Dua Lipa

[sirena_adria]

Rekordi i Dua Lipës / E para artiste me 5 këngë me mbi 1 miliardë klikime në Spotify


Dua Lipa ka thyer një tjetër rekord në karrierën e saj muzikore. Ajo është zyrtarisht artistja e parë femër që ka pesë këngë me mbi një miliard transmetime në shërbimin e transmetimit muzikor Spotify.

Lajmin e ka publikuar faqja e klasifikimeve zyrtare muzikore Chart Data, e cila në një twitter shkruan:
Dua Lipa e para artiste femër në historinë e Spotify që ka 5 këngë në platformë me mbi 1 miliard klikime.

Pesë këngët e artistes që kanë mbi 1 miliard transmetime në Spotify janë: ‘New Rules’, ‘One Kiss’, ‘IDGAF’, ‘Don’t Start Now’ dhe ‘Levitating’.


https://njekomb.org/rekordi-dua-lipe...me-ne-spotify/

[sirena_adria]

‘Cold Heart’ e Dua Lipës dhe Elton John renditet e para në Britaninë e Madhe

Ylli kosovar i muzikës botërore, Dua Lipa, po vazhdon të shijojë sukseset e këngës së saj të fundit ‘Cold Heart’ në bashkëpunim me legjendën e muzikës, Elton John.

Kënga e dyshes së njohur është renditur e para në Britani të Madhe, duke lënë pas emra të njohur të muzikës botërore si Ed Sheeran, Nicki Minaj dhe Jesy Nelson.

E lumtur për këtë, Dua ka bërë një postim në Instagram, në të cilin u shpreh është një udhëtim magjik ky që po përjeton.

“Numër 1 në Britani – Cold Heart me Elton John. Të ndaj këtë moment me heroin tim muzikor dhe mikun e dashur do të thotë gjithçka për mua !! Çfarë dite dhe udhëtimi magjik ka qenë ky. Faleminderit dhe ju dua”, ka shkruar Dua në postim.

Ndërkohë, kujtojmë që ylli i muzikës pak ditë më parë hyri në mesin e 20 këngëtareve më të dëgjuara të shekullit 21 bashkë me artisten tjetër shqiptare, Rita Ora.


/KultPlus.com

https://www.kultplus.com/muzika/cold...anine-e-madhe/

[sirena_adria]

Historike! Dua Lipa thyen rekord me albumin “Future Nostalgia”

Këngëtarja e njohur shqiptare, Dua Lipa ka ngritur emrin e saj në majat më të larta të botës, përmes sukseseve me albumet dhe këngët e saj.

Albumi i fundit “Future Nostalgia” ka ndikuar që emri i Duas të jetë i pranishëm në gazetat dhe lajmet botërore, por kjo nuk është e gjitha.

Dua Lipa së bashku me Ed Sheeran dhe Post Malone janë të vetmit artistë me 2 albume në Top 10 albumet më të dëgjuara të të gjitha kohërave në Spotify.

Pra Dua Lipa është e vetmja artiste femër që e thyen këtë rekord.

Spotify është një platformë muzikore, e cila përmbanë statistika të ndryshme dhe të dhëna për artistët e njohur ndërkombëtar dhe jo vetëm.

26 vjeçarja ka anuluar së fundmi dy konerte të fundvitit, kjo për shkak të problemeve që ajo ka pasur me laringun e saj.

Kujtojmë se sipas një raporti të ri nga “The Sun”, këngëtarja shqiptare ka fituar shifra të çmendura në vitin 2021. Cdo muaj, ajo ka fituar mbi 2.5 milion dollarë.

Kjo do të thotë që Dua fitonte 82,000 dollarë çdo ditë, gjë që e dyfishoi pasurinë e saj në harkun e një viti të vetëm. Vlerësimet thonë se ajo kishte rreth 30 milionë dollarë në vitin 2020 dhe tani ka në llogari 62 milionë dollarë.


JavaNews

https://javanews.al/historike-dua-li...ure-nostalgia/

[sirena_adria]

Dua Lipa me sukses të jashtëzakonshëm, shkruan histori në ‘Spotify’

Dua Lipa ka filluar vitin 2022 me këmbë të mbarë, duke shënuar një tjetër sukses të madh në platformën “Spotify”, shkruan KultPlus.

Kënga e saj “One Kiss” në bashkëpunim me Calvin Harris ka marrë më shumë se 1.3 miliardë dëgjime, duke u bërë kështu kanga e tretë e Lipës që arrin një shifër të tillë në “Spotify”.

Dua Lipa tani është artistja e parë grua në histori të kësaj platforme që ka arritur një shifër të tillë.

Albumi “Future Nostalgia” po vazhdon të dëgjohet shumë dhe Lipa shpesh herë po gjendet në top 10-shen e artistave më të dëgjuar brenda një ditë nëpër platforma të ndryshme të muzikës.


/KultPlus.com

https://www.kultplus.com/muzika/dua-...ri-ne-spotify/

[sirena_adria]

DUA LIPA on The Voice

[sirena_adria]

Dua Lipa e nominuar në dy kategori për çmimet “iHeartRadio Music Awards”

E mrekullueshmja Dua Lipa vazhdon të jetë ndër artistet më të nominuara në ceremonitë shpërblyese të muzikës.

E radhës është ngjarja e përvitshme “iHeartRadio Music Award”, ku këngëtarja me prejardhje kosovare ka arritur t’i fitojë 2 nominime në kategoritë: “Artistja më e mirë e vitit”dhe “Kënga më e mirë e vitit” për hitin e saj “Levitating”.

Kategoria shumë konkurruese “Kënga më e mirë e vitit” ka 10 hite duke përfshirë “Easy on Me” të Adele, “Driver’s License” e Olivia Rodrigo, “Montero (Call Me By Your Name)” nga Lil Nas X, “Levitating” nga Dua Lipa, Silk Sonic “Leave the Door Open” dhe Ariana Grande “Positions”.

Votimi social fillon sot, 27 janar dhe do të mbyllet më 15 mars në orën 23:59 për të gjitha kategoritë. Tifozët mund të votojnë në Twitter duke përdorur hashtag-et e duhura të kategorisë dhe kandidatëve ose duke vizituar iHeartRadio.com/awards.

Shfaqja do të shfaqë dy kategori të reja këtë vit – tekstshkruesi i vitit TikTok dhe albumi më i mirë i rikthimit. Të nominuarit në kategorinë e fundit janë Adele’s ’30’, Drake’s ‘Certified Lover Boy’, Foo Fighters’ ‘Medicine at Midnight’, Lorde’s ‘Solar Power’, Kacey Musgraves’s ‘Star-Crossed’, Bleachers’ ‘Take the Sadness Out of Saturday Night’ dhe ABBA’s ‘Voyage’.

Suksesi i albumit të dytë të Dua Lipës, “Future Nostalgia” ka qenë i padiskutueshëm, duke e vënë atë në listën e artisteve më të dëgjuara në radio e platforma muzikore, dhe më të nominuar nëpër ceremoni të ndryshme shpërblyese.


/ KultPlus.com

https://www.kultplus.com/muzika/dua-...-music-awards/

[sirena_adria]

Albumi ‘Future Nostalgia’ shënon histori në platformën Spotify, tejkalon 9 miliardë transmetime

Këngëtarja kosovare me famë botërore, Dua Lipa, po vazhdon të shënojë sukses pas suksesi në fushën në të cilën ajo e zotëron më së miri; muzikën, shkruan KultPlus.

Së fundmi albumi i saj i mrekullueshëm i titulluar ‘Future Nostalgia’, ka tejkaluar 9 miliardë transmetime në Spotify, duke shënuar histori në këtë platformë.

Albumi ‘Future Nostalgia’ është albumi më i transmetuar nga një artiste femër në historinë e platformës.


/ KultPlus.com

https://www.kultplus.com/muzika/albu...e-transmetime/

[sirena_adria]

‘E pandalshmja’ – Dua Lipa ylli i kopertinës në revistën Wall Street Journal

Revista nga Wall Street Journal ka përzgjedhur Dua Lipën si yllin e kopertinës dixhitale për muajin janar, shkruan KultPlus.

Vitin e kaluar, ylli i popit ishte njëra ndër këngëtaret më të dëgjuara në të gjithë botën, derisa tani është duke u bërë gati që të lansoi një podcast dhe gjithashtu po punon në turneun e albumit “Future Nostalgia”.

“Unë gjithmonë e kam atë pikëpamje që ju duhen të jeni më larg zonës suaj të rehatisë në mënyrë që gjërat të shpërblehen për ju”, tha ajo për albumin e saj “Future Nostalgia”, i cili u lansua pak kohë përpara se të fillonte mbyllja e shteteve të ndryshme të botës për shkak të COVID-19, pra, më 27 mars.

“Kështu, kur ndodhi pandemia dhe të gjithë ishin të shqetësuar në qoftë se ne duhet të lansonim albumin, unë thash ta hajë djalli mbase kjo është pikërisht ajo se çfarë na duhet. Kur të gjithë janë në shtëpi, ngase kjo është arsyeja kryesore pse ne duhet ta lasnojmë atë. Ishte e frikshme, sepse nuk e kishe idenë se kur do të përfundonte pandemia, për të gjithë ishte një pikëpyetje e madhe. Por unë e ndjeva se ne duhet ta bënim atë”, ka thënë Lipa për Wall Street Journal.

T’i besoni senseve tuaja dhe atë se çfarë trupi ju thotë, mund edhe të rezultoi e suksesshme, njësoj sikurse rezultoi për Dua Lipën, e cila përmes albumit arriti të transmetohej të shumë vende të ndryshme dhe madje të bëhej artistja e katërt grua më e dëgjuar në platformën “Spotify”.

Madje, ky album është nominuar edhe për çmimet Grammy, për çmimin albumin i vitit.


/KultPlus.com

https://www.kultplus.com/muzika/e-pa...treet-journal/

[sirena_adria]

[sirena_adria]