Masakër në Elbasan: 3 të vrarë, 8 të plagosur nga 65 plumba

[Vinjol]

Smokie jo vlla se gjynaf se jane jete njereish jo koka pulash :/

[Vinjol]

Katër ditë pas masakrës së pashembullt në Elbasan, ku mbetën të vrarë tre persona dhe u plagosën 7 të tjerë, policia dhe prokuroria nuk kanë një pistë zyrtare të shkaqeve si dhe të dyshuar si autorë të këtij krimi të rëndë. Top Channel, raporton se gjatë këtyre ditëve, policia ka bërë të ditur se ka shoqëruar mbi 47 persona, të cilët pas marrjes së dëshmive përkatëse janë lënë të gjithë të lirë, ndërsa me dhjetëra kontrolle të tjera nga forcat RENEA dhe FNSH nuk ka dhënë asnjë rezultat. Paralelisht, janë këqyrur pamjet e kamerave të sigurisë, si të lokalit ku ndodhi masakra, ashtu edhe të bizneseve aty pranë, por ende nuk ka asnjë të dhënë, as për autorët, as edhe për mjetin me të cilin ekzekutorët kanë lëvizur. Mbledhja e gëzhojave në vendngjarje si dhe gjetja e tre armëve automatike pranë vendit të ngjarjes, sërish e kanë lënë në terr zbardhjen e këtij krimi. Sakaq, disa nga të plagosurit të cilët e kanë kaluar rrezikun për jetën, kanë dhënë dëshmitë e tyre para grupit hetimor, duke treguar thjesht dinamikën e ngjarjes, por asnjë të dhënë për identifikimin e autorëve. Sipas këtyre dëshmive, breshëritë e plumbave të ardhura nga jashtë lokalit, shkaktuan pasojat që njihen tashmë, tre të vrarë dhe 7 të plagosur, ndërsa një nga autorët, të cilët dëshmitarët okularë e kanë parë të pambuluar me maskë, ka hyrë brenda lokalit për të përfunduar masakrën, por dyshohet se mund t’i jetë bllokuar arma. Burime jozyrtare, bëjnë të ditur se njëri prej të plagosurve ka pohuar se në atë moment, ata ishin shtirur si të vdekur për t’i shpëtuar ekzekutimit. Me këto të dhëna, grupi i hetimit bën me dije se e ka të qartë shënjestrën e këtij sulmi në kufijtë e një akti terrorist, që ishte një nga personat e familjes Çapja. Gjithashtu policia është e bindur se krimi ishte një hakmarrje brutale ndaj tij dhe familjes së tij, por historitë e shumta kriminale të kësaj familjeje, e bëjnë të vështirë të identifikohet se kush ishte personi apo grupi i personave që mund të këtë kryer apo porositur krimin. Tre ditë pas masakrës, Policia e Elbasanit ka bërë të ditur se asnjë nga familjet, personat e të cilëve ishin shënjestër e sulmit, apo ato familje që dyshohet se kanë patur konflikte dhe hasmëri me familjen Çapja, nuk ka kërkuar mbrojtje nga policia, ndërsa kjo e fundit ka organizuar shërbime përmes agjentëve të krimeve që të mbajë situatën nën kontroll. /noa.al/ Masakra, Familja Mema: S’kemi lidhje me ngjarjen, Çapja: Si pamë vrasë -

[martini1984]

Me kembe te mbare ! Presim lajme per palen tjeter, dhe ata me kembe te mbare !

Shume drejte e ke......per BACILET!
Te tjeret mund ti japin ngjyra partiake(a ka me njerez IDIOT).
KLM.

[Vinjol]

Drejtori i Përgjithshëm i Policisë së Shtetit, Haki Çako është i ftuar në Tonight Ilva Tare në ne Ora News ku përballë gazetares Ilva Tare për t’iu përgjigjur pyetjeve për situatën më të fundit të rendit në vend.
Përplasjet e bandave dhe vrasjet e bujshme që kanë ndodhur se fundmi si dhe klima e krijuar tek qytetarët duke ndikuar në besimin e tyre për punën e policisë së shtetit.
Drejtori Çako do të hedhë dritë gjithashtu edhe për përpjekjet e policisë për të zbuluar dhe kapur autorët e këtyre ngjarjeve si dhe çështjet e tjera të nxehta që janë pjesë e punës së policisë së shtetit.
Çako: Lëvizjet ne polici per te permiresuar punen
Çako: Më duhet të bëj të qartë se Policia e Shtetit është në ristrukturim. Lëvizjet përkojnë me nevojën e një ristrukturimi,në zbatim të urdhërit të ministrit të Brendshëm për ristrukturimin e policisë. Lëvizjet janë bërë për përmirësim të punës dhe të rritjes se impulsve për të përballuar të gjitha sfidat e policisë.
A janë këto lëvizje nisur nga ngjarjet e fundit?
Çako: Në tërësi ka edhe elemente për të sjellë ritëm më të lartë të drejtuesve për të përballuar me sukses detyra.
Pse ishte e nevojshme të ndryshoheshin?
Çako: Ne kemi analizuar punën 1-vjecare të Policisë dhe është një punë që ka konsistuar në rezultate shumë herë më të mira krahasuar me vitet më parë, por ne vazhdojmë të nxjerrim analiza dhe të përballemi me sfida.
Çako: Nuk është e vërtetë që situata është e përkeqësuar. Ka një realitet me të drejtën e raportimit në një kohë rekord të të gjitha ngjarjeve. Ngjarje ka pasur në të gjithë periudhat dhe policia ka qene e gatshme në të gjitha rastet. Sot policia nuk fsheh dhe nuk ruan asnjë lloj rezerve për veprat penale, por ka detyrimin për ta proceduar.
Kush është operacioni më delikat që ka hasur policia, a ka pasur dështime?
Çako: Operacionet policore janë transmetuar në kohë rekord. Ne kemi realizuar një sërë aksionesh të rëndësishme. Si ai i Lazaratit, Dukagjinit, Xibrakës, operacionet kundër krimit të organizuar. Nuk mund të evidentoj dështime. Shumë ngjarje kërkojnë kohën e vet ne investigim dhe në zbulim të këtyre veprave penale.
Ne kemi për detyrë që të maksimizojmë dhe të zbulojmë ngjarjet të mbetura pa autorë të trashëguara ndër vite.
I ka policia burimet për të përballuar këto aksione?
Çako: Është synuar shtimi i numrit të punonjësve të policisë. Punonjësit janë riorganizuar duke marrë përsipër të kontrollojnë cdo sipërfaqe të territorit shqiptar.
Nuk mund të bëj komente politike. Unë jam drejtori i Policisë së Shtetit kam për detyrë të organizoj dhe të ndjek veprimtarinë e policisë së shtetit. Në të gjithë treguesit e policisë dhe partnerëve, prezenca policore ka qenë e ndjeshme. Komentet politike nuk më takojnë mua.
Janë shtuar personat qe merren me krime në Shqipëri?
Çako: Ne e kemi për detyrë të evidentojmë rastet. Të gjitha ato që janë rezultate të policisë dhe puna e policisë është më evidente.
Personat me precedent penal janë të evidentuar nga policia. Ne hasim persona me precedent penal dhe kriminale, qoftë edhe subjekte që i janë nënshtruar arresteve ose hetimit, por për arsye që lidhen me drejtësinë këta ridalin dhe aktiviteti i tyre rizgjohet dhe interesi është në shkelje me ligjin.
Policia bën maksimumin për të mbajtur nën kontroll këta persona.
Masakra e Elbasanit
Çako: Për këtë ngjarje të rëndë vazhdojnë hetimet në bashkëpunim me prokurorinë e Elbasanit. Ne kemi ngritur versionet përkatëse. Për shkak të subjekteve, pro edhe të dëmtuarve që mbartin një konflikt të vjetër versionet kryesore janë të orientuara drejt hakmarrjes, por për shkak të hetimit refuzoj të jap detaje.
A ka ndonjë pistë të re të hetimit?
Çako: E thashë lidhet me konspiracionin
Ju kanë ndihmuar dëshmitë e të plagosurve?
Çako: Ka shumë element ku ne kemi ngritur hetimet tona, por phjesërisht ato janë pjesë e hetimit për tu vlerësuar.
A është filmuar ngjarja?
Çako: Ka pamje të pjesshme, por edhe kjo rezervohet.
A kanë qenë të veshur me uniforma police?
Çako: Autorët kanë qenë të veshura me roba kamuflazhi.
Ishte e pamundur të arrestoheshin?
Çako: Ne jemi në hetim, dhe po punojmë intesivisht.
Keni një numër?
Çako: Në këtë krim mendohet se kanë marrë pjesë 4 persona, 3 aktiv dhe një në drejtim të mjetit.
A i mbante nën mbikqyrje policia, pasi ishin me precedent?
Çako: Policia e Elbasanit ka qenë në krye të detyrës, ka mbërritur në vendngjarje, pavarësisht se nuk janë kapur autorët.
Vrasja e Santos, Çako: Jemi në hetim
Ka një vrasje në 2014 që nuk është zbardhur, rasti i Artan Santos?
Çako: Është një ngjarje e cila vazhdon hetimi, në bashkëpunim me prokurorinë e Tiranës. Vazhdon hetimi në pistat e mundshme që ne kemi ngritur.
Kanë emra?
Çako: Dyshimi është dyshim, por ka versione të ngritura.
A janë dy personat me motor në kërkim?
Çako: Jemi në hetim për të evidentuar dhe identifikuar personat.
Çako: Ka pasur edhe arrestime të punonjesve të policisë
Ka pasur lajme edhe në media për dekonspirimi edhe të uniformave blu, qëndrojnë lajme të tilla?
Çako: Janë proceduar shumë punonjës policie, në dy vjet mbi 2 mijë raste.
Ka pasur raste kur policët kanë dhënë informacion autorëve?
Çako: Ka raste të mosrealizimit të punës dhe detyrës.
Po raste ndëshkimi?
Çako: Sigurisht që ka pasur, ka pasur edhe raste arrestimi.
A është e lehtë të identifikohen
Çako: Ne jemi të vendosur të identifikojmë cdo efektiv policie që është pjesë e krimit.
Kush është krimi më I rëndë në Shqipëri?
Çako: Pesha e krimeve është e përcaktuar në Kodin Penal. Nuk mund të bëjmë klasifikim të krimeve. Krimet e rënda janë të përcaktuara në Kodin Penal.
Është e lehtë të luftohet krimi ekonomik, krimi I zyrtarëve të lartë..?
Çako: Vështirësi ka, sepse implikon edhe struktura të caktuara dhe e bëjnë të pamundur vënien përpara përgjegjësisë. Ne jemi të qartë në hetimin dhe në hetimin e aseteve kriminale.
Çako: Bashkëpunimi me SHISH dhe Prokurori, korrekte
Si është bashkëpunimi i policisë me SHISH, Prokurorinë?
Çako: Të gjitha institucionet kanë përgjegjësitë e vetë dhe kanë të ndarë funksionin që ato kryejnë. Policia e ndodhur përballë një nevojë për të përballuar veprimtari të shumta ka përballur një veprimtari të shumtë. Kjo lidhet edhe me nivelin e caktuar të Prokurorëve, por edhe me nevojën për të thelluar më tej hetimin, për ta cuar në Gjykatë. Ka raste që rezervojnë papërgjegjshmëri të oficervët gjyqësore, por edhe të prokurorëve.
Vrasja e deputetit Xhindi, Çako: Ngjarja në hetim
Vrasja e deputetit Xhindi…?
Çako: Kjo është një ngjarje e rëndë që ka vite që ka ndodhur dhe ka hetimet e veta. Ne jemi duke investuar për këtë cështje. Kemi ngritur një grup të vecantë ka edhe kjo element të hetimit përkatës.

[Albo]

Masakra në Elbasan, SHISH në kërkim të makinës. Viktimat u mbikëqyrën për 2 ditë rresht nga autorët

Prokuroria e Elbasanit i cakton disa detyre policisë dhe agjentëve të SHISH për të zbuluar makinën që autorët kanë përdorur ditën e ngjarjes.

Burimet thonë se makina e cila duket në pamje filmike nga kamera e sigurisë, është identifikuar dhe po kërkohet për llojet e njëjta që të bëhet edhe identifikimi i personave që kishin në përdorim.

Ndërkohë policia shkencore mësohet se ka identifikuar tre armë, që kanë qëlluar në drejtim të lokalit të familjes Çapja, ku u ekzekutuan 3 persona dhe 8 të tjerë u plagosën.

Të tre armët, mendohet se kanë qenë automatik “Kallashnikov” dy prej të cilave janë sekuestruar në vendin e ngjarjes. Nga ana tjetër po punohet në rrugë operative për të parë dhe identifikuar autorët e mundshëm.

Deri më tani janë ngritur 3 pista hetimore, të cilat po verifikohen, si hasmëria, trafiku i drogës dhe sherri banal mes pjesëtarëve të familjes Çapja dhe autorëve.

Grupi hetimor ka zbuluar disa lëvizje që dyshohet të jenë bërë nga vrasësit dy ditë para ngjarjes. Një makinë, e ndryshme nga ajo që u përdor nga atentatorët, është filmuar nga kamerat e sigurisë së lokalit duke lëvizur pranë zonës dy ditë me radhë, para ngjarjes.

Automjeti shihet se jo vetëm ka lëvizur pranë lokalit, por edhe është ndaluar pranë tij disa herë. Hetuesit besojnë se këto janë veprime të vrasësve ose bashkëpunëtorëve të tyre të cilët kanë vëzhguar viktimat dhe kanë mbajtur nën monitorim të gjitha lëvizjet e tyre.

Burime nga grupi hetimor thonë se në lojë është futur edhe Shërbimi Informativ, të cilit i është kërkuar ndihmë për të gjetur të dhëna mbi autoveturën.

Hetimet vazhdojnë edhe mbi prova të tjera. Prokuroria e Elbasanit është në pritje të ekspertizës balistike të tre armëve të gjetura në vendin e ngjarjes nga policia shkencore. Është faktuar tashmë se është qëlluar me të tre armët.

65 plumba u derdhën mbi 11 personat që gjendeshin në këtë lokal nga tre atentatorë. Të vrarë mbetën Agron Çapja, Ardit Sinakolli dhe Eno Bedalli.

Syri

[Albo]

"Tonight Ilva Tare", Masakra e Elbasanit, Haki Çako: Dyshohet për 4 autorë. Nuk kanë kaluar kufirin



Drejtori i Përgjithshëm i Policisë së Shtetit, Haki Çako është i ftuar në Tonight Ilva Tare në ne Ora News ku përballë gazetares Ilva Tare për t’iu përgjigjur pyetjeve për situatën më të fundit të rendit në vend.
Drejtori i Policisë së Shtetit tha se në Shqipëri ka grupe kriminale, por ai celula mafioze.
Në lidhje më ngjarjen e Elbasanit, Çako dhe se pista kryesore është ajo e hakmarrjes. Ende vijon puna për kapjen e autorëve, të cilët sipas tij dyshohet se kanë qenë 4 persona, 3 aktiv dhe një drejtues mjeti.
Duke iu referuar ngjarjeve kriminale si vrasja e deputetit Xhindi apo bankierit Artan Santo, drejtori i policisë tha se vijojnë ende hetimet.
Në lidhje me 500 kg marijuanë që u sekuestrua në brigjet italiane që dyshohej se vinte nga Shqipëria me skaf, Çako tha se janë identifikuar autorët dhe po punohet për kapjen e tyre.
Çako foli edhe për Byronë e Hetimit, që sipas tij duhet të jetë një strukturë nën varësin e Policisë.

PJESE NGA INTERVISTA ME HAKI ÇAKON

Çako: Lëvizjet në polici për të përmirësuar punën

Çako: Më duhet të bëj të qartë se Policia e Shtetit është gjatë gjithë kohës në vlerësim dhe në ristrukturim. Lëvizjet përkojnë me nevojën e një ristrukturimi,në bazë të implementimit të ligjit për policinë e shtetit dhe në zbatim të urdhërit të ministrit të Brendshëm për ristrukturimin e policisë. Lëvizjet janë bërë për përmirësim të punës dhe të rritjes se impulsve për të përballuar me sukses të gjitha sfidat e paraqitura për policinë.

A janë këto lëvizje nisur nga ngjarjet e fundit?

Çako: Në tërësinë e analizave të bëra ka edhe elemente që vijnë përpos ndryshimeve që do të duhet të sjellin një ritëm më të lartë të drejtuesve për të përballuar me sukses detyrat.

Pse ishte e nevojshme të ndryshoheshin?

Çako: Ne kemi analizuar punën 1-vjecare të Policisë dhe është një punë që ka konsistuar në rezultate shumë herë më të mira krahasuar me vitet më parë, por në të gjitha rastet ne vazhdojmë të nxjerrim analiza dhe të përballemi me sfidat që nuk mund të jenë për të gjitha kohët njësoj.

Çako: Nuk është e vërtetë që situata është e përkeqësuar. Ka një realitet me të drejtën e raportimit në një kohë rekord të të gjitha ngjarjeve. Ngjarje ka pasur në të gjithë periudhat dhe policia ka qene e gatshme në të gjitha rastet. Sot policia nuk fsheh dhe nuk ruan asnjë lloj rezerve për veprat penale, por ka detyrimin për ta proceduar.

Kush është operacioni më delikat që ka hasur policia, a ka pasur dështime?

Çako: Operacionet policore janë transmetuar në kohë rekord, për këtë falenderoj edhe mediat. Ne kemi realizuar një sërë aksionesh të rëndësishme. Si ai i Lazaratit, Dukagjinit, Xibrakës, operacionet kundër krimit të organizuar. Nuk mund të evidentoj dështime. Shumë ngjarje kërkojnë kohën e vet ne investigim dhe në zbulim të këtyre veprave penale.
Ne kemi për detyrë që të maksimizojmë dhe të zbulojmë ngjarjet të mbetura pa autorë të trashëguara ndër vite.

I ka policia burimet për të përballuar këto aksione?

Çako: Është synuar shtimi i numrit të punonjësve të policisë. Punonjësit janë riorganizuar duke marrë përsipër të kontrollojnë cdo sipërfaqe të territorit shqiptar.
Nuk mund të bëj komente politike. Unë jam drejtori i Policisë së Shtetit kam për detyrë të organizoj dhe të ndjek veprimtarinë e policisë së shtetit. Në të gjithë treguesit e policisë dhe partnerëve, prezenca policore ka qenë e ndjeshme. Komentet politike nuk më takojnë mua.

Janë shtuar personat qe merren me krime në Shqipëri?

Çako: Ne e kemi për detyrë të evidentojmë rastet. Të gjitha ato që janë rezultate të policisë dhe puna e policisë është më evidente.
Personat me precedent penal janë të evidentuar nga policia. Ne hasim persona me precedent penal dhe kriminale, qoftë edhe subjekte që i janë nënshtruar arresteve ose hetimit, por për arsye që lidhen me drejtësinë këta ridalin dhe aktiviteti i tyre rizgjohet dhe interesi është në shkelje me ligjin.
Policia bën maksimumin për të mbajtur nën kontroll këta persona.

Masakra e Elbasanit

Çako: Për shkak të identifikimit të subjekteve, por edhe të dëmtuarve që mbartin në vetëvete një konflik të vjetër me ngjarje të rënda dhe me pasoja të rënda, versionet kryesore janë të orientuara drejt hakmarrjes. Gjithësesi për nevojë të hetimit rezervoj të jap informacion më të detajuar. Policia ka indesifikuar punën dhe që besoj se shumë shpejt do të konkludojmë.

A ka ndonjë pistë të re të hetimit?

Çako: Versionet janë të ngritura dhe përputhen me nevojën e investigimit të cdo subjekti, por pse jo edhe me shumë elementë lidhen ngushtësisht me konsipracionin që nese do të japim elementë që identifikojnë mekanizmin..

Ju kanë ndihmuar dëshmitë e të plagosurve?

Çako: Ka shumë element ku ne kemi ngritur hetimet tona, por pjesërisht ato janë pjesë e hetimit që mbeten për tu vlerësuar.

A është filmuar ngjarja?

Çako: Ka pamje të pjesshme, por edhe kjo është çështje që rezervohet

A kanë qenë të veshur me uniforma police?

Çako: Nuk është e vërtetë që autorët kanë qenë të veshur me rroba policie. Autorët kanë qenë të veshur me rroba në formën e kamuflazhit. Është përdorur shpesh në shumë ngjarje se autorët përdorin uniforma policie. Për të qenë korrekt me ligjin, uniformë policie quhet ajo uniformë e cila ka simbolet, stemat, gradat që identifikojnë një punonjës policie. Në të gjitha dyqanet ose ambiente të ndryshume gjen të gjitha llojet e uniformave duke filluar nga ato të kamuflazhit që shpesh herë përdorin gjahtarët apo rroba sportive që lënë idenë që janë uniforma policia, por kjo nuk është pjesë e kamuflimit ndaj policisë. Cdo autor që zgjedh të kryejë një vepër të rëndë zgjedh, por edhe mundohet ti shmanget kapjes nga policia.
Nuk është e vërtetë që autorët kanë qenë me uniformë policie. Kjo është një legjendë urbane. Më duhet të sqaroj përfundimisht që përdorimi qoftë i uniformave të ngjashme të policisë, ose i shprehjeve shpesh herë është abuzuar me këtë shprehje. Në disa ngjarje është përdorur shprehja e uniformave, por që nga investigimi i bërë nëpërmjet kamerave nuk ka rezultuar e vërtetë. Gjithësesi iniciativa e autorëve të veprave penale është e pavarur nga statura e policisë së shtetit.

A kanë këto vrasje me njëra-tjetrën?

Çako: Nuk është e vërtetë dhe nuk rezulton të jetë i njëjti grup kriminale. Shumë prej ngjarjeve kanë motive të përcaktuar qartazi dhe nuk kanë lidhje me të njëjtin motiv.

A kanë thirrur atentatorët policia para se të bënin krimin?

Çako: Ka disa informacione që lidhen me shprehjen “Policia”, por kjo është e pakonfirmuar dhe thirrja e tyre nuk përkon me të vërtetën.

Ishte e pamundur të arrestoheshin?

Çako: Ne jemi në hetim, dhe po punojmë intesivisht.

Keni një numër?

Çako: Paraprakisht mendohet se në këtë krim të kenë marrë pjesë 4 persona, 3 aktiv dhe një në drejtim të mjetit.

Është e vërtetë që keni vënë edhe helikopterë në gjurmim të tyre?

Çako: Policia ka vënë në të gjitha mjetet e saj për të identifikuar dhe zbuluar këta autorë.

A i mbante nën mbikqyrje policia, pasi ishin me precedent?

Çako: Persona me precedent në Shqipëri ka një numër të konsiderueshmë dhe jo cdo punonjës policie mund të jetë i gatshëm të mbajë nën kobntrollë 24 orë cdo person me precedent. Policia e Elbasanit ka qenë në krye të detyrës, kjo ka qenë e vërtetuar pasi brenda rreth 30 sekondave policia ka mbërritur në vendngjarje, pavarësisht se nuk janë kapur autorët.
Për grupin që pësoi dëmtim, a kishit informacion se dicka po përgatitje, dicka do të ndodhte me ta?

Çako: Është një grup i cili ka pasur konflikte të vjetra dhe të herë pas hershme, ka qenë në evidencet e policisë, por sigurisht nëse kishte do të ishte parandaluar.

Keni informacion se vrasësit e Elbasanit janë larguar jashtë?

Çako: Kush e ka këtë informacion është i detyruar ta denoncojë. Unë nuk e di, por kam përshtypjen se është abuzim. Eshte abuziv lajmi që autorët kanë dalë jashtë shtetit.

Vrasja e Santos, Çako: Jemi në hetim

Ka një vrasje në 2014 që nuk është zbardhur, rasti i Artan Santos?

Çako: Është një ngjarje e cila vazhdon hetimi, në bashkëpunim me prokurorinë e rrethit gjyqësor të Tiranës. Vazhdon hetimi në pistat e mundshme që ne kemi ngritur Eshte nje grup i posacem qe po merret me kete ngjarje.

Kanë emra?

Çako: Dyshimi është dyshim, nuk mund te deklaroj emra, por ka versione të ngritura.

A janë dy personat me motor në kërkim?

Çako: Jemi në hetim për të identifikuar personat autorë.
Ministri ka thënë se për këtë çështje provat janë dëmtuar dhe se do të jetë shumë e vështirë zbardhja e kësaj çështje, për çfarë dëmtimi bëhet fjalë dhe jepni garanci se do të zbardhet kjo çështje?

Çako: Besoj mund ta kishit pyetur ministrin Tahiri për këtë çështje.

E pyta por nuk mora përgjigje për shkak se ai ishte shkëputur nga puna e policisë së shtetit.

Çako: Nuk kam koment.

Çako: Ka pasur edhe arrestime të punonjesve të policisë

Ka pasur lajme edhe në media për dekonspirimi edhe të uniformave blu, qëndrojnë lajme të tilla?

Çako: Janë proceduar shumë punonjës policie, në dy vjet mbi 2 mijë raste.

Ka pasur raste kur policët kanë dhënë informacion autorëve?

Çako: Ka raste të mosrealizimit të punës dhe detyrës.

Po raste ndëshkimi?

Çako: Sigurisht që ka pasur, ka pasur edhe raste arrestimi.

A është e lehtë të identifikohen

Çako: Ne jemi të vendosur të identifikojmë cdo efektiv policie që është pjesë e krimit.
Kush është krimi më I rëndë në Shqipëri?

Çako: Pesha e krimeve është e përcaktuar në Kodin Penal. Nuk mund të bëjmë klasifikim të krimeve. Krimet e rënda janë të përcaktuara në Kodin Penal.
Është e lehtë të luftohet krimi ekonomik, krimi I zyrtarëve të lartë..?

Çako: Vështirësi ka, sepse implikon edhe struktura të caktuara dhe e bëjnë të pamundur vënien përpara përgjegjësisë. Ne jemi të qartë në hetimin dhe në hetimin e aseteve kriminale.

Çako: Bashkëpunimi me SHISH dhe Prokurori, korrekte

Si është bashkëpunimi i policisë me SHISH, Prokurorinë?

Çako: Të gjitha institucionet kanë përgjegjësitë e vetë dhe kanë të ndarë funksionin që ato kryejnë. Policia e ndodhur përballë një nevojë për të përballuar veprimtari të shumta ka përballur një veprimtari të shumtë. Kjo lidhet edhe me nivelin e caktuar të Prokurorëve, por edhe me nevojën për të thelluar më tej hetimin, për ta cuar në Gjykatë. Ka raste që rezervojnë papërgjegjshmëri të oficervët gjyqësore, por edhe të prokurorëve.

Vrasja e deputetit Xhindi, Çako: Ngjarja në hetim

Vrasja e deputetit Xhindi…?

Çako: Kjo është një ngjarje e rëndë që ka vite që ka ndodhur dhe ka hetimet e veta. Ne jemi duke investuar për këtë cështje. Kemi ngritur një grup të vecantë ka edhe kjo element të hetimit përkatës.

Rasti i rrëmbimit të Stafukës..?

Çako: Vazhdojnë hetimet, është ende në hetim.

Operacioni antidrogë

Ka një çështje që është çështje e ditës. Operacioni I bujshëm. Ka riaktivizim të skafeve?

Çako: Kjo është një luftë që ka vite. Persona me precedent tentojnë ti shmangen policisë dhe tentojnë të shesin kanabis. Ne jemi në një bashkëpunim shumë të ngushtë me policinë italiane. Patrullojmë sëbashku kufirin bregdetar shqiptar, ndaj dhe operacioni I fundit janë pasqyrim i bashkëpunimit.

Çako: Në Lazarat nuk mbillet më drogë

Cfarë bëhet me Lazaratin?

Çako: Lazarati është fshati më i preferuar, qoftë edhe për pelegrinazh për shqiptarët dhe të huajt. Ka banorë që jetojnë dhe punojnë normalisht.

Policia aty është e pranishme?

Çako: Policia patrullon dhe I vihet në ndihmë komunitetit sin ë të gjithë zonat e tjera të Shqipërisë.

Mbahet ende në vëzhgim?

Çako: Jo nuk mbahet më në vëzhgim.

A solli rritje të krimit të brendshëm në fshat?

Çako: Ka një sërë analizash përpos ndryshimit të statusit të këtij komuniteti. Jam I bindur që përfituesit më të mëdhenj janë banorët e Lazaratit që tani nuk identifikohen më me gisht. Janë si gjithë të tjerët.

Mund të themi se në Lazarat nuk mbillet më drogë?

Çako: Po, nuk ka më drogë.

Operacioni i Dukagjinit Me Dukagjinin keni mbaruar punë?

Çako: Procedimi është cështje tjetër dhe kapja është punë tjetër. Ne jemi të angazhuar ti evidentojmë dhe ti kapim, por jot ë gjithë I kemi kapur.
Kjo droga që po transportohej në Itali, është sasi e re apo e vjetër?

Çako: Duhet të presim analizat, por nuk ka të re.

A janë shqetësuese apo agressive grupet kriminale?

Çako: Cdo grup ka rrezikshmërinë e vet për policinë, por kjo nuk përbën shqetësim dhe aq më shumë frikë për policinë.

Çako: Laboratori i Xibrakës, operacion i suksesshëm

Çako: Rasti i Xibrakës ishte një operacion i suksesshëm në bashkëpunim me policinë gjermane. Ai ishte një rast që u dokumentua, personat u vunë përpara përgjegjësisë ligjore. Të gjitha grupet kriminale kanë tendencën, synimin dhe vendin që mund ti shmangen policinë.

A ka rrezik për ndonjë laborator tjetër?

Çako: Nuk mund të konfirmoj, për punën e një studioje.

Droga me skaf në Itali, Çako: Autorët janë të identifikuar

Droga në Itali, janë të evuidentuar autorët?

Çako: Persona janë të identifikuar

Do të jetë e lehtë të kapen?

Çako: E lehtë nuk është asgjë, prandaj konsiderohet si profesion i vështirë.

A mund të flasim për celula mafioze në Shqipëri?

Çako: Nuk është shprehje që i përket kriminalitetit në Shqipëri. Ka grupe kriminale, ka një të vërtetë të madhe që shumë shqiptarë brenda dhe jashtë Shqipërisë kryejnë vepra kriminale në vende të ndryshme të Europës, por ne kemi bashkëpunim me autoritetet homologe.

Ku përfundon droga e sekuestruar nga policia

Çako: I nënshtrohet ekzaminimit dhe asgjesohen me vendim të gjykatës, e cila shprehet në vendimin që merr për asgjesimin me një komision të posaçëm.
Rreziku nga terrorizmi, Çako: Nuk jemi të imunizuar

A ka alarm serioz policia për sulme terroriste?

Çako: Një nga prioritetet është lufta kundër terrorizmit. Ne jemi të mbështetur nga SHBA. Është e vërtetë që një numër I caktuar shqiptarësh ka lëvizur ose është bërë pjesë e luftimeve në Siri. Legjislacioni shqiptar tani që është përputhur me atë të BE dhe SHBA për të vënë përpara përgjegjësisë personat që janë të përfshirë. Edhe Shqipëria nuk është e imunizuar nga këta persona. Kjo është edhe cështja ose prioriteti bazë. Ne kemi ngritur edhe njësinë e vecantë të antiterrorizmit.

A ka institucione të rrezikuara seriozisht?

Çako: Ky prioritet ka objektivat dhe njerëzit e vet që angazhohen në mënyrë të vazhdueshme për të siguruar institucionet, apo personalitetet që mund të bëjnë rriskun për ngjarje të tilla.

Çako: Byroja e Hetimit duhet të jetë në varësinë e policisë

Çako: Byroja e hetimit ka qenë një nga prioritetet e qeverisë, ne kemi punuar me ekspertë të huaj për të formatuar një strukturë që do të operonte në investigimin, por edhe rasteve të korrupsionit të nivelit të lartë. Janë krijuar disa drafte që mundësonin ngritjen e Byrosë që do të funksionon në bazë të policsë, por edhe nën mbikqyrje të vazhdueshme nga Prokuroria.

Duhet të jetë një varësi nga policia, si do të zgjidhet pjesa e hetimit?

Çako: Në mendimin tim kjo strukturë duhet të jetë në varësi të policisë, sepse do të bëjë të domosdoshme hetimin. Çdo varësi tjetër nuk do të mundësonte gjurmimin policor.

ORA NEWS