Shqipëria e Rilindur: Krimineli Emiljano Shullazi merr me kërcënim jete ish-hotel Vollga në Durrës

[Albo]

DOKUMENTET/ Si iu dhurua Shullazit për “mirënjohje” 749 m2 truall

Dhurimi i ish-hotel “Vollga” për Emiliano Shullazin nga shoqëria “Saudi Brothers Commercial Company” sh.p.k., në fund të vitit 2014, është e dyshimtë për Prokurorinë pasi mund të jetë bërë përmes shantazhit.



Bëhet fjalë për një truall 2 498 metra katrorë pranë kullës veneciane në Durrës, e cila përveç kompanisë saudite ka dhe bashkëpronar shqiptar.

Në kontratën e dhurimit të pasurisë për Shullazin thuhet se, me vullnet të lirë “Saudi Brothers Comercial Company”, sipërfaqen prej 749 metra ia dhurojne ne shenje mirënjohjeje shtetasit Emiliano Shullazit.


Vendndodhja e ish-hotel “Vollga”

Në procedurat noteriale të kalimit të pronësisë në dorë të Shullazit, “Saudi Brothers Commercial Company”, është përfaqësuar nga Ylvi Beqja, i cili rezulton administrator i kësaj kompanie.

Hotel “Vollga” është ndërtuar gjatë pushtimit të Shqipërisë nga Italia dhe u inaugurua më 21 prill 1940, me emrin “Hotel dei Dogi”. Ndërsa gjatë periudhës së miqësisë Shqipëri-Bashkimi Sovjetik (1949) mori emrin “Vollga”. Kjo pronë iu sekuestrua në prill të vitit 1945, bashkëpunëtorit të fashizmit Omer Fortuzit.









Panorama

[Albo]

DOKUMENTI/ “Si ia ‘dhuroi’ hotel “Vollgën” shtetasi arab Shullazit”

Ish-Kryeministri, Sali Berisha ka publikuar një dokument ku tregohet kalimi në pronësi të Emiliano Shullazit të hotel “Voglla”. Për këtë kalim pronësie të dyshimtë Prokuroria e Kriemeve të Rënda ka nisur hetimet pasi dyshohet se ka ardhur përmes kërcënimeve.



Sipas Berishës, prona tek Vollga në Durrës është bërë mollë sherri mes bandave, pasi pati kërcenim me jetë dhe kreun e Hipotekës Durrës kurse në fillim të vitit mbeti i vrarë një i ri që dyshohet se ka lidhje me këtë pronë.

Akuzat e Berishës shkojnë më tej duke thënë se, Shullazi kishte marrë leje ndërtimi nga kreu i Bashkisë Durrës, Vangjush Dako për të ndërtuar fshat turistik në Lalz.

Pasi numëron dhe shumë afera të tjera, Berisha i bën thirrje Prokurorisë që të mos tërhiqet nga presioni politik që kërkon të bllokojë hetimet për Shullazin.
Mili i Partise Siçiliste, pronar i madh pronash!

Sali Berisha

Fotot bashkengjitur tregojne se Shullazi eshte bere edhe de facto bashkepronar i Vollges ne Durres.

Prona tek Vollga eshte bere molle sherri mes bandave te qeverise. Sic kam shkruar ne faqen time ne facebook, para 16 muajsh per kete prone pati nje afere te rende ku bandat e qeverise e kercenuan me jete kryerregjistruesin.

Ndersa per Vit te Ri 2016 u vra ne menyre te mistershme ne Durres nje i ri me mbiemrin Kodra por qe nuk dihet nese ka lidhje me pronen tek Vollga.

Por pervec ketyre, burime nga Durresi, qytet ne te cilin Mili i Partise kishte zhdepur Gjushin e Bashkise, informojne se dy muajt e fundit ka marre miratimin e ketij te fundit per ndertimin e nje fshati turistik ne Lalz.

Perveç ketyre, Milit te Edvin Shullazit i jane dhene ne Durres kodra mbreterore territori, rreth pallatit mbreteror. Ai me 5 kompani ka marre ne perdorim per sezonin truistik te gjithe bregdetin e Bashkise se Durres.

Ky kriminel se bashku me drejtorin e policise se Durresit, narkotrafikantin Plerurat Çullhaj (drejtori i vetem qe ne tre vjet nuk ka levizur nga detyra dhe qe vetem ne konto bankare ka 3 milion euro) kontrollojne kete vit te gjitha plantacionet e pafundme te Kanabisit ne territorin e qarkut te Durresit. Ai ka bllokuar tenderin e landfillit te Maminasit.

Duke shprehur mbeshtetjen time me te plote per goditjen e njerit prej eksponenteve me kryesore te krimit qeveritar, i bej thirrje prokurorise te qendroje me vendosmeri ndaj cdo presioni politik qe kerkon te bllokoje hetimet dhe te pengoje shembjen e perandorise se krimit te Shullazeve te pushtetit! I bej thirrje qytetareve te ndihmojne hetimin e kesaj organizate kriminale me çdo te dhene qe ata disponojne!



Panorama

[Albo]

Denoncimi - Berisha numëron pronat e Shullazit, i regjistroi me pistoletë në kokë kryeregjistruesve



Ish-kryeministri Berisha në vijim të denoncimeve për Emiljano Shullazin, radhit pasuritë që ai ka vendosur në Tiranë.
Duke përmendur një mesazh të një qytetari, Berisha përmend pronat të asaj që ai quan “perandorisë qeveritare të krimit Shullazi”.
Berisha veçoi një karburant në pronësi të Shullazit në Rrugën e Kavajës pranë shkollës Hoteleri Turizmi, i blerë me 500 mijë euro, si dhe një pronë truall rreth 3000 mijë m2 në rrugën “Vangjel Noti”, po në kryeqytet e marrë pa asnjë lekë.

Duke u rikthyer tek ish-Hotel Vollga, Berisha thekson se prona u regjistrua nëpërmjet kërcënimit me pistoletë të kryeregjistruesit Ilirjan Muho.
Berisha thotë gjithashtu, se flitet që Shullazi të marrë edhe një leje ndërtimi multifunksionale.
Ai reagon edhe për deklaratat e sotme të kryeministrit Rama për zgjedhjet në Universitetin e Tiranës, duke theksuar se nuk ia përmendi asnjëherë emrin të arrestuarit.
Berisha: Rama nuk i referohet me emër askërkund Shullazit në fjalën e tij. Kjo sepse burime te besueshme pohojnë se Rama ka mbi 2 km biseda telefonike të regjistruara nga shërbimet partnere me Milin e Partisë dhe ka frike te tmerrshme se mos Mili flet ne prokurori për lidhjet e tij me kreun e meduzës së krimit të organizuar të Shqipërisë, që është njëkohësisht dhe kreu i ekzekutivit i “aleancës se qelbësirave”!

Postimi i plotë i Berishës:




ORA NEWS

[Albo]

Durrës - “Shullazi” /Ora News zbulon emrat e pronarëve të “Vollgës”, godina në sekuestro preventive



Pas arrestimit të Emiljano Shullazit prokuroria ka nisur edhe sekuestrimin e pronave qe rezultojne në emër të tij pasi dyshohet se jane vënë me veprimtari kriminale.

Ka qënë Gjykata e Durresit ajo që ka dhënë lejen për të vendosur në mesditë sekuestron preventive të ish hotel Vollgës. Shullazi rezulton të jetë një nga tre pronarët.

Ora News siguron dokumentin e sekuestros preventive e cila mban datën 19 prill 2016.
“Sekuestroja preventive është vendosur mbi ish hotel Vollga me sipërfaqe 2498.70 m2 truall dhe ndërtesë 1129. 39 m2 e regjistruar në bashkëpronësi të Emiljano Shullazit, Fejzi Kodrës dhe Marjeta Kodrës në adresën rruga Taulantia Durrës”
Prokuroria ka dyshime se është përfituar me kryerjen e veprave penale të “Falsifikimit të dokumenteve”, “Shpërdorimit të detyrës” e “Pastrim i produkteve të veprës penale apo i veprimtarisë kriminale”.

“Nga hetimet e deritanishme të Prokurorisë së Durrësit, të nisura në bazë të kallëzimit të shtetasit Z.H., janë krijuar dyshime të arsyeshme për paligjshmëri në veprimet e kryera mbi ndryshimet e pronësisë. Prokuroria e Durrësit konstaton se janë kryer një seri veprimesh të dyshimta për tjetërsimin e pronës në favor të shtetasve të ndryshëm.

Këto veprime të dyshuara antiligjore, sipas Prokurorisë së Durrësit, shtrihen në zyrën hipotekore, zyrat noteriale, por edhe në Gjykatën e Durrësit, e cila ka marrë vendim në kundërshtim me vendimin e Gjykatës së Lartë lidhur me këtë objekt” informon prokuroria
Prej 16 prillit 2016, Emiljano Shullazi, Gilmando Dani dhe Blerim Shullazi ndodhen të arrestuar. Prokuroria ka kërkuar për tre të arestuarit masën “arrest me burg” ndërkohë në një prononcim për mediat avokati i të akuzuarve ka deklaruar se do te kerkojë lirimin e Shullazin dhe Danit dhe një masë më të lehtë për të arrestuarin e tretë Blerim Shullazi.

Hetimet per kercenime

Krahas kërcënimit për gjobëvënie ndaj biznesmenëve, grupi hetimor, i cili drejtohet nga kreu i Krimeve të Rënda Besim Hajdarmata kanë nisur të verifikojnë aftësinë paguese edhe të dy bashkëpronarëve të tjerë të ish-hotel Vollgës me mbiemër Kodra, të cilat kanë dhënë një shume prej 670 mijë euro për të blerë një pjesë ish-hotelit. Ora News siguron ekskluzivisht kontratën e shitjes.
Prokuroria ka dyshime se këta individë nuk kanë patur të ardhura të mjaftueshme për të bërë këtë blerje, ndaj ka nisur verifikimi për burimin e këtyre të ardhurave.

Gjithashtu, po kryen verifikime dhe për shtetasin arab, i cili i ka dhuruar pjesën e tij të pasurisë Shullazit.





ORA NEWS

[Albo]

Sali Berisha zbulon emrin e personit që i dhuroi ‘Vollgën’ Shullazit

Ish-kryeministri Sali Berisha bën të tjera detaje me dije në lidhje me Emiljano Shullazin dhe personin që atij i ka dhuruar ish-hotel Vollgën në Durrës.

Berisha shkruan me emër dhe me mbiemër personin që ia ka dhuruar, madje shkon edhe më tej kur thotë se ky person është kushëriri i Ilir Beqes, ministër i Shëndetësisë. Ky informacion sipas tij i ka ardhur nga qytetari dixhital.

Statusi i plotë i Berishës:

Arapi bamires i Shullazit qe i dhuroi Vollgen, eshte Ylvi Beqja, djali i xhaxhait te Ilir Beqes!

Qytetari dixhital informon se:

Arapi, bamiresi i madh qe e beri te lumtur Milin te Partise duke i dhuruar Hotel Vollgen, eshte fiks Ylvi Beqja, djali i xhaxhait te Ilir Beqes. Qytetari informon se arabet e vertet, te paketen prej 10 vitesh nuk jane dukur ne Shqiperi. Ketu na del nje tjeter Shullaz ne qeveri. I bej thirrje prokurorise te hetoje lidhjen mafjoze te Beqjave me Milin e Partise! sb

“Doktor pershendetje, perfaqesuesi i arabeve tek Vollga eshte Ylvi Beqja, djali i xhaxhait te Ilir Beqes. Dhe arabet nuk kan shkelur te pakten prej 10 viteve ne Shqiperi. Dhuruesi real eshte djali i xhaxhait te Beqes se arabet kane deleguar tek ky pronen dhe nuk vijne kurre ne Shqiperi.”

Panorama

[Albo]

“Dhurimi” i hotel “Vollga” Shullazit, reagon biznesmeni Fejzi Kodra

Pronari shqiptar i ish-hotel, ‘Vollga’, Fejzi Kodra ka dalë sot në një deklaratë për mediat ku mohon të ketë dijeni për dhurimin e pronës së tij te Emiljano Shullazi nga ana e dy ortakëve arabë.


Emiljano Shullazi dhe biznesmeni Fejzi Kodra

Reagimi vjen dy ditë pasi në media u publikuan dokumente ku tregohej se Shullazi ka marrë përmes shtrëngimit për dhënie pasurie këtë hotel.

Sakaq pjesa tjetër e pronarëve mohon të ketë patur dijeni për këtë marrëdhënie të Shullazit me ortakët arabë.

Kodra thotë se “nuk jemi informuar nga “Saudi Brothers” për dhurimin nga ata të një pjese të pronës”.

REAGIMI

Une Fejzi Kodra, me qellim qe te bej qartesi te plote mbi ceshtjen aq te perfolur te dhurimit te nje pjese te hotel Vollges, Durres, e shoh me vend te jap sqarimet qe vijojne:

Me dt 13/11/2014 kam firmosur kontraten e blerjes se nje siperfaqe trualli prej 1749 mq, (tek ish hotel Vollga Durres), i cili ishte prone e regjistruar e kompanise Saudi Brothers. Duke qene se i gjithe trualli i regjistruar ne emer te tyre ishte 2498 m2, pjesa e mbetur prej 749 m2, e pandare, mbetej ne zoterim te tyre.

Pagesa u krye me transferte te rregullt bankare ne llogarine e kompanise Saudi Brothers. Per financimin tim kontribuoi nje miku im i afert, biznesmeni Luan Leka, me te cilin kishim nje projekt investimi, mbi bazen e nje kontrate legale noteriale.

Mbas ketij transaksioni, sic duket edhe nga dokumenti hipotekor i dt 17/11/2014 ne pronesine time kaloi 70% e siperfaqes dhe Saudi Brothers mbetej pronar i 30% te siperfaqes ne pjese te pandara.

Per sqarim dua te theksoj qe transaksioni i kryer nuk ka asnje lidhje me kompanine “Eurocol” ku une punoj apo me ortaket e kesaj kompanie.

Nderkohe nuk kemi pasur dijeni per veprimet e mepasme te kompanise Saudi Brothers, perfshire aktin e dhurimit per te cilin mesuam vetem ne keto dite nepermjet mediave. Sic duket ne dokumentat hipotekore kjo kompani i ka dhuruar ne nje kohe me te vone, pjesen e saj te pasurise me sip 749 mq,nje personi te trete, te cilin as e njohim dhe as e kemi takuar ndonjehere. Kjo duket qarte edhe ne aktin e dhurimit qe eshte firmosur vetem nga administratori i kompanise Saudi Brothers.

Ne kete proces ne konsiderohemi pale e demtuar dhe po pregatisim proceduren gjyqesore ndaj kompanise Saudi Brothers ne lidhje me demin ekonomik qe na ka shkaktuar.

Panorama

[Albo]

"Shullazi" - Zgjerohet rrethi i hetimeve për “Vollgën”, tre gjyqtarë nën akuzë

Tre gjyqtarë të Gjykatës së Durrësit janë vënë zyrtarisht nën hetim nga Prokuroria, pasi akuzohen për shpërdorim detyre në lidhje me ish-Hotel Vollgën.

Hetimet po zhvillohen në lidhje me mënyrën e mënyrën e tjetërsimit të truallit dhe godinës së ish-Vollga në qendër të qytetit, ndërsa ngrihen dyshime mbi vendimin e gjyqtarëve për këtë çështje.

Në deklaratën e saj, Prokuroria sqaron se gjyqtarët e çështjes janë: Dhurata Bilo, Vladimir Skënderi dhe Ndue Gjura, të cilët sipas organit të hetimit, vendimi i tyre është marrë në kundërshtim flagrant me ligjin.
Prokuroria:

Në një proces civil që ka zgjatur për disa vite, dy palë kanë pretenduar pronësinë mbi truallin dhe objektin. Konkretisht, Mohammmed Abdullah Bavazeri, përfaqësues i “Saudi Brother Commercial Company” dhe shtetasi Zanmir Hasa, janë përballur në gjykatë me pretendimet e tyre dhe çështja ka arritur deri në Gjykatën e Lartë.

Por, Prokuroria e Durrësit ka konstatuar se, ndërkohë që po zhvillohej shqyrtimi gjyqësor në Gjykatën e Lartë, gjykata e Durrësit, për të njëjtin objekt, ka marrë vendimin nr. 449, dt. 18.02.2013, në bazë të të cilit urdhërohet Hipoteka e Durrësit të regjistrojë si pronar në këtë pronë shtetasin Mohammed Abdullah Bavazer, duke fshirë automatikisht nga regjistri hipotekor emrin Zanmir Hasa, i cili rezultonte deri në atë kohë si pronar pranë ZVRRP Durrës.

Prokuroria e Durrësit dyshon se vendimi nr. 449, dt. 18.02.2013 i gjyqtarëve Dhurata Bilo, Vladimir Skënderi dhe Ndue Gjura, është marrë në kundërshtim të hapur e flagrant me ligjin, pasi nuk referohet në asnjë bazë ligjore dhe në dijeni të plotë të ekzistencës së një gjykimi paralel, i cili ndodhej në Gjykatën e Lartë.
Prokuroria e Durrësit vlerëson se vendimi gjyqësor i mësipërm nuk ka asnjë bazë ligjore, pasi në asnjë dispozitë të Ligjit nr.7843, dt.13.07.1994 “Për regjistrimin e pasurive të paluajtshme” nuk parashikohet koncepti i “fshirjes” së një regjistrimi të kryer apo “anullimi” i fshirjes.

Në vlerësimin e prokurorisë, shkelja është e dukshme, pasi gjykata, në asnjë moment të vendimit të saj, nuk ka shprehur se në çfarë dispozite e bazon vendimmarrjen e saj konkrete për anullimin e fshirjes së kryer nga ZVRPP Durrës.
Prokuroria e Durrësit, deri në këtë fazë të hetimit, ka krijuar dyshime të arsyeshme se ky vendim i gjykatës është marrë haptazi në kundërshtim me ligjin, pasi, duke mospasur asnjë bazë ligjore, gjykata ka vendosur diçka të cilën nuk mund ta vendoste në asnjë rast.

Ky veprim i gjykatës është kryer me dijeni të plotë të paligjshmërisë nga ana e saj, pasi vetë gjykata në vendim është shprehur se zgjidhja përfundimtare e çështjes do të sigurohet pasi të shqyrtohej nga Gjykata e Lartë vendimi nr.433, dt.13.03.2002 i Gjykatës së Rrethit Gjyqësor Durrës, në zbatim të të cilit, Hotel Iliria (ish-“Vollga”) ishte regjistruar në emër të Zanmir Hasës.
Pra, nga njëra anë gjykata ka pranuar se zgjidhja përfundimtare e çështjes do të vinte pas përfundimit të shqyrtimit gjyqësor të konfliktit të themelit nga ana e Gjykatës së Lartë dhe nga ana tjetër, po kjo gjykatë, ka vendosur fshirjen e regjistrimit të pronës nga emri i Zanmir Hasës dhe regjistrimi në emër të shoqërisë Saudit Brothers Commercial Company.

Krahas hetimit të nisur tashmë, Prokuroria do të njoftojë Presidentin e Republikës dhe Këshillin e Lartë të Drejtësisë mbi dyshimet e saj për vendimmarrjen e tre gjyqtarëve të Gjykatës së Rrethit Gjyqësor Durrës.

ORA NEWS

[Albo]

"Shullazi" - Pronësia e “Vollgës”, gjyqtari: S’ka shkelje, rregulluam gabimin e Hipotekës



Vladimir Skënderi, është njëri prej 3 gjyqtarëve për të cilët Prokuroria e Durrësit njoftoi se ka nisur hetim për “shpërdorim detyre” në rastin e shqyrtimit gjyqësor civil për pronësinë e ish-hotel “Vollga”. Në një intervistë për Ora News, gjyqtari thotë se vendimi i dhënë nga trupa gjyqësore në vitin 2013 është i drejtë dhe i bazuar në ligj dhe prova.

Vendimi gjyqësorë që mban firmën e tij, nuk ka lidhje me dhurimin e pronës tek Emiljano Shullazi. Gjyqtari Skënderi, thotë se procesi gjyqësor, ka zgjatur një vit derisa ka marrë formën e prerë, ndërsa prona rezulton të jetë dhuruar disa muaj më vonë.

Vladimir Skënderi: Në rastin konkret në si gjyqtarë me këtë vendim kemi ndrequr një parregullësi që ishte bërë nga ana e Zyrës së Regjistrimit të Pasurive të Paluajtshme. Cfarë kishte bërë kjo zyrë? Jo zyra aktuale, zyra e asaj kohe. Punonjësit e asaj kohe kishin çregjistruar pronësinë e hotel Vollgës që ishte e regjistruar në emër të shoqërisë “Saudi Brother Commercial Company”, e kishin çregjistruar pronësinë nga emri i kësaj shoqërie pa vendim gjyqësor dhe pa u thirrur kjo zyrë. Kushtetuta thotë që askujt nuk mund ti hiqet prona pa një proces të rregullt ligjor, neni 42 i kushtetutës. Këtë shkelje që kishte bërë Zyra e Regjistrimit të Pasurive të Paluajtshme që kishte hequr pronën shoqërisë “Saudi Brother Commercial Company” e rregulloi trupi gjykues dhe anulloi fshirjen që kishte bërë zyra e regjistrimit dhe e ktheu gjendjen në situatën e mëparshme, që do të thotë e urdhëroi Zyrën e Regjitrimit që prona të qëndrojë e regjistruar në emër të “Saudi Brother Commercial Company”
Gjyqtari Valdimir Skënderi, thotë se nuk është ka një njoftim zytarë ndaj tij nga Prokuroria dhe as gjykata, ndërsa lajmin për hetimin, e ka marrë nga të afërmit nëpërmjet mediave.


Ne foto: Gjyqtari Vladimir Skenderi


Ne foto: Vendimi gjyqesor qe mban firmen e gjyqtarit

ORA NEWS

[Albo]

Beteja për “Vollgën” historia e mashtrimeve e falsifikimeve

Beteja për të fituar ish-hotel “Vollgën” pronën më të lakmuar në Durrës, ka sjellë përdorimin e teknikave të ndryshme, duke filluar nga mashtrimi, fallsifikimi i dokumentave e deri tek vendimarja antiligjore e gjykatës së Durrësit dhe punonjësve të hipotekës së këtij qyteti. Sot kjo pasuri që pretendohet nga disa pronarë mes tyre dhe një sheik, arabi Abdulaziz Al Nowaiser, dhe që së fundi pronar është bërë edhe Emiljano Shullazi, është ndarë në disa çertifikata pasurie, pasi disa objekte që kanë qenë pjesë e ish-hotelit luksoz janë menaxhuar nga Enti Kombëtar i Banesave.

Disa prej këtyre pasurive janë shitur nga ENT-i tek persona të tjerë dhe më pas këta i kanë tjetrësuar në persona të tretë, si zyrtarë e biznesmenë, duke e komplikuar akoma dhe më tepër zgjidhjen e konfliktit. Gazeta “Shqiptarja.com” disponon të plotë planimetrinë e përthithshme të ish-hotel “Vollgës” në Durrës e cila ndahet në 6 objekte si: Godina e Hoteli me sipërfaqe 700 metra katror, godina e mezerisë, depos bufes dhe kaldajës me sipërfaqe 153 metra katrorë, guzhina e restorantit me sipërfaqe 100 metra katror, lavanteria, sipërfaqe 20 metra katror, depo dhe garazhde me sipërfaqe 150 metra katror dhe oborri i brendshëm 600 metra katror. E gjithë kjo pasuri sipas planit përbëhet nga godina të ngritura nga pronari dhe shteti.

Dalja e pronarëve
E gjithë sipërfaqja e tokës ku ishin ngritur këto objekte është njohur me vendim të kthimit dhe kompesimit të pronave në vitin 1993, ku njihej Ali Fortuzi, gruaja e Omer Fortuzit si pronare e kësaj pasurie. Alija për shkak të moshës së thyer nuk kishte mundur të vinte në Shqipëri, por nëpërmjet një prokure kishte autorizuar nipin e saj nga motra, Agim Sula, që të ndiqte në Shqipëri të gjithë procedurën e pasurisë dhe më pas ta shiste atë. Dhe në fakt kështu ka ndodhur. Sula ka aritur të marrë pasurinë nga VKKP dhe më pas ja ka shitur sheikut arab Abdulaziz Al Nowaiser, i cili përfaqësonte në Shqipëri kompaninë “Saudi Brothers Commercial Company”. Shitja është kryer kundrejt një shifre prej 800 mijë dollarë. Këto para janë dhënë nëpërmjet disa kësteve tek Agim Sula.


Mashtrimi i Agim Sulës
Megjithëse Agim Sula, kishte marrë nga tezja e tij Alie Fortuzi një prokurorë të ligjshme në Selanik për të ndjekur procedurat e pronave të saj në Durrës dhe Tiranë, vetë Agim Sula nuk është treguar i drejtë me të, pasi ka mashtruar tezen me vlerën e shitjes së ish-hotel Vollgës në Durrës. Ai i ka dorëzuar asaj vetëm 400 mijë euro, ndërkohë pjesën tjetër e ka mbajtur për vete. Madje për këtë mashtrim gazeta “Shqiptarja.com” mëson se në vitin 1998 është zhvilluar dhe një hetim në Selanik, ku hetimi është drejtuar nga hetuesja Sofia Mantzakidou. Për të hedhur dritë mbi këtë mashtrim, kjo hetuese ka marrë në pyetje dhe shtetain Zanmir Hasa i cili në Greqi thirej me emrin “Jeru”.

Në përgjigjet që Zanmir Hasa ka dhënë para hetueses në Greqi ka pranuar ekzistencën e prokurës së lëshuar nga Alie Fortuzi tek nipi i saj Agim Sula. Ndër të tjera në process-verbalin e marrjes në pyetje ai thotë: ”…jam shtetas shqiptar nga prindërit e mij biologjikë, por më ka adoptuar paditësja që prej 4 vjetësh dhe pres dokumentat për marjen e shtetësisë Greke. Në muajin Janar 1998 shkova në Shqipëri (pasi jam banor i përhershëm në Greqi ku banjo së bashku me nënën time adoptive), për t’u interesuar për një pronë tjetër të paluajtshme që ajo kishte në Tiranë, Shqipëri. Atje kisha emëruar avokat për të më ndihmuar. Kryekëput rastësisht avokati im kishte parë kontratën e shit-blerjes të hotelit objekt gjykimi dhe kështu e mora dhe unë kontratën nga e cila rezultoi se çmimi i shitjes nuk ishte 400 mijë USD për të cilën i aguzuari Agim Sula i kishte thënë nënës sime kur u bë shitja në fjalë, por 800 mijë USD. Nëna ime adoptive nuk ia kishte kërkuar kontratën në fjalë atëherë sepse kishte besim të plotë tek ai meqënëse ishte nipi i saj, djali i motrës së saj.

Gjithashtu për këtë shit-blerje ajo i kishte dhuruar atij shpërblim financiar për shërbimet e tij, një shtëpi me vlerë mjaft të madhe të ndodhur në Tiranë. Kështu nëna ime adoptive nuk e priste kurrë që nipi i saj do të përvetësonte këtë shumë. Asnjë nga ne nuk e priste këtë. Nga muaji janar 1998 që mësuan ç’kishte bërë, i thamë të akuzuarit Agim Sula dhe ai pranoi se kishte arkëtuar me të vërtetë shumën prej 800 mijë USD, por u përpoq të justifikohej për diferencën, duke na thënë për gjoja shpenzime inekzistente, të pa dëshmuara me fatura, si p.sh,ryshfetesh, ndërsa në të vërtetë të gjitha u bënë në mënyrë ligjore dhe blerësit e blenë hotelin rregullisht me valutë. Gjithashtu Agim Sula u justifikua se gjoja 200 mijë USD ja kishte dhënë si donancion motrave të “Nënë Terezës” pa pasur ndonjë dokument për këtë, por natyrisht edhe pa urdhër të nënës time për një gjë të tillë…”.





Shqiptarja