Ultimatumi i Ramës për amerikanët: "Mos zgjidhni Trump president, se nuk ju kemi më miq, ta dini!"

[Albo]

Rama paralajmëron prishje me SHBA-të nëse Trump bëhet President

Kryeministri Edi Rama ka thënë sot në emisionin e Baton Haxhiut se nëse Donald Trump zgjidhet President i SHBA-ve, atëherë marrëdhëniet e Shqipërisë me të do të cenohen.

Rama tha se Trump është një fatkeqësi për SHBA-të dhe uroi që ai të mos zgjidhet kurrë President.

Këto deklarata, Rama i bëri nën cilësinë e Kryeministrit të Shqipërisë.

Pyetje-Përgjigje

Gazetari: Çfarë mendimi keni për Donald Trump?

Rama: Unë e kam thënë hapur atë që mendoj për Donald Trumpin dhe nuk e kam fare problem ta përsëris as këtu as kudo që të jetë; as në shqip dhe as në anglisht, që Donald Trump është kërcënim për Amerikën dhe nuk diskutohet që është kërcënim edhe për marrëdhëniet shqiptaro-amerikane.

Gazetari: Që i bie?

Rama: Që i bie që mos e dhëntë Zoti që amerikanët ta zgjedhin President. Sepse do të ishte një President që do t’i bënte dëme të mëdha Amerikës dhe sigurisht do të ishte një kërcënim real për marrëdhëniet shqiptaro-amerikane.

Gazetari: Po flet si Kryeministër apo si intelektual?

Rama: Jo mo flas si Kryeministër…

Gazetari: Si kryeministër?

Rama: Unë nuk e ndaj asnjëherë veten nga vetja. Sot jam edhe Kryeministër, por në radhë të parë jam Edi Rama.

Gazetari: Nga ky moment ky lajm do të marrë dhenë nëpër botë..

Rama: S’jam unë aq i madh sa të marrë dhenë nëpër botë një fjalë e imja për Donald Trump, por nëse do të merrte dhenë do të isha shumë i lumtur.

Gazetari: Do të ishe i lumtur nëse republikanët…por çfarë do bësh me republikanët?

Rama: Jo nuk flas për republikanët. Flas për një personazh që ka turbulluar aq shumë pjesën e republikanëve sa ata me zor po presin të votojnë për Hilari Klintonin. Dhe të imagjinosh republikanët që votojnë për një Klinton do të thotë që seriozisht e kanë një arsye aq të madhe për ta bërë këtë gjë sa duhet të gëlltisin aq shumë, që është shprehja më kuptimplotë e asaj që përfaqëson Donald Trump.

Gazetari: Ky është kabllogrami më publik që ekziston dhe unë besoj që kur të shkoni në Amerikë do t’ju pyesin për këtë…

Rama: Dhe unë do të jap po të njëjtën përgjigje, patjetër.

-Ironia e Ramës: Disa Presidentë ngrohin karriget-

Kryeministri Edi Rama ishte i ftuar ditën e sotme në “Zona e Debatit” në “Klan Kosova”. Ai ndodhet në një vizitë në Kosovë me rastin e ceremonisë së marrjes së detyrës të Presidentit të Hashim Thaçit.



Mirëpo, duke folur për rolet e Presidentëve në vendet e Ballkanit, Rama pasi vlerësoi Thaçin si personin e duhur për të qenë President, tha se disa syresh janë zgjedhur sa për të ngrohur karriget.

Nuk dihet me siguri nëse ai po fliste për Presidentin Nishani, por pak më vonë, ai foli me nota shumë pozitive për ish-Presidenten e Kosovës, Atifete Jahjaga.

Panorama

[Albo]

New York Times shkruan për deklaratën e Ramës “po u zgjodh Trump, prish marrëdhëniet me SHBA”



Pas deklaratës të djeshme nga Kosova të Kryeministrit Edi Rama që Shqipëria rrezikon marrëdhëniet me Amerikën nëse Donald Trump do të zgjidhet Presidenti i SHBA, gazeta ‘New York Times’ ka pasqyruar këtë mendim të kreut të Qeverisë Shqiptare.

“Më pak se një javë para se të vizitojë Uashingtonin, Kryeministri shqiptar Edi Rama tha që kandidati republikan i SHBA Donald Trump do të jetë një kërcënim për vendin e tij dhe marrëdheniet dypalëshe Shqipëri-SHBA. Rama tha se zgjedhja e Trump do të sillte dëme të mëdha për SHBA dhe gjithashtu do të jetë një kërcënim real për marrëdhëniet shqiptaro-amerikane”, shkruan gazeta amerikane.

New York Times shkruan se Rama u shpreh që nuk po u referohej Republikanëve, por “një karakteri që ka ngjallur shqetësim” tek disa republikanë, aq sa ata tani duan të votojnë për Hillary Clinton.



Syri

[Albo]

Rama: Trump rrezikon marrëdhëniet Shqipëri-SHBA. Rrjeti ironizon kryeministrin



Ka mjaftuar vetëm një deklaratë e pamenduar mirë nga kryeministri Edi Rama për sa ju përket zgjedhjeve presidenciale në Amerikë, që të fillojë menjëherë ironia në rrjetet sociale.

Pasi kryeministri deklaroi se nëse kandidati republikan Donald Trump, fiton zgjedhjet Presidenciale në SHBA, ai do të ishte një kërcënim për marrëdhëniet mes Shqipërisë dhe SHBA-­ve, në rrjet është cilësuar si një shprehje kamikaze.

Në një prej faqeve satirike “Analize nga Andrea SteFunny”, është publikuar kjo foto ku Rama duket si terroristi që kërcënoi Shqipërinë. Fotoja është shoqëruar me shprehjen “Vallahi po fitoi Trupm, ditë të zeza ju presin”.

Syri

[Albo]

Basha ironizon Ramën: Tani je lider botëror, po mëson amerikanët kë të zgjedhin

Kreu i demokratëve Lulzim Basha ka ironizuar sot deklaratat e kryeministrit Edi Rama dhënë dje për Baton Haxhiun në “Klan Kosova”, kur tha se nëse Donald Trump zgjidhet president i SHBA-ve, rrezikohen marrëdhënet e Shqipërisë me Amerikën.



Sipas Bashës, tani Rama është në rolin e një lideri botëror dhe po mëson amerikanët se kë të zgjedhin.

STATUSI I PLOTË I BASHËS:

Lideri global ka marrë së fundmi një angazhim mbi të zakonshmen, ka vendosur të mësojë amerikanët si të zgjedhin Presidentin e tyre. Nuk është nga ato pleqërimet me Koçon te lapidari i Vunoit, është një punë që kërkon ta bëjë tani, sa më shpejt. Pasi e ndriti në Shqipëri, duke vendosur krizën dhe varfërinë më të thellë, duke instaluar oligarkinë kriminalo-korruptive, duke konkuruar edhe Trumpin për pasuri personale, pasi shkel çdo ditë ligj dhe kushtetutë, kokoshi ka gati recetën për presidencialet amerikane.
Arroganca dhe deliri si rregull e kanë një kufi, por lideri botëror po tregon se për të, këto çrregullime janë të pamata. Amerikanët shpesh e gjejnë një Borat për të kaluar ca orë në ekrane apo kinema. Kësaj radhe regjisorët s’kanë nevojë të lodhen shumë. Personazhi është vetofruar.


Panorama

[SERAFIM DILO]

Eshte kthyer me ter mend ne lider nderkombetar Sulltani Rama i Pare. Eshte bere i papermbajtshem,i gjithanshem.

Mbasi falenderoi per referendumin e ndritur Shoket dhe Shoqet socialiste bashke me Koqot dhe... Ko-qeverine socialiste,tani presim te prishim mardheniet me Ameriken dhe te dalim nga Pakti i Varshaves. Shyqyr,thuaj qe skemi ndonje lufte nderplanetare se do kishim dhe Sulltanin qe do nderhynte.

[benseven11]

Trampi me pelqen kur flet,ka shume mprehtesi per te diktuar evidentuar problemet,
eshte shume i sakte ne analize dhe ka llogjike te forte,eshte i prirur per aksione konkrete
per te bere ndryshime ne politiken e jashtme ngritur murin ne kufirin meksikan deportuar ilegalet
dhe tregetine.
Mund te behet president shume i mire,nuk ka pallavra pa vlere demagogjie si keto te tjeret.
Rama nuk jep asnje shpjegim pse Trampi na qenka kercenim per Ameriken....

[2043]

Mjer e zeza nene ke te qaje me pare....

[Duke_Of_Arberia]

Lexova diku parmbreme se Amerika ishte terhequr çuditerisht nga sulmet kunder Bashar Al Assad-it, mbas nje telefonate ne shtepine e bardhe nga Lideri ballkaniko-shqiptar Edvin Rama! Tonet e diskutimit midis Rames dhe Obames raportohet te kene qene tejet te tensionuara.

Mediat kane zbuluar se kryeministri yne i ka bere me dije Obames, t'i mbylli me nder ditet e tij te fundit ne shtepine e bardhe, perndryshe Rama ne bashkepunim me shoket Sorosian te off-shoreve, do loboje per t'i pezulluar te gjitha ofiqet qe gezon nje ish-president ne SHBA!

New York Times fliste gjithashtu per nje vizite te shpejte te liderit me profesion basketbollist, drejte Amerikes. I indinjuar me vemendjen e madhe qe Trump po merr, Rama ka vendosur te inicioje nje fushate sensibilizuese kunder tij. Kjo vizite eshte pershendetur nga mijera e mijera shoqata te te drejtave te njeriut. Nje aktiviste e nje shoqate, nje grua me ngjyre me foton e Martin Luther Kingut ne bluzen e saj, deklaroi per nje televizion lokal se nese Trump do te fitonte zgjedhjet presidenciale, bota nuk do ta meritonte nje lider gjigand, vizionar e unik si Edi Ramen...

[mesia4ever]

Ky eshte budallallek, nuk mund t'i mesosh amerikanet se ke te zgjedhin. Ne nuk mund te prishemi me USA vetem se ata votojne nje lider te caktuar. Shqiperia eshte nje vend i vogel qe nuk mund t'i imponoje Amerikes se kend do ta zgjedhin si president. Ne politike nuk mund te jesh direkt sic doli tash Rama ne kete interviste.

[Ciarli]

Zgjedhja e nje tjeter horri eshte strategji e vjeter e republikes amerikane per zbutjen e konfederatave te ish sklleverve. Pas zgjedhjes se Kenedit dhe reagimit te tyre duke mos e duruar dot me karakterin e tij te nje ish pirati skllav nje tjeter ish skllav i shkolluar i afrohet skenes amerikane me plot sekrete, bllofe, dhe te papritura!