efektive për të shkatërruar korruspsionin.

Për këtë qëllim, ne mbështesim fuqishëm krijimin e "Komisionit të Korrupsionit" që do të hetojë korrupsionin në Shqipëri në të gjitha nivelet dhe të paraqesë në prokurori të gjitha rezultatet e hetimeve.

Por, që ky organ të jetë efektiv dhe transparent ai duhet të jetë i pavaruar nga kontrolli i qeverisë. Mendojmë që ky komision të drejtohet nga një figurë e respektuar e shoqërisë civile dhe në përbërjen e tij duhet të ketë anëtarë nga vendet mike, si SHBA, që mund të jenë ekspertë ligjore dhe financiarë si dhe përfaqësues nga diaspora me aftësi të mira profesionale në këtë drejtim. Anëtarë të komunitetit Amerikano Shqiptar takuan në datën 13 janar 2003 në Nju Jork, ambasadorin James Jeffrey, dhe ai na informoi që nëse qeveria shqiptare është e interesuar ta ngrejë këtë komision, ai do të ofrojë ndihmën e tij. Ne ju kërkojmë të mbështesni publikisht këtë iniciativë dhe të punoni me parlamentin për krijimin e kuadrit ligjor që të të ndihmojë në krijimin sa më të shpejtë të këtij komisioni.

2. Edhe pse ne e pranojmë që korrupsioni është prezent në të gjithë segmentet e administratës në Shqipëri, e dimë që nuk do të ketë rezolutë të përbashkët domethënëse derisa ata që janë të përfshirë në praktikat korruptive të largohen nga politika shqiptare. Siç jeni në dijeni, akuzat për korrupsion kanë prekur majat më të larta të qarqeve politike shqiptare dhe qeverisë. Ne besojmë se një Komison Korrupsioni duhet të hetojë të gjithë politikanët që janë të implikuar në praktika korruptive. Për shkak të impaktit negativ të progresit në Shqipëri, një vëmendje e madhe duhet t'i jepen akuzave kundër individëve që janë dhe sot në pushtet si kryeministri Fatos Nano dhe Ministri i jashtëm Ilir Meta, si dhe individëve që mund të rikthehen në postet e larta qeveritare si ish ministri i financave Anastas Angjeli dhe të tjerë. Siç u raportua në media akuzat kundër tyre përfshijnë pastrim parash, lidhje me krimin e organizuar, përfshirje dhe favorizim të trafikut të qënieve njeërozre dhe llogari ilegale në banka të huaja. Edhe pse hetimi i këtyre zyrtarëve të qeverisë mund të arrihet nëpërmjet Komisionit të Korrupsionit, për shkak të efektit negativ që eksizton aty, i akuzave të shpeshta dhe në vazhdimësi, ne i kërkojmë zyrës së presidentit që në bashkëpunim me parlamentin dhe prokurorinë, të angazhohen menjëherë në hetimin për akuzat specifike kundër këtyre individëve.

3. Dhjetorin e kaluar, Nikolas Geixh vizitoi Tiranën ku u takua me kryeministrin Fatos Nano. Ata u takuan bashkë edhe në korfuz, majin e kaluar. Z. Nano, ende nuk i ka dhënë shqiptarëve një arsye të vlefshme për këto takime me z. Geixh, i cili njihet si armik i shqiptarëve. Ne besojmë se ju, si president i Shqipërisë, duhet të kërkoni që z. Nano të deklarojë publikisht arsyet për veprimet e tij. Z. Geixh është armik i betuar i shqiptarëve dhe nuk e njeh pavarësinë e Shqipërisë, si rrjedhim, ne nuk shohim asnjë justifikim që një lider shqiptar të takohet me Geixh. Si qytetar amerikan, Z. Geixh mund të ketë të drejtë ligjore të vizitojë Shqipërinë, megjithatë kjo nuk do të thotë që qeveria Shqiptare t?i japë atij privilegje, dhe nuk besojmë se qeveria amerikane ka të drejtë të kërkojë privilegje për Geixh në Shqipëri. Siç jeni në dijeni, në lidhje me shqetësimin tonë për këtë çështje, kemi tërhequr vëmendjen e sekretarit amerikan të shtetit Colin Powell në një letër që iu dërgua atij në fillim të këtij viti.

4. Si qytetarë të Shteteve të Bashkuara të Amerikës, një vend i bazuar në konceptin e tregut të lirë, ne i dimë fare mirë avantazhet dhe rëndësinë einciativës së lirë private. Kështu në lidhje me privatizimin e Bankës së Kursimeve, ne jemi tepër të shqetësuar nga çdo përpjekje e invesitorëve grekë, direkte ose indirekte, për të marrë, drejtuar ose menaxhuar këtë institucion. Sot, bankat greke kopntrollojnë rreth 20 përqin të sektorit bankar shqiptar. Nëse investitorët grekë iarrijnë të marrin Bankën e Kursimeve, interesat grekë to të kontrollojnë rreth 80 përqind të industrisë bankare shqiptare duke siguruar kështu hegjemoni virtuale në sektorin më të rëndësishëm të ekonomisë. Kjo do të vendosë Greqinë në një pozicion të pamerituar nga i cili do të ketë influenca mbi të gjithë Shqipërinë. Në interes të sigurisë në Shqipëri, qeveria nuk mund dhe nuk duhet ta lejojë këtë gjë. Për këtë arsye ju kërkojmë të mbani një qëndrim publik në lidhje me këtë çështje. Edhe pse e pranojmë që ka norma ligjore që promovojnë tregtinë e lirë dhe investimin, ka gjithashtu edhe norma të tjera dhe parime ndërkombëtare që kanë të bëjnë me nevojat e venevde për të mbrojtur interesat e tyre kombëtare.Q everi amerikane ka ligjet e veta rregullatore të bankave dhe ato 'anti-trust' të cilat janë dizenjuar për të penguar dominimin e huaj në sektorin bankar. Ne kërkojmë që edhe Shqipëria të adoptojë statuse të ngjashme.

5. Ne besojmë se të gjitha minoritetet etnike në Shqipëri duhet të kenë të drejta të barabarta me shqiptarët, ne gjithashtu besojmë se Shqipëria i ka kushtuar kohë dhe vëmendje çështjes së minoritetit grek, e cila qëllimisht u shtrembërua nga shovinistët grekë. Në të njëjtën kohë, shqiptarpt në Greqi po vuajnë diskriminin në forma reale dhe çështja çame është injoruar plotësisht nga grekët. Deri më sot, qeveria shqiptare nuk i ka kushtuar as kohë dhe as vëmendje këtyre çështjeve. Qeveria shqiptare duhe të mbajë qëndrim dhe të mbrojë të drejttat e vëllezërve tanë të cilët kanë shpesh subjekt i pastrimit etnik grek i quajtur, helenizim. Afrimi i shpejtë i Olimpikut 2004 në Greqi, prezanton një mundësi unike për të tërhequr vëmendjen ndërkombptare ndaj çështjes ëame dhe të drejtave të shqiptarëve në Greqi

6. Një pikë kyçe e shoqërive demokratike është shtypi i lirë dhe i hapur. Edhe sot, ka ankesa të vazhdueshme që qeveria shqiptare përdor autoritetin e taksave për të kontrolluar reklamuesit më të mëdhenj si Bankën e Kursimeve, të censurojë botuesit e gazetave dhe mediave të tjera në Shqipëri. NJë aksion i tillë përbën një dhunim të hapur të demokracisë në Shqipëri dhe qeveritarë shqiptarë duhet të paralajmërohen që kjo lloj sjellje nuk mund të tolerohet.

7. Përfshirja e Shqipërisë në krime të rënda të lidhen me trafikun e qenieve njerëzore dhe drogën kanë qenë një njollë e zezë për traditën shqiptare të ndershmërisë dhe një njollë turpi për të gjithë shqiptarët kudo në botë. Historitë e vajzave shqiptare të rrëmbyera nga fshatrat, të dhunuara në grup, të detyruara të prostituojnë në rrugët e qyteteve europiane solllën lot në sytë e të gjithëve. Por ajo çka është më domethënëse ka të bëjë me faktin se as situatat tragjike të trafikut të viktimave, as kriminialiteti i tregtisë së bimëve narkotike nuk e kanë motivuar Shqipërinë të marrë masat. U deshën vite presioni nga qeveritë perëndimore dhe shqetësimi për pranimin në BE dhe NATO që ta bënin qeverinë shqiptare të lëvizë, dhe qeverisë shqiptare duhet t?i vijë turp për këtë. Pavarësisht nga përpjekjet e Shqipërisë për të luftuar trafikun, është e kuptueshme që ky aktivitet ilegal vazhdon, po ashtu dhe krimet e lidhura me të, ku përhshihet dhe falsifikimi i dokumentave të udhëtimit. Kjo duhet ndaluar dhe duhet bërët tani. Qeveritarët shqiptarë duhet ta kuptojnë se kjo kërkon më shumë kohë se sa deklaratat për shtyp dhe fjalimet e tyre boshe për të bindur botën që Shqipëria po ndërrmer një veprim agresiv për t'i dhënë fund njëherë e përgjihmonë këtyre krimeve.

Si president i Shqipërisë, besojmë se keni autoritetin moral për të zgjidhur çështjet e përmendura më sipër, dhe ne, si shqiptaro-amerikanë, do t'ju mbështesim që të merrni edhe përkrahjen e qeverisë së Sheteve të Bashkuara në zgjidhjen e këtyre çështjeve.

Këndvështrimi juaj në lidhje me këtë çështje është shumë i rëndësishëm, dhe një përgjigje e kësaj letre do të vlerësohej nga të gjithë ne.


Faleminderit

Me respekt nënshkruar nga:

Albanian Aid Society - Gjevalin Gecaj, President
Albanian American Community of Illinois - Ilaz Kadriu, President
Albanian American Islamic Center - Imam Vehbi Ismail
Albanian American Society Foundation - Esad Rizai, President
Albanian Center of New York - Drita Kokalari, President
Albanian Heritage Foundation - Gary Kokalari, President
Albanian League of Prizren - Ismet Berisha, President
Dede Gjo Luli Foundation - Prele Sinishtaj, Head Representative
Democratic League of Kosova, USA - Agim Rexhaj, President
Human Rights Association for Chameria
St. Paul's Albanian Catholic Church - Father Anton Kqira

Letra u është dërguar edhe të nderuarve
The Hon. Elliot Engel
The Hon. Marc Grossman
The Hon. Henry Hyde
The Hon. James Jeffrey
The Hon. Richard Lugar
The Hon. Christopher Patten
The Hon. Colin Powell
The Hon. Condoleezza Rice
The Hon. James Wolfensohn

[Honezmi]

Me keqardhje mund te theme se Mojsiu nuk do te beje asgje!
Deri tani Ai ka mbetur ne kuadrin e deklaratave kundra korrupsjonit dhe ne dhenjen e dekoratave me vend e pa vende.
Qofsha i gabuar.........

[illiriani]

jo, "Komisionit te korrupcionit" por, KOMISIONI ANTIKORRUPSION, komisioni kunder korrupsionit...

din dikush, eshte formuar - Koalicioni i organizatave shqiptaro-amerikane?

ndonje KOB dhe ku e ka seline ai Koalicion...ende pa u formuar nje Koalicion organizatash, drejtohet letra...? Apo, vetem permes telefonatave, hajt se po e shkruajme nje leter...?

a duhet te jete vendi dhe udheheqeja e atij koalicioni, ne fund te letres... apo vetem amulli babaluke...dikush e ka shkruar e hajt varg merr nenshkrime qyshqeve te 'dejtorive' te organizatave...?

hajde, Komission i korrupsionit, hajde... as vet letra nuk eshte shkruar ne nivel te nje personi te afte, se lere me ne emer te disa organizatave...po, keshtu i thone edhe kesaj krisme, sikurse asaj tjetres ne forum, drejtuar Parlamentit te Shqiperise...krisme se jomahi...