Diskutime të lira

[Neteorm]

Puthja e jetës

Kjo foto e bërë nga Rocco Morabito më 1967 që u quajt "Puthja e jetës", tregon dy elektriçistët Champion Randall dhe JD Thompson në majë të një shtylle elektrike.
Ndërsa bënin kontrollin rutinë, Champion preku linjën e tensionit të ulët në pjesën e sipërme të shtyllës. Mbi 4000 volt elektricitet përshkoi trupin e tij duke bërë që zemra e tij të ndalonte menjëherë (për karrigen elektrike përdoren deri në 2000 volt). Falë pajisjeve të sigurisë me të cilat ishte i lidhur ai nuk u rrëzua përtokë dhe Thompson që ishte pas tij e mbajti dhe filloi t'i bëjë frymëmarrjen gojë më gojë. Për shkak të rrethanave nuk mund t'i bënte masazhin kardiak, por vazhdoi t'i bënte frymëmarrjen derisa arriti të ndiejë një rrahje të dobët zemre. I zgjidhi pajisjet dhe zbriti nga shtylla duke e mbajtur shokun mbi supe. Kur zbriti, ai dhe shokët e tjerë i dhanë Champion ndihmën e shpejtë derisa frymëmarrja dhe rrahjet e zemrës rifilluan. Më pas erdhën mjekët e urgjencës mjekësore dhe Champion erdhi sërish në jetë. Shoku i tij i kishte shpëtuar jetën .
Ai jetoi deri në vitin 2002 kur vdiq nga një atak kardiak në moshën 64 vjeçare.
Fotografia u publikua në të gjitha gazetat e revistat e kohës dhe fitoi çmimin Pulitzer më 1968-ën.

Ka miq që nuk janë miq,
dhe ka miq që janë më tepër se vëllezër.

Marrë nga Rozi Dhimitri.

[Neteorm]

Ky është Ledion Mita. Shoqëria nuk e njeh. Nuk e njeh se modeli që merr zë në Shqipëri është modeli i tallavasë dhe antivlerave thuajse në çdo fushë të jetës. Ky djali mu në palcë të dimrit u hodh me rroba në lumin Gjanicë pa e menduar dy herë dhe shpëtoi 2 fëmijë të mitur që po mbyteshin.

U futa bëra një kërkim dhe rezultoi se janë qindra mijëra shqiptar që angazhohen me shikime, komente dhe debate për një farë emisioni me emrin "përputhen", por jo për sakrificën e Ledion-it. I kushtojmë vëmendje tallavasë së ca njerëzve që asnjë gjë si japin shoqërisë dhe lëmë në harresë vlerat.

Për këtë faji nuk gjendet te Parlamenti. Gjendet mes nesh.

Faleminderit Ledion djali për mirësinë tënde! (Huazuar)