Skandali: Policia e Rilindjes bën përgjime të paligjshme, prokuroria nis hetimet

[Albo]

Itali - Përgjimet, policia italiane nuk konfirmon shkarkimin e kreut të Interforcës



A është pezulluar nga puna kreu i Interforcës italiane Michele Grillo?
Deri më tani nga ana e Ministrisë së Brendshme e nga Policia italiane nuk ka asnjë konfirmim zyrtare mbi këtë lajm të publikuar dje nga mediat shqiptare.

Burime konfidenciale por jo zyrtare të kolegëve të zyrës së z. Grillo konfirmojnë se ndoshta ky shkarkim është i vërtetë, por deri në mungesë të një vendimi administrativ, gjithcka mbetet ende një hamendësi.

E vetmja media italiane që kë pëcjellë sot këtë informacion është e përditshmja “La Stampa” me artikullin e titulluar “Një spy-story italiane”. Autori i këtij artikulli, gazetari Marco Grasso i kontaktuar nga Ora News ka pohuar mungesën deri më tani të konfermës zyrtare nga Ministria e Brendshme italiane për pezullimin e z. Grillo, nga detyra e tij në Shqipëri. Artikulli i Grasso-s i referohet gjithcka që deri dje është publikuar në mediat shqiptare.

Nga ana italiane përsa i përket kësaj ngjarje ka pasur vetëm disa ragime mediatike bazuar në mediat shqiptare që aludojë përfshirjen e gruas së kreut të Interforcës italiane Michele Grillo në skandalin e hyrjes pa doganë të makinës IMSI Catcher në Shqipëri.

Edhe pse mediat shqiptare përcjellin cdo ditë informacionin e përfshirjes së autoriteteve italiane në këtë ngjarje, nga ana e Italisë zyrtare nuk ka asnjë prononcim, përvec një letre të ish kreu të Policisë Italiane Alessandro Pansa dërguar më 17 maj 2016 ambasadorit italian në Shqipëri.

Por z. Pansa me vendim numër 115 të këshillit të ministrave të qeverisë Renzi, me datë 29 prill 2016 është larguar nga detyra në krye të Policisë Italiane për t’u emrëuar në krye të Departamentit për Informacionin e Sigurisë pranë Ministrisë së Brendshme Italiane.

Në vend të tij është emrëuar z. Franco Gabrielli e për vërtetësi të fakteve ceremonia zyrtare e largimit të z, Pansa nga drejtimi i Policisë së shtetit u mbajt më datë 19 maj 2016, pra 2 ditë pas mbërritjes së letrës së tij në zyrën e Ambasadorit Cutillo

Pikëpyejtjet mbi c’ka e përfshin Italinë në skandalin e përgjimeve në Shqipëri kanë nisur qysh me arratisjen politike nga Shqipëria të ish kreut të Antidrogës së Vlorës z. Dritan Zagani.

ORA NEWS

[Albo]

Dosja e Prokurorisë - “Çfarë ndodhi me pajisjen e përgjimit më 13 maj? Identifikon nr IMEI dhe i përgjon”



Në dosjen e Prokurorisë që po heton pajisjen e dyshuar të përgjimit, thuhet se pajisja në fjalë është në gjendje të identifikojë numrat IMEI, dhe sipas organit të hetimit, administrimi i numrave është pjesë e mirëfilltë e procesit të përgjimit.

Në dosjen e prokurorisë thuhet se oficerë të policisë gjyqësor të Prokurorisë së Tiranës kanë hyrë në ambientet e Drejtorisë së Përgjithshme të
Policisë së Shtetit më datë 13 maj rreth orës 12:00, ku oficerët kanë pritur ardhjen e drejtorit Çako.

Sipas prokurorisë, nga këqyrja e librit të hyrje-daljeve, automjeti që mbarte pajisjen ka dalë nga këto ambiente, nën drejtimin e shtetasit shqiptar Entiol Xhelilaj.

“Në orën 12.10 nga këqyrja e librit të hyrje-daljeve në ambjentet e F.P.O. automjeti që mbarte pajisjen ka dalë nga këto ambjente në drejtimin e shtetasit shqiptar Entiol Xhelilaj, pra rreth 10 minuta pasi O.P.Gj-të ishin paraqitur në D.P. Policisë me vendimin për sekuestrimin e kësaj pajisje. Nga krahasimi i periudhës para datës 12.05.2016 dhe pas kësaj date është e qartë se për anëtarët e policisë së shtetit dhe pjesëtarët e grupit trajnues ka ndodhur diçka thelbësore pasi automjeti në periudhën para kësaj date rrinte shumicën dërrmuese të kohës brenda ambienteve të F.P.O. dhe pas kësaj date ka dalë për të mos u kthyer më. Ka dyshime që hapësira kohore prej gjysmë ore ka shërbyer për të bërë të pamundur sekuestrimin e aparatit”, sqaron Prokuroria.

Si funksionon pajisja e përgjimit?

Sipas dosjes hetimore të Prokurorisë, aparati IMSI CATCHER funksionon duke u sjellë si një antenë e rrjetit telefonik mobile dhe nuk merr rolin e antenës ligjore.

“Antena e gënjeshtërt emeton një sinjal më të fortë se antena ligjore dhe kësisoj shkakton lidhjen e aparateve fundor nga antena ligjore tek antena e gënjeshtërt. Kjo gjë bie ndesh me detyrimet e ligjit 9918 Neni 123/2. Nga hetimi ka rezultuar se gjatë seksioneve të praktikës është ndërhyrë disa herë në segmentin aparat fundor-antene ligjore. Në hapesirën kohore të këtij veprimi dyshohet se antena ligjore nuk regjistron aparatët fundore që tentojnë të lidhen me të”, thuhet në dosjen hetimore.

Në bazë të ligjit, në dosje thuhet se vetëm Prokurori i Përgjithshëm mund të lejojë përgjimin dhe se aparatura në fjalë zotëron procese përgjimi.
“Kështu kryesori është administrimi I IMEI,e dhënë e cila është cilësuar si personale dhe jo e administrueshme nga SHTETI a-priori. Është e vërtetë që vetëm pasja e nr.IMEI pa u lidhur me emrin konkret te shtetasit qe e posedon nuk shkakton përgjim në vijim, por qe trajnimi te kishte trajte transparente për tema të tilla delikate dhe për të shmangur çdo mundësi që individë apo grup individësh të mund të shkojnë më tej me aksesin e tyre, autoriteti konkret shqiptar D.P.

Policisë së Shtetit duhet të ishte konsultuar paraprakisht për përdorimin e kësaj pajisje me Prokurorin e Përgjithshëm si autoriteti qendror dhe i vetëm i përgjimit, me D.S.I.K. dhe me A.K.E.P. në mënyrë që qëndrimi i kësaj pajisje në territorin e Republikës së Shqipërisë të kishte përkufizim ligjor dhe transparent për qëllimet e përdorimit dhe mundësitë teknike të tij”, thuhet më tej në dosjen hetimore.

ORA NEWS

[Albo]

Letërporosia - Prokuroria i kërkon Italisë informacion mbi programin trajnues

rokuroria e Tiranës i është drejtuar me një kërkesë Ministrisë së Drejtësisë së Italisë lidhur me pajisjen përgjuese.
Letërporosia mësohet se është dërguar një ditë më parë.

Përmes saj, organi i akuzës kërkon nga autoritetet italiane informacion mbi aparatin IMSI CATCHER, programin trajnues dhe emrat e oficerëve italianë që janë marrë më këtë program.

ORA NEWS

[Albo]

Skandali i përgjimeve, Prokuroria nis hetimet për Saimir Tahirin

Prokuroria ka nisur verifikimet për ministrin e Brendshëm, Saimir Tahiri lidhur me ndikimin e tij në skandalin e përgjimeve.



Një ditë pas vendimit për pezullimin e Drejtori të Policisë së Shtetit, Haki Çako, Prokuroria po kryen hetime për ndikimin me veprimet dhe mos veprimet të Tahirit në të gjithë historinë e përdorimit të një pajisje përgjimi nga Policia, raporton “News24”.

Prokuroria ka nisur verifikimet edhe për zyrtarë të tjerë të cilët mund të keni kryer veprime apo mos veprime lidhur me pajisjen IMSI që përfshijnë eprorë të Çakos dhe zyrtarë të tjerë të lartë të Ministrisë së Brendshme dhe Policisë së Shtetit.

Këto verifikime do të kryhen për të mësuar nëse këta zyrtarë kanë pasur dijeni apo nëse kanë kryer veprime apo mos veprime që pengojnë hetimet.

Ky veprim vjen pasi një ditë më parë me kërkesë të Prokurorisë së Tiranës, gjykata ka vendosur pezullimin nga detyra e kreut të Policisë së Shtetit për Haki Çakon, për konsumimin e veprës penale “Shpërdorimi i detyrës” në vijim të hetimit për dyshimet mbi ekzistencën e një pajisje përgjimi, e administruar në kundërshtim me ligjin nga ana e Policisë së Shtetit.

Po me kërkesë të Prokurorisë së Tiranës, togat e zeza vendosën masën e sigurimit “Arrest në shtëpi” me mbikëqyrje elektronike për Artion Dukën, me funksion Drejtor i Forcave Operacionale (F.O) dhe Entiol Xhelilajn, specialist pranë F.O, të dy të dyshuar për veprat penale të “Shpërdorimit të detyrës” dhe “Veprimeve që pengojnë zbulimin e të vërtetës”.

Menjëherë pas pezullimit nga detyra që iu bë Cakos si drejtor i Policisë së Shtetit, Prokuroria ia ka mësyrë në ambientet e Drejtorisë së Policisë dhe ka sekuestruar disa materiale, si kompjuter e dokumente. Prokurori nuk ka pranuar të bëjë komente dhe është larguar nga aty me materialet në duar.

Panorama

[Albo]

Përgjimet/ Prokuroria sekuestron kompjuterët e Policisë (VIDEO)

Pamjet janë siguruar nga “News 24” në momentin që janë marrë disa kompjuterë nga kjo drejtori. Pritet që këta të ekzaminohen për të dhëna mbi përgjimet.

Po kështu, veç Çakos që është akuzuar për shpërdorim detyre, nën akuzë janë edhe dy oficerë të Forcave Operacionale.

Në një dosje të publikuar më herët gjatë ditës së sotme, Prokuroria thoshte se janë kryer përgjime me pajisjen e shumëdebatuar. Nga ana tjetër, Italia ka tërhequr shefin e interforcës në Shqipëri.

Panorama

[Albo]

DETAJET/ Pajisja e përgjimit u fsheh kur Prokuroria kërkoi sekuestrimin

Prokuroria e Tiranës ka dhënë detaje të tjera për hetimin e pajisjes së përgjimit në Policinë e Shtetit. Sipas hetimit, Prokuroria e Tiranës pati nxjerrë urdhër për sekuestrimin e pajisjes, por ajo është lëvizur nga dy efektivët Entiol Xhelilaj dhe Artion Duka.



Oficerët e Policisë Gjyqësore të Prokurorisë së Tiranës kanë hyrë në ambjentet e Drejtorisë së Përgjithshme të Policisë së Shtetit në datën 13.05.2016, midis orës 11.45 dhe 12.00. Në këto ambjente nuk gjendej shtetasi Haki Çako dhe oficerët kanë vijuar të prisnin ardhjen e tij.

Në orën 12.10 nga këqyrja e librit të hyrje-daljeve në ambientet e F.P.O. automjeti që mbarte pajisjen ka dalë nga këto ambiente në drejtimin e shtetasit shqiptar Entiol Xhelilaj, pra rreth 10 minuta pasi O.P.Gj-të ishin paraqitur në D.P.Policisë me vendimin për sekuestrimin e kësaj paisje.

Nga krahasimi i periudhës para datës 12.05.2016 dhe pas kësaj date, Prokuroria dyshon se për anëtarët e Policisë së Shtetit dhe pjesëtarët e grupit trajnues ka ndodhur diçka thelbësore, pasi automjeti në periudhën para kësaj date rrinte shumicën dërrmuese të kohës brenda ambienteve të F.P.O. dhe pas kësaj date ka dalë për të mos u kthyer më. Ka dyshime që hapësira kohore prej gjysmë ore ka shërbyer për të bërë të pamundur sekuestrimin e aparatit.

Shtetasi Artion Duka, në cilësinë e Drejtorit të Forcave Operacionale, nuk ka marrë masa për administrimin e pajisjes, si edhe për të siguruar që ajo nuk do të përdorej për qëllime të tjera, përveçse trajnimit. Fakti që mjeti, së bashku me pajisjen “IMSI Catcher” ka lëvizur në të paktën dy herë nga një specialist shqiptar, është një prej arsyeve që e ngarkon me përgjegjësi titullarin e Forcës.

Po ashtu, ky shtetas ka deklaruar se pajisja, në përfundim të çdo seance trajnimi, lëvizte së bashku me ekspertët italianë. Ky deklarim rezulton i rremë, pasi, siç shkruhet nga libri i hyrje-daljeve, mjeti me pajisjen ka qëndruar thuajse gjatë të gjithë kohës së trajnimit në ambientet e Forcës Operacionale.

Pika e fundit e shkeljeve të dyshuara se janë kryer nga shtetasi Artion Duka është edhe me e rëndësishmja. Ky shtetas merr përsipër me përgjegjësinë e tij, pa kryer asnjë hulumutim të natyrës penale apo administrative, se gjatë veprimtarisë së përdorimit të aparatit IMSI CATCHER nuk është kryer asnjë veprim i jashtëligjshëm.

Panorama

[Albo]

Çako në Prokurori pranon përgjimet: Pajisja nuk është përdorur vetëm për trajnime



Drejtori i Përgjithshëm i Policisë së Shtetit Haki Çako është pyetur më parë nga Prokuroria lidhur me skandalin e përgjimeve me anë të aparaturës që ka hyrë në mënyrë ilegale nga Italia në Shqipëri.

Para hetuesve, Çako ka pranuar se pajisja nuk është përdorur vetëm për trajnime, por edhe për identifikimin e numrave IMEI të celularëve.

Por, Drejtori i Përgjithshëm nuk kishte dijeni për mosregjistrimin në Doganë të kësaj pajisje, në momentin që hyri në Shqipëri.

Çako kishte mësuar disa ditë më vonë se si qëndronte e vërteta e kësaj pajisje ilegale dhe për këtë arsye Gjykata e Tiranës vendosi dje pezullimin e Haki Çakos si drejtor i Përgjithshëm i Policisë së Shtetit, deri në një vendim përfundimtar të hetimeve.

Dje, Prokuroria sekuestroi gjithashtu edhe kompjuterin e Haki Çakos, në kuadër të hetimeve që janë duke vazhduar për këtë çështje.

Gjithashtu, në dosjen e prokurorisë thuhet se Çako ka qenë kontradiktor në komunikimin me prokuroriët. Pasi më 9 maj me një shkresë të dërguar pranë prokurorisë, Haki Çako konfimron se ka hyrë në Shqipëri një aparaturë e quajtur “IMSI Catcher”.

Në këtë shkresë, Çako thotë se kjo pajisje shërben për të identifikuar numrat IMEI dhe nuk shërben për përgjim.

Tetë ditë më pas, gjatë marrjes në pyetje në Prokurori Çako ka thënë se aparati IMSI Catcher është në gjendje të identifikojë numrat IMEI të çdo aparati telfonik dhe se nuk ka asnjë dijeni për regjistrimin doganor të hyrjes së kësaj pajisje.

Syri

[Albo]

Berisha: Pas Artan Didit, Rama dhe Tahiri i hëngrën kokën edhe Haki Çakos



Ish-Kryeministri Sali Berisha ka reaguar për pezullimin nga detyra e drejtorit të Përgjithshëm të Policisë së Shtetit Haki Çako dhe ka akuzuar Kryeministrin Edi Rama dhe ministrin e Brendshëm Saimir Tahiri se është i dyti në radhë pas Artan Didit që e “marrin në qafë”.

Në një status në Facebook, ish-Kryeministri thotë që Rama dhe Tahiri janë “kryepolicofag”, që deri më tani i kanë ngrënë kokën ish-kryepolicit Artan Didit dhe tashmë të Haki Çakos.

Statusi në Facebook i ish-Kryeministrit Sali Berisha

Edvin Shullazi dhe Saje qorri kryepolicofag!

Pasi hengren koken e Didit per lidhjet e tyre kriminale me Frrokun, tani Edvin Shullazi dhe Saje qorri hengren dhe koken e Çakos duke e implikuar ne krimin antikushtetues te pergjimit te kundershtareve politik!

Te dashur miq, Edvin Shullazi dhe Saje qorri, ne nje hark kohor te shkurter hengren kokat e dy kryepolicvpeve duke i zhytur ata ne krime te dobishme per Edvinin dhe Sajen.
Keshtu, mercenarit Artan Didi, drejtor i pergjitheshem i policise se shtetit i imponuan krimin e fshehjes se kerkeses belge per ekstradimin e vrasesit Mark Frroku dhe pas zbulimit te krimit u detyruan ta shkarkojne nga detyra, ti presin koken per te lare duart e tyre te pista.

Vetem pak muaj pasi i hengren koken Didit te krimit, Edvin Shullazi dhe Saje qorri hengren koken e mercenarit tjeter, drejtorit te ri te pergjithshem te policise se shtetit, Haki Çako.

Neo-bllokmeni Edvin Shullazi ne stilin e eterve te tij, manjak i metodave te sigurimit te shtetit realizon me Çakon krimin e shemtuar te pergjimit antikushtetues dhe antiligjor te presidentit te Republikes, te kryetarit te opozites, krereve te institucioneve shteterore, deputeteve te te gjithe spektrit, diplomateve te huaj, gazetareve, analisteve artisteve, deri dhe qindra qytetareve te thjeshte. Implikimi ne krime te tilla monstruoze i drejtoreve te pergjithshem te policise se shtetit deshmon shnderrimin e ketij institucioni themelor te shtetit nga Rama, Saje qorri dhe mekembesat e tyre mercenar me uniforme, ne nje organizate kriminale. Kurse per keta drejtore qe ikin si qeni ne vresht mund te them vetem se kane gjetur fundin e merituar! sb

Syri

[Albo]

Dëshmia/ Polici e lëvizi pajisjen përgjuese: Hipa në makinë për qejf

Oficeri i policisë shqiptare, Entiol Xhelilaj, i lënë në “arrest shtëpie” nga gjykata për llogari të hetimit në lidhje me pajisjen “IMSI Catcher”, ka pranuar se në disa raste ka drejtuar i vetëm makinën BMW, ku ishte vendosur aparatura e përgjimit.


Oficeri Entiol Xhelilaj në Gjykatë gjatë masës së sigurisë

“Panorama” shkruan se gjatë fazës së hetimit para vendosjes së masës “arrest shtëpie” ndaj tij nga gjykata, efektivi i FLO është marrë në pyetje në Prokurori. Bazuar në librin e hyrje-daljeve të repartit, prokurorisë i ka rezultuar se Entiol Xhelilaj ka lëvizur disa herë makinën ku ndodhej pajisja përgjuese.

“Nga këqyrja e librit të hyrjedaljeve të mjeteve dhe personave në F.O, del qartë se ai ka hyrë e ka dalë me mjetin, të paktën dy herë, duke qenë në drejtim të tij. Ai ka hipur në automjet edhe ditën kur ka dalë vendimi i sekuestrimit për mjetin dhe pajisjen”, thuhet në vendimin e Gjykatës që la në arrest shtëpie efektivin e policisë.

Burime nga hetimi thanë se kur është pyetur për këtë fakt, Entiol Xhelilaj ka thënë se ka hipur në makinën tip BMW, ku ndodhej pajisja “për qejf”.

Ai ka shtuar se e ka bërë këtë veprim me dëshirën e tij për të marrë informacion për mënyrat e procedurat se si punohej me makinën në fjalë. Sipas Prokurorisë, ky fakt është në kundërshtim me ligjin për arsye se aparatura e përgjimit duhej t’i përmbahej qëllimit për të cilin pretendohet se ka ardhur në Shqipëri, pra trajnimit.

Dhe së dyti, efektivi i policisë Entiol Xhelilaj që ka lëvizur mjetin në dy raste, nuk ka pasur asnjë të drejtë ta bënte këtë.

“Nga verifikimet ka rezultuar se ai nuk ka qenë as pjesë e stafit ndihmës të palës italiane që ka ardhur në Shqipëri dhe as pjesë e trajnimit që pretendohet se do të kryhej me aparaturën ‘IMSI-Catcher’”, thanë burimet e grupit të hetimit.

Sipas tyre, kjo situatë e bën edhe më të rëndë faktin se efektivi i policisë që nuk ishte pjesë e trajnimit, që nuk kishte certifikatë sigurie e që nuk duhej të kishte asnjë kontakt me makinën ku ndodhej pajisja, e ka marrë atë nga ambientet e FLO dhe ka lëvizur me të nëpër Tiranë.

Trazhgim Sokolaj
Panorama