Edi qau me oii dhe me beri kryetar!

[Duke_Of_Arberia]

Formularët e vetëdeklarimit të zyrtarëve nxorrën në pah historitë e dyshimta të disa kryebashkiakëve që kanë qenë të arrestuar në disa vende të Evropës për vepra të ndryshme penale dhe që kanë ndërruar emrin.

Opozita ka akuzuar prej kohësh disa prej tyre, ku spikasin kryebashkiaku i Kavajës Ervis Roshi dhe ai i Krujës Artur Bushi.

Në klimën e debateve për kryebashkiakët me të kaluar të errët, ku disa prej tyre thonë që janë arrestuar për çështje dokumentesh e të tjerë nuk e mbajnë mend përse, zv/kryeredaktori i “Gazeta Shqiptare” Tedi Blushi në një status në Facebook ka ironizuar këtë situatë që ka nisur të debatohet pas bërjes publike të këtyre formularëve.

Pa emra konkretë, ironikisht gazetari Tedi Blushi ka bërë një përmbledhje të peripecive të këtyre kryebashkiakëve problematikë të arrestuar nëpër Evropë e që në vitin 2013 u kthyen në Shqipëri për t’u bërë kryetarë Bashkish.

Ja çfarë shkruan gazetari Tedi Blushi në Facebook:

Isha duke ecur në Milano dhe po shihja disa vajza të bukura në trotuar! E pabesueshme miq! Më arrestojnë karabinierët! Dënohem 3 vite burg! Sapo dal nga burgu me shkon mendja për gurabie! Më thanë që i bëjnë të mira në Zyrih! Pa mbaruar gurabien e parë, ashtu me duart plot me sheqer-pluhur më hedhin prangat! Dyshohem për trafik narkotikësh! Pasi ndejta në qeli 2 vite gjykata më shpall të pafajshëm! E dija që emri Vasfi që mbaja ishte mallkimi që me ndiqte që nga lindja! E bëra Goni! Nisem drejt Spanjës të bëja plazh! E pabesueshme miq! Aty arrestohem! Se për çfarë kësaj here nuk më kujtohet! Ishte viti 2013! Pas tersllëkut që më ndiqte në Evropë vendosa të vija në Shqipëri! Ishte si mos më keq! Fajin e kishte Saliu! Duke ecur rrugës takoj Edin! I tregoj peripecitë e mia! Pasi qau me oi nga historia ime më tha: Ti Arif do bëhesh kryetar bashkie!