Dua Lipa

[sirena_adria]

BRAVO !


Dua Lipa në hapjen e TEYC: Kjo është një mundësi e mirë për t’i treguar Europës talentin e rinisë shqiptare

Ylli i muzikës botërore, shqiptarja Dua Lipa, përmes një videomesazhi drejtuar të gjithë të rinjve shqiptarë ka përshëndetur sot në ceremoninë hapëse të eventeve të “Tirana European Youth Capital 2022”.

Dua Lipa ka premtuar një tjetër vizitë në Tiranë në kuadër të aktiviteteve për “Tirana, Kryeqyteti Europian i Rinisë”.

“Përshëndetje çuna, përshëndetje kryebashkiakut Erion. Shpresoj që po kaloni të gjithë mirë! Jam shumë e lumtur të jem pjesë e festës tuaj të madhe që do të zgjasë në të gjithë vitin në Tiranë, Kryeqyteti Europian i Rinisë. Tirana mban një vend special në zemrën time, jo vetëm prej rrënjëve të mia shqiptare, por gjithashtu dhe për atmosferën pozitive dhe energjinë e mrekullueshme. Tirana është si një shtëpi për mua dhe dua që e gjithë bota ta dijë. Kjo është një mundësi e mirë për t’i treguar Europës talentin dhe potencialin e rinisë shqiptare. Paçi fat me organizimin e mbi 1000 aktiviteteve në Tiranë dhe jam e sigurt që secila prej tyre do jetë një sukses. Mezi pres të jem aty me ju me miqtë e mi dhe të bashkohemi në festën tuaj por deri atëherë ju dërgoj shumë puthje”, u shpreh në videomesazhin e saj Dua Lipa. /atsh/KultPlus.com

https://www.kultplus.com/showbiz/dua...ise-shqiptare/

[sirena_adria]

The BRIT Awards 2022

Dua Lipa merr çmimin për artisten më të mirë Pop/RnB

Adele, Olivia Rodrigo dhe Dua Lipa ishin ndër yjet e muzikës së zhanrit pop që morën një çmim britanik të martën mbrëma.

Dua Lipa mori çmimin e tretë për artisten më të mirë Pop/RnB. Është çmimi i gjashtë britanik i saj.

“Faleminderit shumë të gjithëve që votuan!!! Edhe pse të gjithë do të donim të ishim në Londër duke festuar kështu me ju – ne kemi bërë prova që të mund të organizojmë një shfaqje vrastare për të gjithë ju”, ka shkruar Lipa në Twitter.

Olivia Rodrigo mori çmimin e dytë për Këngën Ndërkombëtare të Vitit me Good 4 U.

Çmimi i katërt, për aktin më të mirë Alternativ/Rock, shkoi për kantautorin Sam Fender.


Lexo.al

https://newslexo.al/2022/02/dua-lipa...-mire-pop-rnb/




Dua Lipa wins Best Pop/R&B Act | The BRIT Awards 2022

BRAVO !

[sirena_adria]

DUA LIPA me rekord historik, Artistja e Parë që ka GJASHTË KËNGË me mbi 1 Miliard Transmetime


Kënga “Scared to be lonely”, një bashkëpunim mes Dua Lipës dhe Martin Garrix ka arritur shifrën e 1 miliardë transmetimeve në platformën muzikore “Spotify”, shkruan KultPlus.

Dua Lipa dhe Garrix kanë arritur një shifër të jashtëzakonshëm të transmetimeve, këngë e cila u vlerësua shumë nga adhuruesit e dyshes.

Me këtë shifër të arritur, Lipa tani është artistja e parë në histori të platformës “Spotify”, e cila ka gjashtë këngë që kanë arritur mbi 1 miliardë transmetime.

26 vjeçarja aktualisht është në turneun e saj “Future Nostalgia Tour”, ku do të udhëtojë nëpër disa vende të botës.

Në anën tjetër, Dua Lipa ka njoftuar se është duke punuar në albumin e saj të dytë.


/KultPlus.com

https://www.youtube.com/watch?v=ITk2otABDJw

[sirena_adria]

“I tregojmë botës kush jemi” - Dua Lipa uron Pavarësinë e Kosovës

Videomesazhi i veçantë i artistëve e sportistëve për 17 Shkurtin ( Video )


Ministria e Kulturës, Rinisë dhe Sportit, me rastin e festës së Pavarësisë së Kosovës ka përgatitur një video ku personalitete të muzikës, sportit dhe të artit urojnë Pavarësinë. Mes tyre shfaqen dhe dy këngëtaret me famë ndërkombëtare Dua Lipa dhe Rita Ora.

“Gjithçka e bëjmë me dashuri dhe pasion sepse këtu jemi formuar. Sfidat që kishim, ato me të cilat ballafaqohemi dhe krenaria për identitetin tonë na bënë më të fortë se kurrë, ndërsa i tregojmë botës kush jemi përmes artit, kulturës dhe sportit. Urime ditëlindjen e 14-të Kosovë. Të dua shumë”, thotë në videomesazhin e saj Dua Lipa.

Vitin e 14-të të Pavarësisë e urojnë Dua Lipa, Rita Ora, Majlinda Kelendi, Nora Gjakova, Distria Krasniqi, Blerta Basholli, Samir Karahoda, Kiana Kryeziu dhe Albin Tahiri.


Për më shumë shihni videon:

https://newsbomb.al/i-tregojme-botes...r-17-shkurtin/

[sirena_adria]

DUA LIPA e gatshme të dhurojë spektakël, fillon turneu i saj në 28 vende të ndryshme të Botës

9 Shkurt 2022


Ylli i muzikës pop, Dua Lipa, do të fillojë sot turneun e saj të parë pas pandemisë, ku edhe do të performojë në FTX Arena në Miami, shkruan KultPlus.

Lipa, e cila së fundmi fitoi çmimin e artistes më të mirë Pop/R&B në Brit Awards, do të mbajë këtë turne në 28 vende të ndryshme.

Përgjatë gjithë kësaj aventure, 26 vjeçarja do të ketë 87 koncerte të ardhshme, menjëherë pas Miamit, ajo do të udhëtojë për në Orlando ku do të performojë në Amway Center.

Të gjithë biletat për Miami janë të shitura dhe Lipa pritet që të dhurojë spektakël.

Albumi “Future Nostalgia” do të jetë fokusi kryesor i të gjithë fansave, të cilët janë duke e pritur një koncert të tillë për një kohë të gjatë.

Lipa ka bërë edhe lansimin e disa këngëve të reja, së bashku me hitin e Elton John.

Ndërkaq, më 2 shkurt të këtij viti, këngëtarja shqiptare ka mbajtur një koncert virtual, me ç’rast rrjetet sociale u “pushtuan” nga video të ndryshme të saj.


/KultPlus.com

https://www.kultplus.com/muzika/dua-...e-te-ndryshme/

[sirena_adria]

FLET PËR “FINANCIAL TIMES”

DUA LIPA: Jugu i Shqipërisë, i pakrahasueshëm


Dua Lipa ka dhënë së fundmi një intervistë për prestigjiozen “Financial Times”, ku ka rrëfyer ndër të tjera detaje rreth jetës së saj private dhe personale. E pyetur për vendin që mezi pret të kthehet, këngëtarja e famshme ka përmendur Shqipërinë, ku dhe kaloi pushimet verën e kaluar bashkë me familjen dhe miq të saj.

“Një vend ku mezi pres të kthehem është Jugu i Shqipërisë. Isha për dy javë verën e kaluar dhe bukuria atje është e pakrahasueshme. Uji është i njëjtë me Greqinë, dhe ushqimi është i mahnitshëm. Po përpiqem të bëj sa më shumë njerëz të shkojnë në Shqipëri dhe Kosovë: dua të ndryshoj këndvështrimin e tyre se si janë këto vende”, ka thënë Dua.

Dua tregoi gjithashtu dhe muzën e saj të stilit. “Ikona ime e stilit është Kristen McMenamy. Fushata e saj Versace e vitit 1993 më frymëzoi për videon e “Neë Rules” . Unë kam bërë miq me Kristen tani, dhe ajo është po aq e mrekullueshme në jetën reale. Ajo pëlqen të kërcejë, ajo është vetëm një top i madh i ndritshëm drite.”, tha ajo.

26-vjeçarja foli gjithashtu dhe rreth hobeve të saj, teksa shtoi se është një koleksioniste e filxhanëve të çajit. “Kam një koleksion të madh të filxhaneve. Kohët e fundit isha në një aeroport në Helsinki ku ka një dyqan Moomin plot me filxhanë, dhe u ndjeva sikur kisha nevojë për secilën prej tyre. Më kujtohet se kam blerë një të tillë në udhëtimin tim të parë në Stokholm. Më pëlqen një filxhan me përmasa shumë të mëdha, sepse më pëlqen çaji im”, ka thënë ajo.

Dua Lipa: ‘Heaven is a pool of green garlic butter – and me in it’ | Financial Times

Nuk la pa përmendur dhe preferencat e saj në ushqim. “Në frigoriferin tim, do të gjeni një koleksion të gjerë salcash të nxehta. Unë jam shumë e mirë për erëza në përgjithësi: dua të kem gjithçka, nga majonezë vegan, majonezë normal e deri te salca me nenexhik. Në thelb, unë jam një “vajzë e guximshme”. Dhe pastaj është një pastë specash ballkanike e quajtur Ajvar, e bërë nga speca të copëtuar, e cila është gjithashtu e shijshme.”, thotë Dua.


Konica.al

https://konica.al/2022/02/dua-lipa-p...akrahasueshem/

[sirena_adria]

Dua Lipa ndan mënyrat për të mbështetur Ukrainën

Ukraina është duke luftuar ndaj Rusisë e cila po mundohet që ta pushtojë Kievin në krye me presidentin Vladirim Putin kanë marrë vëmendjen e të gjithë botës, shkruan KultPlus.

Një reagim për këtë çështje ka pasur edhe këngëtarja Dua Lipa përmes buletinit të saj javor, “Service 95”.

“Derisa Ukraina po përballët me pushtimin e ushtrisë së Putinit, e gjithë bota dëshiron që të mbështet këtë vend të guximshëm në luftën e tyre për liri dhe demokraci”, shkruan ajo në reagimin e saj.

Gjithashtu, shton pjesën se buletini Service 95 dëshiron të ketë një ndikim në këtë ndihmë, ku edhe kanë bërë shpërndarjen e mënyrave për të mbështetur këtë luftë.

“Po ndajmë disa mënyra për të mbështetur përpjekjet humanitare, për të ndihmuar me furnizime mjekësore dhe madje për të mbështetur përpjekjet e luftës duke dhuruar për fushatën e financimit të turmave të ushtrisë ukrainase”.


/KultPlus.com

https://www.kultplus.com/muzika/dua-...etur-ukrainen/

[sirena_adria]

DUA LIPA merr pjesë në hapjen e shkollës shqipe në Teksas: Kam folur shqip me prindërit për të mos harruar rrënjët (VIDEO)

Këngëtarja shqiptare, Dua Lipa, ka marrë pjesë me një fjalim në ceremoninë e hapjes së parë të shkollës shqipe në Teksas të Shteteve të Bashkuara të Amerikës, shkruan KultPlus.

Përkundër angazhimeve të saja me koncertin dhe këngën e saj të fundit, Lipa gjeti kohë që të marrë pjesë në hapjen e shkollës shqipe dhe të ndajë përvojat e saja me të pranishmit e tjerë.

Fillimisht, 26 vjeçarja falënderoi organizatorët për ftesën, derisa u shpreh shumë e lumtur që po merr pjesë aty.

“Ju faleminderit shumë që më mirëprisni sot këtu për të festuar me ju hapjen e kësaj shkolle. Kur u informova për hapjen e kësaj shkolle më kujtua fëmijëria ime kur erdha nga Prishtina në Londër”, tha Lipa.

Ajo gjithashtu kujtoi edhe kohën kur gjatë shkollës fliste gjuhën angleze, ndërkaq në shtëpi që të mos harronte rrënjët e saj, fliste në gjuhën shqipe me prindërit.

“Kur isha në Londër flisja anglisht ditën me miqtë dhe profesorët, ndërsa natën me prindërit flisja shqip për të mos harruar rrënjët dhe gjuhën”, përfundoi fjalimin e saj.

Dua Lipa së fundmi ka bërë publikimin e një kënge të re në bashkëpunim me Megan Thee Stallion, ku po dëgjohet nga e gjithë bota.



/KultPlus.com

https://www.kultplus.com/lajme/lipa-...rrenjet-video/



https://www.gazetaexpress.com/hapet-...-ne-inaugurim/

Hapet shkolla e parë shqipe në Texas, Dua Lipa merr pjesë në inaugurim

[sirena_adria]

Dua Lipa nuk ndalet së lulëzuari, shkruan histori në Billboard

Kënga e Dua Lipës me titull “Levitating” e regjistron një javë të 70-të në Billboard Hot 100 (në tabelën e datës 19 mars 2022), duke rishkruar rekordin për më shumë javë të shpenzuara ndonjëherë në sondazh nga një grua, përcjell KultPlus.

“Levitating” është kënga e pestë që kaloi të paktën 70 javë në Hot 100 në Billboard, që daton që nga fillimi i tabelës në gusht 1958.

“Levitating” u ngjit në numrin 2 në Hot 100 të datës 22 maj 2021 dhe, i nxitur nga jetëgjatësia e tij, mbretëroi si titulli kryesor në tabelën “Hot 100 Songs” të fundvitit 2021 të Billboard. (Ka kaluar 41 javë në top 10, më së shumti për një këngë nga një grua dhe e dyta në përgjithësi vetëm pas 57-javëve të top 10-save të “Blinding Lights.”)

“Është mirë pasi punon kaq shumë, veçanërisht nga pandemia, kur ke burime të kufizuara,” u mrekullua Lipa për Billboard kur mësoi për këngën e saj “Levitating”.

“Pra, kjo do të thotë shumë për mua. Ajo se çfarë është duke bërë kënga “Levitating” në tabelën e Billboard është absolutisht surreal. Është absolutisht magjepsëse për mua. Unë jam vërtet, vërtet, shumë mirënjohëse për të gjitha.”

“Levitating” është gjithashtu hiti më i gjatë i Hot 100 në historinë e Warner Records.


/KultPlus.com

https://www.kultplus.com/muzika/dua-...-ne-billboard/

[sirena_adria]

DUA LIPA në majat e botës - Nominohet për nëntë çmime në Billboard Music Awards


Këngëtarja e cila po shijon suksese të mëdha në industrinë e muzikës dhe realisht është shndrruar në një ikonë të muzikës pop dhe asaj dance, Dua Lipa, është nominuar për nëntë çmime në Billboard Music Awards, shkruan KultPlus.

26 vjeçarja është nominuar në nëntë kategori, dhe është njëra prej artistëve më të nominuar për këto çmime.

Duke filluar nga nominimi për “Artisten më të mirë të vitit”, ajo gjithashtu është përfshirë edhe në kategori të tjera që janë:

“Artisti/ja më i/e mirë në shitje të këngëve”,

“Artisti/ja kryesor/e në Billboard Global (përjashtuar SHBA)”,

“Kënga e mirë në Top 100”,

“Kënga më e dëgjuar “,

“Kënga më e shitur”,

“Kënga më e dëgjuar në Radio”,

“Kënga më e mirë nga Billboard 200”,

“Kënga më e mirë Dance/Electronic”.


Në anën tjetër, The Weeknd është artisti me më së shumti nominime në këto çmime, me 17 sosh, derisa Lipa në nëntë.

“The Billboard Awards” janë çmime që jepen çdo vit nga Billboard, një botim që mbulon industrinë e muzikës dhe që paraqet një tabelë popullariteti muzikor.


/KultPlus.com

https://www.kultplus.com/muzika/dua-...-music-awards/









KRENARI KOMBËTARE ! BRAVO !