Në pranga banda e drogës dhe prostitucionit, vepronte në Tiranë dhe Elbasan

[Albo]

Operacioni "Eskort", Arrestohen 13 persona për drogë dhe prostitucion, mes tyre 3 femra dhe 2 turq



13 persona janë arrestuar për trafik droge dhe prostitucioni, mes tyre tre femra dhe dy shtetas turk. Operacioni i koduar “Eskort” u zhvillua në Tiranë dhe në Elbasan, ku në cilësinë e provës material u sekuestruan 2 kg lëndë narkotike e dyshuar “Cannabis Sattiva” , 16 doza “Heroinë”, 10 telefona celulare dhe 3 automjete.
“Nga ana e Drejtorisë Vendore Policisë Tiranës, më konkretisht nga ana e Sektorit të Narkotikëve dhe Trafiqeve, janë arrestuar 13 persona për “Prodhim dhe shitje lëndësh narkotike” si edhe “Shfrytëzim dhe ushtrim prostitucioni”. Më datë 20.01.2016, u finalizua operacioni ” ESKORT” ku u godit një grup kriminal që organizonte shërbimin eskort dhe prostitucionin në qytetet Tiranë dhe Elbasan”, thuhet në njoftimin e policisë.

Në kuadër të këtij operacioni u arrestuan shtetasit:

1. Silvana Nexhipi

2. Ambra Isaku

3. Xheje Dunga

4. Franko Dervishi

5. Eglantin Kapo

6. Selcuk Kayashtetas turk

7. Mehmet Ozgunoglu shtetas turk

8. E.Y

9. E.B.

Shtetasit e mësipërm u kapën pas një procedimi penal të nisur me herët nga ana e policisë së Tiranës.

Gjithashtu u arrestuan shtetasit:

1. Ervin Tanku

2. Hasan Kurmeta

3. Jonid Jace

4. Kevis Abazaj

Si dhe u sekuestruan 2 kg lëndë narkotike e dyshuar “Cannabis Sattiva” , 16 doza heroine 10 telefona celulare 3 automjete.
Materialet i kaluan Prokurorisë së Rrethit Gjyqësor Tiranë.

ORA NEWS

[Vinjol]

Një grup kriminal, që organizonte shërbime eskortë me prostituta të luksit në Tiranë, është goditur nga policia e kryeqytetit, mbrëmjen e së mërkurës.

13 persona, që ushtronin aktivitetin në Tiranë dhe Elbasan, janë arrestuar, në kuadër të operacionit “Eskortë”.

Në një hotel pranë Saukut janë arrestuar 3 vajza; Silvana Nexhipi, Ambra Isaku dhe Xheje Dunga, 2 persona që dyshohet si drejtues të rrjetit të prostitucionit, Franko Dervishi dhe Eglantin Kapo, si dhe 4 klientë, të gjithë turq.

Katër personat e tjerë; Ervin Tanku, Hasan Kurmeta, Jonid Tace dhe Klevis Abasaj janë arrestuar në disa lokale nate në Tiranë e Elbasan.

Burime të policisë thonë se, ky rrjet i shfrytëzonte vajzat kryesisht në hotelet luksoze të kryeqytetit dhe çmimet varionin nga 100 euro për çdo klient, deri në 500 euro për orgji.

Gjatë operacionit u sekuestruan 2 kilogramë kanabis, disa doza heroinë dhe tre autovetura.

Policia thotë se, në këtë rrjet dyshohet të jenë përfshirë edhe persona të tjerë dhe se hetimet po vazhdojnë për zbardhjen e plotë të këtij aktivitet.

Tv Klan