Varferia ne Kosove

[Llapi]

Kryeministri i Republikës së Kosovës, Hashim Thaçi vizitoi Fabrikën “Liri” dhe kompaninë “Renelual Tahiri” në Prizren



Në kuadër të vizitave që është duke iu bërë bizneseve të vogla, të mesme dhe të mëdha, kryeministri i Republikës së Kosovës, Hashim Thaçi, sot ishte për vizitë në komunën e Prizrenit. Më këtë rast kryeministri Thaçi vizitoi kompaninë “Liri” dhe kompaninë “Renelual Tahiri”, të dy këto kompani të suksesshme në zhvillimin e afarizmit të tyre.

Në të dy kompanitë kryeministri Thaçi u njoh nga afër me procesin e punës dhe të mbarëvajtjes së punës, duke theksuar përkushtimin e Qeverisë së Kosovës, se përmes Fondit të Punësimit, do të ndihmojë bizneset kosovare në zgjerimin e kapaciteteve ekzistuese, në hapjen e bizneseve të reja, përmes aplikimit me projekte konkrete në këtë fond, të cilat do të ndikojnë direkt në uljen e papunësisë dhe rritjen e mirëqenies sociale për të gjithë qytetarët e Republikës së Kosovës.

Në vazhdim, po e prezantojmë të plotë fjalën e Kryeministrit Thaçi në Fabrikën “Liri”në Prizren:

“Fabrikën “Liri” e kam vizituar edhe vite më parë. Ka qenë e vendosur në pjesën e qytetit dhe ka pasur 30 punëtorë. Ne jemi takuar në ndërkohë, natyrisht. Ndërsa, sot kur e vizitoj, shoh një mrekulli të re, një objekt të ri, me teknologji të re, dhe me mbi 120 të punësuar.

Prandaj, jam këtu së bashku me ministrin Beqaj për të inkurajuar edhe kompaninë “Liri” dhe gjithë afaristët, biznesmenët, ndërmarrjet e vogla dhe të mëdha këtu në Prizren, që të punojnë sa më ngushtë me Qeverinë e Kosovës, në mënyrë që ky partneritet të rritet dhe të forcohet.

Kam besim se ashtu si kompania “Liri”, që mund të jetë përfituese nga Fondi i Punësimit prej 1.5 miliardë eurosh, për t’u zgjeruar dhe rritur numrin e punëtorëve, të njejtën mundësi mund ta shfrytëzojnë edhe kompanitë tjera.

Jam këtu vetëm për të uruar dhe përgëzuar pronarin e kompanisë “Liri”, një biznesi familjar, për suksesin e tyre, për prodhimin e tyre, për krijimin e vendeve të reja të punës, natyrisht edhe për pagesën shumë të mirë që i bëjnë punëtorëve.

Është shembulli shumë i mirë, një shembull i cili duhet të merret edhe nga të tjerët” tha kryeministri Thaçi pas vizitës në Fabrikën “Liri” në Prizren.

Ndërsa, pasi ka vizituar repartet e prodhimit të kompanisë “Renelual Tahiri”, Kryeministri Thaçi ka theksuar:

“Kompania “Renelual Tahiri” ka qenë prej më të fuqishmeve, prej më të suksesshmeve, prandaj jemi sot këtu së bashku me ministrin Beqaj për t’i uruar dhe përgëzuar, për suksesin e tyre.

Është një kompani me një përvojë prej 40 vitesh, kanë diku rreth 200 punëtorë, duke përfshirë edhe nënkontraktorët, që punojnë me këtë kompani.

Është modeli i një suksesi të mirëfilltë. Me këtë lloj biznesi, por edhe me bizneset tjera, Qeveria e Kosovës mendon dhe punon që të thellojë bashkëpunimin, që të shikojmë të gjitha mundësitë për të krijuar kushte dhe rrethana, si dhe klimë më të përshtatshme për avancimin e biznesit.

Kam besim të plotë se në kuadër të thellimit të partneritetit në mes të Qeverisë së Kosovës dhe biznesit kosovar, dhe në kuadër të Fondit të punësimit, një fond prej 1.5 miliardë eurosh, do të mund të jetë përfituese edhe kjo kompani dhe shumë kompani të Prizrenit dhe gjithë Kosovës. Natyrisht, gjithmonë duke pasur parasysh zgjerimin e potencialeve, zgjerimin e prodhimit, rritjen e prodhimit, por edhe krijimin e vendeve të reja të punës.

Tash kur i kemi rritur pagat e të gjithë punëtorëve kosovarë, edhe këtë hapësirë për të ulur numrin e të papunëve do ta mbushim bashkërisht. Qeveria e Kosovës dhe biznesi privat do të krijojnë kushte më të mira për çdo familje, do të krijojnë vende të reja të punës, dhe do të rrisin kështu mirëqenien sociale të qytetarëve të Kosovës.

[Llapi]

Brenda vitit lëshohet në qarkullim autostrada Prishtinë - Shkup

GazetaExpress E mërkurë, 05 Tetor 2016 09:55


Një pjesë e autostradës që lidh Prishtinën me Shkupin brenda këtij viti do të lëshohet në qarkullim.

Zëdhënësja në konsorciumin turko-amerikan “Bechtel- Enka”, Ela Ruçi, ka bërë me dije se kjo kompani po punon sipas dinamikës dhe brenda këtij viti do të lëshohen në qarkullim për të gjithë ata që shfrytëzojnë këtë rrugë nacionale.

“Ekipi i “Bechtel Enka”, po punon intensivisht në të gjithë gjatësinë e këtij korridori. Objektivi ynë në bashkëpunim dhe koordinim me qeverinë e Kosovës është që brenda këtij viti të lirohen për trafik 20 km e para të kësaj autostrade”, ka thënë Ruçi për transmetuesin publik.

Ndryshe, Rruga 6, Prishtinë – Hani i Elezit, "Arbën Xhaferi”, është autostrada e dytë e Kosovës, pas asaj me Shqipërinë. Kjo rrugë është me gjatësi prej 55 kilometrash, duke filluar nga Prishtina, Lipjani, për të kaluar nëpër Ferizaj, Kaçanik e deri në kufi me Maqedoninë.

[Akuamarini]

[Llapi]

Ministrja Tahiri vizitoi fabrikën e kërpudhave në Gushafc
31/08/2016


Ministrja për Dialog e Qeverisë së Republikës së Kosovës, Edita Tahiri, gjatë vizitës së saj në Mitrovicë, e shoqëruar nga kryetari i komunës, Agim Bahtiri, ka vizituar edhe fabrikën e re të kërpudhave në Gushafc.

Kryetari Bahtiri e ka njoftuar ministren Tahiri me procesin e prodhimit të kërpudhave dhe të eksportit të prodhimeve. Ai tha se kjo është vetëm fabrika e parë, ndërsa në vazhdim i tregoi për përgatitjet që po bëhen për ndërtimin e fabrikave tjera, të cilat në total do të prodhojnë 10 tonë kërpudha në ditë.

“Teknologjia e prodhimit është moderne dhe e importuar nga Japonia. Kërpudhat që kanë filluar të prodhohen këtu janë të cilësisë së lartë dhe shumë të kërkuara në perëndim. Plasmani i tyre tashmë është siguruar dhe ato gjenden në tregun evropian”, tha kryetari Bahtiri.

Ministrja Edita Tahiri tha se është befasuar për të mirë me atë që po sheh. “Më vjen mirë që edhe tek ne ka një teknologji të këtillë të prodhimit të kërpudhave. Uroj që të vazhdoni me sukses ndërtimin e fabrikave tjera dhe arritjen e synimeve për prodhimin e 10 tonë kërpudhave në ditë”, tha ajo ndër të tjera./Veriu.info

[Akuamarini]

[Llapi]

Thaçi ka bërë inaugurimin e Fabrikës së djathit të dhisë


Kryeministri i Republikës së Kosovës, Hashim Thaçi sot ka bërë inaugurimin e Fabrikës së djathit të dhisë, në fshatin Kijevë të komunës së Malishevës.

Prerjen solemne të shiritit përurues e bënë kryeministri Hashim Thaçi, ministri i Ministrisë së Bujqësisë, Pylltarisë dhe Zhvillimit Rural, Blerand Stavileci, deputeti i Kuvendit të Kosovës, Azem Syla dhe pronari i Fabrikës z. Brahim Kryeziu.

“Ishte një kënaqësi e veçantë që së bashku me ministrin Stavileci, jemi në një ndërmarrje shumë të suksesshme, një ndërmarrje kjo e cila sapo ka filluar punën, në një bashkëpunim shumë të ngushtë me Ministrinë e Bujqësisë. Është një ndërmarrje e suksesit, një ndërmarrje që ka hapur rreth 40 vende të punës, vende të reja të punës” tha kryeministri Thaçi në ceremoninë e hapjes së kësaj fabrike.

Në kuadër të mbështetjes së ndërmarrjeve të vogla dhe të mesme, politikave zhvillimore që ka ndërmarrë Qeveria e Kosovës, si dhe thellimit të partneritetit me bizneset, kryeministri Thaçi potencoi:

“Jemi këtu për t’i inkurajuar për të vazhduar tutje, për të thelluar partneritetin dhe ky partneritet në mes të Qeverisë së Kosovës dhe komunitetit të biznesit do të ketë sukses edhe në të ardhmen” tha kryeministri Thaçi.

Kryeministri Thaçi me këtë rast iu bëri thirrje të gjitha ndërmarrjeve të vogla, të mesme dhe të mëdha, që të përgatiten dhe të aplikojnë në Fondin e Punësimit prej 1.5 miliardë eurosh, sepse përfitues mund të jenë të gjithë, duke u nisur nga performanca, nga suksesi, nga vendosmëria dhe zotimi për të hapur vende të reja të punës.

Duke shprehur gatishmërinë tij dhe të Qeverisë së Kosovës, për t’i mbështetur ndërmarrësit e rinj, kryeministri Thaçi shtoi se “ky Fond i Punësimit prej 1.5 miliardë eurosh, është fondi i komunitetit të biznesit, është fondi i qytetarëve të Kosovës. Por, i ftoj edhe të gjithë ndërmarrësit tjerë, që duan me të vërtetë të hapin biznese të përgatiten dhe të jenë të gjithë përfitues të Fondit të Punësimit” – tha kryeministri Thaçi pas inaugurimit të Fabrikës së djathit të dhisë, në Kijevë të komunës së Malishevës.

Pronari i Fabrikë së djathit të dhisë “Mati-Com”, Brahim Kryeziu, pasi shprehu falënderimin për vizitën e kryeministrit Thaçi, potencoi se “përkrahja e institucioneve ka qenë ajo që mua më ka shtyrë që të ecë përpara me vendosmërinë për zhvillimin e biznesit tonë”.

Pas ceremonisë së inaugurimit të Fabrikës së Djathit të Dhisë në Kijevë, kryeministri Thaçi, vizitoi edhe fermat e disa blegtorëve në fshatin Bubavec, me ç ‘rast blegtorët shprehën falënderimin për kujdesin dhe ndihmën që është duke iu dhënë Qeveria e Kosovës në zhvillimin e këtij sektori mjaft të rëndësishëm.

Gjatë vizitës në Bubavec, Kryeministri Thaçi poashtu ndau kohë të luajë futboll bashkë me disa të rinj të këtij lokaliteti. Me këtë rast z.Thaçi theksoi se këta talentë të rinj të futbollit, janë potenciali ynë i suksesit në sport në arenën ndërkombëtare.

[Akuamarini]

[Llapi]

Veseli vizitoi Fabrikën “Cadi Cleaning” në Ferizaj


GazetaExpress E enjte, 29 Shtator 2016 19:20


Kryetari i Kuvendit të Republikës së Kosovës, Kadri Veseli, ka vizituar sot Fabrikën “Cadi Cleaning”, në Ferizaj, e cila prodhon shumë lloje të brushave të pastrimit.

Gjatë qëndrimit në këtë fabrikë, kryeparlamentari Veseli ka parë nga afër procesin e prodhimit të llojeve të ndryshme të brushave, që nga lënda e parë deri në finalizimin e plotë të produkteve, të cilat, përveç tregut vendor, eksportohen edhe në vende të ndryshme të rajonit dhe më gjerë.

Kryetari Veseli tha se institucionet e Kosovës duhet të bëjnë edhe më shumë reforma që të krijojnë mundësi dhe lehtësira më të mëdha për bizneset, në veçanti për fabrikat të cilat prodhojnë produkte që nga lënda e parë, e deri në finalizim, e të cilat eksportohen jashtë vendit.

Pronari i Fabrikës “Cadi Cleaning”, Sadri Gashi, nga ana e tij, falënderoi kryetarin Veseli për vizitën e bërë dhe kërkoi nga ai që institucionet e Kosovës t’u qëndrojnë më afër më fabrikave të prodhimit, të cilat, sipas tij, me nj reformë më të madhe ekonomike, mund të gjenerojnë edhe më shumë vende të reja të punës.

[Akuamarini]

[Llapi]

U ORGANIZUA EDICIONI I 17-TË I PANAIRIT TË PËRGJITHSHËM NDËRKOMBËTAR “PRISHTINA 2016”

Nga data 20-23 Prill 2016, është organizuar edicioni i 17-të I Panairit të Përgjithshëm Ndërkombëtar “Prishtina 2016” ku kompania Pestova ishte prezente me produktet e saj.
Panairi është mbajtur në Qendrën e Panaireve, në fshati Bërnicë, Magjistralja Prishtinë– Mitrovicë dhe është organiziuar nga Oda Ekonomike e Kosovës në bashkëpunim me Qeverinë e Republikës së Kosovës.

Shtandi I Kompanisë është vizituar nga Presidenti I Kosoves Z.Hashim Thaqi dhe Kryeministri Z. Isa Mustafa bashkë me ministra të tjerë te kabinetit qeveritar ku për se afermi kanë pasur mundësinë që ti shohin dhe shijojnë produket tona si dhe të informohen me ecurinë e puneve rreth përpunimit të këtyre produkteve.
Edhe vizitorët e pranishëm kanë pasur mundësinë që ti shijojnë produket e brendit “ VIPA”
Pjesëmarrjen në organizime te tilla ne e konsiderojmë një mundësi shtesë dhe shumë të mirë për prezantimin e produkeve tona.