"3 Musketjerët" e Kenges Shqipe

**sirena_adria** · 10-01-2020, 11:57

Koncerte në Athinë dhe Selanik, ‘Tre Musketjerët’ e muzikës shqiptare: Do të jetë fantastike

**sirena_adria** · 10-01-2020, 16:20

Koncerte në Greqi, ‘Tre Musketjerët’ e muzikës shqiptare

Janar 2020 - Konica.al

‘Tre Musketjerët’ e muzikës shqiptare kësaj radhe do të kenë një aventurë të radhës. Hitet e tyre kësaj radhe do të dëgjohen në Greqi, në dy koncerte të përmasave të mëdha në Athinë dhe Selanik në datat 8 dhe 13 shkurt.

Asnjëherë më parë një këngëtar shqiptar nuk ka zhvilluar një koncert me orkestër simfonike në ‘mes’ të Greqisë por kush tjetër më parë se Tre Muskëtjerët mund ta bënin.

Të ftuar në rubrikën e ‘Opinion’ në News 24 kantautori Elton Deda, dhe këngëtarët Aleksandër Gjoka dhe Redon Makashi rrëfejnë detajet e kësaj aventure. Makashi thotë se është marrë përsipër një risk i madh por Aleksandër Gjoka është i bindur se publiku shqiptar aty do ta kthejë koncertin në një atmosferë fantastike.

Elton Deda: Koncertet në Greqi mbahen më datat 8 dhe 13 shkurt. Kemi pasur në planet tona që kur bëmë koncertin në Tiranë. Të bënim edhe në vende të tjera. "Tre Musketierët" mos kufizoheshin në këto vende. Nuk është aq e thjeshtë. Ndryshe janë muskutierët në Shqipëri, ndryshe në Greqi. Marrim përsipër edhe rreziqet.

Aleksandër Gjoka: Nuk është i panjohur por edhe i njohur. Në lokale kështu nëpër pube është e thjeshtë por do të bëjmë një koncert të përmasave të mëdha.

Redon Makashi: Amfitetatri qe një urë lidhëse për të shkuar në Greqi dhe Selanik. Kompania Connext bëri lidhjen mes nesh. Klodiani ka vite që jeton në Greqi dhe prej vitesh e njeh terrenin. Shqiptarët aty na presi mirë aty. Kemi marrë një risk shumë të madh pasi nuk është bërë një këngëtar shqiptar të shkojë të këndojë me orkestër simfonike. Një aktivizim shumë i madh dhe jemi të bindur se do dalim me sukses.

Aleksandër Gjoka: Publiku shqiptar në Greqi është ndryshe nga ne këtu. Se ne na shohin këtu edhe në rrugë. Ata në shohin vetëm prej ekranit. Do të ketë atmosferë fantastike.

Elton Deda: S’mendoj që të ketë ndonjë suprizë të madhe. Njerëzit shpresoj të dëgjojnë vetëm hitet që përlqejnë dhe do këndojë vetëm ato që kanë dëgjuar prej nesh.
Pjesën e organizimit po merret Klod Makashi me ekipin e tij dhe Klodi është shumë optimist.
Unë për vete do të shkoj të enjten ndërsa orkestra simfonike është ajo e televizionit kombëtar grek. Duam të takojmë artistë të rinj dhe të shkëmbejmë eksperienca.

E vetmja gjë që është e sigurtë është se dy koncertet do të bëhen në datat 8 shkurt Athinë dhe 13 shkurt Selanik.

https://konica.al/2020/01/koncerte-n...kes-shqiptare/

**sirena_adria** · 10-02-2020, 09:56

"Tre musketjeret" koncert ne Greqi

**sirena_adria** · 20-02-2020, 09:27

Tre musketjerët shqiptarë "ndezin" Greqinë, koncerti madhështor bashkon dy popujt, vleresime maksimale (Video)

Muzika e mire kuptohet në çdo gjuhë të botës! Ajo thyen muret dhe bashkon popujt.

Dëshmia konkrete e kësaj është përfundimi me sukses i dy koncerteve madhështore, që tre musketjerët shqiptarë, Elton Deda, Redon Makashi, Aleksandër Gjoka, organizuan në Greqi, në bashkëpunim me artistët e njohur grekë, Kristos Dantis dhe Thanasis Polikandriotis.

“3 moskutjeret i dua shume. Me pelqen muzika e tyre, por dhe ata si njerez. Une mendoj qe nuk duhet te jene vetem fatkeqesite natyrore, siç ishte termeti i 26 nentorit, qe te na bashkojnë, por edhe gjerat e mira, si kjo qe beme se bashku. Ne duhet te na bashkoje arti, por edhe Europa. Ne pjesen tone e beme”, u shpreh këngëtari grek, Polikandriotis.

“Ishte e hera per ne te bashkepunonim me nje grup nga Shqiperia dhe mbi te gjitha me nje grup kaq te talentuar. Ishte nje eksperience jashtezakonisht e bukur per ne. Tani, shume shpejt jo vetem orkestra jone, por edhe te gjitha orkestrat muzikore te radios televizionit grek do te jene me disa shfaqe ne Tiranë”, tha drejtori i orkestrës, Michalis Dimitrakos.

“Shqiperia dhe Greqia kane nje mur ne mes, qe nuk duhet te ekzistoje dhe arti eshte e vetmja menyre per ta rrezuar. Per mua ishte nje eksperience e jashtezanshme te punoja per promovimin e dy koncerteve. Arti mund vetem te na bashkoje dhe ky bashkepunim eshte prova e gjalle”, deklaroi shkrimtari Minas Vintjadis.

Salla u mbush plot. Grekë e shqiptarë bashkë të ardhur aty jo vetëm nga Selaniku, por edhe nga qytete të tjera të Shqipërisë, dëgjuan muzikën e vërtetë shqiptaro-greke. Entuziazmi lexohet qartë në portretet e 3 musketjerëve tanë, që kane plane të tjera përtej kufijve shqiptarë.

https://kohajone.com/tre-musketjeret...ime-maksimale/

**sirena_adria** · 20-02-2020, 09:32

Vasco Rossi ose Ligabue do të këndojnë me 3 Musketjerët? Redon Makashi zbulon surprizën …...

Pas dy koncertesh të suksesshme ne Athinë e Selanik, kantautori Redon Makashi zbuloi se ku do t’I shikojmë shumë shpejt “3 Musketjerët”. Në një intervistë ekskluzive për emisionin “Vizioni i Pasdites”, Makashi lajmëroi koncertin e rradhës, që do të realizohet në amfiteatrin e Veronës.

Për më tepër, kantautori i hitit “Më Ler të Fle” zbulon se do të performojë krah emrave të njohur të muzikës italiane, si grupi Ligabue ose këngëtari Vasco Rossi.

“…është një koncert i përbashkët, është ideja që mund të jetë o Ligabue, ose Vasco Rossi… ai person që po merret me këtë, është duke u marrë me këta dy emra…” u shpreh Makashi.

Për Redonin ky koncert është një endërr shumëvjeçare, jo vetëm për të, por dhe për shumë artistë shqiptar:

“Këto janë historike dhe për ne, sepse shkelim në fusha të cilat i kemi pasur endrra. Ne i shohim ata këngëtarë ose ato ambjente, i kemi parë që të vegjël… e ke parasysh kur endërron ‘ah sikur…’? dhe erdhi momenti…”

Përsa i përket jetës personale, kantautori është treguar i rezervuar, por ka zbuluar se një pjesë e teksteve të dashurisë që ai krijon, vijnë si rrjedhojë e përjetimeve të tij personale. I pyetur nga moderatorja Evi Reçi se si ndihet emocionalisht, përtej artit, ai është shprehur se tashmë ështe i lumtur.

https://www.vizionplus.tv/vasco-ross...lon-surprizen/