Merret peng nipi i biznesmenit Sulo Shehu

[kundraRRYMES]

RRofte policia shqiptare qe e kap LEPRIN ME QERRE...

Per te DASHUREN E NIPCES...

E dashur, nuk po te flas me teper po te kuptoj qe qenke ne nje rreth shume te ngushte me "te marrurin peng". Flm shume per informacionin ekonomik rreth biznesit te "DAJOS".
Nuk dua te hy ne debat pasi secili do ti bije daulles se vet por dua te them.. CIMENTO qe shet DAJUJA eshte me te njejten CMIM me CIMENTON qe shitet ne ANGLI. Taksat qe PAGUAN "DAJOJA" jane jo efektive pasi DUHET TE JETE SEKRET PAGESA E TAKSAVE , edhe jo te botohet ne nje GAZETE zgjebaraka qe ne vend qe te rreshtoje fakte , rreshton EPITETET..

E dyta BERI BUM , nje gje e tille sepse DAJOJA i kishte LO-QET e MEDHAJA ,,, edhe ishte edhe nje REKLAME FALAS per DAJOJEN edhe BISNEZIN e tij...

Sa per 4x4 mercedezin ,,, ne gjermani jane TURQIT , angli jane INDIANET, ne shqiperi jane FSHATARET ,, me fal edhe NIPCJA I DAJOJES ...qe perdorin MERCEDEZ...

NIPCES i ndodhi ajo qe pritej. Pasi te thashe SHQIPERIA packa se DAJOJA paska BIZNES te RREGULLT, edhe ka 4x4 cilesohet vend i BOTES te TRETE. Pra e DASHURA E NIPCES...keshilloje BIPCEN qe pervec se 4x4 te marri edhe nje 4x24 ore truproje ,,, se ne mos sot nesser do ta marrin perseri PENG.

- ligji me vdekje-

Amerika e ka nje ligj te tille, edhe prape nuk pi uje
Dizniveli i madh ekonomik , papunsia edhe mbi te gjitha mungesa e BESIMIT ne ZOT(fese) sjell krimin.
Zgjidhja duhet kerkuar tek ZOTI, BIBLA/KURANI...edhe jo tek DENIMI me VDEKJE.
DAJOSH/NIPCE bej MIRE/BAMIRSI, JEPU TE VOBEKTVE te PAFUQISHMEVE edhe te siguroj qe NUK DO TE GJE GJE E KEQE...

[Asteroid]

TIRANE (25 Prill) - Dy persona janë arrestuar në orët e para të mëngjesit të sotëm, pasi akuzohen për bashkëpunim në marrjen peng mbrëmjen e së hënës të 20-vjeçarit Klaudio Shehu, i cili u lirua mesnatën e mbrëmshme. Lajmi u bë i ditur sot per News 24 nga drejtori i policisë së Vlorës, Neritan Nallbati, i cili shtoi se një nga të arrestuarit është 42-vjeçari Perlat Kojdheli, deri dje inspektor i policisë për zonën e Kaninës. Ndërsa, identiteti i personit tjetër të arrestuar nuk bëhet i ditur. Sipas drejtorit të policisë lokale, nga hetimet e deritanishme, rezulton se pengmarrja kishte si qëllim kërkimin e një shume të lartë në të holla familjarëve të 20-vjeçarit, por që nga veprimet e shpejta operative të policisë, pengmarrësit nuk arritën të bëjnë të ditur shumën që kërkonin. Nallbati përsëriti edhe njëherë se, "Lirimi i Klaudio Shehut nuk ishte një rastësi, por rrjedhojë e veprimeve shumë profesionale dhe presionit të policisë ndaj pengmarrësve. Që dy ditë pas marrjes peng të 20-vjeçarit ne kishim në dorë elementë dhe prova të mjaftueshme, që përcaktonin fajësinë për persona konkretë të përfshirë në këtë akt, të cilët u lokalizuan në mes të të shoqëruarve në komisariat".
ro/ro (News 24/BalkanWeb)

[Asteroid]

-Si ndihesh Klaudio?

Ndihem shume i lumtur qe u lirova pas 100 oresh qe jam mbajtur i lidhur, qe kam pasur presione nga me te ndryshmet dhe qe isha perballe nje fakti se rrembyesit qe duhet te jene pese, kerkonin nje shifer astronomike ne kembim te lirimit tim 10 miliarde leke.

-Si i ka kaluar 100 oret, a eshte ushtruar dhune?

Vetem dhune e terror psikologjik eshte ushtruar, jo dhune fizike. Nuk jam prekur fizikisht vecse ne keto 100 ore une kam pasur nje maske ne fytyre dhe nuk dija kur ishte dite dhe kur ishte nate. Kam rene 10 kile nga pesha. Vetem nje person ka qene me mua, te tjeret merreshin me veprime kordinuese, per te siguruar edhe shumen e domosdoshme qe do te kerkonin. 100 ore nuk kam ngrene buke vetem kam pire uje.

-Ku ishe i izoluar?

Nuk e di. Di qe kam qene ne periferi te Vlores. Me ka gezuar zemra kur degjoja afer sirena policie dhe prisja qe nje moment te clirohesha. Qe te mos e mohoj, kisha frike se do me vrisnin. Armet ishin shume afer meje dhe, gjithshka mund te ndodhte.

-Kur u ndieve i lire, nga zbrite?

-Kam ecur 2 ore e gjysem ne kembe me maske ne fytyre deri sa pashe qe isha afer Kanines. Trokita ne nje shtep.i mora celularin e te zotit te shtepise dhe lajmerova xhaxhain tim Sulo Shehu. "Xhaxhi jam gjalle! Xhaxhi eja me merrni, jam ne afersi te Kanines". i fola edhe mamase dhe e degjova qe ajo klithi nga gezimi. Pas 20 minutash u gjenda i rrethuar nga makina te shumta policie, nga drejtuesit e policise. Pashe kryeprokurorin dhe tani jam ne mjediset e policise ku po deklaroj.

-A i njihni autoret dhe deshironi qe ata te pergjigjen para ligjit?

-Di qe jane pese, mund te identifikoj nga zeri vetem njerin qe me shoqeronte gjate gjithe kohes. Sidoqe me thane qe nga momenti qe me rrembyen se nuk do te me vrisnin, se do te me lironin te gjalle. Une ngul kembe qe ata duhet te pergjigjen perballe ligjit. Te ndeshkohen ashper se jeta ime qe ne kete rast i dedikohet policise, spese duhet te theksoj, se ai shoqeruesi im, kur degjonte sirena policie fliste perçart, trembej dhe e pushtonte ankthi. Ata duhet te pergjigjen se neser mund ta pesoje edhe dikush tjeter si une, e te mos kthehet gjalle. Madje do te deshiroja te isha perballe tyre ne nje salle gjuyqi. E them kete sepse, as une e askush tjeter, nuk u ka borxh ketyre banditeve qe cenojne te drejtat e njeriut dhe rrezikojne jeten e tyre.

[Brari]

Me ne fund mbaroj ai ankth per Klajdin.

I urojm Klajdit dite te qeta prane familjes.

Deshiroj qe te denohen rende gjith rrembyesit qe po bejne palle keto 15 vjet Ramizo-Berisho-Nano-Mejdane.

[Estella]

Po ti me shkrin ore kundra rrymes mua. Mos guxoje njeriu te saktesoje emrin dhe moshen dhe llojin e biznesit (veprimtarite e tij etj...) se ta bene dhe te dashur. lol ( Se ke pasur me mua besoj) Princi pastaj eshte mashkull......apo e ke pas me Vikin?
Kjo eshte qesharake.....

[Asteroid]

Pasi u clirua nga pengmarresit, Klaudio Shehu iu nenshtrua nje seance 4 oreshe me pyetje nga policia dhe prokuroria. Me pare mori dicka te vogel per te ngrene. Pak buke me djathe. Nje autokolone mjetesh policie e solli rreth ores 23.30 ne komisariat. Ne deklarimin e tij ai dha ne detaje oret e tmerrit, si qendroi i lidhur dhe me maske, si e levizen nga vendqendrimi i pare, pse ishte afruar policia, dhe deri tek kerkesa astronomike e shumes prej 10 miliarde lekesh.

Arrestimi i pengmarresve

Ora 1.30 e mengjesit. Firmoset urdher-arresti per autorin kryesor te ish-refugjatin Besnik Gjata. I shoqeruar 2 dite me pare, si i dyshuar se kishte gisht ne marrjen e pengut, kryeprokurori Petrit Cano, ka firmosur urdher-arresti per Besnik Gjaten, 25 vjec, nga fshati Qishbardhe, por prej shume vitesh emigrant ne Itali. Po ne kete ore, eshte shoqeruar nga koleget e tij, pas nje urdher-arresti edhe polici i zones Perlat Kodheli. Nderkohe behet e ditur se mbeme vone jane arestuar dhe kater persona te tjere, te cilet mednohet se kane lidhje me pengmarrjen.

Petrit Cano pas lirimit te pengut ka biseduar ne telefon me Presidentin, kryeministrin dhe liderin PD-se Berisha.

"Ju ve ne dijeni se pengu u clirua, se -_e shendoshe e mire dhe jane identifikuar autoret dhe situata eshte nen kontroll", ka thene ne telefon Cano. Pasi ka degjuar nje bravo nga kreu i shtetit, kane vazhduar telefonata nga kryeministri, lideri i opozites Berisha e dhjetera te tjere.

Oficeri i policise, shansi i lirimit te pengjeve

Ardian Birce, oficeri i policise te komisariatit te Vlores, ka qene me sherbim tek salla operative. Ai thote se ka edhe ai shansin e vet ne kete ngjarje te rendesishme. "Une kam qene me sherbim edhe kur u clirua pengu 7-vjecar Denis Xhelo nga ish-shefi i komisariatit, tani deshmor, Arben Zylyftari", thote Birce.

Nga komisariati tek lokali "Arpen"

Rreth ores 4 te mengjesit, gezimi eshte spostuar ne nje nga lokalet turistike ne skele me emrin Arpen. Aty jane ngritur shendetet me veren 10-vjecare te servirur nga Sulo Shehu, por edhe peshk te fresket. Shendet per Klaudion qe eshte mire e bukur.

Ne shtepine e Shehajve

Klaudio, pas nenes, motres, cmallet me te dashuren e merakosur.

Qysh nga momenti qe erdhi lajmi i gezuar, ne apartamentin e Agron Shehut kane hyre qindra njerez me lot gezimi ne sy. Te paren ka perqafuar nenen, Engjellushen, pastaj motren e vetme Jolen e vellane Ronaldon. Shoket e Klaudios jane gjetur te gjithe aty. Por Klaudio, qe tashme vetem qesh, thote se ka hequr me disa telefonata edhe merakun e te dashures qe e ka ne Itali. "Edhe ajo ka vendin e saj ne zemren time dhe ndjehemi te lumtur pas asaj qe ndodhi. Kjo dashuri, do te me lumturoje e patjeter do te ndikoje qe te harroj ato 96 ore ankthi e tmerri", thote Klaudio.

Shtepia ku qendroi Klaudio, ruhej nga nje grua

Baza e dyte ku ka qendruar si peng Klaudio Shehu, ka qene shtepia e Besnik Gjata ne Qishbardhe. Ajo ishte ne ruajtje nga nena e tij dhe ka sherbyer si strehe e Klaudio. Policia kriminale ka bere veprimet hetimore paraditen e te premtes, ndersa eshte shoqeruar kunata e Besnik Gjates.

[Asteroid]

VLORË - Britma të mëdha gëzimi në katin e parë të pallatit ku banon familja Shehu pas telefonatës se Klajdi ishte shëndoshë e mirë dhe po kthehej në shtëpi. Njerëz të shumtë që dalin nga shkalla e pallatit duke biseduar më zë shumë të lartë. Fqinjët dolën në ballkonet e tyre dhe panë se gjithçka ndodhte në shtëpinë e Shehajve. Dikush prej tyre bërtiti me zë të lartë “Kanë gjetur Klajdin”. Kaq mjaftoi dhe fjala u përhap brenda pak çastesh në të gjithë Vlorën. Megjithëse ishte vonë njerëz të shumtë filluan që të vinin në shtëpinë e familjes Shehu. Të gjithë priteshin me përqafime. “Po shikonim televizor në dhomën kryesore. Ishte ora 23:45 minuta kur ra telefoni. Ne si gjithmonë u mblodhëm rreth tij dhe unë e kapa. Ishte një fshatar nga Kanina që më tha se kishte gjetur Klajdin. Ai ndodhej në rrugë dhe po priste. Menjëherë një makinë u nis në drejtim të djalit.”,- thotë Agron Shehu, i ati i Klajdit. Pak minuta më pas i gjithë fisi Shehaj por dhe miqtë e tyre u mblodhën për të festuar. Vëllai i vogël, kushërinjtë dhe shokët e Klajdit filluan që të hidhnin fishekzjarre dhe të bërtisnin me të madhe. Gratë e familjes shpërndanin biskota dhe bonbone sikur të ishte një dasmë. Ata festonin lirimin e Klajdit pas katër ditësh peng. Minutat kalonin dhe në shtëpinë e Shehajve sa vinte dhe shtohej numri i vizitorëve. Ata nuk mund të qëndronin më në shtëpi dhe një pjesë e mirë priste përjashta. Dikush mori në telefon dhe tha që Klajdi do të ishte në shtëpi për disa minuta. Pas këtij lajmi, në hyrje të shtëpisë së Shehajve, u krijua një kordon me njerëz që prisnin. Çdo makinë që afrohej “sulmohej” nga familjarët që prisnin të gjenin Klajdin e tyre. Kjo situatë vazhdoi për disa minuta. Rreth orës 00:20 një telefonatë tjetër u shpjegoi njerëzve që Klajdi ndodhej në Drejtorinë e policisë së qarkut dhe se do të rrinte disa kohë aty. Kjo bëri që të gjithë njerëzit të transferoheshin në oborrin përpara Drejtorisë së Policisë. Ndërkohë mbrëmjen e djeshme policia dhe prokuroria e Vlorës kanë firmosur edhe katër fletarreste të reja duke e çuar në gjashtë numrin total. Në prangat e njerëzve të ligjit kanë rënë rrëmbyesit fizikë të Klajdi Shehut si dhe bashkëpunëtorët e tyre, ndërkohë deri në orët e para të ditës së djeshme nuk ishin kapur ende dy prej tyre. Emrat e këtyre personave kishin dy ditë që ndodheshin në zyrat e drejtuesve të policisë së Vlorës por ata i druheshin arrestimit se mos dëmtohej pengu. Ato ende nuk mund të bëhen publikë për arsye hetimore por sot pritet që të zbardhet gjithçka. Tashmë që pengu ndodhet i lirë në shtëpinë e tij policia nuk ka asnjë pengesë në kryerjen e arrestimeve. Operacioni ka filluar që orët e para të pasdites dhe ka përfunduar mëngjesin e sotëm. Sipas burimeve zyrtare Prokurorisë së Vlorës, është e provuar katërcipërisht fajësia e të arrestuarve. Nga informacionet e deritanishme nuk rezulton që ata të kenë lidhje me ndonjë grupim tjetër kriminal. Rrëmbyesit ishin nga qyteti i Vlorës, fshati Qishbardhë si dhe nga fshati Kotë. Klajdi Shehu është gjetur nga të afërmit e tij dhe pak minuta më pas ka ardhur edhe policia. Në momentin që në shtëpinë e Shehajve ka ardhur telefonata për lirimin e Klajdit një gjë e tillë ka ndodhur edhe në polici. Njerëzit e Klajdit kanë qenë më të shkathët dhe janë nisur menjëherë në drejtim të Kaninës. “Ishte natë dhe rrugët ishin bosh, mund të ecje shpejt. Ne shkuam shumë shpejt në Kaninë”, thotë një nga njerëzit që ka qenë në gjetjen e Klajdit. Sipas tij, djali ndodhej në anë të rrugës, i lagur nga koka dhe me pranga në duar. I pari që ka shkuar tek ai është një shok, Elvis Likaj. Sipas të afërmëve, ai është njeriu që ka takuar i pari Klajdin. Pasi ishte çmallur, Klajdi, u kishte treguar miqve se një herë kishte dëgjuar sirenat e policisë dhe të shtëna. “Ne kishin ecur rreth 200 metra me makinë kur kryqëzohemi me policinë. Ata na prenë rrugën dhe na ndaluan, kujtuan se ishin njerëzit që kishim rrëmbyer Klajdin.”, thotë Elvis Likaj. Uniformat blu kanë dalë me armë dhe i kanë vënë pistoletat tek koka miqve të Klajdit. “Jemi ne njerëzit e shtëpisë.”, kanë thënë ata kur kanë parë t’u drejtohen armët. Kur i kanë njohur janë larguar dhe u kanë kërkuar falje. Më pas Klajdi ka përfunduar në makinën e Drejtorisë së Policisë së Vlorës. Për rreth tre orë e gjysmë djali është marrë në pyetje nga drejtuesit e policisë dhe prokurorisë së Vlorës. Së bashku me ta ndodheshin edhe zv/ministri i Rendit Publik, Thoma Jano, së bashku me kreun e policisë kriminale, Sokol Bizhga. Ata e lanë Klajdi Shehun që të dilte vetëm pas orës 03 e 30 minuta të ditës së djeshme. Klajdi shoqërohej nga i ati dhe nga familjarë të tjerë. Në momentin që ai mbërriti në shtëpi festa filloi edhe një herë për të pushuar vetëm në mëngjes.

[Asteroid]

TIRANE (26 Prill) - Policia e qytetit të Vlorës ka arrestuar 6 persona, të cilët janë pengmarrësit e Klaudio Shehut të liruar pak ditë më parë. Të arrestuarit janë Luan e Besnik Saraçi, Elton Ismaili, Besnik Gjata, Julian Metushi dhe Perlat Koidheli. Pengmarrësit gjatë kohës që e kanë mbajtur të ngujuar Klaudion, nipin e njëri prej biznesmenëve të mëdhenj të qytetit të Vlorës Sulo Shehu, i kanë kërkuar në këmbim të lirimit 10 miliardë lekë. Shefit të policisë së qarkut të Vlorës Neritan Nallbati ka sqaruar se rrëmbimi është kryer për qëllime përfitimi.
dxh/dxh (BalkanWeb)

[Dita]

nga Gazeta TemA




KRONIKA



Ekskluzive me familjen Shehu për gazetën TemA

"Policia udhëhoqi rrëmbimin dhe dorëzimin e Klajdit"


Familjarët, të gëzuar nga kthimi i Klajdit në shtëpi, por dhe të frikësuar. Pse u lirua krejt papritur, pse policia nuk informon familjarët. Klajdi rrëfen për gazetën TemA orët e tmerrit të kaluara në një bodrum të errët

Në rrjetin e grabitësve bënte pjesë një oficer policie. "Pavarësisht se djali u kthye në shtëpi, forcat e rendit nuk na thonë asgjë në lidhje me grabitësit", shprehen të shqetësuar familjarët e Klajdit. Ata më shumë se çdo gjë, i tremb se kush fshihet pas këtij veprimi dhe përse policia nuk u thotë asgjë për personat që supozohet se ka identifikuar. Megjithë këmbënguljen e familjarëve për të ditur më shumë rreth grabitësve, policia nuk u jep asnjë të dhënë; i vetmi shpjegim nga ana e policisë ka qenë që do t'u thonë pasi të pranojnë fajësinë katër të ndaluarit dhe pastaj të bëjnë arrestimet e tjera. Madje të afërmit e tij shprehen se edhe lirimi është bërë si bashkëpunim i policit me grabitësit. Kjo sepse në bisedën e përgjuar është dëgjuar të thuhet: "Lirojeni sepse po vijnë dhe do të bëjnë aksione edhe gjatë natës".
Edhe sipas burimeve të policisë, gjatë aksioneve janë zbuluar telefonata të policit në fjalë dhe të grabitësve, ku këta të fundit informoheshin për gjithçka që ndodhte në lidhje me kërkimin dhe identifikimin e tyre. Pas përgjimit policia ka identifikuar më qartë ata dhe vendin ku ishte Klajdi. Në të vërtetë, në aksionin e paradites së të enjtes policia i ishte afruar shtëpisë ku ishte Klajdi gati 20-30 m, por ata janë lajmëruar menjëherë nga bashkëpunëtori i tyre në polici, kështu janë larguar dhe nuk është bërë i mundur ndalimi. Të njëjtat burime nga policia bëjnë të ditur se dhe lirimi i Klajdit është bërë pas presionit që iu bë grabitësve nga shokët e tyre të ndaluar gjatë aksioni të policisë. Ndërkohë, në komisariat janë katër persona të ndaluar, të cilët sipas policisë, janë të implikuar në marrjen e pengut, por që nuk e pranojnë akuzën e bërë. Policia gjithashtu ka identifikuar edhe pjesëtarët e tjerë të grupit, por nuk i bën ende publikë emrat e tyre. Forcat e rendit kërkojnë që kjo akuzë të pranohet nga të ndaluarit sepse për implikimin e tyre ekzistojnë prova.
Ndryshe nga sjellja me familjarët e Klajdit të cilëve nuk u kanë kërkuar asgjë, Klajdit i kanë kërkuar para dhe kështu ia kanë motivuar edhe marrjen peng për shkak të pasurisë së xhaxhait të tij. "Gjatë atyre ditëve, ata më kanë kërkuar para në shkëmbim, por si fytyra nuk munda t'i shihja, sepse isha me maska dhe në një bodrum të errët", tregon Klajdi për gazetën. Gjithsesi, i vetmi ushqim për Klajdin gjatë ditëve që ishte peng ka qenë uji; ata i jepnin vetëm ujë për të pirë dhe e mbanin të lidhur me pranga. Klajdi tregon se gjatë katër ditëve për shkak të informacionit të saktë mbi aksionet e policisë, atë e kanë zhvendosur dy herë, në dy fshatra të ndryshëm. Sipas Klajdit, në vendin ku është gjetur dje, është shpënë një ditë para se të dorëzohej te familjarët. "Edhe kur ne i jemi afruar shtëpisë ku gjendej Klajdi, ai i ka sinjalizuar grabitësit të fshihen", thonë punonjës të policisë.
Familja e Klajdit kërkon të gjendet shkaku i vërtetë i grabitjes së djalit dhe këtë e kërkoj nga policia. "Dua të di përse e kanë rrëmbyer, mua nuk më kanë thënë asgjë, kështu që të gjendet shkaku", thotë z.Shehu një ditë pas kthimit të nipit të tij në shtëpi. Ai shton se nuk ndjehet ende i sigurt, nuk i pëlqen ky lloj lirimi që i kanë bërë nipit të tij, sepse të njëjtën gjë atij ia kanë bërë katër vite më parë me nipin tjetër, vëllanë e Klajdit. Kjo kërkesë e familjes vjen pasi katër të ndaluarit nuk e pranojnë akuzën që u është komunikuar, ndërsa forcat e policisë shtojnë se i kanë të gjithë personat të identifikuar, por nuk bëjnë të ditur asnjë emër me qëllim që të ndaluarit ta pranojnë këtë akuzë dhe më pas të arrestohen dhe grabitësit. Familjarët i shqetëson dhe lidhja me pranga e Klajdit nga grabitësit, dhe nga kjo ata supozojnë se në këtë rrjet bënte pjesë një polic i identifikuar dhe frika është se mos edhe të paidentifikuarit janë të tillë. Klajdi tregon se mbi të kanë ushtruar dhunë psikologjike me anë të kërcënimeve. Familja Shehu kërkon menjëherë gjetjen e protagonistëve kryesorë të ngjarjes së ankthshme dhe shprehet se nuk është fare e sigurtë. Sa për fëmijët, ata thonë se do t'i dërgojnë jashtë shtetit përkohësisht derisa të gjenden shkaqet e vërteta dhe ata të sigurohen për jetën. Nuk është hera e parë që familjarët i kërcënojnë dhe u marrin fëmijët peng.








Klajdi Shehu Flet për "TemA"

Do të iki në Itali për studime


"Unë dola dhe më thanë të ecja përpara, deri kur të më thoshin ata. Eca për afro 2 orë, por nuk e ktheja kokën prapa, sepse edhe maskën nuk ma kishin hequr. Kur arritëm në njëfarë vendi, pas dy orësh, më thanë të ndaloja dhe më hoqën maskën, duke më thënë të ikja. Isha aq i trembur, saqë pa kthyer kokën, i pyeta dy herë. "Të iki, të iki…?". Ata më thanë ik dhe unë i pyesja përsëri, sepse nuk më besohej..."


A e kujtoni momentin kur ju morën peng?
Isha duke u kthyer në shtëpi, isha afër pallatit dhe ata më prenë rrugën. Një copë rrugë e bëmë me makinën time, pastaj hipëm në makinën e tyre dhe më shpunë në një shtëpi të pabanuar dhe bosh. Unë nuk shihja sepe kisha një maskë në kokë, por gjatë kohës që ndenja aty, arrita ta dalloja.


Si ju trajtuan gjatë katër ditëve që ju mbajtën peng?
Në të vërtetë, nuk më kanë rrahur. Më kanë bërë presion dhe më kanë shkaktuar një dhunë psikologjike shumë të madhe. Ende ndihem i frikësuar, mezi e besova që më liruan mbrëmë. Gjatë gjithë këtyre ditëve nuk më kanë sjellë asgjë për të ngrënë, vetëm se kam pirë ujë.


Prangat kur t'i vunë?
Prangat m'i vunë sapo më hipën në makinën e tyre. Aty më vunë edhe maskën.


Vendin ku të kanë çuar e mbani mend?
Jo, sepse më kanë çuar në dy vende. Fillimisht, në një vend ku nuk kishte njeri, më duket se nuk kishte as familje, tjetra ishte një shtëpi e braktisur, pa plaçka. Atje më lanë vetëm një natë. Të nesërmen më çuan në një vend tjetër, ku mesa dalloja unë, kishte shtëpi, ishte si lagje. Nuk ma hiqnin maskën dhe më lanë në një bodrum.


I njihni personat që ju rrëmbyen?
Jo, nuk i njoh. Kjo sepse natën kur më morën, ata kishin veshur nga një xhiboks dhe unë nuk i dalloja dot. Por edhe nuk e prisja që të përfundoja peng dhe nuk u kushtova rëndësi fillimisht.


Po nga zëri, a mundët të identifikoni ndonjë prej tyre?
Nga zëri nuk i njihja, por ata flisnin si të ishin nga fshatrat e Vlorës.


Ua thanë shkakun e rrëmbimit?
Jo dhe kjo më frikëson pak. Unë i pyesja shpesh përse më kishin marrë, ndërsa ata nuk përgjigjeshin. Një ditë, një nga ata që më kontrollonte, pra që vinte në bodrum, kur e pyeta, filloi të qeshte. M'u përgjigj duke u tallur: "Po ja duam nja 10 miliardë". Kjo shumë duket që është qesharake dhe ata ma thanë ndoshta që unë të mos pyesja më.


Pse mendoni se ju liruan?
Nuk e di të vërtetën, pasi edhe ata nuk e thanë.


Çfarë ju thanë përpara se t'ju lironin?
Nuk e dija që do të më lironin. Erdhi një nga ata dhe më tha gjithë nerva që të çohem dhe të dal jashtë nga bodrumi. Unë dola dhe më thanë të ecja përpara, deri ku të më thoshin ata. Eca për afro 2 orë, por nuk e ktheja kokën prapa, sepse edhe maskën nuk ma kishin hequr. Kur arritëm në njëfarë vendi, pas dy orësh, më thanë të ndaloja dhe më hoqën maskën, duke më thënë të ikja. Unë isha aq i trembur, saqë pa kthyer kokën, i pyeta dy herë. "Të iki, të iki…?". Ata më thanë ik dhe unë i pyesja përsëri, sepse nuk më besohej. Aty kërkova të telefononin familjen time. Më pas erdhi policia dhe ata të shtëpisë.


Në çfarë vendi të gjetën familjarët, afërsisht?
Në afërsi të Kaninës, në rrugën nacionale që kalon aty.


Çfarë mendoni të bëni tani…?
Tani do të iki jashtë shtetit për studime. Do të iki në Itali, këtë e kisha ndërmend edhe më parë se të më rrëmbenin.


Ku keni studiuar deri tani…?
Kam studiuar marketing në Amerikë dhe para 6 muajsh jam kthyer në Shqipëri.

[Asteroid]

8 milionë lekë shpërblim për lirimin e Klajdi Shehut. Nga thesi prej 10 milionë dollarë, që biznesmeni Sulo Shehu premtoi për lirimin e nipit, ai ka hequr mënjanë vetëm 8 milionë lekë të reja. Vetë Shehu tha dje për gazetën “Panorama” se ishte shumë i kënaqur nga puna e policisë së Vlorës dhe e Ministrisë së Rendit që bën të mundur lirimin e nipit. “Unë do të jap në formë dhuratarsh 8 milionë lekë për ata policië që qëndruan në aksion për tre netë pa gjumë”, tha ai. Tri ditë më parë, Shehu kishte premtuar 10 milionë dollarë për ata persona që lironin Klajdin. Por, dje Shehu sqaroi se premtimi i tij lidhej vetëm me ata që jepnin informacione. “Mua nuk më dha njeri informacione, kështu që unë nuk mund të jap shumën që thashë”, deklaroi ai. Megjithatë, në shenjë respekti, biznesmeni Shehu premton se do të shpërblejë rreth 50 policë, që morën pjesë në operacionin dhe bënë të mundur lirimin e Klajdit.