Romët në protestë kundër prishjes së tregut: Këtu nxjerrim bukën e gojës
Banorët romë që u prekën nga ndërtimi i Unazës kanë dalë sot në protestë. Pas shtëpive, tashme atyre po u shembet edhe tregu, për t’i hapur rrugë ndërtimit të Unazës së Re. Mirëpo, kjo është kundërshtuar nga banorët, të cilët shprehin shqetësimin e tyre në lidhje me vendimin e marrë.
Ata theksojnë se tregu është e vetmja mundësi që kanë për të fituar të ardhura. “Ne këtu nxjerrim bukën e gojës. Pasi na prishën shtëpitë dhe na nxorën në rrugë, tani nuk na lënë as të jetojmë”, deklaruan ata të revoltuar.
Mësohet se banorët kanë bllokuar rrugën dhe ka pasur konfrontime mes tyre dhe policisë.
Shqip
Krijoni Kontakt