A mund ta fuse vendin ne lufte civile Lulzim Basha?

[Neteorm]

Personalisht mendoj që nuk mundet, sepse nuk ka as fuqi, as karizëm, as mbështetje në popull, pra nuk ka asgjë që të mund të bindë një pjesë të popullit që të ngrihet kundër pjesës tjetër. Po çfarë zotëron ai deri tani ? E kam thënë dhe e përsëris që Lulëzim Basha vetëm reciton një tekst të shkruar më parë nga Sali Berisha. Vetëm kaq.

Kush e mbështet Lulëzim Bashën ? Në pjesën më të madhe e ndjekin fanatikët e ndershëm të PD-së, ata që janë betuar se do të vdesin me emrin e PD-së në zemër. E ndjekin një grup i madh që e urrejnë për vdekje Edi Ramën dhe e ndjekin gjithashtu një grup tjetër që duan të bëjnë karrierë në PD duke u promovuar si deputetë apo si analistë që gjejnë flori të pastër në ligjërimin e Lulit, i cili ligjërim, për hir të së vërtetës, sa i takon sistemit referencial filozofik shkon nga telenovelat turke me Ezelin deri te urtësia popullore që e barabit fatin e Edi Ramës me atë të plakave si shenjë e motit të keq që zgjat tri ditë në prill. Megjithatë secili është në të drejtën e vet që të bëjë politikë bashkë me Lulin dhe ta ndihmojë Lulin që teksti i tij të paraqitet në publik me sa më shumë variacion stilistik dhe me sa më shumë forcë bindëse.

Lulin nuk e mbështesin institucionet ndërkombëtare dhe aleatët perëndimorë të Shqipërisë. Të gjithë ata që i thonë Lulit se bota perëndimore është manipuluar nga krimineli Edi Rama, janë në të drejtën e tyre që t’i tregojnë Lulit besnikëri, dashuri dhe mbështetje derisa ai ta kthejë çadrën e lirisë nga një auditor me formën e kurseve ideologjike të Partisë në një shtab të organizmit të rezistencës së armatosur përballë klikës së Edi Ramës.

Lulëzim Basha i ka dhënë të drejtën vetes që të paraqitet si zëdhënës i popullit shqiptar që po shtypet nga klika e rekordeve kriminale të Edi Ramës. Ai është emëruar vetë si kriteri i zgjedhjeve të lira dhe të ndershme në këtë vend dhe e ka shpallur veten kampion të njeriut që do ta shpëtojë këtë vend nga klika kriminale e Edi Ramës. Tani ky vetemërim në krye të zemërimit popullor që Lulëzim Basha i ka bërë vetes së tij, meriton pak analizë. E para, Lulëzim Basha është kryetar i një force politike dhe përfaqëson një koalicion opozitar, pra, në rastin më të mirë përfaqëson gjysmën e popullit. Gjysmën tjetër jo. Gjysma tjetër përfaqësohet nga ai person që sot është kryeministër i vendit dhe deri në vitin 2013 ishte në krye të një kolaicioni që ka në Kuvend sot e gjithë ditën të paktën 84 deputetë.

Tjetër, nëse Edi Rama mund t’i vjedhë zgjedhjet me paratë e drogës ky është një perceptim politik i Lulit dhe i mbështetësve të tij. Por pjesa tjetër e popullit ka të drejtë të ketë një gjykim tjetër të ngritur gjithashtu mbi një perceptim tjetër. Edhe ti Lulëzim Basha je akuzuar nga opozita e atëhershme se ke vjedhur 220 milione euro nga Rruga e Kombit. Edhe ti mund t’i përdorësh këto para për të blerë zgjedhjet. Sipas perceptimit që ke ti për Edi Ramën i bie që edhe socialistët të kenë po të njëjtin perceptim për ty. Ndaj kauza jote nuk mund të jetë motiv i zemërmit mbarëpopullor, por është motiv politik për të ndezur mbështetësit e tu.

Lulëzim Basha ka shpallur se ditën që në Kavajë do të mbahen zgjedhjet e pjesshme lokale ai do të organizoje një protestë të fuqishme në këtë qytet dhe do të mbledhe aty gjithë demokratët e Shqipërisë për ta shkatërruar procesin zgjedhor dhe për t’i bërë një atentat demokracisë duke përdhosur ditën e shenjtë kur populli thirret për të vendosur. Pra, nëse ka një ditë të vetme që pushtetin e ka realisht populli kjo është dita e votimeve dhe në atë ditë ndalohet propoganda, ndalohen manifestimet dhe të gjitha llojet e veprimtarive që do ta shkatërronin pushtetin e popullit. Qeveria e ka me ligj të drejtën që të garantojë ditën e zgjedhjeve dhe të drejtën e asaj pjese të popllsisë së Shqipërisë që është thirrur të ushtrojë pushtetin e saj. Nëse Lulëzim Basha dhe ata që e nxisin atë drejt greminës politike nuk ndalojnë, atëhere realisht vendi më 7 maj futet në luftë civile. Pra nëse Lulëzim Basha e pushton Kavajën me ndjekësit e tij ditën që aty zhvillohen zgjedhjet, ai realisht ka nisur luftën civile dhe përplasjen popullore.

Lulëzim Basha po bën provën gjenerale në Kavajë dhe mesa duket është përgatitur që më 18 qershor ta shtrijë aksionin e tij politik për shkatërrimin e sistemit demokratik në Shqipëri më 18 qershor në të gjithë vendin. Nëse në Kavajë ai do të arrijë të dhunonjë qytetin me manifestimin antiligjor, atëhere më 18 qershor ai do të dhunojë të gjitha qytetet e Shqipërisë dhe do të hedhë në erë sistemin demokratik.

Po qeveria si do të sillet ? Pjesa më e madhe e popullit nuk dëshiron luftë sociale dhe përplasje civile. Qeveria dhe organet që ruajnë rendin paguhen që të garantojnë jetën e shqiptarëve. Edhe në këtë rast të gjithë ata që thyejnë rendin shoqëror duhet të përgjigjen penalisht. Edhe Edi Rama u thirr në prokurori për nxitjen dhe organizimin e 21 janarit.

Lulëzim Basha është i vendosur që ta çojë vendin në përplasje shoqërore dhe në tekstin që ai reciton tash dy muaj në çadër, ai paraqitet me profilin e udhëheqësit anarkist e antisistem. Mbetet për t’u parë sesa të përgatitur janë të gjithë ata që janë frymëzuar prej tekstit të Bashës që të shkatërrojnë zgjedhjet në Kavajë dhe të paralajmërojnë shqiptarët se më 18 qershor Lulëzim Basha nis përplasjen e madhe shoqërore. (TemA)

[WesternBlot]

Nuk e fut dot se nuk ka popullin me vete. Me bllofe dhe genjeshtra nuk i shkon njeri pas. Ndoshta andej nga Miloti kane te tjera kritere vleresimi por Miloti nuk eshte Shqiperia.

[Neteorm]

"Ah veting te prifte e mbara
Ngado shkoj me del perpara

Lulezim Basha

[SERAFIM DILO]

Luften e bejne o njerezit idealist ose ata qe nuk kane çfare te humbin,oportunistet vetem i pershtaten.

Faren e idealizmit e zhduku Enveri ndersa Berisha me pasardhesit e tjere e kthyen ate vend ne nje toke djerre ku nuk mbin me asgje qe te vleje. Ata te "humburit" perveç frikes i genjen akoma shpresa e optimizmit.

Sikur dikush ta dergonte ate vend ne lufte civile (natyrisht per te ndryshuar rrenjesisht ate vend jo per oportunizem) do ishte dikush qe do etiketohej si hero. Kush shpreson ose mendon se gjendja mundet te permirsohet gradualisht duhet ti mjaftojne 27 vitet e tranzicionit... (qe akoma nuk dihet se kur mbaron,se nje brez 25 vjeçar e ka kaluar).Ah harrova,eshte dhe Basha ! Por Basha nuk ka ide e mendime personale dhe per kete nuk mund te gjykohet.


Megjithate, vendi duket sikur eshte ne kaoz dhe duket sikur asnje nuk di se çfar ndodh...por fatkeqsisht (se dhe kaosi do ishte nje shprese) eshte krejtesisht e kunderta,ka nje regji dhe çdo gje eshte e organizuar dhe e kalendarizuar.

[Albo]

O Lazo,

Ti ke hallin e luftes civile. Une kam hallin se mos Trump e hedh ate bomben e madhe tjeter ne Surel e jo ne Afganistan. Se qe thua ti o Lazo, ai Trump nuk i harron ata qe e sulmojne. Eshte si puna e shokut Enver. Shoku Enver i pushkatonte, burgoste e internonte, ky u hedh bomba qe e bejne malin fushe.

Albo

[SERAFIM DILO]

Me ne fund u mor vesh edhe pazari se na mbajten 3 muaj pezull me zgjedhjet e lira,me drogen dhe vetingun,me gjera qe asnje politikani nuk i interesonin.

Kopil u tregua shoku Sali kesaj radhe,do mbahet mend si protesta per te zgjedhur Meten president. E bllokoi, me kete proteste, çfar do lloj proteste qe do kishte kunder Metes si president. Kopil ! Natyrisht nuk eshte e gjithe merita e tije (se nuk e ka ate zgjuarsi ),eshte qerratai shoku Gramoz qe i qendis te gjitha.

Kesaj radhe qerratait shokut Gramoz duhet ti heqim kapelen,jo vetem qe futi opoziten 3 muaj ne çader por me nje gur vrau nja tre-kater zogj.

"Foriklas" i papare qerratai i dha sha-mat te gjitheve si popullit dhe te huajve.

[WesternBlot]

Me ne fund u mor vesh edhe pazari se na mbajten 3 muaj pezull me zgjedhjet e lira,me drogen dhe vetingun,me gjera qe asnje politikani nuk i interesonin.

Kopil u tregua shoku Sali kesaj radhe,do mbahet mend si protesta per te zgjedhur Meten president. E bllokoi, me kete proteste, çfar do lloj proteste qe do kishte kunder Metes si president. Kopil ! Natyrisht nuk eshte e gjithe merita e tije (se nuk e ka ate zgjuarsi ),eshte qerratai shoku Gramoz qe i qendis te gjitha.

Kesaj radhe qerratait shokut Gramoz duhet ti heqim kapelen,jo vetem qe futi opoziten 3 muaj ne çader por me nje gur vrau nja tre-kater zogj.

"Foriklas" i papare qerratai i dha sha-mat te gjitheve si popullit dhe te huajve.

Qe te jete i vertete ky variant(gje qe une nuk e besoj) i bie qe PD-ja te terhiqet dhe te hyje ne zgjedhje dhe kredibiliteti i PD-se dhe karriera e Bashes te marrin fund.

[SERAFIM DILO]

Qe te jete i vertete ky variant(gje qe une nuk e besoj) i bie qe PD-ja te terhiqet dhe te hyje ne zgjedhje dhe kredibiliteti i PD-se dhe karriera e Bashes te marrin fund.

Qe PD do hy ne zgjedhje nuk diskutohet,mbas 1 muaj,tre muajve,6 muajve do hy,do futet per faktin qe eshte nje monopol qe vet socialistet nuk duan ta humbasin,sepse mundet te dali ndonje opozite tjeter ose force e re tjeter qe e prish gjith skemen dhe gjith sistemin. Per kete,ne fakt qe socialistet do futen vetem ne zgjedhje nuk e beson njeri,sepse pa PD-ne eshte sikur te fusin vet koken ne gijotinen e Vetingut. Pa PD ne parlament; Vetingu fillon nga partite parlamentare nuk mundet te filloje nga partite ekstraparlamentare. Zgjedhja e Metes president i jep garanci te gjitheve per vet faktin qe vetingu nuk mundet te behet kunder presidentin sepse do te thote qe bie shteti.


Megjithate,ne qofte se varianti "i shokut Gramoz" nuk eshte i sakte do kishim nje "assist" te papare te PS per PD,qe do te thote qe ; PD mundet ti bashkoje protestes kunder Rames edhe ate kunder Metes. Pra si minimum te shtosh si numurin dhe fuqin e protestes... (Eshte pak a shume si protesta e PD "Meta ik,Meta ik" por asnje qe mer vesh pak nga politika ne ate vend e dinte qe PD se kishte seriozisht. Edhe ne kete rast,te gjithe e dine qe PD nuk i interesojn as zgjedhjet dhe as droga )


Kredibiliteti i te trejave partive ka mare fund,e vetmja gje qe i mban ne kembe eshte pazari. Pa pazar dhe pa nje regji shkaterrohen brenda oreve,jo diteve por oreve.


Pa PD Rama do kishte rene nja tre-kater here. Eshte PD qe bllokon çdo lloj ndryshimi. Dhe te jesh i sigurte qe Rama nuk e jep qeverin teknike se prap PD nuk kishte per ta pranuar,se nuk eshte as ide e saj. Sot,ky sistem politik kerkon garanci dhe garancite ti japin;"qeverit e forta" "lideret e forte dhe partit e forta".

[Akuamarini]

[skender76]

Basha kujton se esht duke fol me belg, hollandeze apo austriake...
O Basho, shqiptarucet dun "shtet", dun dike me kerbaç mbi koke, perndryshe si hahet buka...

Duhet te ndryshosh edhe termat lu flet me popllin, i quan "oligarke" por s'ja din kuptimin gjimsa e ma shum...
Fol me popullorçe...


Vendin ne kaos nuk e çon fot as Basha e as "Pasha", por ambasadorucat...