Jep dorëheqjen Saimir Tahiri

[Neteorm]

Aq pak sa kam shkruar këtu e kam bërë të qartë antipatinë që kam për Salën si politikikan, për sa kohë të jetë aktiv në politikë ai vetë apo vartësit e tij, Rama do mbetet e keqja më e vogël, për mua.

Largimi i S. Tahirit është një lëvizje politike e mirëmenduar nga Rama.
Tahiri është vërtetë ministri më i suksessëm i qeverisë Rama, por edhe një nga të përkëdhelurit e Ramës, për këtë arësye është sulmuar vazhdimisht me lloj lloj mënyrash nga opozita sepse e shihnin si të "paprekshëm", ndërkohë që Rama bëri të kundërtën, dhe e bën pikërisht pak muaj para zgjedhjeve dhe në kulmin e dështimit të "protestës" që ka humbur identitetin.

Tahiri është ministri më i suksesshëm sepse ka qenë edhe një ndër më energjikët në media e parlament. Secili ka mendimin e tij për ta vlerësuar punën e tij, por të gjitha sondazhet e nxjerrin si ministrin më të suksesshëm të votuar nga qytetarët. Njerëzit në qytete ku ka edhe shumicën e votuesve e majta duan thjesht siguri e rregull, polica që qarkullojnë, polica në shkolla, me pak fjalë prezencë të dukshme policie e rregulli. Askujt nuk i bëhet vonë se është mbjellë me ashash në periferitë e Shqipërisë 3 herë më shumë hashash se mbillej në kohë e PD apo se u grabitën 2 herë nga 10 apo 50 mln eu në rrugën e Rinasit. 99% as nuk e kuptojnë çfarë janë vërtetë 1 mlneu.

Nga ajo pjesë që e konsideron Tahirin si ministri më i suksesshëm apo një ndër më të suksesshmit, shkarkimi i tij po/do përjetohet me një ndjenjë urrejtje ndaj Saliut si insistues nër këtë shkarkim (e kanë vënë si kusht apo jo, pak rëndësi ka, Sala nga kjo lëvizje e Ramës, pra shkarkimi i Tahirit ka dalë i humbur politikisht dhe ai vetë e ka të qartë këtë)

Gjithë jeta e karriera politike e Salës janë sinonim i anakisë, mashtrimit, crregullit.

Pikërisht e kundërta e asaj që bën Rama. Vërtetë që e ka tepruar me fasadat, por qytetarët duan diçka të dukshme sa i përket rregullit se ky brez me rregull është mësuar. Për këtë arësye Sajmiri e Velia janë dy figurat më pozitive në votuesit e majtë sepse puna e tyre pasqyron këto cilësi.

Tani, pak muaj para zgjedhjeve Rama shkarkon Tahirin, sinonim të rregullit, shkarkimin ja faturon Saliut e Lulit, sinonime të crregullit dhe mashtrimit, del edhe sikur bën sakrifica në emër të vetingut e reformës për drejtësi, e gjitha kjo përkthehet në akoma më shumë urrejtje ndaj Salës, Lulit, dhe atyre pak që u kanë mbetur nga pas. S. Tahirin, sinonim të rregullit, rinisë, të ardhmes, e emëron drejtues për fushat e Tiranës, ku pak para zgjedhjeve do inagurojnë sheshin Skënderbej dhe sheshin Avni Rustemi (shtoi këtu dhe kronikat e lajmeve ishte/është që Rama i ka merak vetë ashtu si ka merak edhe fjalimet për raste të tilla), me pak fjalë: Në Tiranë do marrin një fitore edhe më të thellë se zgjedhjet e kaluara.

Shkarkimi i Tahirit ëshë thjesht një lëvizje politike e mirë menduar, jo kusht, aq më pak një "fitore" e opozitës.

Unë thjesht si spektator e jo si votues ndjek me kuriozitet lëvizjet e Metës e të këtyre lëvizjeve të reja politike se sa për PD dhe protestën e saj, vetëm për gallatë është.

[skender76]

Lazo,

ndaj vetem nje pjese te vogel te asaj qe shkrujte me siper.

Jam pro shtet. Edhe per arsyen qe nderrimi i pushtetit ka kosto te medha per te gjithe vendin. Sidomos ne nje vend ku njeri do Zog te Zi, tjetri e prish Zogun e Zi, njeri don fush me bar per Skenderbene, tjetri e prish dhe e ben kalldrem.... dhe te gjitha keto me parat e shqiptareve..., apo esht buxheti i shtetit qe tha msusi i aritmetikes se rilindjes?

Mos e mbro Ramen kot, sepse nuk mbulohet dielli me shoshe..., e mbushi administraten me kriminele/drogaxhi/trafikante. Nuk lahet dot me reformat e Saimirit apo te Mrikes...

Ty s'ta mbushka syrin PD-ja??
Rama iken o miku. Ka shume arsye. Me kryesorja esht vetingu. Do e terheqin zvarre kete vetingun, njeher me proteste, pastaj me zgjedhje, pastaj/pastaj...

[Neteorm]

I pari që e mori vesh largimin nga detyra e ministrit ishte ministri i Brendshëm, Saimir Tahiri, që të premten në darkë. Persona pranë ministrit Tahiri pohuan se ai ka mbetur i habitur kur i është kërkuar nga kryeministri që të japë dorëheqjen si ministër.

Pasi është kthyer nga Gjermania, Rama ka thirrur Tahirin në zyrë, ku i ka përsëritur kërkesën për të dhënë dorëheqjen. Por ndryshe nga ç’pritej, Tahiri e ka kundërshtuar këtë kërkesë të Ramës.

“Më thuaj çfarë gabimi kam bërë, çfarë shkeljeje në detyrë që duhet të jap dorëheqjen. Unë nuk shoh asnjë arsye për të dhënë vetë dorëheqjen. Nëse do, mund të më shkarkosh nga detyra, kjo është kompetenca jote dhe mund ta bësh, por dorëheqje unë nuk jap”, mësohet të ketë qenë komunikimi i fundit aspak i qetë mes tyre, raporton “Panorama”.

Ministrat e tjerë që u përfshinë nga Kryeministri Rama për t’u larguar janë njoftuar të shtunën pasdite vonë. Ministri i Pushtetit Vendor, Bledi Çuçi, ka qenë në një udhëtim pune me një grup gazetarësh në qarqet e Jugut për të treguar efektet e reformës territoriale.

Por ai është lajmëruar nga Kryeministri Rama dhe është detyruar të ndërpresë këtë aktivitet për t’u kthyer që të shtunën në darkë në Tiranë. Edhe ministrat Beqaj dhe Klosi nuk kanë pasur dijeni për vendimin e Kryeministrit Rama deri të shtunën pasdite.

Për të vlerësuar deri në minutën e fundit punën e ministrave të tij, pak para mbledhjes në selinë rozë, Kryeministri Rama ishte dje paradite me ministrin Beqaj në Spitalin e Traumës për të inspektuar rikonstruksionin e plotë që po i bëhet repartit të Urgjencës

Lapsi

[mesia4ever]

Fatkeqesisht u be kurban nje minister qe kurrfare te keqe nuk ka bere ne punen e tij. Kjo eshte taktika e fashisteve te PD-se, te nxisin percarje ne mes socialisteve sepse ckado qe mazhoranca te beje ata nuk do te kenaqen. Sepse nese prokuroria e shtetit forcohet sic funksionon ne vendet perendimore familja e Berishes e perfshire ne masakren e Gerdecit rrezikojne burgun. Keta te cmendur do te bejne cmos qe ta pengojne kete.
Qitash ju ka ra ne mend per qeveri teknike, ptu mentalitetin e magjupeve bre...

[Albo]

Te hoqi Ilir Meta nga Qeveria o Tahir ziu oiiiii oiiiii
Na e mori pushtetin skaparlliu oiiiii oiiiiii
Na ngeli Partia ne duart e ketij arrixhiu oiiii oiiiii
Gezon sot gjithe Lazarati oiiiii oiiiii
Ka vene kujen gjithe Laberia oiiii oiiii
Na ngeli pa transport hashashi oiii oiiii

P.S Shoku Rama, si jane planet, Tahirin do ta fusim ne burg para apo pas zgjedhjeve?

[Neteorm]

Ministri i Brendshëm në largim Saimir Tahiri ka reaguar për deklaratën e bërë nga kreu i grupit parlamentar të LSI-së, Luan Rama. Ai e quan qëndrimin e Ramës një qëllim politik për të marrë më shumë vëmendje e vota, dhe “vërtetësia e asaj që thonë kalon në plan të dytë”.

Duke e quajtur një zëdhënës të LSI-së, Tahiri thotë se aleatja e PS në pushtet duhet të jetë krenare që është krah socialistëve në këtë fazë historike reformash.

“E shoh të udhës të saktësoj leximin e raportit të Departamentit Amerikan të Shtetit, sipas një zëdhënësi të LSI në një konferencë për shtyp sot. Pa komentuar mbi këtë lexim të pasaktë, sipas të cilit fenomeni nuk qenka luftuar sa duhet, po vë në dispozicion tekstin e 4 raporteve konsekutive të DASH në 4 vite me radhë. Mjafton një lexim krahasues për të kuptuar se sipas Departamentit të Shtetit, Shqipëria nuk u bë burim i rëndësishëm i prodhimit të marihuanës as vjet e as parvjet, po njihej si i tillë nga DASH që para se të merrnim detyrën. Po ashtu, leximi krahasues mjafton për të kuptuar se e vetmja gjë që ka ndodhur, është fakti se ne kemi rritur me shifra e fakte, forcën goditëse të Policisë së Shtetit. E di se qëllimet politike të partive kundërshtare apo konkurente me PS për të marre sa më shumë vëmendje e vota, justifikojnë mjetet e propagandës partiake të secilit dhe vërtetësia e atyre që thonë kalon rëndom në plan të dytë. Por duke besuar se Lëvizja Socialiste për Integrim, si partner strategjik në koalicionin qeverisës i detyrohet vërtetësisë së fakteve të qeverisjes, një vëmendje të veçantë, uroj që leximi krahasues i raporteve të DASH për Shqipërinë, ta bëjë edhe LSI të ndjehet krenare që ka nderin e madh të jetë aleate e PS në këtë fazë historike reformash për vendin”, shkruan Tahiri në një status të gjatë në Facebook.

Ai vijon më tej duke thënë se të gjithë ata që ëndërrojnë dështimin e PS-së do e kanë marrë përgjigjen nga puna e tre vjet e gjysëm dhe do ta marrin nga populli i Shqipërisë më 18 qershor.

“Nuk kam pritur dhe nuk pres ndërkohë që këtë lexim krejt të qartë të këndvështrimit të DASH mbi tre vite betejë kundër kultivimit të kanabisit, ta bëjnë kundërshtarët e betuar të Policisë së rilindur të shtetit. Qofshin këta të fundit në çadrën e pashpresë të bulevardit, qofshin në çadrat e turpshme të emisioneve të porositura dhe komentatorëve të paguar apo qofshin në rolin e hienave të dala nga oborri i PS, që ëndërrojnë dështimin e Partisë Socialiste, përgjigjen e merituar e kanë marrë tre vjet e gjysëm nga puna jonë e përbashkët dhe do ta marrin nga populli i Tiranës dhe gjithë Shqipërisë në 18 qershor”, vijonTahiri.

Drejtësia vonon po nuk harron, përmbyll statusin ministri i Brendshëm në largim, Saimir Tahiri, duke shkruar: “Edhe njëherë faleminderit të gjithëve për mbështetjen e pakursyer ndaj Policisë së Shtetit dhe për shpërfilljen e merituar ndaj atyre që janë gati t'i rivënë zjarrin Shqipërisë, për të mos përfunduar prapa hekurave ku e kanë vendin prej kohësh. Drejtësia vonon po nuk harron!”.

/ Top Channel