Mbetjet, BE nxjerr zbuluar qeverinë shqiptare (Dokumenti)

[Duke_Of_Arberia]

Ajo që mendon e mbi të gjitha standardet që ndjek Bashkimi Evropian në lidhje me mbetjet, kanë qenë në qendër të të dy palëve këto ditë: kryeministrit Edi Rama që mbron importin e mbetjeve dhe atyre që e kundërshtojnë atë.

“Historia Ime” ka mundur të lexojë transkriptet dhe rekomandimet e një konference me temë “Seleksionimi i mbetjeve në kontekstin e një ekonomie qarkulluese në Evropë” të mbajtur më 29 janar 2016 nga Komisioni Evropian (Municipal Waste Europe dhe EUROCITIES).

Menjëherë të bie në sy një element i rëndësishëm i kësaj pakete që është nevoja që vetë Bashkimi Evropian ia njeh vetes për rishikimin e ligjeve të BE-së për mbetjet duke e vënë theksin tek riciklimi dhe ripërdorimi i mbetjeve urbane. Për të arritur këtë, Komisioni Evropian ka sugjeruar si domosdoshmëri ndryshimin e mënyrës së mbledhjes së mbeturinave nga familjet në vendet e Bashkimit Evropian.

Debati kryesor gjatë Konferencës ishte si të lehtësohet zbatimi i praktikës së seleksionimit të mbetjeve. Ndryshe nga si e ka paraqitur qeveria shqiptare, diferencimi i mbetjeve nuk e bën riciklimin domosdoshmërish një proces më të kushtueshëm, thuhet në paketën e sugjeruar nga Komisioni Evropian. Sipas BE, është më e kushtueshme në rast se mbetjet nuk seleksionohen që në burim (madje që në kuzhinat e familjeve), një fakt ky që rrëzon argumentin e qeverisë shqiptare sipas së cilës “ky proces është i shtrenjtë”.

KE ka shpjeguar gjithashtu se diferencimi nuk është as i papranueshëm nga publiku. Nëse jepen stimujt e duhur financiar, ndërgjegjësues etj, shembujt pozitivë të qyteteve kanë treguar se qytetarët e kanë pranuar sistemin dhe kanë bashkëpunuar. Nuk është i vërtetë as fakti se kjo praktikë mund të funksionojë vetëm në qytete të vogla apo të mesme. Praktika e kryeqyteteve evropiane ka treguar të kundërtën, sipas dokumentit me rekomandime nga kjo konferencë që Historia Ime e zbardhi të plotë nga faqja zyrtare e Bashkimit Europian.

Gjatë konferencës, ekspertë të ndryshëm kanë theksuar se riciklimi duhet të jetë me patjetër një proces ku qytetari të luajë rol kyç. Qytetet e vogla dhe të mesme shpesh kanë rezultate më të mira se kryeqytetet për shkak të afërsisë dhe impaktit që kanë tek qytetarët. Pra riciklimi dhe procesi i seleksionimit është shumë më i suksesshëm në nivel lokal pasi ka përfshirje më të madhe.

Ajo që sugjeron Komisioni Evropian është në kundërshtim me atë që po propozon qeveria shqiptare. Sugjerohet t’i jepet prioritet procesit të riciklimit në nivel lokal dhe forcimit të marrëdhënies bashki – qytetar dhe jo ndërmarrja e politikave për importimin e mbetjeve jashtë kufijve.

KE-ja sugjeron që mbeturinat të mos lëvizen, pra të mos eksportohen apo importohen, por të riciklohen aty ku janë, mundësisht në qytetet apo qytezat ku prodhohen. Ndërsa ajo që na sugjeron qeveria shqiptare është importi i plehrave të huaja, që sipas saj do t’i hapte rrugë fuqizimit të industrisë ricikluese.

Paketa e propozuar nga Komisioni Evropian përfshin tre kërkesa të cilat vendi ynë i sheh ende nga larg (për të mos thënë se po ecen në drejtim të kundërt):

Grumbullim i diferencuar (seleksionim) i mbetjeve urbane
Pakësim sa më i madh i landfilleve deri në mbyllje të tyre për mbetjet e seleksionuara
Kthimi i kulturës së riciklimit dhe ripërdorimit në një objektiv kryesor
Shteti me performancën më të lartë të riciklimit dhe ripërdorimit të mbetjeve është Gjermania me 64% dhe me performancë më të ulët Rumania me vetëm 3% – ndërkohë që pjesa tjetër shkon nëpër landfille. Ndërkohë kryeqytetet me performancë më të mirë janë cilësuar Ljubjana në Slloveni dhe Talin në Estoni. Shembulli i këtyre dy qyteteve rrëzon edhe mitin paragjykues se Evropa e veriut është e suksesshme në këtë proces në krahasim me jugun apo vendet që dikur i përkisnin ish bllokut komunist.

Në Shqipëri ende nuk kemi ndërgjegjësim për praktikën e koshave të ndarë (plastikë, metal, letër, qelq), e aq më pak zbatim të teknikave për shtimin e mbetjeve të ricikluara.

Për letrën dhe metalin, teknikat më frytdhënëse në Evropë janë ato të grumbullimit derë më derë e ndërsa për produktet e qelqit mbledhja në pikat e grumbullimit. Gjithashtu shumë qytete aplikojnë edhe formën “pay-as-you-throw”, (paguhesh sapo i hedh mbeturinat) duke i shpërblyer financiarisht qytetarët që diferencojnë mbetjet e tyre. Sipas propozimit të KE-së, komunikimi i mirë me qytetarët është gjithmonë çelësi për një proces të suksesshëm.

Vendet që duan të kontribuojnë në zhvillimin e ekonomisë qarkulluese dhe riciklimit, duhet patjetër të adopotojnë sistemin e diferencimit të mbetjeve.
Lexoni të plotë këtë dokument të Bashkimit Europian që nxjerr zbuluar qeverinë shqiptare në lidhje me argumentet që ka përdorur këto kohë për ligjin e mbetjeve.
/historia ime/

[SERAFIM DILO]

Mbetjet nuk nxjerrin zbuluar asgje sepse nuk eshte problem riciklimi o bisnes industrial eshte thjesht trafik kriminal.

Per ta shpeguar si popull fenomen qe jemi duhet perdorur gjuha zyrtare : " Nan sacciu,nan vidi,nan c'eru e si c'eru,durmivu". Nuk e di,nuk e pashe,nuk isha dhe se isha,flija.

Mbase nga ana politike ka ndonje kuptim qe tregon diferencen e madhe qe ka Rama me Saliun o PS me PD . Plerat,si argument-praktik vetem per kete mundet te sherbejne per te shpeguar qe Gramoz Ruci eshte me i djadhte se shoku Sali.

[Duke_Of_Arberia]

Mbetjet nuk nxjerrin zbuluar asgje sepse nuk eshte problem riciklimi o bisnes industrial eshte thjesht trafik kriminal.

Per ta shpeguar si popull fenomen qe jemi duhet perdorur gjuha zyrtare : " Nan sacciu,nan vidi,nan c'eru e si c'eru,durmivu". Nuk e di,nuk e pashe,nuk isha dhe se isha,flija.

Mbase nga ana politike ka ndonje kuptim qe tregon diferencen e madhe qe ka Rama me Saliun o PS me PD . Plerat,si argument-praktik vetem per kete mundet te sherbejne per te shpeguar qe Gramoz Ruci eshte me i djadhte se shoku Sali.

Serafimo, besoj jemi te dy dakort me faktin se ndryshimi vjen vetem nga populli. Nqs ne 2011-en, ky ligj u zmbraps nga revolta popullore (pavaresisht se e nxitur nga qarqet qe sot po e mbrojne), nevojitet edhe sot nje solidarizim akoma me i gjere per kete kauze. Nese ky sistem merr 2 shuplaka mbrenda nje kohe te shkurter, do i druhet se 3-es dhe sigurisht qe ne te ardhmen do operoje me i kujdesshem e i kufizuar per çeshtje te tilla delikate!

PS: Vlen per tu pare sesa nerv i ka mbetur akoma ketij populli...

[Duke_Of_Arberia]

SKEMA E FAVOREVE- SI E BLEU EDI RAMA BIZNESMENIN NIKOLIN JAKA


Në kulmin e debateve mbi ligjin e importit të plehrave dhe kanabisin, kreu i Dhomës së Tregëtisë, z.Nikolin Jaka, doli me një qëndrim publik të bujshëm disa ditë më parë.
Ai tha se kanabisi duhej legalizuar dhe se mbjelljet ishin diçka normale, më pas tha se edhe po të legalizohej prostitucioni nuk do ishte keq, duke dalë më pas dhe tek pika nevralgjike…Nikolin Jaka deklaroi publikisht se parlamenti duhej që ta miratonte sa më shpejt ligjin për importin e plehrave dhe riciklimin.
Ky qëndrim i kreut të Dhomës së Tregtisë, kishte një rëndësi të dorës së parë. Ishte qëndrimi i shoqatës më të madhe të biznesit, në lidhje me një nismë problematike, të dyshimtë dhe me shumë të panjohura si ajo e importit të plehrave.
Por ishte njëkohësisht dhe një sinjal solidarizimi me qeverinë Rama edhe për çështjen e kanabisit nga nr.1 i biznesit në vend.
Por gjasat janë që shtysat e Nikolin Jakës të mos jenë dhe aq parimore apo ‘teknike’ siç ai pretendon.
Pasi pikërisht në momentin kur Nikolin Jaka i kërkoi Kuvendit që të miratonte ligjin e riciklimit, komisionet e Kuvendit po shqyrtonin paralelisht dhe një tjetër projektligj, i cili lidhet drejtpërdrejt me interesat e z.Jaka.



Bëhet fjalë për një nismë që zyrtarisht i është dërguar Kuvendit nga ministri Arben Ahmetaj, e që synon imponimin për të gjitha bizneset, që të paguajnë një kuotë vjetore për Dhomën e Tregtisë.
Sipas këtij projektligji, nëse regjistron firmën tënde në QKR, atëherë je i detyruar automatikisht të paguash dhe një kuotizacion për Dhomën e Tregtisë që e drejton z.Jaka.
Ky është një favor i rëndësishëm që i bëhet z.Jaka dhe Dhomës që ai drejton, pasi i krijon atij kapacitete të forta financiare, të garantuara me ligj.
Ndaj dhe deklaratat e z.Jaka për riciklimin/kanabisin/prostitucionin kanë qenë minimalisht pretendime të dhëna në kushtet e një konflikti interesi arbitrar, pretendime të dhëna në një kontekst ku kryeministri dhe qeveria favorizon shoqata biznesi me ligj, për të marrë në këmbim heshtjen e biznesit ndaj aktiviteteve të dyshimta ose kriminale. / HashtagAL

[Duke_Of_Arberia]

Skandali: 83% e mbetjeve shqiptare nuk riciklohen, pse duhet importi i të tjerave?!

Nga Artur Zheji

Kjo qeveri po shpenzon dhjetëra milion euro, për fasada dhe infrastrukturë, përse nuk investon në mbledhjen e mbetjeve shqiptare dhe të shpëtojë nga falimentimi, industrinë e riciklimet?

Financiarisht, ekziston një rrezik që duhet marrë parasysh, rreziku i tregut, sepse tregu është i pakontrollueshëm nga qeveria dhe shteti dhe do të priret të sjellë sa më shumë mbetje dhe plehra me cmim sa më të lirë!

Të gjitha avantazhet e përmendura në relacionin e projekt ligjit, lidhur me rrjetin e eksporteve dhe të vendeve të punës rrezikohen nëse ricikluesit nuk kanë kontrata solide me kompanitë që blejnë produktet e tyre.

Deri më tani nga të dhënat rezulton se në Shqipëri gjenerohen 387,728,650 kg mbetje në vit, nga të cilat vetëm 17% e tyre riciklohet.

Dhe ky është një realcion zyrtar, i qeverisë shqiptare.

Kjo tregon që 83% e mbetjeve është ende në treg i paprekur nga kompanitë e riciklimit.

Çfarë nevoje ka pra Qeveria Rama, të përkushtohet për të miratuar ligjin e rrezikshëm të Plehrave, kur 83% e lëndës së parë ndodhet në Shqipëri?

Dhe Shqipëria pastrohet, si vend pisanjos që ka mbetur, por me prirje të mrekullueshme turistike, ku pastërtia është parakusht i një turizmi të shëndetshëm!

Por dukshëm kryeministri, që na akuzon ne analistëve dhe mediat që jemi të painformuar, duket se, në rastin më të mirë, është ai vetë i painformuar.

Ose, në rastin më të keq, gjë që më vjen keq ta besoj, kryeministri akuzonjës, mbetet llogjikisht i pandehur fajtor, i vetëdijshëm përmes këtij ligji, do të kemi një përmbytje të rrezikshme plehrash.

Madje përmes fallsifikimeve të njohura të letrave doganore, do të inkurajohej edhe depërtimi i mbetjeve të rrezikshme radioaktive dhe kimike, kancerogjene dhe me pasoja katastrofike për ambientin e shqiptarëve.

[Duke_Of_Arberia]

Firmosni te gjithe kete peticionin ketu poshte:

https://www.change.org/p/populli-shq...fb_ref=Default

[SERAFIM DILO]

Serafimo, besoj jem te dy dakort me faktin se ndryshimi vjen vetem nga populli. Nqs ne 2011-en, ky ligj u zmbraps nga revolta popullore (pavaresisht se e nxitur nga qarqet qe sot po e mbrojne), nevojitet edhe sot nje solidarizim akoma me i gjere per kete kauze. Nese ky sistem merr 2 shuplaka mbrenda nje kohe te shkurter, do i druhet se 3-es dhe sigurisht qe ne te ardhmen do operoje me i kujdesshem e i kufizuar per çeshtje te tilla delikate!

PS: Vlen per tu pare sesa nerv i ka mbetur akoma ketij populli...

Problemi i vertete o Duke eshte mos egzistenca e popullit,nuk egziston asnje element edhe imagjinar qe ta vertetoje te pakten si teori. Populli tek eshte shfarosur,nuk eshte me as specie qe shkon drejt zhdukjes se eshte zhdukur. Ka shume e me shume si propabilitet shpresa tek nje Mesi,Alien,hero mitologjik etj etj sesa tek termi popull qe as si abstraktizem praktikisht nuk egziston. Ne edhe individ si specie umane nuk jemi realisht brenda realitetit,kush ka qene pro plerave tani eshte kunder ndersa kush ka qene kunder tani eshte pro,ndersa pjesa qe mbetet nuk jane as kunder e as pro.

Po te egzistonim si kumunitet se si popull nuk e kemi ate shanc duhet ta kishim varur Ramen qe kur donte te fuste armet o plerat kimike siriane.

[Wordless]

Nqs ne 2011-en, ky ligj u zmbraps nga revolta popullore (pavaresisht se e nxitur nga qarqet qe sot po e mbrojne), nevojitet edhe sot nje solidarizim akoma me i gjere per kete kauze..

Këtu qëndron edhe problemi. Saliu nuk është kundra importit të plehrave se e ka marrë qokën që atëhere. Edit nuk ja dhanë qokën atëhere dhe ky mblodhi popullin e nuk i la të sillnin plehrat. Tani janë dakord të dyja palët... dhe... bujrum plehrave. Sa për popullin, eh populli. Jemi i vetmi vënd në botën perendimore që nuk gjen asnjë lloj sindikate që përkrah popullin. Këtu ke sindikata biznesesh po.

[Duke_Of_Arberia]

Roli i Ramës dhe roli i palaços


Muç Nano, i cili e ka depozituar tashmë në arkivën e historisë politike togfjalëshin e famshëm të “aleancës së qelbësirave”, ka qëlluar përsëri në shenjë. Ai e ka cilësuar kryeministrin Edi Rama, një palaço politik, pas paturpësisë së këtij të fundit për të miratuar të njëjtin ligj, për rrëzimin e të cilit, ishte përbetuar dhe kishte vepruar tri vite më parë.

Termi palaço, ndoshta është më i godituri për të definuar një politikan, i cili jo thjesht nuk mban premtimet, jo vetëm gënjen e manipulon, jo vetëm shkatërron arsyen humane me argumenta qesharakë për të justifikuar abuzimin dhe korrupsionin, por që nuk ka një thelb të vetin, një bosht, një filozofi ku beson, një parim që respekton, një linjë që ndjek. Kryeministri, ashtu si edhe personazhi i palaços, ka njëqind fytyra, luan njëqind role, bën njëqind skena, pa qenë asnjëherë vetvetja. E për rrjedhojë, edhe ata që janë të detyruar të ndjekin (për të mbështetur apo kritikuar) politikat e tij, po e kanë gjithnjë e më shumë një mision të pamundur. Në cirkun e kryeministrit, gjykimi nuk ka më asnjë vlerë.

Ligji i plehrave ishte një kulm i këtij palaçollëku, që provokoi edhe reagimin e fortë të Muç Nanos e shumë të tjerëve. Sepse Rama, me dendësinë e manipulimeve të tij, nuk zhvlerëson vetëm kritikën, por heq çdo mundësi mbështetjeje, të paktën për një prej politikave të tij. Nëse e mbështet për një gjë sot, nesër mbetesh si gallof kur sheh të ndodhë e kundërta. Sepse politikat e kryeministrit nuk i drejton një program i caktuar, por interesat e lëvizshme të atyre që e komandojnë atë. Për këtë arsye Fatos Lubonja e ka quajtur maskë, për këtë arsye Muç Nano e konsideron palaço politik.

Si mund të ketë vlerë, për shembull, të vlerësosh një kryeministër të majtë, që vjen në pushtet duke ulëritur kundër koncensioneve dhe, jo vetëm i lejon ato, por bën kërdinë duke u dhënë qindra milion euro, në emër të partneritetit publiko- privat, një eufemizëm ky i rilindjes për koncesionet, rrethit të njerëzve të tij për shërbime fantazëm.

A ka kuptim të mbështesësh idetë e një lideri për shëndetësi falas dhe reformë të sistemit shëndetësor, kur sapo vjen në pushtet nënshkruan mbi gjysëm miliardë euro për sterilizime e check- up, ndërsa ndodhin vdekje në spitale për shkak të mungesave elementare.
Mund të entuziasmohesh me Lazaratin, por menjëherë të bien si kovë me akull nga qielli avionët e drogës, të cilët transportojnë kanabisin mbarëpopullor me bekim policor.

I ngriti peshë disa shembja e pallatit të Lul Bashës, por ka kohë që kanë ulur kokën para pallateve e betonizimit që po lulëzojnë nga veriu në jug.

Lista mund të jetë e gjatë, për të mbërritur deri tek akti i fundit, ai miratimit të ligjit për importin e mbetjeve. Këtu, përfundimisht, bëhet e pamundur jo ta mbështesësh, por edhe ta gjykosh apo kritikosh. Këtu, argumenti dhe vlerësimi, bëhen zero. Edi Rama vërtet të le pa tekst. Çfarë mund t’i thuash më parë? Që pse bëri fushatë me ambientalistët dhe kërkoi referendum 5 vjet më parë? Pse ishte me Adrian Klosin 12 vjet më parë? Pse e rrëzoi ligjin e Berishës tri vite më parë? Të kuptosh pse bën fushatë, takime me grupe interesi, ballafaqime në facebook, shpjegime në tv, kur ligji ka kaluar dhe nuk i bën përpara se ta votojë? Apo t’i japësh shpjegim se si i njëjti Edi Ramë që 50 ditë më parë e kundërshtonte këtë projektligj, si pa leverdi ekonomike të garantuar dhe me rrezik shndërrimin e vendit në depo plehrash, tani e quan progres dhe e krahason importin e mbetjeve me atë të grurit për bukë?

Edi Rama nuk mund të shpjegohet, gjykohet, vlerësohet, kritikohet apo mbështetet, sepse ai nuk është Edi Rama. Eshtë dikush që përpiqet të bëjë sikur po bën rolin e kryeministrit. Eshtë një personazh që luan një personazh tjetër, që nuk ka identitet të tijin, pra një palaço. Me të mund të argëtohesh, të hutohesh, të provokohesh, por është e kotë të investosh gjykimin dhe arsyen. Ai është i aftë të t’i zhvlerësojë ato çdo ditë. për sa kohë nuk ka një mision të vetin, një bindje, një program, një parim. Të cilat edhe mund të mos i arrijë për arsye të ndryshme, por tek të cilat do të besonte. Tek besimi i dikujt mund të investosh mbështetjen apo kritikën, por Edi Rama nuk ka një identitet politik të vetin. Ndoshta jo vetëm.

Shfaqjet e tij për mbi katër orë në ditë live nëpër ekrane, fotot dhe komentet në rrjete sociale, “gallatat” në ndarjet e tapive, batutat me gratë e botës, ekspozitat artistike në moshë të thyer, xhirot në bllok me pantallona të shkurtra, kravatat me lule e lulet në qendrat e qyteteve, janë cirku ku kryeministri luan çdo ditë. Por ku fatkeqësisht, edhe ne, jemi të detyruar të marrim një biletë. /mapo/

[Duke_Of_Arberia]

Gallatë/Të gjitha lajthitjet e Ramës për plehrat

Do e bej Shqipërinë më të pastër duke sjellë plehra nga jashtë.



Kur plehrat i sjell Saliu shkaktojnë kancer, kur i sjell unë të pastrojnë mushkritë.



Unë organizoj referendum për tu zgjedhur vetë, por ndaloj referendumin qytetar kundër importit të plehrave.



Qeveritë që importojnë plehrat janë të kapura nga mafia, unë do sjell plehra në Shqipëri për të luftuar mafian.



Doganat e mia me skaner i kapin mbetjet radioaktive, por hashashi u shpëton se është bar.



Në fillim i quajta plehra nuk deshën, pastaj mbeturina nuk e pranuan, e zbuta dhe më, i quajta lëndë e parë, pastaj e modernizova akoma: mall në bursë, por kur s’paranauan asnjë u thash po sjell grurë për të bërë bukë.



Kam thënë para pesë vitesh: “Të kërkosh plehra nga jashtë është tradhëtia më e madhe kombëtare në kushtet kur vendi ka 1 milionë ton plehra rrugëve”, por tani kam kuptuar se është patriotizëm.



Dikur kam thënë: “Vetëm kur të mbysin plehrat mund ta trajtosh popullin tënd si budalla”, tani unë po i sjell plehrat, por janë sharlatanët e mediave që i trajtojnë njerëzit si budallej.



Nuk po ju sjell helm që t i’u sëmur, por grurë që t i’u ushqej.



Besojeni Rilindjen, është riciklim mashtruesish.



Ilir Meta nuk është hajduti me bllok në dorë, por lëndë e parë pas riciklimit që i bëra si plehrë e Saliut.



Kishte të drejtë Shalsi kur tha do vjedhim ndryshe. Ne plehrat i quajmë mbetje. Trafikun riciklim. (Lapsi.al)